قصص💜✨

2023-04-23 01:11:06 تعليم الانكليزية ببساطة .. باز کردن / نظر دهید

2023-04-21 09:31:21 تهاني ومعايدات لعيد الفطر . باز کردن / نظر دهید

2023-04-21 01:45:03 كل عام وأنتم بالف خير .

تحقيق الاماني يارب باز کردن / نظر دهید

2023-04-21 00:12:00 اني اكدر اكل ضرغام
... ميخالف ادللج هالايام شعندي غير مريومه
... تسلملي حبيبي
علي.. لتكليلو حبيبي عيب
ضرغام... انه زوجها ولك عادي وانت لسانك خلي على كد عمرك
اتبسم والله حيخبلني هالولد
مريم... ماشي علوش بعد مااكله كدامك... الله يحفظه ويحرسه
صار يسويلهم لفات للكل ونسى نفسه
مريم... زين وانت
... اكلو انتو بالاول الف عافيه
جمعة العائله ولمتها وحب وضرغام واهتمامه الي عوضني عن الدنيا ومابيها ونساني حزن سنييييييين عشتها
تأكدت ان رب العالمين ماينسى عبده ابد ولابد يجي اليوم والفرصه الي يكون بيها العوض
مرات يكون العوض بشخص مرات العوض بنفسك انت عليك ان تجد وتجتهد والله يسهلها بوجهك
.....


النهاية باز کردن / نظر دهید

2023-04-21 00:12:00 ... حاره ضرغام حاره
... تعالي لعندي لم الاوراق بسرعه وخلاهن على جنب
كعدت يمه قريبه على الصوبه وهو صار وراي حوطني بيده وتكلم
مريم انه مو وصيتج تهتمين بصحتج ليش هيج متهتمين ياعيني
.... شسوي تصير حارتلي
... يله هانت مابقه شي واشوف طفلنه ياترى يشبهج لو يشبهني
... اباوعتله وتبسمت... اكيد يشبهك اني دائما اندعي الله يرزقني بطفل يشبهك
... تحبني هيج مريم
... اي هواي بعد زواجي منك حبيتك اكثر
... الحب بعد الزواج كلش حلو يصير صادق مابي اي شائبه على عكس الحب قبل الزواج
لان المصداقيه متلكيها موجوده يعني داىما تشوفيهم عايشين بجو المثاليه والوعود المزيفه لما يتزوجون الطرفين يكتشفون ان هم جانو واحد يبيع على الثاني مثاليات
... صحيح
... حتى انه هواي حبيتج بعد الزواج
... واني هم حبيتك هواي
لعد هاي شنو الاوراق
ملفات قضايا داااشوفها
هسه ماعلينه باجر نروح نعقد محكمه
فزيت بفرحه شنووو نعقد محكمه

هز راسه بمعنى اي
مو صار لازم نعقد محكمه طفلنه حيجي
حضنته وهمست احبك ضرغام
اتبسم ومسح على راسي
ثاني يوم عقدنه محكمه
بعدها بيومين اجه جايبلي اوراق والفرحه جانت بعيونه مريم وقعي هنا
... هاي شنو
... اشتريتلج بيت وبأسمج حيصير
... بيت؟ ليش
شنو ليش فلوسج يمي وجمعتهم وهاي بيت اشتريتلج بيها
... جمعتهم ليش ضرغام اني مو كتلك خلي راتبي فوك راتبك
... اتبسم وطبطب على خدي برقه انه مامحتاج مريم
جنت اخذها لان عرفتج متفكرين بمستقبلج لهسبب جمعتلج وجملت عليها وشتريتلج بيت وراح تأجري يجيج وراد فوك راتبج وتكدرين تضمنين مستقبلج وترتاحين
... حياتي هي وياك ومستقبلي وياك
.. محد ضامن نفسو مريم شكد حيعيش خليني اطمن عليج
... الله ينطيك طولة العمر ضرغام ربي مايحرمني منك
... ولايحرمني منج
حسيت بوجع قوي فتحت عيني بوسعها همس
شبيج
ضرغام وجع عبالك راح اولد
... بعد محجه صرخت وصار الوجع اقوى صرت اصرخ
الحجيه اجت ها يوم شكو راح تجيب مريم؟
ضرغام... عبالك يوم حوديها للمستشفى الجهال يمج
اخذني بسرعه للمستشفى والاوجاع جانت كلش قويه واصرخ
دخلت صالة الولاده حتى اولد الطفل
حسيت بألم بلحضتها عمري كله ماحاستها حسيت كأنه روحي داتطلع وترد ترجع ولازم مااساعد نفسي بهذا الالم لازم اساعد نفسي اتألم اكثر حتى اتخلص منه نهائي
وحدي الوب واصرخ بالصاله والممرضات يمي
بعد معاناة دامت لساعات وضغط على نفسي جهدت روحي وولدت محمد وي صرخته رااح كل المي وهدأت صرخته جانت مقل طمأنينه لنفسي غفيت على بعدها مباشرة من شدة التعب
بعدها بشويه صحوني واخذوني لغرفه خاصه ارتاح بيها اجه ضرغام متبسم
... حمد لله على سلامتج ياضوه عيوني
... مسكت ايده بيدي الاثنين وحضنتها احاول اطمن نفسي وتكلمت بخوف ضرغام تألمت هواي هواي هواي
... دعيتلج هواي حتى خابرت امي تدعيلج بس شلون حمودي اجانه يخبل حلو مثلج
... اريد اشوفه
... انه اخاف اشيل طفل صغير هسه اصيح الممرضه
.... راح صاح للممرضه واجت جابته الي وشفته جان نايم
هميت بحب... حبيبي فدوه انت شكد حلو
باوعت لضرغام يشبهك
... باوعلي واتبسم
بعدها اخذني اني والطفل ورجعنه للبيت
تلكتنه الحجيه بيدها جيس الجكليت وصارت تطش وتهلهل

