الشاعر حيدر مطر العبادي

2022-08-11 05:45:13 الحسين أشلون أنسه أفضاله ..
على فراش الموت هم أقراله ..
........................
مجلسك هالسنه لو منه أنحرم ..
موكب الزنجيل تطبير ولطم ..
ياحسين الما يخدمك ينهضم ..
خدمة حسين بسّجل أعماله ..
.........................
أن شاء الله كل المساجد تنفتح ..
أبمجلسك يحسين صدري ينشرح ..
أقره مجلس لحد ما يطلع صبح ..
اللطم صدره أبمجلسك هنياله ..
..........................
والله هنياله التصب عينه الدمع ..
وحاضر ويانه العزه ويعلك شمع ..
لا حظر تجوال خاف و لامنع ..
يستثاب يريد جاب أطفاله ..
..................................
جاب كل أطفاله بالمجلس حضر ..
حتى واحد عمره يمكن بس شهر ..
طلّع أيده من الكماط وما صبر ..
يلطم وخله الدمع يبراله ..
..............................
لوشهر عاشور بأحزانه أبتده ..
دمعي ينزل عالورد مثل النده ..
حسين عَبره وعِبره والبيه أقتده ..
تعيش مأسات الطفوف أباله ..
...............................
من تهل علينه ياشهر الحزن ..
أه يحسين ومصابه نظل نوّن ..
بالمجالس كون أموتن وأندفن ..
الكبري أروح ودمعتي هماله ..
............................
يالحضرت المجلس بعينك تشوف ..
تعيش صوره وصوت مأسات الطفوف ..
وتبجي عالعباس مكطوع الجفوف ..
الشافت أرض الغاضريه أفعاله ..
................................
يامصاب حسين ما مثله مصاب ..
حيل عالمظلوم نلطم يا شباب ..
الصرف درهم واليوّزع بيه ثواب ..
والله يتضاعف عليه بأمواله ..
..............................
حيدر مطر العبادي باز کردن / نظر دهید

2022-08-11 05:45:13 كتبت القصيده على طور
واويلاه هذا النجم من ياسمه الحاج باسم الكربلائي
يمظلوم.. لامناره ولاصحن..
يمظلوم.. شلون أزورك يالحسن ..
ظلمه دنيانه وضواهه من الشفيع ..
تشرق أنوار الهدايه من البقيع ..
يمظلوم شلون أزورك يالحسن..
.........................................
بالكرم مالك مثيل.. وأنه أثبت بالدليل ..وتشهد الناس..
الكلب مفتوح باب.. ليسأل يلاكي الجواب ..بعطر الأنفاس..
يكرم الضيف بسكوت.. قبل ما يسمعله صوت.. عنده احساس ..
قبل مايحجي ويكول ..ابد ما يرجع خجول ..رافع الراس ..
أخذ دور ..والده وبيه أقتده.
الكرم صار.. ورث حيدر والده .
والشمس ساطع ضواهه وما يضيع..
تشرق أنوار الهدايه من البقيع..
.........................................
تقي و زاهد بالحياة.. وقاوم بصبره الطغاة.. بحكمه وأصرار..
يجري حبه بالوريد.. وعن طريقه مانحيد.. رغم الأخطار..
العدو قبل الصديق.. يشهد بهذا الطريق.. راحت أحرار.
والكلب ينبض حنين ..لزينب وذيج السنين ..والوكت دار..
والأهات ..رافكتكم من زغر..
والجروح.. أجت منكم تعتذر ..
شاب راسك وانت ابن عمر الربيع..
تشرق أنوار الهدايه من البقيع..
...........................................
واكف بهيئة جبال.. ابد مايعرف محال.. رغم الاهات..
ماينام على الهوان.. والشعار بكل زمان ..ألذله هيهات..
يا أسد وسط العرين ..مرت عليه السنين ..جنهه لحظات ..
عاش وي فحل الفحول.. وفاطمه الزهره البتول.. والعمر فات ..
يمولاي ..أسمك بكلبي انكتب ..
نقي و صار.. عندي أغله من الذهب.
أشتريناك بعمرنه وما نبيع..
تشرق أنوار الهدايه من البقيع..
....................................................
شفت أنواع العذاب.. واندفع للزهره باب ..وعينك تشوف..
