t.me/doctoristishara

2021-08-17 15:41:16 باز کردن / نظر دهید

2021-08-17 15:40:50 ٢٠ شغله لا تسويها بعد الولاده
١. لا تتوقعين ابدا انه الامور راح تمشي مثل ما مخطط لها
ممكن انه ماكو اي قانون طفلك راح يمشي عليه
حاولي انت قدر الامكان
بس النتيجه مو الا تكون مرضيه
و حتى تكون مرضيه لازم تصرين على موقفك
و تذكري اساس التربيه هي الروتين
٢. لا تكثرين الزيارات المنزليه
اعتذري عن الزيارات المنزليه او اقبلي باعداد قليله من المباركين و المهنئين
و السبب واضح للمحافظه على الطفل من الجراثيم
و لاعطائك الوقت الكافي من الراحه
و حتى تتعرفين على طفلك اكثر
٣. لا تنسين انه تاكلين و تشربين
و اكلي اكل متوازن صحي غني بالفواكه
لا تستعجلين بالريجيم
ينزل الوزن ينزل
و الحليب يحتاج الى اكل و شراب جيد
٤. لا تاخذين كل الامور على عاتقك
بالاخص اذا عندك احد يساعدك
حلو هذا التقليد و راقي مال ام اللي والده جديد تهتم بيها
ما بيها شي
اطلبي معونتها
بس لا تاخذين ارائها اذا كانت من الاراء القديمه الباليه مال الثوم و سكر الكلوكوز و الكحله و هاي السوالف
المهم نكمل
٥. لا تخالفين امر طبيبتك النسائيه او طبيبك للاطفال بخصوصك او فيما يخص طفلك
طبيبك ما يريد الا الافضل الكم
٦. لا تغادرين المستشفى مبكرا الا ينسمحلك بالخروج
بعمليات زوجتي اتذكر الا نسال طبيبتها يلا نخرج من المستشفى
و لا مره خالفنا اوامرها
٧. لا تنسين تسالين كل الاسئله
جيكي فيتامين k اخذه طفلك ؟
ابدي فيتامين دي من اول يوم
و طهري الولد باول ايام بعد الولاده
و سوي فحص الغربله
و وديه لطبيب اطفال يفحصه باول ايام
و روحي لقحي الطفل
و غيرها من اجرائات الوقايه
اللي ياما نصحتكم بيها
٨. لا تتحرجين من طلب المساعده
زوجك والدتك اختك
اي احد متوفر
ما بيها مشكله
انت محتاجه الها
٩. لا تنظفين البيت ( )
لا تجهدين نفسك
انت بحاجه للراحه
انتظري شويه شويه و تلحكين على بيتك
١٠. لا تغيرين كورسات العلاج اللي كتبته طبيبتك الك
و لا تنسين تاخذين مسكناتك
١١. لا تتمادين بالكمال
ماكو شي كامل
الكمال لله وحده
ما راح يتم كلشي كامل
تمهلي
١٢. لا تكونين غير مستعده
يعني ما معقوله ما عندك محرار او مرهم حفاظات وقائي للطفل
ما معقوله ما عندك كل احتياجات الطفل
كوني مستعده
لا تكونين غير مستعده لتشقق الحلمه اللي يصير بعد ما طفلك يرضع منك
منزل بوست عن هذا الموضوع بالصفحه
١٣. لا تخافين من البجي
عادي جدا انه راح تبجين و تخافين و ترتعبين من المسؤوليه الجديده
عادي جدا يصير عندك بعض الاكتئاب
١٤. لا تسكتين عن حقك بحمايه طفلك
مو تشوفين عمتك مخليه ثوم لطفلك و تسكتين و يصعد ابو صفار و يكتله للطفل
مو تشوفين طفلك رجليه مربطه بالكماط و تكولين اي شكو بيها تعدل رجليه
و هو عامل خطوره للاصابه بخلع المفصل
مو تشوفين الكحله بعينه و تكولين الله حلو ابني
تره و الله ما حلو و تقتل برائته و هذا عدا التسمم بالرصاص اللي يسويه
مو تشوفيهم يعصرون صدره و تسكتين
لان ممكن يؤدي الى خراج و المتضرر انت و طفلك
١٥. لا تهملي نفسك
انت المتعبه بال ٩ اشهر اللي مضت
ارتاحي قدر الامكان
من يتوفر وقت
الطفل السعيد هو اللي امه سعيده
١٦. لا تهملي طفلك
ما عليك بكلام فلانه و علانه من تكولك لا تشيلين طفلك يتعود
و خلي يتعود
الطفل يحتاج للحمل و الحب مثل ما يحتاج حليب امه
١٧. لا تنسين الصور
الكثير الكثير الكثير الكثير من الصور للقطات لا تنسى
١٨. لا تشككين ابدا بقابليتك كام لطفلك
تحملتي اللي تحملتي علمود طفلك
و انت الام المثاليه راح تكونين
الامهات يعرفون اللي يسووه باغلب الحالات
١٩. لا تنسين هذا البوست و خزنيه يمك و اقريه كلما ضجتي
٢٠. لا تنسين هذه الصفحه
اقريها يوميا
اعرف صارلها سنتين تقريبا
و طرحت بيها الكثير من المواضيع
بس صدكيني يوميه الاف المرات يجيني اشعار على اول بوست نزلته بالصفحه
يعني امهات تقرا و تقرا و تقرا
ابدا ماكو شي اسمه متاخره
و هذه الصفحه تختصرلك الكثير من امور التربيه
جهدت أكتبها من خبره ١٥ سنه من قراءه و دراسه طب الاطفال
د. سيف سمير البياتي
اخصائي طب الأطفال باز کردن / نظر دهید

