t.me/doctoristishara

2021-08-09 09:42:29 باز کردن / نظر دهید

2021-08-09 09:42:13 عند حصولك على لقاح كوفيد فأنت ملزم بتوقيع تعهد بأخلاء مسؤولية الشركة المصنعه

وهذا دليل على أن الشركات تخلي مسؤوليتها / أو هذا دليل على عدم جهوزية اللقاحات / أو هذا دليل على أن الشركات تخفي شي خطير في هذة اللقاحات / أو ان هذا لكون اللقاح غير مرخص الا للاستخدام الطارئ / أو ... الخ من أشاعات خبراء مواقع التواصل الأجتماعي ..

هل الكلام أعلاه صحيح ؟ كلا , الكلام أعلاه ليس صحيحا

كل هذا السجال والجدال والاتهامات حول ( هذا التعهد الخطير) , ولم يكلف اي من مرددي هذة الاشاعات عناء الذهاب الى أقرب مركز صحي وطلب نسخة من الاستمارة .. ليثبت بالدليل القاطع اننا فعلا نتنازل عن حق تحميل الجهه المطورة للقاحات مسؤولية اي مشاكل مستقبلية .

لم يذهب أحد , ولذلك وضعت لكم صورة التعهد الخطير , اول صورة في هذا المنشور للتعهد , ويتضمن نقاط واضحة جدا جدا , ولا تتضمن اي تنازلات عن حقوق مقاضاة الشركات المطورة للقاحات .

أما عن من تلقى اللقاح خارج العراق , فلم يوقع اي شخص على أخلاء مسؤولية الشركات من التبعات المستقبلية للقاح , تم توقيع نسخة مشابهه للنسخة العربية المرفقه ( أول صورة )

الحقيقة ان قانون الأستخدام الطارئ هو ( بند دستوري) يتعلق بأختصار المراجعات والأجراءات الادارية المتعلقة بتصريح مادة طبية خلال فترة جائحه , وهو يتعلق ب ( أدارة الأغذية والادوية الأمريكية) , وهو لا يتدخل بأي تبعات تتعلق بأستخدام مثل هكذا مواد , وتأثيراتها الحالية أو المستقبلية على المستخدمين .

من يحدد هذا الموضوع هو وزارة الصحة الأمريكية , والتي تستمر بمراقبة سلوك وفعالية اي مادة يتم أقرارها عبر ( أدارة الأغذية والادوية الأمريكية) عبر منصات متخصصه , منها على سبيل المثال :

البرنامج الوطني لتعويض إصابات اللقاح ( الصورة الأولى) , وهو برنامج يتيح لاي شخص تعرض لاي ضرر مباشر او جانبي , دائم او وقتي , لاي منتج مصرح تصريح كامل او تحت بند الطوارئ , من تقديم شكوى ( على المستوى الفدرالي ) لضمان حصولة على التعويض المناسب
تم أقرار هذا القانون منتصف ثمانينيات القرن الماضي , مصاحبا لاطلاق حزمة من لقاحات الانفلونزا .

برنامج التعويض عن الإصابة بالإجراءات المضادة (CICP) , برنامج مخصص لاي اقرار طارئ لاي علاج او لقاح او جهاز طبي او غيرها ( الصورة الثانية) .

هل تعفي الجهات العليا شركات الادوية واللقاحات ( ومن ضمنها الشركات المطورة للقاحات ) من اي مشاكل مستقبلية وتخلي ساحتها ؟ كلا

لا تتهاون وزارة الصحة الأمريكية مع اي تقصير او تغيير في نمطية او سلوك اي مادة يتم التصريح بأستخدامها طبيا .

هل سبق وتم مقاضاة شركات أدوية حول أضرار جانبية ؟ نعم , الصورة الرابعة للسيدة جوانا أوكلي , تعرضت السيدة جوانا لإصابة خطيرة في الكتف بسبب لقاح الإنفلونزا, وقاضت على اساس القوانين أعلاه الشركة المصنعة .