عشت وبكلبك مرار.. والشعل بالعتبه نار..بحقده معروف ..
ترجف أصحاب الفتن.. من يمر طاري الحسن ..نظرته سيوف..
أتخيلك يم الخيام.. تنصر حسين الإمام.. بأرض الطفوف ..
بالطفوف.. من يحركون الخيم..
والأيتام.. تنتظر راعي العلم..
وعالشريعه طايح السد المنيع..
تشرق أنوار الهدايه من البقيع..
.........................................
واصل السم للعظم.. وشبع لوعات وهضم ..كالجبل طاح ..
دمع العيون أنفجر.. يوم سابع من صفر ..الحسن راح ..
الزكي سافر بعيد.. ونار بعده ماتهيد.. حسره ونياح ..
النعش يرمونه بسهام.. وأحنه من أجل الإمام ..نفدي الأرواح ..
والإسهام.. تمر تسلم عالولي..
يمسموم ..يالحسن يا بن علي ..
مات شبل المرتضى بسم النجيع..
تشرق أنوار الهدايه من البقيع..
...............................................
جعده ماتسوه العتب ..وخلت السم بالعنب ..لبن الاكرام ..
الغانمه العند الحسن.. بفضله يشهدله الزمن.. لو ألف عام..
جبريل ناده بالسمه.. هذا أبن حامي الحمه ..بنعشه الإسهام..
اليوم ننصبلك عزاء ..بالبقيع وكربلاء ..وأحنه خدام. .
يزهراء.. هذآ مأتم للحسن .
واللدموع.. حفرن الخد من جرن.
مانسينه مصيبته ودم الرضيع.
تشرق أنوار الهدايه من البقيع.
.......................................
لخادم الحسين
حيدر مطر العبادي باز کردن / نظر دهید

2022-08-11 05:45:13 زينب الجانت أميره .. أميره ..
هسه مسّبيه و أسيره .. أسيره ..
وصلت الراسي الرمال ..راحت أيام الدلال
عكب الأخوان .. عكب الأخوان
......................................
أنه زينب والعساكر حركو علّيه الخيام ..
وأنه ماعندي محامي لا أخوان ولاعمام ..
شكد تمنيت المنيه وردت بالطف الختام..
كبل ماشوف بحياتي عالرمح راس الأمام ..
وآنه أعاين عالغوالي .. الغوالي ..
تذكرت ذيج الليالي .. الليالي ..
ألتفت يمنه وشمال .. راحت أيام الدلال
عكب الأخوان .. عكب الأخوان
.....................................
شتّموني وأنه زينب آه ياغدر الزمان ..
وآنه بت حيدر أبيه ماعشت ذل وهوان ..
صحت هوّن هالمصيبه ربي أنت المستعان ..
أدري من فاركت أخوتي فاركت حتى الأمان ..
شفت لوعات ومآسي .. ومآسي ..
الزمان وياي قاسي .. قاسي ..
وقسوته تهد الجبال .. راحت أيام الدلال
عكب الأخوان .. عكب الأخوان
.....................................
والله درب الشام حيره بالخرابه من نبات ..
وأحنه للعالم سفينه توصل البر النجات ..
الرمح شايل أماني وشايل شكد ذكريات ..
ردت وي أخواني أموت وياهم شمحله الممات ..
عالابو تسأل رقيه .. رقيه ..
وآنه مجتوفه أديه .. أديه ..
شرد أجاوب عالسؤال .. راحت أيام الدلال
عكب الأخوان .. عكب الأخوان
........................................
أخواني محزوزه المناحر وأنه مجتوفه الأدين ..
ينصدع كلبي من أعاين وين أنطي الوجه وين ..
ساعه أنظر كمر هاشم ساعه أنظر للحسين ..
شما انوح وياي ناحو ومن اون يعله الونين ..
وانه مابيدي وسيله .. وسيله ..
وناكتي عرجه وهزيله .. هزيله ..
وأيدي مخنوكه بحبال.. راحت أيام الدلال
عكب الأخوان .. عكب الأخوان
....................................
الذيج الأيام الجميله روحي تشتاك وتريد ..
وتذكر أيام الطفوله ويه الحسين الشهيد ..
شما أصد عالكافل أنظر منحره ودم الوريد ..
تكبر بعيني المصيبه وصبري عالمحنه يزيد ..