2021-08-16 22:16:52 خطيه ضعفان و مصوفر و وجهه ذبلان !
شنو ما تنطوه اكل !
انت تشوفيه زين و دا ياكل و يلعب و يتحرك و اكله زين
بس لازم احد يتدخل و يكولك هذه الجمله
من تسمعيها و تصدكيها
قيسي وزن طفلك ويه طبيبك
افهمي منه هو طبيعي لو لا
اول سؤال اسئله للام بالاطفال اللي عمرهم اقل من سنه
و الاطفال اللي جاييني علمود قصر القامه
هو وزن الولاده شكد؟
اكو ام تولد وزن طفلها 2 كيلو و بعمر الشهر يصير وزنه ٢٦٠٠ و نفرح بيه
و اكو تولده ٤ كيلوات و بعمر الشهر وزنه ٤٢٠٠ و نظل نفكر ليش هذا فشل النمو
رغم بعمر شهر هذا ٢٦٠٠
و هذا ٤٢٠٠ !!!!
اعرف انصدمتي
هذا الفرق ممكن يستمر للسنه او السنتين هذا الفرق
.
.
عامل اخر طول الام و الاب شكد
هي مو مقارنه ويه ابن خاله الطفل لان اسمن و بس
هوايه عوامل تدخل بالموضوع
و اوكي فعلا الوزن قليل و ما يزداد
شنو اسوي؟
راجعي طبيب و مو مراجعه وحده
تابعي النمو وياه و راقبيه على خطوط النمو
ممكن يدزه تحاليل و المهم هذه يم طبيبك ما نتدخل بيها
بعدين ابدي :
1. اكل صحي بعيد عن السكريات و المشروبات الغازيه
2. نوعي التغذيه اطلقي الابداع اللي بداخلك و اصنعي اكلات جديده
3. الاكل اللي انت تطبخيه اله تذوقيه ؟
يعني طيب
سويه طيب اله
4. قللي الحليب بعد عمر السنه
ما ننكر فضل الرضاعه الطبيعيه بعد عمر السنه
بس بعد عمر السنه لازم ياكل
ما اكل نقلل الرضاعه طبيعي او صناعي
الحليب الصناعي اسهل و قانونه هو مرتين فقط يوميا
5. مقويات و فيتامينات و اخذناها من الطبيب بس مو ننطي مقويات و نشرب الطفل سكريات او عصير
نقلل الاكل الغير صحي
6. زيدي الطاقه اللي بالاكل
الرز مثلا
الشوفان
زبده الفستق رائعه
الجبن مثال اخر
و انزل بوست عن الاغذية الغنيه بالطاقه قريبا
بصورة عامه طعام الاطفال محتاج جهد
مو محتاج مقويات و مشهيات و تسمين كأنما فد شي يسمنوه حتى يذبحوه ع العيد
محتاج الطفل يكون مستلذ بالاكل
محتاج وعي بمدى سوء النستله و الجبس و الكيك الجاهز و الحلويات و العصير و المشروبات الغازيه و كثره الحليب اكثر من مرتين بعد عمر السنه
ديروا بالكم عليهم
د. سيف سمير البياتي اخصائي طب الاطفال باز کردن / نظر دهید