قبل أن تستمع الى الاشاعات , تحرى المعلومة , ابحث عن الحقيقة , لن يتم التلاعب بأرواح الملايين حول العالم بهذا الاستخفاف .

أخيرا ستجد في التعليقات مصادر حول

قانون الأستخدام الطارئ
البرنامج الوطني لتعويض إصابات اللقاح
برنامج التعويض عن الإصابة بالإجراءات المضادة (CICP)
مقال عن السيدة جوانا أوكلي

ملاحظة , يتضمن كتيب تصريح أستخدام اللقاحات التي تم التصريح بها من قبل منظمة الصحة العالمية مسؤولية الشركات المطورة عن كل ما يتعلق بسلامة وفعالية المنتوج , مع شرح كامل للمكونات وطريقة الاستخدام , لم اتمكن من رفع الملفات , ولكنها متوفرة في موقع منظمة الصحة العالمية

باللقاحات ننتصر

د. زياد طارق باز کردن / نظر دهید

2021-08-08 22:02:22 عشرة اشياء أفعلها يوميا لجعل حياة عائلتك اكثر سعادة و اكثر قوة:
#اطلب_المساعدة
حتى لو تطلب كوب ماء من ابنك او بنتك
هذا راح يعلمهم على العطاء و المشاركه
#لا_تتوقع_رد_الجميل
انت وحدك هو المسؤول عن سعادتك فلا يكون كل شيء بمقابل
هذا يعطي المقابل الاريحيه بالتعامل معك
#عامل_كل_شيء_كهدية
حتى قدح الماء اللي طلبته توا اعتبره كهديه و كن ممتن له
اشكر طفلك بحضنه او قبله
#قدم_الحب_مجانا
طفلك لازم يعرف انه انت تحبه بدون شروط و بدون مقابل لا يهم اللي صار او اللي راح يصير
طفلك لازم يفهم انه انت تحبه
#كن_متقبل_لكل_المشاعر
حتى و انت متعب و انت زهقان و انت نعسان
طفلك يريد يعبر عن حبه فاقبل بتعبيره عن مشاعره و عن كل شيء
#كثر_المديح
حبيبي و قلبي و حياتي و عمري هي كل الكلمات اللي لازم يسمعها طفلك
#لاتسيء_الظن
لا لسوء الظن و الظن السيء بطفلك و التوقعات السيئه
اقبل ما حدث كما هو
#اقترب
اقترب من طفلك اكثر و اكثر
ابدا لا تبعد عن طفلك بل اقترب اكثر حتى لو طفلك ما يريد
#عبر_عن_نفسك
عن احساسك عن عاطفتك عن مشاكلك عن حياتك
راح يعلمهم هذا الصدق و تقبل الاخر
#مثل_ما_تحب_ان_تكون_كن_ومثل_ما_يحبون_يكونون_خليهم_يكونون
لا تبالغ ابدا بالتوقعات و لا ترسم لهم حياتهم المستقبليه بناءا على نظرتك مثل ما قبلت احد يتحكم بحياتك
خليهم ينطلقون لفضاءات رحبه
راح يتعلمون منك الحب و السلام و ترك العنف
هذه 10 نقاط تعلمكم كيف تعيش بسلام مع عائله جميله هادئه بدون مشاكل
د. سيف سمير البياتي اخصائي طب الاطفال باز کردن / نظر دهید

