الشاعر حيدر مطر العبادي

2021-08-14 15:06:34 دكو صدرهم بالطفوف الأنصار..
وأنتخو أهل التضحيه والإيثار..
بالدم كتبو عهدهم .. والعز ثوبه علكدهم
وأنتخو أهل التضحيه والإيثار ..
..........................................
ماهابو السبعين ألف هالسبعين..
وي المنايه تسابكو لأجل الدين..
جون وحبيب وعابس وأبن القين..
للموت ظلو عالعهد ويَ حسين..
أصحاب وياعزمهم .. شدّو بالطف حزمهم
وأنتخو أهل التضحيه والإيثار..
.....................................
الحر الرياحي شن عليهم غاره..
الكل سكت ظل يحجي بس بتاره..
بروس العساكر ياخذ أستخاره..
أبصوت صاح حسين أحنه أنصاره..
من كبّر الرياحي .. خله العدو أضاحي
وأنتخو أهل التضحيه والإيثار..
..................................
تقدم وهب كبّر وصوته عالي ..
بالموت وي حسين ما أبالي..
لأجل العقيده رخصت كل غالي..
نصراني بس بالطف صرت موالي..
اليوم بصافي نيه .. راح أشبك المنيه
وأنتخو أهل التضحيه والإيثار..
...................................
رجّف الحومه لمّن تقدم جون..
يحسين هذا أنه الموالي المجنون..
السبعين ألف هالصوت خل يسمعون.
أبسيفي أضرب كل منافق ملعون..
لحسين الضحه روحه.. جنة عدن مفتوحه
وأنتخو أهل التضحيه والإيثار..
..................................
ما قصرو بالحومه نعم الأصحاب ..
فخر العرب نعرف جميع الأنساب ..
زينب نختهم هوسو يم الباب ..
بالحومه أبد ماقصرو شيب وشاب ..
الحشد الحسيني جاهز .. نصبو اربع مفارز
وأنتخو أهل التضحيه والإيثار..
......................................
هذا الحشد بالغاضريه أشسوه ..
لروح النبي صارو حزام وتجوه ..
للدين والمذهب عمرهم فدوه ..
بجنة عدن كلمن عطش يتروه ..
بيده النبي يرويهم .. ماقصرو يدريهم
وأتتخو أهل التضحيه والأيثار
.................................
حيدر مطر العبادي باز کردن / نظر دهید

2021-08-13 09:26:15

باز کردن / نظر دهید

2021-08-06 22:43:39 هذا عهدنه وياهه .. زينب فلا ننساهه
..........................
للموت وقعنه العهد بدمانه ..
وشلون ننسه وهيه ماتنسانه ..
نحيا ونموت الخدمه هاي ويانه ..
خدام زينب كل زمن تلكانه ..
وبهالأسم نتباهه .. زينب فلا ننساهه
............................
زينب يظل أسمج نبض بكلوبنه ..
شمس الله وتنور ظلام أدروبنه ..
دوم على زينب يبقه أسود ثوبنه ..
هيه الشفيعه بالكبر لذنوبنه ..
وربنه كرامه أنطاهه .. زينب فلا ننساهه
.............................
مدرسه زينب كل وكت موجوده ..
عفه وقداسه وبالستر مشهوده ..
ولجل الخدر أنطه الكفيل أزنوده ..
اليوم كل شيعي يوافي أعهوده ..
ونوافي عترة طاهه .. زينب فلا ننساهه
...............................
أعمارنه الزينب تظل منذوره ..
ودمعاتنه على الخد تهل معذوره ..
رايتنه سوده على السطح منشوره ..
ماتت غريبه من الهضم مقهوره ..
وبكل وكت ننعاهه .. زينب فلا ننساهه
..............................
ننسه العقيله شلون مامعقوله ..
الينسه زينب ذمّته مشكوله ..
للشام راحت والطريق أشطوله ..
صارت كفيله على الضعن مسؤوله ..
وعلى الجمر ممشاهه .. زينب فلا ننساهه
..........................
تبقه العقيله بالصبر معروفه ..
وتشهد عليهه كربله والكوفه ..
زينب أسمهه كل حرف بحروفه ..
بماي الذهب يلمع بريق أنشوفه ..
وحروفها شمحلاهه .. زينب فلا ننساهه
........................
حيدر مطر العبادي باز کردن / نظر دهید