كافلي الروحه حنينه .. حنينه ..
السهم نابت بعينه .. بعينه ..
والدمع من عينه سال .. راحت أيام الدلال
عكب الأخوان .. عكب الأخوان
....................................
بالصلاه أرفع أديه وأدعي ربي بكل قنوت ..
كبل ما شوفن شماته يا آلهي خل أموت ..
ما أنوح بصوت عالي كمت أوّن وأبجي بسكوت ..
خاف تسمعني اليتامه ويرتفع من عدهه صوت ..
تصرخ أيتامك يبابه .. يبابه ..
حتى من بتنه بخرابه .. بخرابه ..
تصيح يابابا تعال .. راحت أيام الدلال
عكب الأخوان .. عكب الأخوان
...................................
حيدر مطر العبادي باز کردن / نظر دهید

2022-08-11 05:45:13 لو ردت همك ينزاح أم البنين أنخاهه
......................................
مغركني خير ام عباس أفضال الهه هوايه ..
عدهه كرامات هواي كد الفرات ومايه ..
وصت ابنهه الضرغام بالك تطيح الرايه ..
لمن سمعهه عباس فوك النجم علاهه ..
.................................
مكضيه كل شده تهون أبحر الكرم وأمواجه ..
اليرفع اديه وينخاج تنطينه بيده الحاجه ..
يالبيج شرع الله انصان بأسراءه وبمعراجه ..
البجت دم على حسين خل نبجي كلنه وياهه ..
...............................
فدوه النشامه لحسين صاحت وأنه الممنونه ..
راحت تعاين عباس تلكه حسين بعيونه ..
جعفر وعبد الله وعون الاخو ماينطونه ..
وصتنه أمنه وهاليوم أنجازي حك ارباهه..
.................................
صاح ابو فاضل عباس اليوم أوفي أوعودي ..
لزينب أجيب انه الماي لو كطعولي ازنودي ..
نهر الفرات العطشان راح ارويه من جودي ..
بيوم الحشر أمنه نريد الزهره تتلكاهه ..
....................................
بحسره ومدامع واهات عكبك اكضي اسنيني ..
يوليدي يالب أحشاي يالشوفتك ترويني ..
الخوه وكفات تريد موبس هاك وأنطيني..
وطاهه بمثل هذا اليوم وكفتك ما ينساهه ..
....................................
كلج وفه يم عباس منبع بطوله وغيره ..
الطف تريد الشجعان بس عندج التأشيره ..
ارتجز بالطف عباس من كبّر التكبيره ..
الخيل تردم بالخيل أتفر الزلم خلاهه ..
...................................
حيدر مطر العبادي باز کردن / نظر دهید

2022-08-11 05:45:13 كعديه
حسين من فاركني شوف شصار بيه ..
جان اسمي أم الخدر هسه السبيه ..
عشت لوعات المصاب ..
وروحي ما تحمل غياب ..
شصار بيه ..
..................
بلوعة المفجوعه أحجي وأروي أهات المصيبه ..
مغوركه عيوني بدمعها و أدري بالراح شيجيبه ..
كل هلي راحو و أخوتي وبقت زينبهم غريبه ..
مسبيه أسحك عالجمر .
والصبر مل مني الصبر .
بالحلم لو واحد يمر .
والكلب يكطع نحيبه ..
شلون أركب ناكه وأنه الهاشميه ..
والشمر يضربني وآنه أشكف بأديه ..
من الفجيعه كلبي ذاب ..
وروحي ما تحمل غياب ..
شصار بيه ..
...................
أبتدت مأساتي وغربتي وأنه عالتل أنتظرهم ..
من أنذبح أبن أمي ضامي و عالصدر كاعد شمرهم..
وكافلي يم الشريعه وفاح بالحومه عطرهم ..
حسين مكطوع النحر .
وطاح الجبل يم النهر .
يدروني ما أحمل قهر .
ريت من عمري لعمرهم ..
راحو أخواني وبقت دنيانه ظلمه ..
ومنحده الشامت ضعنه والله هضمه ..
حتى رمش عيوني شاب ..
وروحي ما تحمل غياب ..
شصار بيه ..
...........................
جنت أمني الروح هلبت عيوني متوهمه بنظرهه ..