2021-08-08 12:51:47 هو ليش اكل الفاكهه كامله افضل من العصير ؟
العصير راح يحرم طفلك من الألياف اللي تنظم عمل الجهاز الهضمي
شغله أخرى راح نخسرها بالعصير هو القشور مثل قشر التفاح بعصير التفاح و عصير العنب الغني بفيتامين B و سي و غيرها
ثالثا
العصير راح يمتص اسرع لعدم وجود الألياف و هذا الصعود بالسكر راح يقابله صعود أكبر بالانسولين و بالتالي يؤدي الى زياده الانسولين و مشاكل زياده الانسولين من السمنه و السكر النوع الثاني و الضغط
هل الموضوع مثبت علميا؟
نعم بدراسه سووها بسنه 2013 شافوا انه اللي يشربون عصير طبيعي يوميا تزيد عدهم نسبه الاصابه بالسكر بنسبه ٢١ بالميه
مقابل ان نسبه الاصابه تقل إلى ٢٣ بالميه لو أكلوا عنب او كرز !
توصيات عالميه؟
الجمعيه الامريكيه لطب الأطفال منعت العصير تحت عمر سنه
و جمعيه القلب الامريكيه تكول العصير مره بالاسبوع كبار و صغار
لهنا و كاعد نحجي عن العصير الطبيعي
ما جبنا سيره الباكيتات اللي هي بس مي و شكر
دمتم بود
د. سيف سمير البياتي اخصائي طب الاطفال باز کردن / نظر دهید

2021-08-06 22:06:47 ترتيب طعام الطفل شهر بشهر
خطوة بخطوة
عندي بوستات طويله عريضه عن طعام الاطفال و شون نبدي بوجبه رقم 1
خلونا نبدي بوجبه رقم 2 و نستمر
الشهر الرابع
الوجبه رقم 1 كانت الرز و وقت الغداء
بعدها نبدي وجبه رقم 2 مثل بيوريه الجزر او بيوريه الفاصوليا الخضراء او بيوريه البطاطا
اريدكم تعرفون انه الوجبات تنطي على مدى 3 ايام
و ننطي وجبه وحده باليوم الى وجبتين فقط حتى نعرف من شنو تحسس الطفل
الشهر الخامس :
بالشهر الخامس نبدي نضيف خلطات من الاطعمه اللي جربناها بالشهر الرابع
مثل رز و جزر
او رز و بطاطا
قطعه دجاج صغيره مع الرز
قطعه لحم صغيره خاليه من الدهون مع الرز
شوفان و تمر
شوفان و موز
الخ الخ الخ الخ
و هم وجبه الى ٢ يوميا
الشهر السادس
اذا ما دخل اللحم بالشهر الخامس
هاهيه بلشي ادخال اللحم
و الجدول بسيط دجاج ثم لحم
اللحم سهل جدا يتحول الى بيوريه باستخدام الخلاط
عادي تكدرين تسوين البيوريه و تجمديه و تخليه ويه اكل الطفل العادي
و اذا عندك وقت فحضري يوميا و هو الافضل
الوجبات هنا وجبتين لازم و ممكن ايام ٣ وجبات
و لا ننسى الفاكهه كطعام بين الوجبات
الحليب يتراجع و يقل بعد الشهر السادس
الشهر السادس ممكن ادخال اللبن بيه
و باللبن نكدر نضيف الفواكهه كطعم
البيض ممكن الان بس لا ننسى انه لابد للبيض يطبخ لفتره ٥ دقائق و اكثر
الشهر السابع :
الشهر السابع ادمجي طعام الاصابع مع الشوربات و البيوريهات اللي تسويهن
انطي لطفلك معكرونه مسلوقه و راقبي
او قطعه بطاطا او بروكلي او اصبع تفاح
ابدي سمكي قوام البيوريهات و الشوربات الان
الاكل تدريب و اذا ما سمكتي القوام اشوفك بعمر السنتين تخلطين طعام طفلك !
مثال على وجبات يوم واحد للطفل بعمر ٧ اشهر
الفطور بيض
الغداء شوربه رز و لحم
العشاء مخلوط فواكه مع لبن
الشهر الثامن
كثري طعام الاصابع
الاطفال اللي يستكشفون الطعام بايديهم هم الاكثر تقبلا للطعام بالمستقبل
لذلك اتركي طفلك يستكشف
كلشي ممكن يكون طعام اصابع
حتى البيتزا
و الدجاج و كل شيء
اذا ما علمتي الطفل على الكوب بعمر ٦ اشهر الان ابدي علميه و انطي بيه الماء
الجبن و السمك ممكن ادخاله الان و لو افضل السمك بعد السنه بس لا باس اذا بعد الشهر الثامن
الشهر التاسع
المفروض بهذا الشهر الابهام يبدي يشتغل لذلك كلشي و حرفيا كلشي راح يروح للفم سواء عجبك او ما عجبك الموضوع
فلذلك نستفاد من هذه الحاله و ننطيه طعام مقسم الى مكعبات
الجبن ممكن يعطى الان بيد الطفل
المميات او الرضاعه الطبيعيه تقريبا بكد عدد الوجبات ٣ الى ٤ مرات
الشهر العاشر
البطله تفطم من المميه و تنطي الحليب بالكوب
نفس المقدار السابق
بس لا باس اذا استمريتي للسنه
بس اكثر من ام فطمت من المميه بعمر ال ١٠ اشهر و اطفالهم ما شاء الله
عاشت ايدك
الاكل ما يفرق كثير عن الشهر اللي قبله
بس شويه من اكل البيت ممكن الان باعتبار انه اقتربنا من عمر السنه
اللي نشجع الطفل بيه ياكل اكل بيت عادي
الشهر 11
خلصت المهمه تقريبا و هسه ممكن جدا يكون فطوره كورن فلكس و نضيف اله حليب من رقم ٢
يعني كلش بدا الطفل ياكل اكل الكبار
١٢ شهر و اكثر
ياكل اكل بيت
ملاحظات اخيره
1. عمر ٤ اشهر يعني اكبر من ١٢٠ يوم
عمر ٦ اشهر يعني اكبر من ١٨٠ يوم
عمر ١٠ اشهر يعني اكبر من ٣٠٠ يوم
2. اللعب مع الطعام ضروري و ضروري جدا
3. نحترم شهيه الطفل ما عجبه ما نجبره
4. خلي ببالك كلما تنطين اكل اكثر باول سنه كلما طفلك يكون اكثر تقبلا للطعام فيما بعد
5. الممنوع تحت عمر سنه
العصير و العسل و السكر و الملح و اي طعام ممكن يشكل خطر اختناق
د. سيف سمير البياتي اخصائي طب الاطفال باز کردن / نظر دهید

