الشاعر حيدر مطر العبادي

2021-08-30 02:35:32

باز کردن / نظر دهید

2021-08-30 02:13:53 بحجابنه كون انستر/الرادود سمير كهية


باز کردن / نظر دهید

2021-08-29 15:43:15

باز کردن / نظر دهید

2021-08-29 15:42:22

باز کردن / نظر دهید

2021-08-29 15:41:36

باز کردن / نظر دهید

2021-08-29 15:40:57

باز کردن / نظر دهید

2021-08-29 15:37:35

باز کردن / نظر دهید

2021-08-29 01:09:48 ألك مشايه جينه ونفدي الاعمار
نحلفك بالضلع تقبلنه زوار
أجت هاي الملايين
تصيح بصوت يحسين
الك مشايه جينه ونفدي الاعمار
..................................
عهد كل اربعين نروح مشايه
وتظل بالعالي دوم ترفرف الرايه
منطينك حجايه وكد الحجايه
نظل لأخر نفس يحسين وفايه
مطلوبين ألك دين
نصيح بصوت يحسين
.......................................
يالمضحي لاجلنه شلون نوفيلك
مانوفي يغالي شما نضحيلك
وكون دموم مو دمعات نبجيلك
وشرط يوم اربعينك زحف نمشيلك
وين الحاربك وين
نصيح بصوت يحسين
........................................
غالي ولأجل عينك يرخص الغالي
بطريقك والله كل التعب يحلالي
قفلت البيت جيتك أنه واطفالي
ومأساة العقيله صارت أكبالي
ونرخص دمعة العين
نصيح بصوت يحسين
..........................................
نمشي نواسي أمك فاطمه الزهره
بكل خطوه ألف حجه والف عمره
من نوصل ضريحك ننكلب عبره
توج بالكلب جمره وتسعر الجمره
جمرة وتلهب أسنين
نصيح بصوت يحسين
........................................
يالوحة عشق رسمتها زوارك
هنياله المشه وألخدم والشارك
والمعزب يصيح اتفضل لدارك
وعهد بالدم توقعه اليوم أنصارك
و على العهد باقين
نصيح بصوت يحسين
.......................................

يبو السجاد كوم استقبل ضيوفك
كل هاي الجموع تريد معروفك
وصعبه بلايه خنصر مدت جفوفك
بالحضره دمعهه يزور ويطوفك
ويجري الدمع صوبين
نصيح بصوت يحسين
..........................................

لخادم الحسين
حيدر مطر العبادي باز کردن / نظر دهید

2021-08-25 15:24:59 بأبيض كلب طوف وصافيه النيه..
حاجات اليزور حسين مكضيه..
أتعنه لكربله وروح.. باب الجنه مفتوح
حاجات اليزور حسين مكضيه ..
..............................
يالهمك كثر وتريد بس ترتاح..
يم حسين همك لو جبل ينزاح..
ماخاب اليزوره وهل دمعته وصاح ..
شكثر لحسين مشتاك..تسعر نار الفراك
تطفه هناك نارك ميه بالميه..
حاجات اليزور حسين مكضيه..
.............................
لو حسيت لحظه أذنوبك هوايه..
لابو السجاد أكصد بيدك الرايه..
أبوه قرآن وأمه الكوثر الآيه ..
يظل هوه أغلى محبوب .. شفيع ويمحي الذنوب
هنياله اليلوذ ويكعد بفيه..
حاجات اليزور حسين مكضيه ..
...................................
اليكض شباجه لو غركان بهمومه..
بختم حسين كل أعماله مختومه..
يرد عطر الزياره تارس هدومه..
زيارة وارث ونوح .. والله تداوي الجروح
وأذا ما أزورك أقره الفاتحه عليه..
حاجات اليزور حسين مكضيه ..
..................................
أزورك وأدري دين تردلي الزياره..
يا بو الكرم يالمايرد خطاره..
وي جون وحبيب وعابس أنصاره..
احنه وكل الانصار .. بحبك نعبر النار
وكل حاقد يظل بحقده و بغيه ..
حاجات اليزور حسين مكضيه ..
...................................
يوزع رحمة ألله لليريد مراد..
اليجي عارف بحقه يحصل شماراد ..
ماعون اليتامه جف ابو السجاد..
ساكن وسط العيون ..بصحنه المعضله تهون
يكضيهه وأبد ماكال شعليه..
حاجات اليزور حسين مكضيه..
......................................
حيدر مطر العبادي باز کردن / نظر دهید