الحرم من الخوف والله تموت لو سمعت خبرهه ..
أتحضرن لسياط أميه لو خيمنه يشب جمرهه ..
طشينه كلنه بالفله .
من ضيمنه وذاك البله .
اللاه يعملت كربله .
ماتفاركني صورهه ..
أبد ما أنسه المصايب والأذيه ..
وأنه اكومن وأنهطر وأنظر رقيه..
ومولح عيوني التراب ..
وروحي ما تحمل غياب ..
شصاربيه ..
............................
الصخر حن ونعانه وما يحن كلب آل أميه ..
حايره الأطفال ظلت عاتكه وسكنه ورقيه ..
أذكرت بصباي الجرالي سولفت عنهه الزجيه ..
وصتني أمي فاطمه .
لو سالت دموعج دمه .
اتوجهي لرب السمه .
وأدعي ربج كل مسيه ..
صحت يا ربي دخيلك هون الصار..
بعد مابيهه اليتامه تحمل أخطار ..
ربي أنت المستجاب ..
وروحي ما تحمل غياب ..
شصاربيه ..
...............................
لوردت أشرح أحوالي بالوصف يعجز كلامي ..
الشمر يحدي الضعينه والنحر مرفوع دامي ..
عالرمح راس أبو اليمه شلون أوصلّه سلامي ..
ألف وسبعمية جرح .
يلتفت ويلجمه الرمح .
موقف أبد ماينشرح .
عالرمح صله أمامي ..
أستقبل القبله وبجه ودمعه يلالي ..
وجني أسمعه يكول يازينب تعالي ..
يختي رديلي جواب ..
وروحي ما تحمل عذاب ..
شصاربيه ..
..........................
لو ميته جان أهون ألي ولا شفت ضحكة شماته ..
تتضاحك أشباه الزلم والعليل توّن خواته ..
ومن جابو الراس بطشت ماتت رقيه بمماته ..
عالابو من ظلت توّن .
مليانه أهات وحزن .
خلوهه وياه تندفن .
عالطشت ماتت رقيه وننشتم تالي حياتي ..
..............................
حيدر مطر العبادي باز کردن / نظر دهید

2022-08-11 05:45:12 ششد منهن والجروح هوايه ..
راح أشدّهن يالكمر بالرايه..
جروحك التنزف ضوه .. ألهه مايرهم دوه ..
...........................
والله محتاره شداوي جرح أكبر من جرح ..
دموعي لوسالت أخاف تصب على جروحك ملح ..
تدري زينب يالكفيل بوجهك أتشوف الصبح ..
لو نويت تروح عنهه بسيف هجرك تنذبح ..
يبو فاضل لو رحت يالغالي ..
الموت والله بفركتك يحلالي ..
تضيع نسمات الهوه .. ألهه مايرهم دوه ..
راح أشدّهن يالكمر بالرايه ..
.........................
أنه ماشفت بحياتي كمر وبعينه سهم ..
الضوه مضيّع طريقه الدنيا ظلمه من الألم ..
ياحلم كل اليتامه والحلم أصبح وهم ..
ضاعت الأحلام كلهه وطاح شيال العلم ..
يبو فاضل حيل ماترضاهه ..
تمشي زينب والشمر وياهه ..
ويّه ذباحك سوه .. ألهه مايرهم دوه ..
راح أشدّهن يالكمر بالرايه ..
.........................
كل كتر ينزف أشوفه وما نفع بيهن ضمد ..
ششد منهن يابو فاضل والجروح بلا عدد ..
الأسد يمشي على جرحه أدري من طبع الأسد..
بس ردت ترجع أليه وكلشي ماريدن بعد ..
شِلي بعمري لو بعد ما شوفك ..
بعيني شفت مكطعات أجفوفك ..
شابك عليهه اللوه .. ألهه مايرهم دوه ..
راح أشدّهن يالكمر بالرايه ..
.............................
اشلون أشد جرح البعينك والسهم بيهه أنكسر ..
لو أداوي أجفوف أديك الكطعوهن عالنهر ..
من أشوف سهام صدرك ياكفيلي أشبع قهر ..
أجروحك مبينه عليه وحدّبت حتى الظهر ..
كمت بالكوه أجر بأجدامي ..
يانهر وشلون أشوفك ضامي ..