2021-08-06 09:18:10 خل نودع زينب بهليله ..
كل محب دمع المصيبة يسيله..
..............................
خل نودع زينب بهذا المسه..
الزمن وي العقيله شكد قسه..
اتحملت بالصبر صارت مدرسه ..
لا أخوان ولا أبو التشكيله..
خل نودع زينب بهليله..
............................
نلطم على الراس ونهل الدمع..
مثل ليلة فاطمه وكسر الضلع ..
انطفت بالسمه شمس الله التشع..
والشمس رادت كمر تحجيله..
خل نودع زينب بهليله ..
..................................
خل نودع زينب وندمي الصدر ..
عالعقيله ام المصايب والصبر ..
عدهه أمل عباس يرجع تنتظر..
تدري بيه يكلبهه من توميله..
خل نودع زينب بهليله ..
..............................
بحسره وأهات ومدامع وبحزن ..
خل نودع بت علي وأخت الحسن..
جبل يتحدى المصاعب والزمن..
اليوكف بوجه الجبل ياويله..
خل نودع زينب بهليله ..
............................
ننصب اليوم المجالس والعزاء..
مره بأرض الشام مره بكربلاء..
نبجي عالمظلومه بت خير النساء..
الورثت من أمهه حجاب وشيله..
خل نودع زينب بهليله ..
..............................
الليله ننعى أم الصبر وأم الجروح..
عالعقيله للصبح نبجي وننوح ..
ومن مجالسنه عطر جنه يفوح ..
اليبجي دمعه بالحشر توفيله..
خل نودع زينب بهليله..
..............................
خل نودع زينب نصيح العجل..
سيدي ومولاي يالبيك الامل..
شوكت تظهر يانسل خير العمل..
ندعي للمهدي الفرج تعجيله..
خل نودع زينب بهليله..
..............................
حيدر مطر العبادي باز کردن / نظر دهید

2021-08-01 14:35:09 كعبه وتطوفج يتامه .. وشامت بسوطه الملامه ..
أدري زينب دربج أصعب .. حتى من يوم القيامه ..
...........................
زينب أشلون وصبرتي وانتي دربج بس مصايب ..
زينب أنتي أعجوبه صبرج مومثل باقي العجايب ..
يالمتاعج بس مآسي ودمع يجري على الحبايب ..
ياهو يقبل بت خليفه تسكن بوسط الخرايب ..
هسه وين ووين جنتي .. من الخدر مسبيه صرتي ..
وادري درب الشام قاسي .. وأنتي يازينب حمامه ..
...........................
زينب شلون ومشيتي وحدج أنتي بلاحمايه ..
وهيه كلهه عيون صلفه وباليسر مو سهله هايه ..
أنتي تترتلين زينب بالخدر شو جنج آيه ..
كون تنزل بيج سوره سوره تتسمه العبايه ..
وأدري يازينب عباتج .. أغله عندج من حياتج ..
مو مره يازينب أنتي .. مفخره وكلج شهامه ..
............................
زينب هوايه النوايب قصّتج كلش طويله ..
أنتي عن ياهي صبرتي هيه الأهون مستحيله ..
ياهي من عدهن خفيفه ويا مصيبه اللي ثكيله ..
مشيتج ويه الأجانب صعدتج فوك الهزيله ..
من جمر حر الظهيره .. أدري دربج كله حيره ..
يسرج أمغير الملامح .. تارك أبوجهج علامه ..
.............................
حكهه متغيره الملامح هوه دربج كله يقهر ..
وحكه كلمن مايعرفج راسج أبيض وجهج أصفر ..
جان الله بعون كلبج لو جبل هم أيتفطر ..
هوه لو عباس يمج ياهو يرفع ايده يكدر ..
هيه بس رفعت أديهم .. تأذي أكثر من سبيهم ..
لو جبل جان أبمكانج .. بيهه يعلن أنهدامه ..
.............................
عالهزل زينب صعدتي وأنتي جيتي على المحامل ..
جان ماينشاف ظلج هسه شافج جيش كامل ..
زينب أشكبراته كلبج ها كثر شوغات حامل ..
عين تربي على اليتامه وعين تربي على الأرامل ..
أنتي عالعالم أميره .. وتشهد الناس الفقيره ..
والظلم هزيتي عرشه .. جن علي وشاهر حسامه ..
....................................
زينب أهون عندج أدري حتى لو كصو وريدج ..
ولا يسمونج سبيه وبالحبل مجتوفه أيدج ..
أنتي ذليتي غروره وهوه مذلوله يريدج ..
القصر هوه وطغاته بأصبعج أصبح عبيدج ..
يرتجف منج مهابه .. وشاف منهاج الخطابه ..
يكفي لمن راد يحجي .. أنتي قاطعتي كلامه ..
.......................................
حيدر مطر العبادي باز کردن / نظر دهید