2021-08-06 15:21:32 اكو اشياء بصراحه بالوعي الشعبي اتفاجيء بيها
يعني ما يرادلها طبيب يكولها
اشياء واضحه المضار
يعني مثلا
اب جاب ابنه عنده سمنه اكوله شياكل يكولي و الله كلشي ما ياكل
اني ما كنت متصور انه العراقيين هيجي عايشين ع العصير فما سئلت على العصير او الشربت
قست ضغطه مرتفع و هي نتيجه متوقعه عند الاطفال البدناء كلتله ضغطه صاعد
كال اي دكتور ادري اني اكوله الضغط من البيبسي
هنا تذكرت انه اسئل عن المشروبات؟
فكان الجواب : دكتور يشرب بطل ابو اللتر يوميه وحده !!!
الطفل عمره 5 سنين وزنه 35 كيلو
.
.
بعدها بكم يوم شفت طفل آخر وزنه 33 و عمره ٣ سنين و هم السؤال شون اكله ؟
دكتور ما ياكل
اوك و شيشرب دكتور ما يشرب اصلا لا بيبسي لا عصير
اني كلت اوكي الامور بالسليم
الام كملت و كالت دكتور هو بس افطمه يضعف !!
تفطميه؟
ليش هو بعده ؟
اي دكتور يشرب 8 مميات كل مميه 8 ارقام باليوم
يعني يشرب ٦٤ رقم حليب
يعني لترين حليب يوميا و تكول ما ياكل
بالمناسبه نسبه دمه كانت 8
.
.
بعد الحالتين السابقات عن مصادر الطاقه اللي ما تنحسب كمت اسئل و ياريتني ما اسئل
و طبعا اسئل من يكولون الطفل ما ياكل خطيه
تصدكون اكو ينطون 3 باكيتات حليب لطفل !!!
تصدكون اكو ينطون باكيت عصير يوميا لطفل عمره سنتين!!
تصدكون اكو ينطون بيبسي لطفل عمره ٨ سنين ويه كل وجبه علبه كامله !
و الاطفال طبعا بدون صحه و فقر دم و وجوههم صفره
زين ليش؟
هذه الاشياء يحتاج طبيب يكولها؟
يحتاج احد يكولها؟
العصير و الحليب و الحلويات اكو احد ما يعرف انه تسد الشهيه؟
ما اعرف و الله
نتمنى الحال يتغير الى افضل حال
د. سيف سمير البياتي اخصائي طب الاطفال
المعلومات بالبوست هي اساس التغذيه لاطفالكم احفظوها الله يخليكم باز کردن / نظر دهید