... مبارك يمه ربي يقر عينج بي ويجعله من الصالحين
.. قبلتها... تسلمين حجيه
اخذني ضرغام لغرفتي
ضرغام... نامي وارتاحي مريم لاتتحركين
... هزيت براسي بمعنى اي
... مددت واخذتني الغفوه ونمت وره وين حسيت على روحي ونسيت حتى اني والده اليوم
كمت شفته لمحمد واتبسمت فتحت الباب سمعت هوسة ضرغام والاولاد بالغرفه الثانيه
فتحتها للباب وانتبهولي
ضرغام.... شلون صرتي
... زينه اني
... كام واجه يمي امشي مددي وارتاحي
... بس اروح للمطبخ اريد اكل جوعانه
... روحي رضعي الطفل صارلو هواي مارضع وخطيه هسه جوعان وانه هسه اجيبلج اكل
... اني اسسوي شتجيبلي
... لا حجيبلكم من بره حتى الاولاد مااكلو شي وخفت اعوفهم لايرحون على الولد وصغار ميعرفون خاف يشيلوه تره دايريدون يشوفوه
... ماشي هسه اخليهم يشوفوه ويكعدون يمه
... انه رايح
... طلع ضرغام وصحت للاولاد واجو شلته للطفل وشوفته الهم جان شكلهم لطيف وهم يباوعوله
صار يبجي كعدته بحضني وبديته ارضعه حليب
احساس الامومه كلش حلو
وي اول طفل راح تحس كلشي محتلف وكلشي تغير بحياة الام فكرة ان صرت ام وحدها مسأله
بمعنى ان حياتك منا وجاي كلها جد خلص وكت اللعب والدلال
غيرتله ونيمته اجه ضرغام خله الاكل بالصينيه وجابها لغرفة الاولاد وسندني رغم اكدر امشي لكن جان يخاف عليه كعدت بالغرفه يمهم رغم جنت مااكدر اكعد بالكاع مثلهم جابلي كرسي وكعدت
سوالها للحجيه لفه ورجع سوالي اليه اتبسمت باز کردن / نظر دهید

2023-04-21 00:12:00 .. انتي حامل مريم قبلني من جبيني مبروك يگلبي انتي
... اندهشت وابتسمت بفرحه شنووو باوعت لبطني حامل؟! صدك
ضرغام يعني حيجيني طفل منك
... اي بس نتأكد بالاول
حضنته بقوه واني فرحانه مسح على راسي وتكلم
اريد بنيتي تنتبه لنفسها منا وهيج وتاكل زين وتبطل تبجي
.. باوعتله ابجي
.. عبالج ماادري بيج بجيتي البارحه
.. تلكأت شلون عرفت
... مشكلتي حافظج مريم امشي يله اكلي وانه حسوي البيض
... وانت وين تعرف
... حجرب هسه هي بيضه مو چاي
حللت بعدها وطلع ظن ضرغام بمحله فعلا حامل فرحت اكثر وتباركتلي الحجيه ومرت الايام وسجلت يم البنت الي كالتلي عليها سديم صارت تعلمني اقره واكتب صحيح جنت بالبدايه اشوف بيها صعوبه لكن يوم عن يوم بديت احفظ خطي جان اعوج ومو حلو لكن ضرغام كل يوم بالليل يكعد يدرسني مرات اضحك على روحي لان اقره دروس صف الاول ابتداىي والواجبات خصوصا الرياضيات ماجنت احب
اكتبه
... عفيه ضرغام ساعدني بالدروس هواي ماالحك
... شساعدج هي قراءه ورياضيات صدك جذب
... هذا الرياضيات اضوج منه فدوه اكتبه وحله الي
... لا تعلمي انتي
... بطني داتوجعني ضرغام وتعبت واني مدنكه اكتب
... باوعلي بعدم تصديق وتكلم... امري لله جيبي