2021-07-31 02:04:04 نزله
ليلة سيدي ومولاي مسلم بن عقيل ع
شمحله مسلم من برز بالكوفه ..
ياحلات السيف بين أجفوفه ..
كلمن يشوفه يحير .. كمر هذا لوسفير
ياحلات السيف بين أجفوفه
.......................
تارس الدنيه ضواه و ياجمال أوصافه ..
يكول عباس الغضنفر والله كلمن شافه ..
هيبه شخصيه وقياده وعاليات أجتافه ..
السيف سولف كل كلامه وما نطق بشفافه ..
بس الي يريده يصير .. كمر هذا لو سفير
ياحلات السيف بين أجفوفه
........................
مثل حملات الصميده مسلم وتدرونه ..
على العيله ماينام ولا يغمض أعيونه ..
صال صوله حيدريه وفنهم أيلاكونه ..
خله كل فرسان أميه لابده بدربونه ..
يصيد كل فارس جبير .. كمر هذا لو سفير
ياحلات السيف بين أجفوفه
............................
موت لوسيف بيمينه ياحلات أخباره ..
مايهم كثرة عددهم شن عليهم غاره ..
هذا مسلم لو ابو فاضل لو علي بفقاره ..
ظلت أهل الكوفه كلهه بهالبطل محتاره ..
يابطل هذا اليغير .. كمر هذا لو سفير
ياحلات السيف بين أجفوفه
........................
جفه حار وسيفه يلمع نازل على أركابهم ..
روس مجهوله الهويه وخل يفيد إنكابهم ..
الغدر مو ثوب أهلنه ذوله ياهو الجابهم ..
كالو إقدم للحسين ووجهوله كتابهم ..
أركابهم كامت تطير .. كمر هذا لو سفير
ياحلات السيف بين أجفوفه
...........................
شافت أفعال ابو طاهر طوعه صاحت ياهله ..
مسلم وحي الله مسلم كله زود ومرجله ..
طشر بسيفه العساكرصوته بالكوفه أعتله ..
أنه أبن عم الحسين بدمي تجري كربله ..
مسلم وعمي الأمير .. كمر هذا لو سفير
ياحلات السيف بين أجفوفه
................................
مسلم التاريخ سجّل أسمه بين أسطوره ..
عن بطولاته ووفائه تشهد المعموره ..
ابو الغيره الهاشميه راسم أجمل صوره ..
خله كل أهل الضغائن خايفه ومذعوره ..
بالحرب ماله نظير .. كمر هذا لو سفير
ياحلات السيف بين أجفوفه
.............................
حيدر مطر العبادي باز کردن / نظر دهید