2021-08-15 22:00:38 تشكي الكثير من الامهات من فوضى التدخل بالقرارات
تمنع الجبس و الكيك يجي الجد او الجده محملا بما لذ و طاب من باب حب او تدليل
تمنع الام الموبايل يبجي الطفل بعد 5 دقايق الطفل بيده تلفون الجده
بس فكر ويايه مبدا اكراه الطفل لوالدته بالساعه اللي يجيها يمك مو صحيح
الطفل بالاخير راح يرد لامه اللي مسؤوله عنه ٢٤ ساعه الا ساعه و ٧ ايام اسبوعيا و ٣٦٥ يوم
نفس الشي بالنسبه للاباء
يرجع من العمل جايب و محمل الحلويات و الجبس و العصير الخاليه من كل قيمه غذائيه و مدمرة للمناعه هادما كل ما بنته الام من حزم و شده
تهز صورتها كدام ابنها
و انه بالاخير و اذا امي ما تنطيني فلان شي فوالدي موجود و هو راح يكسر كلمتها
و راح يظل الطفل بهذا الحال لا راح يسمع كلامها و لا راح يسمعك كلامك
لا راح يحترمها
و لا راح يحترمك
هالمره اقف و بشده مع كل الامهات
لان كاعد يتعبن لاجل تنظيم الطفل و تعليمه على حالات ايجايبه
لياتي الاخر و يهد ما بنته بتصرف خاطيء
خليكم وياها
و اسندوها
بالاخير هي تفعل ذلك لمصلحه الطفل
اكيد اكو استثنائات و امهات ما تعرف مصلحه اطفالها بس الاغلب مثل ما اسلفت
د. سيف سمير البياتي اخصائي طب الاطفال باز کردن / نظر دهید

2021-08-14 16:13:35 اليوم البوست صغير و خفيف
اليوم البوست عن الاطفال اللي تاكل كميات صغيره
قبل ما نبدي يعني شكد صغيره؟
حجم المعده هو بقدر حجم قبضه اليد مسدوده لذلك إجبار الطفل عن أكل اكثر من هذا الحد يؤدي الى السمنه و كرهه للأكل
ثانيا اذا اكو باليوم الواحد قطعه جبس او قطعه شوكولاته مهما تكون صغيره او علبه عصير او اكثر من مره حليب فلا تكمل البوست لان عندك السبب اللي يملي معده الطفل
هسه نروح للحلول:
1. بمكان ٣ وجبات او وجبتين ننطي ٥ او ٦ وجبات صغار
2. ماكو مبدأ اسمه الجبر اذا الوزن و الطول طبيعي لان راح يكره الاكل و يكرهك
3. الأهم من الكميه هي النوعيه فخلي الوجبات متنوعه بالعناية الغذائيه
ما يحب الا تمن ابيض اوكي اسلقيه بماء اللحم
ما يحب اللحم ضمي اللحم ضمن الاكلات
و غيرها من حيل الطبخ اللي اشوف زوجتي تسويها و المفروض حضرتك تعرفيها و ما أكدر اعلمك عليها
4. الأطباق الكبيره المليانه انسيها قدمي اطباق صغيره و اذا كمل و طلب زيدي ثاني
5. التشجيع مهم بدون المبالغه بالتشجيع
مثلا الله كملت نص الصحن الأسد يكدر ياكل كل الصحن
او عفيه يا حبيبي يا بطل يا سبايدر مان كملت ربع الماعون
ثاني يوم هو راح يتحفز يكمل اكثر
6. المبالغه بجمله ( ما ياكل ) كدام الطفل تكسر نفسيته و تخليه صدك ما ياكل
اذا ما اكل كأنما اني ما شفت و لا تهتمين
يجوع و بعدين ياكل
او يعوض بالعشاء
او حتى ثاني يوم
7. كوني ام ببساطه
اعرفي احتياجات طفلك
و تأكدي انه ما دام وزنه و طوله ضمن الطبيعي
ما الح على الطفل و لا ابالغ بسقف توقعاتي
د. سيف سمير البياتي اخصائي طب الاطفال باز کردن / نظر دهید