كتبها بسرعه ونطاه الي للدفتر
هاي شبسرعه... باوعت.. هاي شنو ضرغام هذا مو نفس خطي هسه تعرف مو اني كاتبته
... شسويلج مو كتيلي اكتبلي
... ضرغام نفس كتابتي عليك الله
... ولج شلون اسوي نفس خطج اويلي شلون طالبه مشاغبه وغشاشه انتي
... اني غشاشه ضرغام اني لو مو تعبانه اكتبه
... لا متكتبي اعرفج كسوله انتي
... هاي شنو ازعل منك والله برطمت وزعلت حوطني بيده وقربني اله صارت عيني بعيونه همس
صايره تدللين وتتزعلين
... انت تضوجني صاير
.... لا مدااضوجج بس هرمونات الحمل مخليتج تتخبلين عليه وانه اكول بيني وبين نفسي رفقا بالقوارير
... اتبسمت وحضنته
ومرت الايام اكثر وبدت تكبر بطني وخلال هالفتره تعلمت اكتب بشكل جيد نوعا ما وااقره هم بسرعه تعلمت ولما شفت نفسي دااتعلم صرت اتشجع اكثر واكتب واحفظ هواي مرات اطلع كتب ضرغام واقرأ بيهم
ضرغام .... حولتي على كتبي مريم
مريم... حلوه والله تسوي واهس واحد يقره
ضرغام... هاي كتب تنميه ذاتيه تشجع تقرين وتطور من نفسج هواي وتفيدج
مريم... اي هواي دااتعلم منها
دنيا شتاء وبارده دخلت بشهري السابع وجنت البس خفيف مااتحمل جسمي حار احسه وذبيت نفسي على الشغل حسيت برد بس مااهتميت حدما كمت اعطس وعلى اثرها زكام كلش قوي صار بيه
لليل حرارتي كلش ارتفعت وصرت اهذي حس عليه ضرغاام تلمس جبيني تخبل كلمني بخوف
... مريم شبيج حرارتج كلش مرتفعه
بسرعه كام وفتح الضوه واجه يمي مسك ايدي وبإيد الثانيه يتلمس جبيني ووجهي عيونه تباوعلي بخوف
مريم حاجيني ليش داتونين
.... باردتلي ضرغام
.... جاب غطى وغطاني بي وبعدني بردانه وجاب غطى ثاني هم وغطاني راح للمطبخ جاب نجانه بيها مي وخاولي وصار يبلل الخاولي وخلاه على جبيني قشعر جسمي من برودة المي
اششششه ضرغام وخرها بارده
... مريم حرارتج حيل مرتفعه تحملي ابويه
.... بارده الله يخليك حموت برد
... انه كم مره كايلج مريم البسي ملابس ثخينه دفيها لنفسج
... باوعتله بحب وخوف وسكتت
... علمودج انه مريم انتي حامل يصير شي على الطفل وانتي هم تتمرضين
كام فتح كنتوري وطلع ملابسي شتائيه ثخينه وجواريب لبسني جواريب ورد لبسني الثانيه طبك جواريبين
.. كومي شويه مريم ساعديني خل البسج
... اني اعرف
... مريم سمعي كلامي وبلا هذا عنادج
لبست بلوزه وساعدني ولبست الثانيه واجبرني البس بجامتين حسيت بروحي دفيت

