قصص💜✨

2023-04-29 15:52:29 اسيا : بعد ما گدرت اصبر ولا ادعي القوة دخلت للحمام وكتمت انفاسي ما اعرف عنه شي ولا يخلوني اشوفه و ظاله ببيت عمي بس اصبر بهذا واسكت بهذا واني محد واساني بكلمة محد طيب خاطري على زوجي وما اعرف راح يگعد من هاي نومته لو لا
الحد ما ارتاحيت ياله طلعت من الحمام بس شافتني امي اتقربت الي وگلتلي يگولون اليوم هم گاعد من نومته بس منطي مسكنات الوجع دياكل روحة خاصه عنده اصابه بالجمجمة ومديتحمل هذا الالم

اسيا : خليني اروح اليوم اشوفه راح اطك روحييي والله صبر بعد ما عندي
گلتلي :لازم تظلين يم اختج شوفي حالها اني ما من حقي امنعج من زوجج ولو بمكانج اتألم بس اختج تتحسس

:سكتت شسوي قابل....
الحد الليل وهمه يتوسلون بعلي يدخل وما قبل يدخل و من اجه ابوي حتى ياخذنه من طلعنه فر الكرسي وانطانه ظهرا

ودعه رائد وراد ابوي يحجي ويا الخاطر ابوي دار اله بس مدنگ حتى ما باوعلنه
وصا ابوي بأهله وگله اني يوميا اجيلك خليك قوي

يهز براسه بس
طلعنه البيتنه من وصلنه انوار دخلت ركض بأبنها تركته ورجعت الرائد تساعد بابا بي حطته على الكرسي ودخلته

حنان :يرادله هاي الفتره واحد يشيله ويرجع للكرسي بيج حيل انوار لو انام يمكم

انوار :تعاي نامي يمنه بس اني اشيله واحطه منا الاخر يوم بعمري

رائد : ما تقصرين ام ليث

اسيا : بس شلون بصعد الغرفته صعب

انوار :فكرت ناخذ المكتب بس هاي الفتره شتگولون؟

عزيز :اكيد اكيد اني انزللكم الفراش واستقروا هسا بالمكتب

اسيا هو وامي نزلوا الفراش الهم نمارق صعدت قبلي دخلت للغرفة لگيتها ماخذه مكاني وگاعده تبجي گابلتها وابجي ما اعرف اوسييي

نمارق :بعد ماكو اصيل بعد ماكو واحد يتحملني بعد ما الگه شخص يحبني بعد محد يراسلني ويگلي شنوووو تردين الله يرحمني وي كل رحمة. تنزل على روحة

:اني يمج شنو تردين اسويلج بس كاافي والله عيونج ورمن

نمارق :گلي في امان الله ودعنييي گلبه حسس
الف مره گتله لااا تسوق سريع لا تسررررع خذته السرعه منييي

:امر الله هذا بعد
سكتت لحضات وگالت : ليش بس اني الله يظلم بيه مو هاي انوار كلشي عدها

:خلااااص نمارق يعني شنو تردين
تردين رائد يموووت حتى ترتاحين

:مووو هيج اقصد لا لا والله بسر ليش هيه كلشي عدها واني كلشي ما عندييي

:طلعييي انوار من بالج شفتي شنو ديصير گولي الحمد لله على كل حال
گولي انا لله وانا اليه راجعون لا تحطين عينج على البنيه مووو كافي الصار بأخونه ولج رائد الله لطف بييي الخاطر طفله البعده ما طلع الاربعين جوزي منهمممم بعدت منها تخبلت فد نوب وهيه هم بعد ما حجت اصلاََ اي شي ما تحجي بس تبجي و الاكل صار بالشافعات يتوسل بيها ابوي ياله تاكل لگمة

يومين من رجعتنه وگعد هيثم بس هاي المره تحمل الوجع وخذوله اشعى وسووله تحالليل الوضع الحمد لله وطبعاََ الاخبار توصلنه من بابا عزيز اني ما گدرت اروح الحد ما گلت البابا بعد ما اگدر اخذوني لا والله اني اخذلي تكسي واروح بس خلوني اذمن عليه
يباوع الامي وامي تباوعله شبي اذا بي شي مو شكال وي كل هاي الصدمات بعد ما ننصدم