2021-08-13 15:40:31 طفلك يبجي هوايه
مثل ما نكول بالعراقي بس يئن او يوون
حزين و كئيب و بس يبجي
خلينا نتقدم مباشر و نروح للاسباب !
ليش الطفل يون او بس يبجي او يلح ؟
دكتور ما اشتريتله ايس كريم و ظل ينوح ارررريد ارررريد
شنو اسوي ؟
كلشي جربت
الاهمال العقوبه الضرب
و كلش ما يفيد
خلي نروح نكمل البوست بلكي تلكين بيه نتيجه
نرجع لنقطه ليش يلح هلكد ؟
١. يحتاجون للمساعده
مهما كبروا الاولاد راح يبقون يحتاجونا
فكر ويايه من يبدي الطفل يتحجج
جوعان؟
نايم زين ؟
تعبان؟
بردان ؟
اذا عرفت الاسباب ممكن تعالجها و ينتهي الموضوع
2. يحتاجون للتواصل !!
اي نعم ما يعرفون غير طريقه احجي وياهم ممكن مجرد يريد يسولف
3. للتعبير عن مشاعرهم
ممكن محبط او متضايق او يشعر بالتعاسه
مكان ما تعاقبيه ممكن جدا تفتهميه
4. مزاج الاطفال رقيق و متقلب يتراوح باليوم كم مره
ممكن من يشوف نفسه يمر بفتره عصيبه يلح اكثر و يبجي اكثر
5. هنا اعتب عليكم بيها
لو مررتوا طلبهم بمره وحده و بعد ما الحوا و تحججوا راح تنطيهم انطباع انه هو هذا الطبيعي و انه طلما يتحجج و يئن اكثر كلما يحصل مبتغاه اسرع
.
و العلاج
اول وحده اعرفوها
العقوبه ما تفيد ابدا و لا راح تفيد بشي و بالعكس راح يزيدون الجرعه على المره القادمه
اهم نقطه بعلاج الونين و البجي و الملحه هو ان لا تخضع ابدا اله
هذا راح ينطيهم درس للمستقبل انه الونين ما يفيد و ما راح يحقق اي شي يريده
ثالثا تصرف و كانك مدا تشوف الونين
سولف ويه نفسك او ويه زوجتك
ابدا انت مدا تشوف الونين و الملحه و لا تباوع على الطفل و تصرفاته
بالمقابل من الطفل هاديء و جميل انطيه طاقه ايجابيه شجعه لانه هاديء لانه لطيف لانه يضحك
تواصل ويه طفلك ولو ١٠ دقايق
احضنيه و سولفي عن اللي يحبه و يكرهه
سوي انت وياه كيكه و سولفوا عن الطموحات
خليه قريب منك
و تاكدي بتطبيق هذه الخطوات راح يتغير للاحسن
د. سيف سمير البياتي
اخصائي طب الاطفال باز کردن / نظر دهید