... على الله اشوفج بعد لابسه صيفي وتمشين

... جنت اكتفي بالسكوت مااحجي شي حقه شما يكول
ثاني يوم جابلي علاج واخذت علاج حسيت بروحي زينه
... هواي لابسه حارتلي
.. لا مو حاره بارده ابقي بملابسج
... الله يخليك
... باوعلي خزرني واني مباشرة دنكت وفتت جوه
بالشهور الاخيره حملي صار كلش مزعج لكن الجميل هو ضرغام الي يهون عليه كل تعبي وحزني والمي
بيوم حسيت على حركات الطفل بطني واني نايمه فززتني حركاته فتحت عيني باوعت ضرغام مو بالغرفه استغربت وين ممكن يكون
كمت واني لازمه ظهري بيدي الاثنين واتمشى اشوفه وين فتحت باب الغرفه الخاصه بضرغام لكيته كاعد يم الصوبه ويدخن ويمه اوراق هواي ويدقق بيها
... ضرغام... هاي شعندك كاعد هنا
... ماجاني نوم عندي شغل كولي مريم شكعدج بيج شي
... لا مابيه بس حسيت اثر حركات الطفل
... شون مااشوف هذا مثل علي حيجي
... ضحكت... قصدك مثلك هو علي نسخه منك شكل وشخصيه
... حيخبلني هالولد حافظني حفظ يقلد حركاتي كلامي حجاياتي
... متأثر بيك غير ابوه انت
... باوعلي وعقد حاجبه... ها رجعنه على الملابس الخفيفه شنو لابسه كلابيه بهذا الجو باز کردن / نظر دهید

2023-04-21 00:11:34 باوعت لنور وتنهدت وكلمتها
اني اسفه لان اخذت مكانج
وتزوجت زوجج رغم حبيته وتمنيته بس والله ماجنت ادري متزوج هيج جوهره مثلج ولما عرفت
ماتمنيت اخذ مكانج ابد ودست على گلبي بس هاي القدر بعد
اعرف تحبي مثل ما اني احبه ويمكن اكثر وهو هم يحبج ماناسيج ويبجي عليج هواي من ورانه
الله يرحمج واوعدج اولادج اربيهم واراعيهم وادللهم طول مااني موجوده وعايشه مااخليهم يحتاجون شي وابوهم مامقصر عليهم بشي ف لتخافين وخليج مرتاحه من يمهم
شددت ب ايدي على زهراء وقبلتها همست احبج توها تعرف تتكلم بس مو بوضوح كلش عادت الكلمه وراي احبش
احبش وضحكت طالعه من لسانها حلوه
مر الوقت الحجيه سألت يمه ضرغام وين
... نايم حجيه
... خطيه تعبان تلكي
علي... لا بيبي منايم بابا مو بالبيت
الحجيه... شنو
مريم... ها شنو ماكو عفته نايم
الحجيه... ضرغام وين مريم علمج تكذبين عليه مثل مجانت تكذب عليه نور مو عبالج انه مااعرف
مريم... بتلكأ... لا لا حجيه بس كلي حنام هاي طالع ومكالي
الحجيه خابري عليه دشوف وين راح
... طلعت الموبايل واتصل وميجاوب ميرد
حجيه ميرد
... جرت نفس بحسره وسكتت
مر الوقت اكثر واتصل مره ينطي رفض ومره مايرد اصلا
لليل يلا اجه فتح الباب صاح لبسي حجابج مريم وتعاليلي خطف لوني ورحت بسرعه لبست ايزار الصلاة وطلعت لكيته كامش حسام من ياخته وموجه المسدس عليه
من شفت حسام خفت كلش ووكفت من بعيد تكلم ضرغام بهدوء تعالي يمي مريم لتخافين
نتر بحسام... عينك منها
حسام... سيدي والله جنت صغير وطايش وابويه عاقبني ماسكت ابوس ايدك فكني

