2021-07-27 12:45:14
قال رحيم المالكي قبل أكثر من 10سنوات:
«بعد أن عجزنا عن مخاطبة الشرفاء لحل مايدور في العراق، إضطررنا ان نخاطب غير الشرفاء».
((رسالة الى الدكتورة حسنه ملص))
«ياهو المنج اشرف خاطر اشكيله
دليني يا حسنه و باچر امشيله
امشيله واسولف كل الحچي المضموم
گبل حفاي گالو هسة ماكو اهدوم
بيتي من القنابل و القصف مهدوم
وحكومة بلا حكومة بغير تشكيله
تنازع عل الكراسي و الشعب حفاي
وابشرچ لا غذاء لا كهرباء لا ماي
احنه اهل النفط و الكاك عد زلماي
يا حسنه الحكومة تگدر اتشيله
حكومتنه الرشيدة لييش هالتأجيل
اي مو مطرت علينه من السمه سجيل
بلوة ابتلينه قابل احنه اهل الفيل
اي مو هذا أبرهة خلوه يرد فيله
جوعنه أبرهة وجوع ابو الكفار
تلث اسنين اسمع ما اشوف اعمار
بس بعض الحكومة اصبحت تجار
بهاي اشهد يا حسنه ابيوم وليله
تجار الحكومة والشعب حمال
وياهو اليجي باچر نغير الحال
من هاية السوالف حملنه اجمال
اذا ينعدل وضعي ينعدل ذيله
حكومتنه الرشيدة ليش هذا البوگ
تره لهذا الشعب قط ماتضيع احگوگ
باچر بانتفاضة انشگ چثير احلوگ
عرفنه الباگنه ونعرف اليوميله»
210 views09:45