2021-08-12 10:58:40 بعد السنه ابدوا وكلوا اولادكم كل شيء صحي
العصير و الجبس و النساتل و الحليب الزايد مو غذاء و لا بيه اي قيمه غذائيه و لا راح تنطيهم اي مناعه
لا تكولين ما ياثر مره بالاسبوع
لا يؤثر و يؤثر جدا
الخضروات و الفواكه و اللحوم و الحبوب مركز للمناعه
المناعه ما تنباع علب بالسوك
المناعه تكتسب بالاكل الصحي و النوم الوفير
هوس البعض من الاهل بالفيتامينات و المشهيات صاير مبالغ بيه
طفل طبيعي
جميل
حبوب
لطيف
اريدله مشهي ليش ؟
اريدله مقوي ليش !
تحس معده الاطفال صايره صيدليات مو معدات لهضم الطعام
فقر الدم بالعراق كارثه
و السبب انتوا
كل اكله تنطيها لطفلك فكر بكميه الحديد اللي بيها
اللحم و البقوليات و الخضروات مهمه و مهمه جدا كاول اكلات للطفل بعمر ٦ اشهر
خرافه بيبي مال اللحم يسوي دود مضحكه جدا و مال وحده عجوزيه ما تريد تطبخ لحم لاولادها
تحب طفلك؟
شكد ما تحبه لا تشتريله عصير
شكد ما تحبه لا تشتريله كيك جاهز و جبس
شكد ما تحبه لا تكثرله الحليب بعد السنه
هذا فرط صرف العصير و الاكل الفارغ من كل شي صحي بصراحه اهمال مو اهتمام
شنو معناها طفل عمره سنتين و نسبه دمه ٥ و اكله الوحيد هو مميه الحليب ؟
هذا حب ؟!!!
اهتمام؟
و من اسال الام تكولي مو ما يقبل يترك الممه !!
يعني على اساس القرار بيد الطفل
اهتموا باكلهم مثل ما تهتمون بنفسكم
ما تكدرين تفطمين و لا تكدرين تسوين اكل لطفلك محد جابرك تسوين طفل و لا اصلا احد جابرك تتزوجين !!!!!!
جديات وضع الاطفال الصحي اذا يبقى بيد هيجي امهات و اباء فهو سيء سيء سيء سيء
د. سيف سمير البياتي اخصائي طب الاطفال باز کردن / نظر دهید

2021-08-10 19:31:26 #تربية_الاطفال

حل مشاكل الطفل

باول سنوات الطفل ، يكون معتمد بشكل كامل على الاهل ، وتدريجيا يبدي ينسحب ولازم نراعي هذا الانسحاب ومنچلب بي
يعني من يريد ياكل ننطي فرصه
من يريد يغسل ننطي مجال
وكذلك نشجعه بان ننطي مهام هو يسويها وتكون مهمه بسيطه جدا
مثلا غلق الباب

ثم تبدا بالتدريج تصعب
فمثلا على عمر 3 سنوات
3 ونص
يبدي الطفل يعتمد على نفسه باغلاق ازار الملابس
سد السحاب
لبس الجاروب والحذاء
وبالتدريج الى ان يتمكن من ارتداء ملابسه كامله

وبعدها نبدي ننطي مجال لان يحل مشاكله الخاصه
ومنركض نحلها اله
طبعا جدير بالذكر اول مشكلة حتواجه الطفل هو من يمشي ويوكع، كلش ماله داعي تركض تكومه عادي جدا تخلي هو يكوم

وراها المشاكل حتبدي تظهر بشكل اقوى من يدخل المدرسه
من يجي يكول فلان قلد عليه
فلان ضوجني... الخ
اسوأ تصرف يتصرفه الاهل هو تدخلهم المبالغ بي
مثلا تنتفض الام / الاب وتكول له خل يووووولي اله باجر انقلك لاحسن من هالمدرسه تسواها وتسوى طلابها

من اسوا انواع الحلول هو الانهزام من المشكله وعدم مواجهتها وحلها
هذا حيجر الطفل مره على مره ان يصير شخص انهزامي وكل مشكله تواجه يفررررر هاربا

وخصوصا من يتزوج مجرد يحس ماكو توافق او المسؤلية صعبه ينهززززم
من يدخل شغل ويحس صار ضغط ولود... ينهززززم
وهيج يتحول الى شخص فاااااشل غير قادر لا على حل مشاكله ولا حتى على امتلاك ابسط مقومات الحياة السليمه

طبعا اكو تحب تذب الصوج وتكول المجتمع هو تعبان ومو خوش ناس
ما ننكر هو تبعان , بس الموزين موجود بكل مكان ولازم الطفل يتعلم يتعامل مع كل اشكال المشاكل
ومو كل مشكله حلها الهرب
صح بعض الحلول يكون هو الانعزال وعدم الاختلاط بس ما معقول تكضي الحياة خاتل ...