ضرغام... افكك هيج بهل السهوله ولك انت تعرف شسويت باوعلي
مريم هاج وشمر المسدس بااتجاهي لكفته بيدي واني الخوف تملكني وكمل كلامه
اقتلي ولتخافين من شي هاي انه سلمتو الج
باوعتله لضرغام والدمعه متحجره بعيوني ورديت باوعت لحسام جان خايف حيل
القانون يعاقبه ضرغام اني مااقتله
ضرغام... مينطو اعدام تره ينسجن كم سنه ويطلع
مريم... الله يخليك ضرغام عوفه للقانون
... ولج هاي جيته من المطار انه موصي عليه وجا اليوم
.... بيد الله سلمته سلمه للعداله
... مستحيل شسلمو ارفع عليه دعوى اكلهم تعدى على مرتي افضح نفسي يعني اكتلي ماعليج انتي جبتو وبيدج انتي تكتلي
... عوفه ضرغام الله يخليك الله موجود واذا بالقانون حنفضح ف اني اشكيه لمحكمة رب العالمين
سكت وباوعلي مضيق عينه هز راسه بمعنى اي وكلم حسام ورانه حساب جبير غير اعتدائك عليها
مخدرات وتهريب سلاح والله لاالفقلك ملف اخيسك بي بالسجون بسيطه امشي كدامي
اخذه وطلعو
واني كل حيل مابقه بيه رجعني لليوم الي اعتدى عليه بي حسام وشلون اذاني كعدت ابجي لزمتني رجفه وكورت نفسي نفس الخوف والاحساس المؤلم الي حسيته
سمعت الحجيه صاحت كمت
... كولي حجيه
... شبي صوتج يوم شنو داتبجين؟
... لا حجيه مابيه شي
... ضرغام بي شي وينو ضرغام
... طلع هسه يجي
... يوم متشوفيلي شريط الادويه وين صار لعبو الجهال بالجرار
... ماشي حجيه مسحت دموعي وصرت ادوره الها
مر وقت بعدها اجه ضرغام جان ضايج فات مباشرة للغرفه تبعته ومباشرة استدار عليه وايده مخليها وره ظهره همس ليش مريم
... هو والله ينجاز
... جبتو الج وعلمودج تعوفي بالتالي
... شلون اجه هو جان مسافر؟
... تعبت يله جا دبرتلو خطه كلفت واحد يكلمو وعلساس يدخلون بشغل سويه شركه يعني ونطاه نسبة ارباح تغري اي واحد وهو صدك وجا ولمن جا بالمطار جنت موسط جماعه ونطوني خبر حجزو يمهم لما وصلت وجبتو وجيت لعندج
... واني عبالي عفته ونسيت موضوعه
... مانسيت مريم حقج اخذو اخذو
والله والله يامريم لا يشوف مني شي بالسجن ماصاير هالكلب هذا فوك عملتو وياج عندو بلاوي متنعد
.... ابن الواوي بعد
... هه واوي وحوت وذيب وفهد تحس حيوانات وبغابه مسوي للبلد غابتهم

... والاسد... اسدي...
باوعلي وابتسم جنت اخذو على كد عقلو

.مريم ... يقصد انك بقلب اسد او شجاعته هيج شي
... هز راسه بمعنى اي وتنهد
مريم... وحسن شسويت ويا
ضرغام... بالسجن نحكم بالحبس مدري جم سنه
بس هو مدمن لهسبب حيتعالج بالاول وبعدها ينحكم
مريم... يستاهل... جان صرت مثله لو ماانت الله جابك
ضرغام... وراح ابقه دوم بظهرج انه مريم
مريم... ربي يحميك ويخليك الي ويحفظك من كل مكروه
ضرغام... ويحفظج الي مريمي
ثاني يوم الصبح كعدت احضرلهم الريوك ولما شتميت ريحة گلي البيض فجأه ردت اتقيأ ورحت اركض للمغسله اتقيأ لما رفعت راسي دااغسل وجهي شفته بالمرايه ضرغام واكف وراي
تكلم بنبرة وهو خايف عليه... شبيج مريم
.. ماادري ضرغام هواي صايره اتقيأ من اي ريحه اشتمها
.... باوعلي واتبسم... ان شاء الله خير امشي اكلي لكمه واخذج
.. وين تاخذني باز کردن / نظر دهید

2023-04-21 00:11:34 ... ليش كاعده فوتي نامي
... ماشي حجيه
فتت ومددت وعيني للسكف متوتره رغم الطمأنينه الي استوطننت قلبي بعد الصلاة
غلبني النعاس ورجعت نمت وحسيت على رن الموبايل فزيت وبلهفه جاوبت
ضرغام هاي وينك
... اعرف قلقتي عليه لهسبب خابرتج امي كتيلها مثل مامعلمج
... اي سويت نفسي كلمتك حتى تطمأن
من الذاكره مشهد...
ضرغام... لو صارلي شي يامريم لو نكطعت اخباري بيوم امي اكذبي عليها وكليلها دايخابرني واذا طولت كليبها زعلان ومايقبل يكلمج وميقبل يكلي ليش
مريم... ولشوكت ابقه هيج اكذب
ضرغام... مراح تطول الكذبه اكثر من كم يوم لان بحياتي كلها مامزعلها وراح تعرف ان انه مو بخير گلبها حيحسسها بهذا الشي حتتقبل موتي او فقداني بالتدريج بس لاتفاجئيها مراح تتحمل ابد لاتكليلها عني خبر مو زين فجأ
اوصيج بأمي مريم
باوعي عيون امي قبل لاتباوعين عيوني
اغلى شي عندي بالدنيا امي مريم
امانه يمج من انه ماموجود ولو الله اخذ امانتو ساعتها ريحيني بکبري وداريها مثل ماانه اداريها
.... لاتكول هيج عمري على عمرك كون الله يخليك سالم النه....