2021-08-05 18:05:30 ترتيب طعام الطفل شهر بشهر
خطوة بخطوة
عندي بوستات طويله عريضه عن طعام الاطفال و شون نبدي بوجبه رقم 1
خلونا نبدي بوجبه رقم 2 و نستمر
الشهر الرابع
الوجبه رقم 1 كانت الرز و وقت الغداء
بعدها نبدي وجبه رقم 2 مثل بيوريه الجزر او بيوريه الفاصوليا الخضراء او بيوريه البطاطا
اريدكم تعرفون انه الوجبات تنطي على مدى 3 ايام
و ننطي وجبه وحده باليوم الى وجبتين فقط حتى نعرف من شنو تحسس الطفل
الشهر الخامس :
بالشهر الخامس نبدي نضيف خلطات من الاطعمه اللي جربناها بالشهر الرابع
مثل رز و جزر
او رز و بطاطا
قطعه دجاج صغيره مع الرز
قطعه لحم صغيره خاليه من الدهون مع الرز
شوفان و تمر
شوفان و موز
الخ الخ الخ الخ
و هم وجبه الى ٢ يوميا
الشهر السادس
اذا ما دخل اللحم بالشهر الخامس
هاهيه بلشي ادخال اللحم
و الجدول بسيط دجاج ثم لحم
اللحم سهل جدا يتحول الى بيوريه باستخدام الخلاط
عادي تكدرين تسوين البيوريه و تجمديه و تخليه ويه اكل الطفل العادي
و اذا عندك وقت فحضري يوميا و هو الافضل
الوجبات هنا وجبتين لازم و ممكن ايام ٣ وجبات
و لا ننسى الفاكهه كطعام بين الوجبات
الحليب يتراجع و يقل بعد الشهر السادس
الشهر السادس ممكن ادخال اللبن بيه
و باللبن نكدر نضيف الفواكهه كطعم
البيض ممكن الان بس لا ننسى انه لابد للبيض يطبخ لفتره ٥ دقائق و اكثر
الشهر السابع :
الشهر السابع ادمجي طعام الاصابع مع الشوربات و البيوريهات اللي تسويهن
انطي لطفلك معكرونه مسلوقه و راقبي
او قطعه بطاطا او بروكلي او اصبع تفاح
ابدي سمكي قوام البيوريهات و الشوربات الان
الاكل تدريب و اذا ما سمكتي القوام اشوفك بعمر السنتين تخلطين طعام طفلك !
مثال على وجبات يوم واحد للطفل بعمر ٧ اشهر
الفطور بيض
الغداء شوربه رز و لحم
العشاء مخلوط فواكه مع لبن
الشهر الثامن
كثري طعام الاصابع
الاطفال اللي يستكشفون الطعام بايديهم هم الاكثر تقبلا للطعام بالمستقبل
لذلك اتركي طفلك يستكشف
كلشي ممكن يكون طعام اصابع
حتى البيتزا
و الدجاج و كل شيء
اذا ما علمتي الطفل على الكوب بعمر ٦ اشهر الان ابدي علميه و انطي بيه الماء
الجبن و السمك ممكن ادخاله الان و لو افضل السمك بعد السنه بس لا باس اذا بعد الشهر الثامن
الشهر التاسع
المفروض بهذا الشهر الابهام يبدي يشتغل لذلك كلشي و حرفيا كلشي راح يروح للفم سواء عجبك او ما عجبك الموضوع
فلذلك نستفاد من هذه الحاله و ننطيه طعام مقسم الى مكعبات
الجبن ممكن يعطى الان بيد الطفل
المميات او الرضاعه الطبيعيه تقريبا بكد عدد الوجبات ٣ الى ٤ مرات
الشهر العاشر
البطله تفطم من المميه و تنطي الحليب بالكوب
نفس المقدار السابق
بس لا باس اذا استمريتي للسنه
بس اكثر من ام فطمت من المميه بعمر ال ١٠ اشهر و اطفالهم ما شاء الله
عاشت ايدك
الاكل ما يفرق كثير عن الشهر اللي قبله
بس شويه من اكل البيت ممكن الان باعتبار انه اقتربنا من عمر السنه
اللي نشجع الطفل بيه ياكل اكل بيت عادي
الشهر 11
خلصت المهمه تقريبا و هسه ممكن جدا يكون فطوره كورن فلكس و نضيف اله حليب من رقم ٢
يعني كلش بدا الطفل ياكل اكل الكبار
١٢ شهر و اكثر
ياكل اكل بيت
ملاحظات اخيره
1. عمر ٤ اشهر يعني اكبر من ١٢٠ يوم
عمر ٦ اشهر يعني اكبر من ١٨٠ يوم
عمر ١٠ اشهر يعني اكبر من ٣٠٠ يوم
2. اللعب مع الطعام ضروري و ضروري جدا
3. نحترم شهيه الطفل ما عجبه ما نجبره
4. خلي ببالك كلما تنطين اكل اكثر باول سنه كلما طفلك يكون اكثر تقبلا للطعام فيما بعد
5. الممنوع تحت عمر سنه
العصير و العسل و السكر و الملح و اي طعام ممكن يشكل خطر اختناق
د. سيف سمير البياتي اخصائي طب الاطفال باز کردن / نظر دهید