2021-07-24 09:10:41 بحجابنه . الكون انستر ..
بحجابنه . يحجي الدهر ..
بحجابنه . نغطي القهر ..
بحجابنه.. بحجابنه
................................
زينب أنه الهاشميه مدرسة عفه وحجاب ..
علمتني دروس أمي كبل مايعصرهه باب ..
وأنكسر ضلع الزجيه أتحملَت لوعه وعذاب ..
بس بقت عفه وقداسه وللستر صارت كتاب ..
ودروسهه . ستر المره ..
ودروسهه . مو سافره ..
ودروسهه. تظل جوهره ..
بحجابنه .. بحجابنه
..................................
من وصلنه الغاضريه والعدد كلش قليل ..
طالبيات وخيمنه حارس عليهه الكفيل ..
أبد منهاب المنيه ويه ابن حامي الدخيل ..
أحنه أميرات بخدرنه هذا خطنه وما نميل ..
لخيامنه. محد عبر ..
لخيامنه . يحرس كمر ..
لخيامنه . قيمه وقدر ..
بحجابنه .. بحجابنه
.................................
يوم عاشر من محرم من على التل البعيد ..
شفت غارات الكفيل على العساكر كالرعيد ..
وطاحن يمينه ويساره البيهه ذل زمرة يزيد ..
عالنهر ساقي العطاشى مخضب بدم الوريد ..
وأطفالنه . ظلت توّن ..
وأطفالنه . تبجي وتحن ..
واطفالنه . تمسح حزن ..
بحجابنه .. بححابنه
..................................
حسين عالغبره رميه وألطم وأبجي بسكوت ..
لو رحل شلي بحياتي كون ويه حسين أموت ..
ميسره تمشي الأميره وعالجمر تمشي وتفوت ..
ترضه زينب عالهزيله والخدر يطلعله صوت ..
وشحالهه . لبوة علي ..
وشحالهه . راح الولي ..
وشحالهه . ريحة هلي ..
بحجابنه .. بحجابنه
.................................
أنظر النار المخيم شبت وصارت رماد ..
حرم وأطفال بخيمنه وخافت من أهل العناد ..
وانه محد شاف طولي وخدري للزهره أمتداد ..
زحمه أركض وانه زينب ستري للمذهب عماد ..
واخلاقنه . ورث النبي ..
وأخلاقنه . برغم السبي ..
واخلاقنه . خدر وعبي ..
بحجابنه .. بحجابنه
................................
أبد ماجانت أبالي عالهزل مسبيه أروح ..
تارسه عيوني المدامع سكته من أبجي وأنوح ..
والله درب الشام حيره سياط وآلام وجروح ..
شمر يسطرني على وجهي وعالرمح راسك يلوح ..
وجتافنه . طول الدرب ..
وجتافنه . شبعت ضرب ..
واجتافنه . بس تنحجب ..
بحجابنه .. بحجابنه
...................................
حيدر مطر العبادي باز کردن / نظر دهید

2021-07-20 01:21:01 حسين ياروح الرسول .. يمته هالمحنه تزول
همي ينزاح من أزورن كربلاء ..
يمته يامولاي يخلص هالوباء ..
ياحسين .. ياحسين
...................................
روحي تقره الفاتحه تسهيل أمر ..
شوكت هاي المحنه تخلص ننتظر ..
شوفتك مولاي أغله من العمر ..
وأحنه غيرك تدري ماعدنه ذخر ..
ندعي أذا همنه يزيد .. بجاه الحسين الشهيد
واليحبك يمتلك بس الدعاء ..
يمته يامولاي يخلص هالوباء ..
ياحسين .. ياحسين
..................................
من الألف للياء عشنه الفاجعه ..
وودعينه أعزاز والناعي نعه ..
بجاه الحسين وغربته ومصرعه ..
طاري كورونه بعد مانسمعه ..
أسمك المستشفى صار .. أنت بيه ليل ونهار
وبشفاعتكم نريد أحنه الشفاء ..
يمته يامولاي يخلص هالوباء ..
ياحسين .. ياحسين
..................................
والله يامولاي مأساوي الوضع ..
وحك أمك فاطمه وكسر الضلع ..
جفت عيون الثكاله من الدمع ..
والصبر مر وأبد ما ينجرع ..
أن شاالله باجر تروح .. هالمآسي والجروح
وبمحرم نقره مجلس للعزاء ..
يمته يامولاي يخلص هالوباء ..
ياحسين .. ياحسين
...........................
ياحسين ومحّد يرّد الجواب ..
والفساد بلا رقابه ولا حساب ..
بالمرض نسوان وأطفال وشباب ..
والمريض يعاني أنواع العذاب ..
بالحجر كلنه بسجون .. يمته هالشده تهون
والمرض مستفحل وماكو دواء ..
يمته يامولاي يخلص هالوباء ..
ياحسين .. ياحسين
............................
يا حسين الجائحه تهّز البلد ..
الجيش الأبيض أبد ماقصّر أبد ..
أكبالي أشوف الوالده تودّع ولد ..
بالفاتحه والقل هوه الله أحد ..
ضيعت تعب السنين .. وتنخه بالشده الحسين
وببلادي أغله شي صار الهواء ..
يمته يامولاي يخلص هالوباء ..
ياحسين .. ياحسين
.............................
االوضع متأزم أحنه بمشكله ..
ماكو كل حل والحلول بكربله ..
اللي يندب ياحسين يصد أله ..
يعتبر واصل علاجه المنزله ..
واحد الواحد يصير .. عالمرض عون ونصير
والحلول بكربله ومن السماء ..
يمته يامولاي يخلص هالوباء ..
ياحسين .. ياحسين
..............................
ينفتح درب الزياره والعبور ..
تطير روحي بحضرتك ويه الطيور ..
والله لو شفت المناره بلا شعور ..
أبابك الكمامه اذبنهه وأزور ..
بلايه كمامه وجفوف .. على شباجك أطوف
والزياره أقراهه من باب الرجاء ..
يمته يامولاي يخلص هالوباء ..
ياحسين .. ياحسين
...............................
حيدر مطر العبادي باز کردن / نظر دهید