عوده....
ضرغام... لتخافين عليه مريم العمر واحد والرب واحد كلمن يموت بيومو قدر ومكتوب ولازم المكتوب ينشاف
مريم... اسم الله عليك مااتحمل ضرغام اموت
ضرغام... مريمي
... ها
.. مريمي
... برقه.. كول
... احبج
.. اني هم احبك هواي
بس ليش جان جهازك مقفول
... مقفول مريم خلص شحن
... لا لو مخلص شحن ساعه ساعتين وترحع تفتحه ليش هسه يله
.. موبايلي نكسر واشتريت جديد
.. ليش نكسر
... جر نفس كال نكسر مريم
... صرت اعرفك من تضم عليه ومتقبل تحجي ضرغام لشوكت تبقه هيج متحجي وغامض
... مريمي محتاجين شي حتى ادزلكم ابو الاسواق
... لا مامحتاجه شي شوكت تجي
... فد يومين
... ليش هو مو كلت ارجع
... شغل عيني انتي مااكدر
... انتبه لنفسك
.... ماشي
... عود اتصل حتى تخابرك الحجيه هسه نايمه مااريد اكعدها
... ماشي

.... باي
... هلو...
مرت يومين ماشفته الا اجه جنت فارشه سجاده وكاعده اسبح حسيت احد وكف وراي وايده نمدت على خدي طبطب برقه عفيه ببنيتي عفيه
باوعتله هو فزيت وكمزت حضنته حوطني بيده ورفعني وضحك
... ولج السجاده داتصلين
... كملت جنت ادعيلك ضرغام والله حيل خفت عليك
... لاتخافين هاي اجيت امي وين البيت هدوء وين الجهال
.... نامو من الصبح كعدو غديتهم وسبحتهم ونعسو ونامو والحجيه هم توها طلعت من الحمام
.... نزلني للكاع وراح للغرفه فتح الباب
لميت السجاده بسرعه ورحت للمرايا عدلت شويه نفسي ميك اب خفيف وعطر واجيت لكيته كاعد وره الحجيه يمشطلها شعرها ويتكلم وياها
.... يوم شعرج حيل ناعم
... من الشيب والله ياضرغام
... بسمار هذا يوم علمود اخليلج حنه
... لا نزول عليك ضرغام هو مصار شهر من خليت حنه بس يعني هو لان شيب هيج يصير
عجزنه وكبرنه وهاي نعد ايام
.... بعدج شباب يوم بس انتي تطردين عين
... دمشي بدل لاتبقه بملابس العسكريه وتقهرني
... ليش يوم شبيها
... هم اعيد لتقهرني ضرغام
ماشي يوم ماشي عيني انتي رايح
... صيح مريم كلها تحضرلك الغداء
... كبالج مريم يوم
طابخين لو مطابخين مريم لتسوين شي علمودي
الحجيه ... لا يمه ركبت باميه تخبل
مريم.... هسه احضرلك
.... خوش باميه
... تمام
رحت للمطبخ حضرتله الغداء بين ماحضرته وكملته اجه خليته الاكل على ميز الطعام وكعد يتغده وكعدت يمه
خليت ايدي جوه حنكي وباوعتله وهو مبين جان كلش جوعان مدنك على الاكل ياكل
بقيت بس اباوعله بعدين انتبه باوعلي جنت مبتسمه واني اباوعله عقد حاجبه باابتسامه هز براسه وسأل شبيج
... مبين كلش جوعان
... اي صدك جوعان
... ودكلي اذا ماطابخبن لتسوين شي علمودي
... كلت اسبح واطلع اكل بره
... لا حبيبي لاتسوي هيج بروحك انت جنت بالدوام واكيد اكل الدوام مو مثل اكل البيت فما يتغذى جسمك
... وين اكو اطيب من طبخج عاشت ايدج
... بالعافيه
... كمل اكله وصبيتله الشاي رن موبايله بسرعه فتح خط

