2021-07-05 12:05:13
23 طريقه لتهدئة طفلك الرضيع من عمر يوم إلى عمر سنه
اذا ما محتاجها شاركها فغيرك محتاجها
1. الهز المستقر و هو أن يوضع الطفل مستلقيا على بطنه على أحد الذراعات ثم تقوم بهزه بصوره لطيفه و منتظمة مثل الصوره
2. هز طفلك بالسرير الهزاز
3. الضوضاء البيضاء اللي قد تكون صوت المروحة أو صوت الغسالة
4. اخذه فره بالسياره هوايه اطفال ينامون بالسياره و يرتاحون
5. خلي ابوه يشيله بصوره عامه بعض الأطفال يفضلون اباؤهم يشيلوهم ممكن لأن أكبر حجما فيحس بأمان أكثر
6. الكماط قد يكون مريح لبعض الأطفال
7. دلعي طفلك بحضن الكنغر
و هذا يتم انه تخليه جلده على جلدك و يفيد جدا الأطفال الرضع اول اشهر و الاطفال الغير مكتملي النمو
8. للمروحه الارضيه تأثير خرافي على نوم الطفل
9. الضجيج و الاهتزاز اللي تسويه المكنسه الكهربائية مثالي لبعض الأطفال
10. احجي باذانه و كوليله اشششش بصوت ناعم و عيديها أكثر من مره ممكن جدا ينام عليها و يستقر و يهدأ
11. استخدم بعض تطبيقات الموبايل للضوضاء البيضاء أو صوت وشه التلفزيون ممكن تكون كافيه
اذا شكيتي أن السبب هو الغازات
12. تكدرين تنوميه على بطنه و تفركين ظهره بلطف
13. نوميه على ظهره و حركي رجليه بحركة مستمره مثل البايسكل حتى يرتاح من الغازات
14. اسالي الطبيب حتى يكتب دوه غازات
15. إذا أنت ترضعين طبيعي انتبهي لاكلك ممكن الجبن و الحليب و الشاي و القهوه و الشوكولا و البصل هي سبب المغص
16. شيلي بدون تحريك لحد ما ينام و بطنه مستلقيه على ذراعك مثل الصور
17. الملهيه ممكن تكون هي الحل و لكن لا تنسون آخر موعد للملهيه هي 6 اشهر
18. طلعيه بره البيت ممكن جدا تغيير الجو لطفلك يحسن مزاجه
19. لا تنسين المساج بالزيوت كلش مريح للطفل
20. أكبر غلطه تسووها هو أنه تتركون الضوء مفتوح و تردون طفلكم ينام اكيد استحاله
21. جيكي حراره الغرفه
جيكي حراره الغرفه
جيكي حراره الغرفه
احنا عايشين بالعراق الحار مو بروسيا المنجمده
22. الملابس الهوايه و الضيقة تخلي ما ينام بسهوله
23. استشيري طبيبك اذا رغم الللي فات بقى طفلك ما ينام
د. سيف سمير البياتي
اخصائي طب الأطفال
7.6K views09:05
T