2021-07-19 14:35:29 نقسم بضلع الزجيه.. ياحسين ..
تعيش بينه الغاضريه .. ياحسين ..
ياهوانه من الزغر .. فدوه ألك كل العمر
بحبك شمحله المنيه .. ياحسين ..
................................
تبقه ياشبل الصميده .. ياحسين ..
أنت منهاج وعقيده .. ياحسين ..
الوقّع بمنحر وريده .. ياحسين ..
وأستقام الدين بيده .. ياحسين ..
أنت عِبره وأنت عَبره .. ياحسين ..
وانت للاصلاح ثوره .. ياحسين ..
ياعشكنه من المهد .. مانحب غيرك أبد
بحبك شمحله المنيه .. ياحسين ..
..................................
نقسم بسكنه ورقيه .. ياحسين ..
وزينب الحره الأبيه .. ياحسين ..
نبقه شيعه ورافضيه .. ياحسين ..
مانساوم عالقضيه .. ياحسين ..
ياسبط طاهه نبينه .. ياحسين ..
دوم حبك يسري بينه .. ياحسين ..
نقسم بجف الكفيل .. ما نعوفك مستحيل
بحبك شمحله المنيه .. ياحسين ..
....................................
كلمة أنحبك قليله .. ياحسين ..
حبنه ياكلب اليشيله ..ياحسين ..
ماكو بالعالم مثيله .. ياحسين ..
أي وحك خدر العقيله .. ياحسين ..
هذا صوت الكل موالي . ياحسين ..
ودمعة عيونه تلالي . ياحسين ..
حبنه ألك كد السمه .. وداعة أمك فاطمه
بحبك شمحله المنيه .. ياحسين ..
......................................
أنت للعالم حقيقه .. ياحسين ..
ياذهب يلمع بريقه .. ياحسين ..
وراسم الكل حر طريقه .. ياحسين ..
والظلم لا ما تطيقه .. ياحسين ..
والقتل صار النه عاده .. ياحسين ..
بس كرامتنه الشهاده .. ياحسين ..
العالم انجن بهواك .. كل محب طار وأجاك
بحبك شمحله المنيه .. ياحسين ..
..................................
اليدخل بصنحك يزوره .. ياحسين ..
ويمك يسجل حضوره .. ياحسين ..
يافرحته ويا سروره .. ياحسين ..
أبد مايوصف شعوره .. ياحسين ..
كل محب طاهر حليبه .. ياحسين ..
أنت بس عشكه وحبيبه.. ياحسين ..
بلهفة العاشك يطوف .. ومن كراماتك يشوف
بحبك شمحله المنيه .. ياحسين ..
..................................
زيارتك أوجب شعيره .. ياحسين ..
كل موالي انت بضميره .. ياحسين ..
يصيح بأنفاسه الأخيره .. ياحسين ..
لكربله وجهه يديره .. ياحسين ..
يبجي ويصيح الهضيمه .. ياحسين ..
بالكبر مجلس يقيمه .. ياحسين ..
حتى بتراب الكبر .. دوم يلطم عالصدر
بحبك شمحله المنيه .. ياحسين ..
..................................
كل موالي أنت حياته.. ياحسين ..
فدوه ألك وِلده وبناته .. ياحسين ..
يادعائه وياصلاته.. ياحسين ..
يبقه صوته الحد مماته .. ياحسين ..
يبقه لآخر يوم أسمك .. ياحسين ..
مايفارك عيني رسمك .. ياحسين ..
ياولي ونعم الولي .. يا أبن حيدر علي
بحبك شمحله المنيه .. ياحسين ..
.................................
حيدر مطر العبادي باز کردن / نظر دهید