2021-08-04 13:47:31 15 نصيحه تخص الاطفال اللي تأخروا بالكلام !
هذه النصائح تخص الاطفال بالبيوت و من بعد العرض على طبيب مختص
نبدي باولها
1. افحص سمع طفلك
باب الكلام يبدأ من الاذن افحصه بطريقه واضحه
مع الأسف قابلت الكثير من الحالات اللي يقسمون جهد ايمانهم انه الطفل يسمع و بعدين يطلع الطفل عنده صمم شديد
و من تسالهم كيف تختبره يكولك ااشرله او افتحله التلفزيون !
و هو ممكن ينجذب للاشاره
ما بيها اي مانع تقيم السمع عند طبيب سمع و تخاطب اولا
احب هذا فحص السمع لحديثي الولاده اللي يتم بمدينه الطب و ان شاء الله يصير الموضوع معمم لكل العراق
فحصنا السمع ننتقل للخطوه رقم 2
2. اسأل اهل الاختصاص اللي هم ببلدنا أطباء السمع و التخاطب و موجوده اسماء لامعه و كبيره بهذا المجال بالعراق
3. تكلم ببطء
حتى تتعرف شون تعلم طفلك اللغه تخيل نفسك دا تتعلم لغه جديده و شون الكلمه تسمعها عده مرات و بصوت واضح و ببطء
اتذكر نفسي من حاولت اتعلم الكردي و التركي قبل كم سنه و شون الكلمه لازم تنعاد بصوره واضحه
طفلك نفس الشي كون واضح وياه
4. لا تهمل موضوع النظره بالعين
النظره بالعين مهمه حتى توصل رسالتك اله
و وحده من الطرق اللي تعلم بيها طفلك هو من ينظر لفمك و تعابير شفتك
لذلك انظر لطفلك و خلي طفلك ينظرلك
5. كرر الكلمات اللي كل طفل يتعلمها
و هذه الكلمات بيها حروف صحيحه يكولها مثل حروف ال " ب " و " م " و " د" و " ن"
6. لا تطلب منه يكرر كلامك
مو شرط يكول الكلمه مثلنا
عادي ما راح يكول " جدو" يكول " ددو"
لا تكررله و تصححله " جدو "
مو من المتوقع انه يكولها كما نلفظها احنا
بس لا تلفظها مثل ما هو يلفظها
ابدا لا تستخدم طريقتهم بالكلام
7. مختصر كل النقاط الفوك هو:
كن متحدث جيد
انت هو الموديل اللي راح يقلدك
8. كرر كرر كرر
و الله ادري انه انت دا تحس انه انت مسجل مكسور هلكد تعيد
بس كرر
ممكن ما يكول سيارة الا بعد ما تكولها ١٠٠٠ مره
و كل مره كولها بطريقه واضحه
سيارة صفره
او سيارة حمره
راحت السيارة
جتي السياره
السياره عاطله
9. انزل لمستواه بالتعليم و العب وياه على الأرض و ساعده بالألعاب و اوصف شنو كاعد يصير
10. ما يحتاج أوصيك انه تبعد التلفزيون و الموبايل فهذه نصيحه مكرره
بس أوصيك بنقطه 10 انه تبعد كل الألعاب اللي بيها باتري و مجرد ضوضاء لا اكثر
11. كثف الكلمات و زيد عليها
مثلا كالك " لوري" كوله " اييي لوري كبير "
" سيارة" كملها " سيارة صفره حلوه"
12. انطيه فرصه للكلام و راقب من بعد لعبه بالعابه حتى يسولف ويه العابه
13. اقرا اقرا اقرا
اقرا لطفلك يوميا
دفاتر او كتب او قصص مصورة او اي شيء
14. اسأل طفلك
بس لا تكثر بهذه الفقره
اساله وين ايدك
وين راسك
وين عيونك
وين الطوبه
15. استخدم الروتين و لعب الأصابع و الاغاني
الكثير من الأغاني تعلم الطفل
رددها وياه
مثل
5 little monkeys
و هانتي دانتي
و غيرها
د. سيف سمير البياتي اخصائي طب الاطفال باز کردن / نظر دهید