... ها بشر

... صدك
... جاي جاي
شرب شويه وبسرعه راح للغرفه لحكته هاي وين شفته اخذ مسدسه خلاه بمحزم البنطرون وطلع بسرعه خطف لوني هاي وين ضرغام
.... عندي شغله وطلع مستعجل شغل سيارته وبسرعه طلع
يربيييي وين راح اخذ مسدسه خاف صاير شي
بقيت الوب عدت تنضيف المطبخ بصوره سريعه
ورحت للغرفه يم الاولاد جانت زهراء كاعده
... اجيت يمها... ولج وكيحه كاعده وساكته شعجب
شلتها وقبلتها جانت ريحتها كلش طيبه اشمها كل مااقبلها شايلتها وامشي صارت صورة نور كدامي معلگه بالحايط وكفت يمها واشرت على الصوره
شوفي هاي ماما جاوبتني بالرفض لا
حبيبي هاي ماما نور
... اتي ماما
... يروحي اكيد اني ماما بس هاي همين ماما باز کردن / نظر دهید

2023-04-21 00:11:34 البارت٦٧ #والأخيرررررررر

#تـــــــــــــل_الذهــــــــــــب
رغـــــــــــــــــــد الموالي
ـــــــــــــــــــــــــــــــــــــــــــــــــــــــــــــــ
وكأنك جند من جنود الله سخرك لتكون منقذاً لي
لتكون اهلا ووطناً وزوجاً وحبيباً لي
ضرغامي الشجاع بطلي وأسدي
منقذي وروحي وريحانتي
أحبك وسأبقى أحبك دائما
اهدي لك هذه الكلمات
واعلن حبي فخراً امام الناس
لتقرأ الاعين قبل الالسن
لتشهد حبي لك
احبك انا زوجتك مريم...
ـــــــــــــــــــــــــــــــــــــــــــــــــــــــــــــــ
مريم....
لبس بيريته وطلع بسرعه بسيارته
مااجاني نوم بعدها بقييت كاعده خايفه وقلقه عليه هواي مشى الوقت ورحت حضرت الريوك سمعت خطوات الحجيه كعدت
اجيت عليها مسكت ب إيدها واخذتها ورحنه للمطبخ وكالعاده نتريك ونسولف

الحجيه.. يوم ضرغام شو ماكعد
.... حجيه راح لداومه

... هو ميلتحق هسه شوداه
... كال واجب وراح
... واجبيش هذا والله قالقني هالولد هذا

... شسوي يشتريها للواجبات مشتره عباالك يرتاح من يلزم مجرمين
... هذا ضرغام شسوي بعد
... الله يرده سالم
... امين يارب ولاقريتلو الايات القرانيه الي اقراها الو كل مره
... الله اليحفظ حجيه
رغم اكابر بس جنت خايفه عليه هواي واعرفه يضم عليه وميحجيلي
مشى النهار بتعب اعصاب خصوصا واني اتصل عليه مايجاوبني وبعدها مغلق تليفونه
قلقت هواي عليه والحجيه كل شويه دكلي
مريم يوم خابري ضرغام طمنيني عنو
... ماشي حجيه واتصل ومغلق اخر شي حتى اطمنها سويت نفسي احجي ويا ونقطع الاتصال بسرعه
حجيه نقطع الخط يكول الخدمه مو زينه هناك رايح بمنطقه مقطوعه
الحجيه... وشعندووو هنااااك يعني شلون الا يذبحوه مثل ماذبحو اليااااااا
مريم... بخرعه... حجيه لاتكولين هيج اسم الله
الحجيه... ولج يوم موتوني هالولد والله اليا اخذ نص حيلي وعيني وياه والي صبرني ضرغام نوب هو يشمر روحو بنص النار
انه ابقه ابجي عليه لو على اخوه ولج يوم بدمع العين ربيتهم
تحملت كلشي علمودهم تالي يتكتلون على ايدين ولد الزنااا
صارت تبجي وتدعيله الله يحفظه
نامت بعد ماهدأت عليها بكلامي وطيبت خاطرها لكن اني بقيت خايفه عليه هوايه
نمت يمهم بعد صراع وي التفكير نمت

.... ... جنت كاعده اني وعمتي وهوسه بالمنطقه صارت
اطلاق الرصاص صار هواي كامت الحجيه كالت بسم الله هاي شنو يوم شكو

