العصر بصري څانګه

2022-01-25 17:04:50 وخته.!

وخته تر خپل وسه پـورې هر چا ځورولي یو
مونږه یې پـه سترګو د دښمن باندې کتلي یو

چیرته وو پیرزو د نړۍ دا نظام په دې خاوره
دې ځای تـه پـه زور د قـربانـیـو راسیـدلي یو

څو ځله مو پرې کړله دژوند بیه په لوړقیمت
مـوږ پـه یـوه دغـســې اغــزنــه لار راغلـي یو

کړل مو تاریخونه را ژوندي په منصوري عزم
مخامخ د دار پـه سـر وَ مرګ تـه خندېدلي یو

ګـورو د یـو چـا د تـکــو تـورو سترګـو امـر ته
ښه پوهیږو نـه وایـو څه ځکه داسې غلي یو

اوس به هم په ډیرو مستغفر ګربزه بـد لګوو
اوس به هم د ډیرو پـه نظر باندې ښاغلي یو

مستغفر ګربز باز کردن / نظر دهید

2022-01-25 17:04:08 حمد شریف

خیال مي راډک له معرفت شي نورنو توی شي رانه
ماکي بس دومره ظرفیت دی خپه کیږې به نه

ستاپیژندل دي ضروري خودومره نکیږي نو
شان دي بیخي له موږ اوچت دی خپه کیږې به نه

ستاپه صفت باندي فقط دځان صفت کومه
یوخومي دغه بدصفت دی خپه کیږې به نه

توبه توبه ده بیابه نکوم خوبیاهم ؤشي
دامي دعجز حقیقت دی خپه کیږې به نه

کوم یوکافر غلام به ستاپه شان بادارخپه کا
بس بدبختي ده حماقت دی خپه کیږې به نه

زه په ګناه نه ستړی کیږم ته بښنه باندي
عجیب طغیان عجیب رحمت دی خپه کیږې به نه

حق مي دي ندی اداءکړی خومنلی مي دی
ماکي بس دومره حقانیت دی خپه کیږې به نه

چي یي دستاغزل په خپل نوم باندي ونوماوه
منعَم په دې هم ملامت دی خپه کیږي به نه

قاري خالد منعَم باز کردن / نظر دهید

2022-01-24 19:47:15 ټـــکــری

که عنعنه ده که پرده ده ټکری،
ګوره پر سر مي ښایسته ده ټکری،

په درنه نه یم خو درنه ښکاریږم،
زما عادت زما پېشه ده ټکری،

دبدو سترګو دبځرو مخته،
هري ګرمۍ ته مي سایه ده ټکری،

ته په شمله کي پت عزت یادوي،
زما عزت لکه شمله ده ټکری،

که لوپټه که په پړوني یاد شي،
دپت پښتو مي نښانه ده ټکری،

لکه په پاڼو چي ډنډر پټېږي،
پر تن مي بڼه زر غونه ده ټکری،

(زاهده) خوندي دي سرتوري مه شه،
هم ئې خیمه هم ئې ګېڼه ده ټکری،

حنیفه زاهد باز کردن / نظر دهید

2022-01-24 19:46:28 هېواد مو:

سـپین طالب زلـمي نیـــولی دی پـه غېږکې
اســتقلال یــې بــیـا ګــټـلی دی پـه غـېږکې

ســپینې واورې یـې لـمن څــاري ده غـرونو
ګران هېواد مو بیخي ښکلی دی په غېږګې

ازمــــایــلــو  تـه د مـــټــو  ډېــر  لــېـوال ؤ!
بـاغـي وخــت یـې څملولی دی په غـېږ کې

دا ده پـــاکـــو شــــهــیدانـــو بـــرکــــت دی
چــې خــندا تــه رســېدلی دی پـه غـېږ کې

تـاریـخ وه ګــورئ چــې څــه ورسـره شوي
چــې هــر چـاتـه ورغــلی دی پـه غـېږ کـې

ده خــنــدا بـشـپـړ پــــورونــه یــې ورکـړي
لـــه کلــونــو ژړېـــدلی دی  پــه غــېـږ کــې

(جـهادي) لـه خــطـر نــاک نــاوریـن وتــلـی
زور او ظـلـم یـې وژلـــی دی پــه غـېـږ کې

جهادي عمري باز کردن / نظر دهید

2022-01-24 19:45:56 رب ته یې سر په سجده ایښي اولسونه پراته.
په سپین تندي یې دسپېرو خارو ګردونه پراته.

دا آزادي ده برکت دځواني مرګ طالب جان.
چې یې تراوسه زموږ په زړه درانه غمونه پراته.

دا امارت یوامانت راسپارل شوی دی نن.
اوس دي  پر سر زموږ درانه مسئولیتونه پراته.

افغانستان د زمرو ځاله څوک ترے تللی نشي.
دلته د ډیرو ککری وراسته هډونه پراته.

څوک چې ازغي راوړي وروړو به موږ ازغي په بدل.
چې سره ګلان راوړي زموږ هم ورته ګلونه پراته.

موږ دملت دغم زپلي زړګي قدر کوو.
لاس په سینه ورته په خولو مو سلامونه پراته.

طلحه د هغو فدایانو دې جنت مسکن شي.
چې په ورېښمین نازک بشر یې وو بمونه پراته.