2021-07-19 01:31:15 كتبت القصيده على طور
واويلاه هذا النجم من ياسمه الحاج باسم الكربلائي
يمظلوم.. لامناره ولاصحن..
يمظلوم.. شلون أزورك يالحسن ..
ظلمه دنيانه وضواهه من الشفيع ..
تشرق أنوار الهدايه من البقيع ..
يمظلوم شلون أزورك يالحسن..
.........................................
بالكرم مالك مثيل.. وأنه أثبت بالدليل ..وتشهد الناس..
الكلب مفتوح باب.. ليسأل يلاكي الجواب ..بعطر الأنفاس..
يكرم الضيف بسكوت.. قبل ما يسمعله صوت.. عنده احساس ..
قبل مايحجي ويكول ..ابد ما يرجع خجول ..رافع الراس ..
أخذ دور ..والده وبيه أقتده.
الكرم صار.. ورث حيدر والده .
والشمس ساطع ضواهه وما يضيع..
تشرق أنوار الهدايه من البقيع..
.........................................
تقي و زاهد بالحياة.. وقاوم بصبره الطغاة.. بحكمه وأصرار..
يجري حبه بالوريد.. وعن طريقه مانحيد.. رغم الأخطار..
العدو قبل الصديق.. يشهد بهذا الطريق.. راحت أحرار.
والكلب ينبض حنين ..لزينب وذيج السنين ..والوكت دار..
والأهات ..رافكتكم من زغر..
والجروح.. أجت منكم تعتذر ..
شاب راسك وانت ابن عمر الربيع..
تشرق أنوار الهدايه من البقيع..
...........................................
واكف بهيئة جبال.. ابد مايعرف محال.. رغم الاهات..
ماينام على الهوان.. والشعار بكل زمان ..ألذله هيهات..
يا أسد وسط العرين ..مرت عليه السنين ..جنهه لحظات ..
عاش وي فحل الفحول.. وفاطمه الزهره البتول.. والعمر فات ..
يمولاي ..أسمك بكلبي انكتب ..
نقي و صار.. عندي أغله من الذهب.
أشتريناك بعمرنه وما نبيع..
تشرق أنوار الهدايه من البقيع..
....................................................
شفت أنواع العذاب.. واندفع للزهره باب ..وعينك تشوف..
عشت وبكلبك مرار.. والشعل بالعتبه نار..بحقده معروف ..
ترجف أصحاب الفتن.. من يمر طاري الحسن ..نظرته سيوف..
أتخيلك يم الخيام.. تنصر حسين الإمام.. بأرض الطفوف ..
بالطفوف.. من يحركون الخيم..
والأيتام.. تنتظر راعي العلم..
وعالشريعه طايح السد المنيع..
تشرق أنوار الهدايه من البقيع..
.........................................
واصل السم للعظم.. وشبع لوعات وهضم ..كالجبل طاح ..
دمع العيون أنفجر.. يوم سابع من صفر ..الحسن راح ..
الزكي سافر بعيد.. ونار بعده ماتهيد.. حسره ونياح ..
النعش يرمونه بسهام.. وأحنه من أجل الإمام ..نفدي الأرواح ..
والإسهام.. تمر تسلم عالولي..
يمسموم ..يالحسن يا بن علي ..
مات شبل المرتضى بسم النجيع..
تشرق أنوار الهدايه من البقيع..
...............................................
جعده ماتسوه العتب ..وخلت السم بالعنب ..لبن الاكرام ..
الغانمه العند الحسن.. بفضله يشهدله الزمن.. لو ألف عام..
جبريل ناده بالسمه.. هذا أبن حامي الحمه ..بنعشه الإسهام..
اليوم ننصبلك عزاء ..بالبقيع وكربلاء ..وأحنه خدام. .
يزهراء.. هذآ مأتم للحسن .
واللدموع.. حفرن الخد من جرن.
مانسينه مصيبته ودم الرضيع.
تشرق أنوار الهدايه من البقيع.
.......................................
لخادم الحسين
حيدر مطر العبادي باز کردن / نظر دهید