الماي بجفوفك روه .. ألهه مايرهم دوه ..
راح أشدّهن يالكمر بالرايه ..
..............................
ياذخر أم البنين ومفخرة حامي الحمه ..
أشلون مرمي على الوطيه يالمكانك بالسمه ..
كوم وأنهض ياكفيلي بداعت أمك فاطمه ..
كون أموت ولاأشوف اللحيه تتكاطر دمه ..
أنت جثه عالثره ومطروحه ..
وآنه كلبي مايبطّل نوحه ..
بفركتك كلبي أنجوه .. ألهه مايرهم دوه ..
راح أشدّهن يالكمر بالرايه ..
.................................
حيل أذاني مصابك من طحت عالمشرعه ..
بالسهم مصيوب جودك والجفوف مكطعه ..
مات أبو فاضل يزينب أسمع الناعي نعه ..
ودمعه يهمل عالمصيبه بصوت ينعى الفاجعه ..
كتله ياناعي المصيبه أحجيلي ..
أبو فاضل فركته تهد حيلي ..
طشرتنه نينوه .. ألهه مايرهم دوه ..
راح أشدّهن يالكمر بالرايه ..
....................................
حيدر مطر العبادي باز کردن / نظر دهید

2022-08-11 02:45:09 أعشك حسين وهواه أتنفسه ..
والله كل عله تطيب بمجلسه ..
................................
كلمن يدور علاج العلته ..
يحضر المجلس يعلّي ونته ..
ويلطم بحسرات ويهل دمعته ..
الألم ينساه وينسه شدته ..
هم عياده وصيدليه ومدرسه ..
..........................
شكرا لرب الجلاله اللي جعل ..
بمجلسه تهون الشدايد والعلل ..
لمن الرادوود يقره المستهل ..
كلمن يدك صدره للباري أبتهل ..
كل دعائه مستجاب بهالمسه ..
.............................
بالمجالس والله كل خادم حضر ..
وخله دمعه يحفر على الخد نهر ..
لو يدك زنجيل والراس أنطبر ..
على حسين المنذبح من النحر ..
وحافر الخيل السحك صدره وقسه ..
............................
هوه المجلس يختلف عن كل هوه ..
ووجه خدام الحسين يشع ضوه ..
لكل مرض صارت مجالسنه دوه ..
االحضر من كوثر الزهره أرتوه ..
أبد ماتنسه الحضر خير النسه ..
.............................
اي وحك المنذبح من الكفه ..
وزينب الراحت سبيه مجّتفه ..
المجلسك نحضر ولابينه الجفه ..
وتبقى خدام الحسين أهل الوفه ..
حاضره بكل مجلس أسود لابسه ..
.............................
نبقى حد الموت شيعة حيدره ..
جنه بالطف عايشين المأثره ..
الباع كلشي وحب الحسين أشتره ..
باجر الجنة عدن يلزم سره ..
الصار مجنون الحسين وعابسه ..
................................
حيدر مطر العبادي باز کردن / نظر دهید

2022-08-10 00:18:27 محتار ميمونك.. من فارك عيونك
اشلون يرجع للمخيم خالي..
وعيون زينب تسأل على الوالي..
من فارك عيونك .. من فارك عيونك
............................
والله هد حيله الحزن يصهل ويبجي ويون ومدنك الراس..
يمشي ويخط الجدم ويعثر بجف و علم
للبطل عباس..
بحيره من رد للخيم بروحه جانون الالم
جمره من الاحساس ..
عاش بالطف ملحمه جروح وأسهام ودمه
من الجدم للراس ..
ومن فاضت دموعه.. عالرضو ضلوعه
صاح أنه غير حسين ما يحلالي..
وعيون زينب تسأل على الوالي..
من فارك عيونك.. من فارك عيونك
.....................................
ظلمه بعيونه السمه ويبس ريجه من الضمه
وبعيونه حيره ..
يريد من زينب عذر خجلان من عدهه شكثر
وجهه يديره..
من السمه راح الضوه وأختنك حتى الهوه بحّر الظهيره..
تنظر عنان المهر زينب وهم تنتظرتشتم عبيره..
تسجل ألك موقف.. من دمك الينزف
وعالمهر شافت دم اخوهه الغالي ..
وعيون زينب تسأل على الوالي..