طلحه باز کردن / نظر دهید

2022-01-24 19:45:29 ګل اوسې ګلزار اوسې ودان اوسې
امن امنیت باندې سمسور اوسې
نور دې دا بهار الله خزان مکړه
تل د حریت اخوت کور اوسې

نور دې ګل نه ښکلی حسن ړنګ مشه
نور دې زړه خزان باندې بدرنګ مشه
خلاص دې کړه د غم له خاموشیو رب
تل اوسې بهار او تل په شور اوسې

لنګ دې وو په غیږ کې د ظلمت شیطان
اور وو لګولی د وحشت شیطان
هر کور کې غمونه وو ویرونه وو
نور ددې غمجنو زړو ټکور اوسې

ستا په ازادي دې رقیبان سوځي
نن ټول دښمنان ټول ګوڼډیان سوځي
تل دې رب له هر شر په امان لره
تل د هر دښمن په زړه کې اور اوسې

هغه خیانت ګر وطن فروشان ړانده
هغه د فوتین د ټرمپ بچیان ړانده
غیږ کې دې رسوا شوه شرمیده شوله
سپینو ته تل سپین تورو ته تور اوسې

ته زمونږه پلار زمونږه مور یې زار
ته زمونږ د مینې مینې کور یې زار
ته د عابر ژوند او د وجود ساه یې
ته یې د زړګي په دنیا خور اوسې

حماس عابر باز کردن / نظر دهید

2022-01-24 19:44:27 ده وحیو راتله وه نزول دقرآن وو
گلان صحابه وه اَوگل گل جانان وو
اَغازپه حرم کې دستررحمت وشو
دیوبل ژوندپَیْل وو یوبل رنگ جهان وو

صدیق اَوعمر وو حیدر ووعثمان وو
ښاردمدیني وو دبلال آذان وو
څه جنتي وخت وو دحجازپه زڔه کې
گران رسول الله ووڅه ښکلئ دوران وو

راټول یې په جمعه دعشق فتنگان وه
مل ټوله عشاق یې دبخت دکاروان وه
مسجدنبوي وو راټول مقتدیان وه
اِمام دمحراب نبي آخیرزمان وو

کوڅې دمکي وی فضاده اَنوارو
عجیبه منظروو لیدل ده اسرارو
دکیف اِنتها اِقتداده دښکلاوه
دزڔوپراَسمان پورته لمرده ایمان وو

ظلمت ترۍ تم وو هرخواعدالت وو
دزمکې له مخ څخه ورک جهالت وو
دمیني دنیاوه معدومه نفرت وو
دزڔونوسکون وودزڔو إطمنان وو

شیبې دژوندون به مې ټوله زیباوای
ځـماخوارنصیب چې هغه وخت پیداوای
یامیشت دحبیب ده روضي سره تل وای
نوربه مې رحماني آشناڅه اَرمان وو

قاري رحماني آشنا باز کردن / نظر دهید

2022-01-24 19:43:56 اولسه

اولـــسـه مـطـمـــئن ســــه وفـــــــادار دی امارت
همیش دی په خدمت کی لاس په کار دی امارت

هـرکار واهـل کــار لــره ســـپارل یــې پالیسي ده
تَـعَـــــهُّد وخـــپلو ژمــــنوتــــه تـــــیار دی امارت

داتـــیره شــل کلــنه لانجــه غـــواړي حل اوفصل
اصــلي هـدف تــه رســي بــس پــه لار دی امارت

داهــسي په نامه بشردوســتان مو تـیر نه باسي
له هــرچــانــه والله ډیــرمـو غمــخوار دی امارت

پــرون چي یې داسـتا حـیاء سـاتله له اشــغاله
نـن هـــم دی پـــه دفــاع کــی بـرقـرار دی امارت

چی یوشو:سعیدمله:هرڅه کړای شو خپل هیوادته
داځـــکــه چـــي پـــرســــرداقــــتـدار دی امارت

سعید مل باز کردن / نظر دهید

2022-01-24 19:43:08 التجاﺀ

آخره زمانه ده خاتمه مو په اېمان کړه
غفور الرحيم ذاته رامعاف واړه عِصيان کړه

منو چې عبادت مو د عادت رنګ دى اخيستى
دا ستا رحم، کرم راسره مل په هر زمان کړه

عاجز يو او ستا لُور ته ګرځېدونکي يو څښتنه
نجات راته په برخه هم له لومو د شيطان کړه

موږ ستا د نعمتونو د شُکران قابِل هم نه يو
خو ستا په بنده ګۍ کې مُستغرِق مو په هرآن کړه

ټولي د انبياوو، صالحينو، شُهداﺀ کې
راجګ مو ذوالجلاله هم په ورځې د مېزان کړه

د قبر له تيارو او د دوزخ له عذابونو
جواد وايم محفوظ ترېنه په نوم هر مسلمان کړه

جواد وردک باز کردن / نظر دهید

2022-01-24 19:42:01 وطنه

وطنه ابادېږې ابادي دې په نصيب شوه
بريا دې مبارک شه ازادي دې په نصيب شوه

اوس خپل اصل مالِک ته پاک سبحان ته وسپارلې
نړيوال شوله په تېښته خپلواکي دې په نصيب شوه

افغان غيور ولسه دسکون ساه به نور واخلې
له ډېرې مودې وروسته خوشحالي دې په نصيب شوه

دنړۍ دزبر ځواکــو او دغــرب دځناورو
ټغر ټول شولو بس نوره ورورولي دې په نصيب شوه

تعلېم او په تربيه به دې سمبال واړه بچيان کړم
دنر طالِب دانره بادشاهي دې په نصيب شوه

داځل دسپين بيرغ محمّٙدِي تر سيورې لاندې
زما غازي ولسه زندګي دې په نصيب شوه

دا احمــدالله وفـا دقربانيو برکــــت ده
چي مات دنړۍ ځواک شو کاميابي دې په نصيب شوه

احمـدالله وفـا باز کردن / نظر دهید