لذلك نصيحه اليوم في بوست تربية الأطفال
لاتركض لحل مشكله طفلك .. انطي مجال ، ناقش، فكر ، اطرح حلول، وخلي هو يحل المشكلة

د.اسماء اسماعيل البدري باز کردن / نظر دهید

2021-08-09 16:43:31 انتهى الجدل: يحصل الملقحون على ضعف المناعة التي تنتج عن الاصابة

( يعني "بالعراقي" المناعة الي تجي من التلقيح احسن بمرتين من المناعة الي تجي من الأصابة)

يقول مدير مركز السيطرة على الأمراض: "إذا كنت قد أصبت بـ كورونا من قبل ، فأحرص على الحصول على التطعيم"

غير الملقحين أكثر عرضة لتكرار الأصابة

وجد الباحثون أن البالغين غير الملقحين الذين أصيبوا سابقًا بـ كورونا كانوا أكثر عرضة للإصابة مرة أخرى بالعدوى من أولئك الذين أصيبوا سابقًا ولكن تم تطعيمهم بشكل كامل أيضًا.

وجدت دراسة الحالات والشواهد في ولاية كنتاكي أن خطر الإصابة بحالات COVID-19 أعلى بأكثر من مرتين بين البالغين غير المحصنين المصابين بعدوى سابقة مقارنة بنظرائهم الملقحين بالكامل ، حسبما أفاد الدكتور أليسون كافانو ، من مركز السيطرة على الأمراض ، ( سيتعد الدكتور كافانو وزملائه لنشر طبعة مبكرة من التقرير الأسبوعي للامراضية والوفيات).

الحصول على اللقاح هو أفضل طريقة لحماية نفسك والآخرين من حولك

الجدير بالذكر أن البيانات كانت من مايو إلى يونيو 2021 ، قبل التقارير التي تفيد بأن متغير دلتا أصبح السلالة السائدة في الولايات المتحدة.

وقالت روشيل والينسكي ، مديرة مركز السيطرة على الأمراض والوقاية منها ، في بيان: "تظهر هذه الدراسة أنه من المحتمل أن تصاب بالعدوى مرة أخرى بمقدار الضعف إذا لم يتم تلقيحها". "الحصول على اللقاح هو أفضل طريقة لحماية نفسك والآخرين من حولك ، خاصة وأن نوع دلتا الأكثر عدوى ينتشر في جميع أنحاء البلاد."

وأضافت مجموعة كافانو أن الدراسة لا تشير فقط إلى أن عدم التطعيم مرتبط باحتمالية أعلى للإصابة مرة أخرى ، ولكن "التطعيم الكامل يرتبط بانخفاض احتمالية الإصابة مرة أخرى" بين المصابين سابقًا.

وأشاروا إلى أن الأدلة المختبرية التي تشير إلى استجابات الأجسام المضادة بعد تلقيح COVID-19 "توفر تحييدًا أفضل لبعض المتغيرات المنتشرة أكثر من العدوى الطبيعية" ، لكن الدراسات الوبائية بين المصابين سابقًا كانت مفقودة.

إذا كنت قد أصبت بـ COVID-19 من قبل ، فيرجى تلقي التطعيم

تلقى الأفراد الذين تم تطعيمهم بالكامل إما جرعة واحدة من لقاح Johnson & Johnson أو الجرعة الثانية من لقاح Pfizer-BioNTech أو Moderna قبل 14 يومًا على الأقل من الإصابة مرة أخرى. تلقى الأفراد الذين تم تطعيمهم جزئيًا جرعة واحدة من لقاح mRNA أو تلقوا الجرعة الثانية قبل أقل من 14 يومًا من الإصابة مرة أخرى.