عزيز :لا ما بي شي يلا بدلي وتعاي بدلت شلون ما جان وطلعت للمستشفى ماما وبابا وياي
دخلنه للمستشفى گبل الغرفته دخل ابويه اول واحنه ورا جان نايم ما يگدر حتى يرفع راسة يتوجع ومطفين الاضويه لأن الضوا يأذي و الوجهه كله عباره عن قطعة بنفسجيه ولافينه و الراس كذالك و الشعر جزء مزيني بسبب العمليه مدمر ما باقي من هيثم ايي شييي باوع الاتجاهي ابتسمت الحمد لله على سلامتك

:الله يسلمج هاي اسيا مو يابه؟

:استغربت من كلامة شنو صاير يوم
همستلي امي : هيثم ما جاي يذكر اي شي

:شنووووووو

يتبع...... باز کردن / نظر دهید

2023-04-27 17:29:08 اسيا _ خلصت الجامعة وصرت محسوبه ع الكلية الاقتصاديه وبيوم التخرج بابا جابلي القاط وجابلي ملابس القاعة و هيثم جابلي الروب والقبعه
جنت دارتب روحي واريد اطلع للجامعه هناك نطكطك صور ونحتفل وي الاقسام
لبسني القبعه وگلي يوم الوظيفة

_اوو حلم صعب تحقيقة

_ان شاء الله يتحقق ليش متشائمة

_ما متشائمة بس دشوف وضع البلد

_اي ميخالف هم اكو ناس دتتوظف ولو الحركة بهذا المجال بطيئة بس لابد من فرج

_ان شاء الله

هيثم _ مو جنه البنطرون شوي كصيف

_هيثم حباب لا تغثتني خليني فرحانه
يلا نخليج اليوم فرحانه بس گليلي شنو تردين هديه التخرج

_اريد حضن

هيثم _بس حضن واحلى حضن من هيثم الساهر
الاسيا طفيليات

_ما بطلت ما اريد

_دتعاي بشرفج داشاقه

اسيا _ فتحت ايديا وحضني عطره عادي مثل اي عطر وولا هو الغريب عليه ولا اول مره اشوفه ولا اول مره اشم عطر رجالي والحضن مو اول مره يلمني ليشش گلبي تغيرت دگاته ١٨٠ درجة ما اعرف ليش عطره صارر يهمني ما اعررف گلبي يدگ بخوف مني خايف مني يسألني ليش هيج يصير بيج من يصير بهذا القرب و اني فعلاََ مرتاحة بهذا القرب

هيثم _تره حضن مو تنامين بحضني

_عابتلك حضنك دافي

هيثم _باجر الله يفرجها علينه وتصيرين بحضن رجال گلبج يدگله ويتمنى كل لحضه حضن منه

اسيا _ هممم
همهمت بقهر جريت جنطتي و قبعتي وطلعت نزلت الامي دموعها يسابقن اسرع من الحضن الي يريد يلمني باستني من كل مكان بوجهيي و تحمد الله وتشكره لأن شافت هذا اليوم
وابويه الي واگف على صفحة يمسح بدموعه حبيبي هاي ثاني مره بسببي تنزل دموعه
ورائد اللازم بوكي ورد بنفسجي ويباوعلي ومبتسملي هذاا شنو

رائد _رحت الام الورد گتلها بت عزيز اليوم تخرجت انطيني ارخص باگه ورد انطتني هاي

عزيز _بابا انتقي الفاظك

رائد _احمم يعني بدل باگه بوكية ورده

اسيا : گال بابا وهو خازر راذد :قصدة باقه ورده للورد واللون البنفسجي يدل على قوه ورقه الشخص المعني

:اوووي لا تبجوني

گالت انوار :مبروك

_الله يبارك بيكم
طلعت بسياره بابا للجامعة و لحگوني بيت عمي امير و بيت عمي لؤي و يدگون هورنات وفرحانين بالتخرج
عمي امير من نزلت اجه وحضني و گلي ذكرتيني بامج من تخرجت الله يرحمها وانطاني علبه ما فتحتها خجلت
وعمي لؤي باسني من راسي و گلي اذكري احنه هم خوالج والج حق علينه اي شي تردي من بعد هذا اليوم اتصلي وما يصير خاطرج الا طيب
_دموعي تصب وهو عيونه تلمع لازم دمعته بالگوه زوجته فتحت جنطتها وانطتني علبه حمره على شكل ورده دخلت للجامعه ووياي اهلي وبما انو بابا دكتور بأحد الجامعات الكل رحب بي وبعضهم اصدقائة گصينه صور وصورة التخرج جانت ب ٢٥ الف رجعت للبيت بدلت وطلعنه للقاعه بوقتها لبست فستان طويل بيج وبي الوان ثانيه و جنطه بيج و الحذاء وساعة هماتين و شعري فتحته امي سوتلي تسريحة بسيطة
الولد رگصو رگص مال مخابيل واني من بعيد اهز جتف وكل ما اباوع الهيثم يخزر بيه اجوي صديقاتي گلولي هذا اخوج مزوج لا