من فارك عيونك.. من فارك عيونك
.....................................
شاف بعيونه صور من العطش يشكي النهر
ويدور الماي..
ماكو شمس ولاكمرزينب اتلكي الخبر
عالغبره مولاي..
حسين جثه موذره عاري ظل على الثره
ومطبر هواي..
تحترك كل الخيم والهواشم والحرم أتّيه الراي..
ياللونك أتغير .. الفكد ابو الاكبر
رديت خالي و خيبّت أمالي ..
وعيون زينب تسأل على الوالي..
من فارك عيونك.. من فارك عيونك
........................................
السمه سوده مكدره ابن بت خير الوره حزو وريده..
تربع بصدره الشمر وتسحك الخيل بصدر شبل الصميده ..
شفت خنصر منكطع شيبّك هذا الوضع المحنه شديده ..
شلون يقبل نفترك والمخيم يحترك مثل الرعيده..
ولصوب ابو سكينه .. تشبح بقت عينه
وينسلب بيت المصطفى أول تالي..
وعيون زينب تسأل على الوالي..
من فارك عيونك.. من فارك عيونك
........................................
أنت شاهد يالمهر الشمس وكت الظهرذبحو ضواهه..
الدنيا ظلت مظلمه على أبن حامي الحمه وضمت سناهه..
فتحت الباب السمه وجنهه امه فاطمه رادت ضناهه..
صار ملعب للسيوف اتطشر بكاع الطفوف روحك يطاهه..
ذبحو حلم جده .. وظل عالرمل خده
ونار الفجيعه بمهجتي ودلالي..
وعيون زينب تسأل على الوالي ..
من فارك عيونك .. من فارك عيونك
............................................
اتربع بصدر الورد ذبح عطره بكل حقد شمر الخنه العار..
ماقبض روحه الملك وبجه كل كون الفلك ويعاين الصار..
ذبّل الورده العطش لجسد ما لمه نعش أوصاله طشار..
هذا باب المغفره راح لأمه الطاهرة وحيدر الكرار..
شافه النبي وكبر.. مظلوم أبن حيدر
ونزلت الأملاك تبجي أكبالي ..
وعيون زينب تسأل على الوالي ..
من فارك عيونك .. من فارك عيونك
..........................................
لخادم الحسين
حيدر مطر العبادي باز کردن / نظر دهید

2022-07-17 23:18:00 أويلاه على الحسين .. أويلاه على الحسين
................................
بصوت الحزن يحسين لو نادينه ..
طول العمر لا والله ماناسينه ..
أسمك يظل للموت عايش بينه ..
خدامك ووفايه الك تدرينه ..
أويلاه على الحسين .. أويلاه على الحسين
...............................
نحزن حزن ما شافته المعموره ..
الكون يلبس أسود بعاشوره ..
هاماتنه بيوم أهدعش مطبوره ..
لحسين كل أرواحنه منذوره ..
أويلاه على الحسين .. أويلاه على الحسين
..............................
عن المذاهب يختلف أسلوبنه ..
نار المصيبه تستعر بكلوبنه ..
الدمع يجري ويبقه أسود ثوبنه ..
بدربك فقط نمشي ونعوف دروبنه ..
أويلاه على الحسين .. أويلاه على الحسين
..............................
لو نشرح بحسره وألم موضوعنه ..
الليله وحشه بكل مكان أشموعنه ..
شلال عالخد يجري سيل دموعنه ..
نلطم على الراس ونهشم أضلوعنه ..
أويلاه على الحسين .. أويلاه على الحسين
..............................
لا وحق أمك فاطمه المظلومه ..
ماننسه طفك ياحسين ويومه ..
وضلوعك المن السحك مهشومه ..
بّ حر الشمس ومسلبات أهدومه ..
أويلاه على الحسين .. أويلاه على الحسين
..............................
حر وعطش ومفطرات أشفافه ..
من الخيزران أمغيرات أوصافه ..
جروحه غميجه ولا أظن يتشافه ..
والخيل طبكت صدره وي أجتافه ..
أويلاه على الحسين .. أويلاه على الحسين
....................................
حيدر مطر العبادي باز کردن / نظر دهید

2022-07-09 00:57:01 ابو ذيات حسينية مجالس
https://t.me/djgvehzfhibdhxgg باز کردن / نظر دهید