والله ماادري حجيه
نروح نشوف شكو
رحت اركض فتحت الباب تابوت وملفوف بعلم العراق ضباط وجنود وشرطه ويرمون بالرصاص بالجو وناس تهوس
بالروح بالدم نفديك ياعراق
باوعت هاي منو الخطوات جانت تجي بااتجاهنا
باوعت بالوجوه كلها مو عرف
ضرغام ماكو وياهم گلبي وغزني وجمدت اطراف ايدي رجلي ورعشه تملكتني
الحجيه صاحت وين صرتي مريم
جنت اسمعها بس ماارد بقيت واكفه اباوعلهم صارو يقتربون اكثر
والطلق الناري صار اكثر باوعت العلم ملطخ بدم
صارو قريبين علينه حدما وصلو للباب توقعت حيتعدوها لكن وكفو بالباب وكالو سويلنه درب توخرت وفاتو ودموعي نزلت وحدها
جانت الحجيه على وكفتها والاولاد هم واني بقيت مااتحرك مااخطي خطوه واكفه واحجي
مو هو لا لا
فتحو التابوت باوعت جانت مبينه رجله بسطاله وبنطرونه وملابسه العسكريه بقيت اباوع ودموعي تجري والصوت صدى دخل لااذني
حجيه ابنج شهيد
فدى نفسه لتراب الوطن
ماصدكت مااستوعبت تمشيت بخطوات بطيئه كلش
خطوه خطوه وخايفه حيل مره اخلي ايدي على شفتي مره افرك ايد باايد صار يبين اكثر صعودا بجسمه ورقبته واخيرا شفته هو
جان مغطى بالدم وجهه كله دم
مذبوح على النص بحيث متكطعه الشرايين والاورده
بدلته كلها دم
من شفته هيج صررررخت بعلو صوتي
ضرغااااااااااااااااااااااااااااااام
فزيت من نومي واني اصرخ ضرغااااااام

باوعت دنيا ليل حست عليه الحجيه
... بسم الله شبيج يوم
... بخوف وانهت وتعرق من جبيني
ح ح حجيه كابوس
كابوس يمــــــــــه حسيت روحي طلعت
... بسم الله الرحمن الرحيم... يوم استهدي بالرحمن
لتخافين
... هزيت براسي وتكلمت ماشي حجيه
كمت مستنده على الحايط متوجها للمطبخ اشرب مي والرجفه بكل جسمي شربت مي وهدأت شويه فتت بهدوء للغرفه اخذت موبايلي واتصلت بضرغام وهم جهازه مغلق نار ونشبت بصدري توترت اكثر خايفه عليه هواي
مااعرف شسوي وشيطفي النار الي بصدري
سمعت صوت الاذان على ب الله أكبر هدوء وفجر صوت الاذان يقشعر اله الجلد
كمت توضيت وكفت اصلي ودعيت من كل قلبي ان يردلي ضرغام سالم
ياربي طمني عليه مالي غيره يارب اموت لو صارله شي يارب لخاطر اولاده يارب
كملت الصلاة وبقيت كاعده اترقب اعد الدقاىق بلكت يتصل لكن ماكو اي اتصال حسيت بغثيان واريد اتقيأ
كمت بسرعه للمغسله اتقيأ شعور مزعج جدا خصوصا واني مااكلت شي غسلت وجهي وطلعت انشفه بالخاولي فتت للغرفه لكيت الحجيه تصلي
كملت صلاتها وسألتها
حجيه شلون توضيتي وشلون فرشتي سجادتج
... هاي انه كل يوم هيج بنتي هذا بطل المي والنجانه اتوضه واصلي
الا انتي وين جنتي
... جنت اصلي بره باز کردن / نظر دهید

2023-04-21 00:11:02 صارو قريبين علينه حدما وصلو للباب توقعت حيتعدوها لكن وكفو بالباب وكالو سويلنه درب توخرت وفاتو ودموعي نزلت وحدها
جانت الحجيه على وكفتها والاولاد هم واني بقيت مااتحرك مااخطي خطوه واكفه واحجي
مو هو لا لا
فتحو التابوت باوعت جانت مبينه رجله بسطاله وبنطرونه وملابسه العسكريه بقيت اباوع ودموعي تجري والصوت صدى دخل لااذني
حجيه ابنج شهيد
فدى نفسه لتراب الوطن
ماصدكت مااستوعبت تمشيت بخطوات بطيئه كلش
خطوه خطوه وخايفه حيل مره اخلي ايدي على شفتي مره افرك ايد باايد صار يبين اكثر صعودا بجسمه ورقبته واخيرا شفته هو
جان مغطى بالدم وجهه كله دم
مذبوح على النص بحيث متكطعه الشرايين والاورده
بدلته كلها دم
من شفته هيج صررررخت بعلو صوتي
ضرغااااااااااااااااااااااااااااااام وايدي ترجف وي صرختي

كان غيابك مؤلم جدا لي ألمني بشده باز کردن / نظر دهید