2021-08-02 17:20:26 كيف تحاسبون اطفالكم؟
عندي بوست طويل جدا عن العقوبات اللي ممكن نتفذها لو اساء اطفالنا التصرف
وحده من النقاط هي خلافيه بين المربين فقسم يشوفوها فعاله و قسم اخر يشوفوها مؤذيه لنفسيه الطفل
هذه الطريقه هي TIME OUT اللي هي كرسي الوكاحه او وقت الوكاحه اللي تتلخص انه تترك الطفل لوقت محدود على كرسي او غرفه تتسمى كرسي الوكاحه او غرفه الوكاحه
الطريقه بيها محاسن و مساويء نفسيه
بس بهذا البوست راح اكتب 7 بدائل عن التربيه و عقاب الاطفال بدون اي صراخ او عياط او ضرب
1. العقاب بالنتيجه !
شون هاي؟
طفلك يشمر العابه
اخذي الألعاب
و اخزنينهن و ابعديهن عن طفلك اسبوع
مره ثانيه راح يعرف انه من يشمرهن ما راح يلعب بيهن
مثال اخر
مقدمه الاكل لطفلك و بدا يرمي الاكل على الأرض
اخذي الاكل المرمي و ابعديه عن طفلك
بالمره الثانيه راح يحس بالجوع فما راح يرميه
2. لا تلفزيون لا شاشه
كل اطفالنا يحبون التلفزيون او الشاشات و بكل بساطه لو اسائوا التصرف امنعهم من التلفزيون اسبوع او ٣ ايام
2. الواجب المنزلي
دامك ما رتبتي اغراضك لازم تغسلين الصحون مثلا
او تنظيف الغرفه عليك لأنه تصرفت بكذا و كذا
3. تبديل المهام
هذا كلش مفيد للي عدهم اكثر من طفل
نوبات اكول لبناتي بابا سوي فلان شي و انت سوي فلان شي
راسا يجي الاعتراض ليش اني
انت هنا راسا تبدل الواجبات بين الاثنين
حتى تخلص للأبد من هذه الجمله
4. الاعتذار
هذا أيضا يفيد العوائل اللي بيها اخوان او اخوات يتعاركون ٢٤ ساعه ٧ ايام اسبوع
و بعد تحليلك للموقف اطلب من المخطيء كتابه رساله اعتذار للطرف الاخر
5. مصطلح تربوي جديد يسموه TIME IN و هو انه مكان ما تعزل الطفل لوحده اعزل نفسك ويه طفلك و سولف وياه ليش هيجي تصرف !
6. كافيء التصرف الجيد حتى يزيد و هذه الطريقه فعاله و مجربه و رائعه
7. روح لفراشك ساعه قبل الموعد
كل الاطفال يكرهون النوم و من تغلق كل شيء راح يعرف طفلك اهميه ان لا يتصرف خطأ
التربيه صعبه
بس عمر الصراخ و الضرب جاب نتيجه
د. سيف سمير البياتي اخصائي طب الاطفال باز کردن / نظر دهید