2021-08-17 23:50:37 زينب الجانت أميره .. أميره ..
هسه مسّبيه و أسيره .. أسيره ..
وصلت الراسي الرمال ..راحت أيام الدلال
عكب الأخوان .. عكب الأخوان
......................................
أنه زينب والعساكر حركو علّيه الخيام ..
وأنه ماعندي محامي لا أخوان ولاعمام ..
شكد تمنيت المنيه وردت بالطف الختام..
كبل ماشوف بحياتي عالرمح راس الأمام ..
وآنه أعاين عالغوالي .. الغوالي ..
تذكرت ذيج الليالي .. الليالي ..
ألتفت يمنه وشمال .. راحت أيام الدلال
عكب الأخوان .. عكب الأخوان
.....................................
شتّموني وأنه زينب آه ياغدر الزمان ..
وآنه بت حيدر أبيه ماعشت ذل وهوان ..
صحت هوّن هالمصيبه ربي أنت المستعان ..
أدري من فاركت أخوتي فاركت حتى الأمان ..
شفت لوعات ومآسي .. ومآسي ..
الزمان وياي قاسي .. قاسي ..
وقسوته تهد الجبال .. راحت أيام الدلال
عكب الأخوان .. عكب الأخوان
.....................................
والله درب الشام حيره بالخرابه من نبات ..
وأحنه للعالم سفينه توصل البر النجات ..
الرمح شايل أماني وشايل شكد ذكريات ..
ردت وي أخواني أموت وياهم شمحله الممات ..
عالابو تسأل رقيه .. رقيه ..
وآنه مجتوفه أديه .. أديه ..
شرد أجاوب عالسؤال .. راحت أيام الدلال
عكب الأخوان .. عكب الأخوان
........................................
أخواني محزوزه المناحر وأنه مجتوفه الأدين ..
ينصدع كلبي من أعاين وين أنطي الوجه وين ..
ساعه أنظر كمر هاشم ساعه أنظر للحسين ..
شما انوح وياي ناحو ومن اون يعله الونين ..
وانه مابيدي وسيله .. وسيله ..
وناكتي عرجه وهزيله .. هزيله ..
وأيدي مخنوكه بحبال.. راحت أيام الدلال
عكب الأخوان .. عكب الأخوان
....................................
الذيج الأيام الجميله روحي تشتاك وتريد ..
وتذكر أيام الطفوله ويه الحسين الشهيد ..
شما أصد عالكافل أنظر منحره ودم الوريد ..
تكبر بعيني المصيبه وصبري عالمحنه يزيد ..
كافلي الروحه حنينه .. حنينه ..
السهم نابت بعينه .. بعينه ..
والدمع من عينه سال .. راحت أيام الدلال
عكب الأخوان .. عكب الأخوان
....................................
بالصلاه أرفع أديه وأدعي ربي بكل قنوت ..
كبل ما شوفن شماته يا آلهي خل أموت ..
ما أنوح بصوت عالي كمت أوّن وأبجي بسكوت ..
خاف تسمعني اليتامه ويرتفع من عدهه صوت ..
تصرخ أيتامك يبابه .. يبابه ..
حتى من بتنه بخرابه .. بخرابه ..
تصيح يابابا تعال .. راحت أيام الدلال
عكب الأخوان .. عكب الأخوان
...................................
حيدر مطر العبادي باز کردن / نظر دهید