إجمالاً ، كان هناك 246 مريضاً و 492 مريضاً. كان حوالي 61٪ من النساء ، و 83٪ أصيبوا سابقًا بـ COVID-19 من أكتوبر إلى ديسمبر 2020. ومن بين المرضى ، تم تطعيم 20.3٪ بالكامل مقابل 34٪ من مجموعة الضوابط.

في حين أن المرضى غير المحصنين الذين يعانون من التهابات سابقة كانوا أكثر عرضة للإصابة بالعدوى بمقدار الضعف مقارنة بالمرضى الذين تم تطعيمهم بالكامل ، فإن "التطعيم الجزئي لم يرتبط بالعدوى مرة أخرى" ، كما لاحظ المؤلفون (نسبة الأرجحية 1.56 ، 95٪ CI 0.81-3.01).

قال والينسكي: "إذا كنت قد أصبت بـ COVID-19 من قبل ، فيرجى تلقي التطعيم".

أختيار وترجمة بتصرف

د. زياد طارق

اللقاحات تنتصر
==========


إستشاره طبيه

معلومات عن مختلف الأمراض وعلاجها


https://t.me/doctoristishara باز کردن / نظر دهید

2021-08-09 11:51:53 شلون تستجيب المناعة للاصابة وللقاح؟

اكو مجموعة إرهابية دخلت منطقة، بالبداية محد عرفهم وكانو يطبون ويطلعون ويرتبون وضعهم، و يهاجمون الناس بشكل خفي.
بعد كم يوم نعرفو، واول شي تصدولهم الشرطة المحلية، والي بالعادة غير مدربين بشكل خاص للتعامل مع الارهابيين وسلاحهم خفيف.
اكيد الامر صعب على الشرطة ويحتاجون وقت.

قوات مكافحة الارهاب مؤهلين للمواجهة لكن يحتاجون وقت حتى يجون، والمطلوب الشرطة المحلية تضل صامدة لحد ما يوصل جهاز مكافحة الارهاب ويعالج الموقف.

نفس الموضوع،

الفايروس الجديد (اي فايروس) من يدخل اول مرة للجسم، الجسم ما راح يتعرف عليه فورا، وراح يبدي يتكاثر بداخل الخلايا (يحول خلايا الجسم الى مصنع اله)
هذه يسموها فترة الحضانة (بفيروس كورونا تطول يومين الى ١٤ يوم)

بعدها الجهاز المناعي العام يكتشف الفايروس، ويبدي يعالج الموضوع، وهنا تبدي تضهر الاعراض، والاعراض بالحقيقة اغلبها يكون نتيجة مواجة الجهاز المناعي للفايروس

(ويجي جبار ينطي ابرة خبط الي تحبط المناعة حتى تروح الأعراض، وبالنتيجة ممكن يستفحل الفايروس وينتكس الجسم بعد كم يوم).

( طبعا الاصابة الشديدة الي يكون بيها هبوط اوكسجين تحت ال٩٢٪ تحتاج ديكادرون او ما شابه، لان الشرطة يبدون يضربون مدفعية، والمدفعية تضرر الاهالي ونحتاج نهبطهم شوية)

الجهاز المناعي العام مثل الشرطة المحلية، ما مخصص لعلاج هذا الفايروس بالتحديد، فتكون مقاومته ضعيفة نسبيا لحد ما تجي المناعة الخاصة ضد الفايروس.
والمطلوب ان يبقى الجهاز المناعي مسيطر على المرض لحد ما تجي الاجسام المضادة.

بعد فترة اسبوع الى ٤ اسابيع (تختلف من شخص لشخص) ، الجسم يكون الأجسام المضادة ضد الفايروس، وهذه تعالج الموقف بيوم الى ٣ ايام بالعادة.

الاجسام المضادة ممكن تبقى بالجسم متواجدة ٦ الى ١٢ شهر، تسوي دوريات ضد الارهابيين اذا الهجوم ما تكرر.