2021-07-31 12:32:48 راح اختصرلكم كم بوست هنا حسب آرائي النابعه اكيد من بحوث و توصيات و دراسات
و اللي ممكن تختلف من طبيب لآخر حسب الجمعيه و المنظمه اللي يتبعها
.
.
شنو رايك بالكحول لتعقيم السره؟
اني اكول مثل ما منظمه الصحه العالميه تكول اتركها جافه فقط و خارج الحفاظه
ممكن غير زملاء يكولون مثل ما الأكاديميه الامريكيه لطب الأطفال تكول استخدم الكحول لحد ما توكع
اني اشوفها مالها داعي
شنو رايك بفيتامين دي و لشوكت استمر؟
اني اكول مثل ما الأكاديميه الامريكيه لطب الأطفال تكول فيتامين دي يعطى لكل الأطفال اللي يرضعون طبيعيا او اغلب رضاعتهم طبيعي و الأطفال اللي يرضعون صناعيا افحصه و اقرر
غير دول مثل تركيا تنطي فيتامين دي لكل الأطفال بغض النظر عن رضاعتهم
شنو رايك بالحجله؟
اني اكول مثل ما الأكاديميه الامريكيه لطب الأطفال تكول ما تساعد ع المشي و خطره و مالها داعي
شنو رايك بالملهيه؟
اني اكول مثل ما الأكاديميه الامريكيه لطب الأطفال تكول عادي ممكن استخدامها عند النوم فقط فوك عمر شهر و ما تستخدميها أكثر من ٦ اشهر إلى ١٠ اشهر
شوكت اترك المميه؟
اني اكول مثل ما الأكاديميه الامريكيه لطب الأطفال و الأكاديميه الامريكيه لطب اسنان الأطفال تكول الفطام من المميه بالسنه إلى سنه و ٣ اشهر بالزايد
قبل اخر سؤال دكتور انت من جماعه نوكل الطفل ب ٤ اشهر لو ب ٦ اشهر؟
اني من جماعه نوكل الطفل ب ٤ اشهر حسب شروط معينه منها انه يكدر يرفع رأسه الطفل و ضاعف وزن الولاده لان اكو بحوث تكول كلما توكلين من وكت كلما يقل من تحسسه بالمستقبل و كلما يكون تقبلا للطعام
اذا طبيبك يكول من ٦ اشهر فهو يتبع راي منظمه الصحه العالميه اللي تكول الاكل من ٦ اشهر
آخر سؤال و الله ننطي مي للطفل اقل من ٦ اشهر ؟
كل منظمات الدنيا تكول لا داعي للماء اول ٦ اشهر و ما تنطين مي الا من الاكل يصير صلب شويه
د. سيف سمير البياتي
اخصائي طب الأطفال باز کردن / نظر دهید