الي امر بانتاج الاجسام المضادة هي خلايا البلازما و خلايا الاستخبارات (T-Memory)، والي راح تحتفظ بارشيفها كل المعلومات المطلوبة عن الفايروس.

بعد فترة ٦ الى ١٢ شهر ممكن تختفي الاجسام المضادة من الجسم في حال عدم تكررت العدوى، لكن خلايا المخابرات ( T-Memory) راح تضل موجودة، شوكت ما شافت الفايروس دخل للجسم، تنطي امر بتكوين الأجسام المضادة المتخصصة ضد الفايروس.

هنا الشخص الي يتشافى ويروح يم شخص مصاب او لمكان موبوء، مو يعني الفايروس ما راح يأثر بيه، لا، لكن بهذه المرة الاجسام المضادة مع المخابرات راح يتعاملون وي الفايروس بشكل سريع وفوري، بس يعتمد على عدد الفايروسات، من تكون كمية قليلة، ربما ساعتين يتعالج الموقف، واذا كان عدد كبير، قد يحتاج يومين الى ٣ ايام.

المهم ما راح تصير بعد فترة حضانة ولا فترة عدوى طويلة لحد ما يتم تكوين الأجسام المضادة.

-القلق راح يصير مثل ما بنص المعركة والاهالي يطلعون بالشارع ويصيحون، راح يعيقون عمل الشرطة وما يسمحولهم يتصدون للإرهابيين بشكل صحيح)

الجسم اثناء اي عدوى يبدي يفقد سوائل اكثر - بسبب ضراوة المعركة - وفقدان الشهية من الاعراض الطبيعية، بس عدم شرب كمية جيدة من السوائل وعدم الاكل يترك الجنود بلا عتاد، ويخلي الجسم ينهار وبالنتيجة استفحال العدوى.

المناعة بعد الاصابة الثانية اقوى من بعد الاصابة الأولى، لذلك اغلب اللقاحات الحالية على جرعتين، لان الجسم يعتبره خطر متكرر، فيبقي الاجسام المضادة (جهاز مكافحة الارهاب) وما يسحبهن بوقت قريب.

اللقاح هو اصابة مصطنعة تحت السيطرة
يعني ندخل جاسوس يسوي اعمال شغب ولابس هدوم مال ارهابي واسلحة ارهابي، حتى يخلي المخابرات تشخصه كارهابي و تطلب جهاز مكافحة الارهاب، وتتعرف على الارهابيين اول ما يدخلون بعدها وما راح تستغرق ١٤ يوم حتى يوصل جهاز المكافحة (الاجسام المضادة)

واللقاحات بكل انواعها، هدفها ان الجهاز مناعي يتعرف على الفايروس من يدخل ويستجيب بشكل فوري.

زين شگد راح تبقى الاجسام المضادة بعد تحفيز اللقاح ؟
بعد جرعتين من اللقاح (عدى لقاح جونسن) متوقع تكون الاستجابة طويلة الامد، بس نحتاج نراقب ونشوف.
بس الارهابي (الفايروس) ممكن يسوي تغييرات كبيرة بشكله (بس هذه تحتاج وقت) لدرجة نحتاج نحدث جهاز مكافحة الارهاب والمخابرات. (حد الان فقط "ربمى")

اللوزتين وبقية الغدد اللمفاوية هي ثكنات عسكرية للخلايا اللمفاوية الي هي فصيلة من فصائل الجهاز المناعي.

طبيعي تكتض بالجنود عن حدوث العدوى وتحتقن.
واستخدام كبسول التهابات عند حدوث العدوى الفايروسية امر خاطئ ، لأن كبسول التهابات هو مضاد حيوي يعمل على البكتيريا، وراح يدمر البكتيريا الحميدة الي هي ضرورية للجسم، وماراح يسوي شي للفايروس.

#ثقافة_طبية_موثوقة
#مصابين #ملامسين #كورونا
د. عبدالله حسين البغدادي
محبتي لرعاة اليتامى #مؤسسة_العين
====

شارك لأكبر عدد ممكن


إستشاره طبيه

معلومات عن مختلف الأمراض وعلاجها


https://t.me/doctoristishara باز کردن / نظر دهید