اسيا؛ لا ما مزوج
گلتلي وحده منهم ما تخطبيني اله

: من يفكر يتزوج اكلج
ظليت اباوعلة وهو يأشرلي شكو اني ظليت بس اوزع ابتسامة. بقهر اغار ما ارضه هذا حالياََ مالتي من يطلگني بكيفكم خطبوا وسوو الي تردوا
رجعت للبيت هو والولد طلعوا راحوا يتونسون
اني اخذت تراكي ونمت بغرفتي بعد ما گلت الاهلي اليوم اريد ارتاح
ساعة واجتي امي
يمي سألتني خاف صاير شي گتلها لا بس حسبوني جايتلكم خطار

حنان _براحتج ماماتي بالله راويني شنو جابولج عمامج

اسيا _راويتها عمي جابلي گلاب ذهب على شكل قلم ولخ سنسال بي عين

حنان _واني شنو تردين مني؟؟

_اگلح بس مو تزعلين

_لا گولي

_اريدج تسولفيلي عن عمتي فاتن

حنان _منين نبدي

_من البدايه من بداية البداية

حنان _ ١٩٨٥

يتبع..... باز کردن / نظر دهید

2023-04-27 17:29:08 اسيا _ من رجع رائد بابا عصب عليه وظل يصيح
جاوبة رائد : لازم تتأدب

گلة بابا :يمك خليها وانت احجي وياها علمها انت
مصدر امانها و انت الي تحل مشاكلها و انت كلشي الها لا تعلمها اي وقت تگدر تفارگك ما تصيل ملذه للحياة الزوجية هيج
صوت هيثم قاطع تفكيري بكلام بابا : يعني يابه انت بحياتك ما تعاركت وي امي

حنان _مره وحده وابتكرنه هاي العركة ورحت الاخويه علمود لا ينكشف حملي جذب

عزيز _بيومها بالليل خليت امي نايمه و رحت الجيرانه گتله مرتي دتولد ما توصلني خطيه وصلني وما قبل ياخذ كروه يگلي دلاعه للطفل هههههههه
فتحتلي الباب وظليت يمها للصبح ورجعت للبيت

هيثم :اني اذكر هاي العركة

عزيز : ايي بس ما فادت رجعتها ما ولدت عمتكم فاتن ورجعتها

حنان _ ابوكم ماكو منه احتواني من كل النواحي

عزيز _اني ما ردت حياتي تصير مثل حياة امي وابوي و الخاسر الاكبر الاولاد مثل ما اني واخوتي تشتتنه وتبهذلنه

هيثم _يعني هسا اذا امي زعلت منك شسوي

_شنو سبب الزعل

هيثم _ لأن اتراسل وي اصدقائي بالليل

عزيز _هههههههههه تغار عليك

اسيا _لا و الله ما اغار بس يعني علمود ينام

عزيز _هههههههههه هيه ما تغار سمعت الافضل ما نراسل

هيثم _يعني انت لو بمكاني ما تراسل

عزيز لا ما ارسل

هيثم _صدگ يابه؟؟

عزيز _ لأن اني افكر بمصلحتي ازعلها واني منو الي منو يضحك بوجهي منو يسمعني كلمة حلوه قابل اصدقائي

هيثم _ هم صحيح كلامك باوعتلها لگيتها صافنه بالارض بشنو تفكرين وشتردين كل ما اباوعلها اسأل روحي هذا السؤال وما الگه اجابه اريد اخترق جدار جمجمتها حتى اعرف بشنوو تفكر خاصه طريقة كلامها الصبح حيرتني
اني ما اشوفها غير اختي و الطفله الي جانت تجرني من ملابسي حتى اشتريلها حلويات وبعدها الحد هساا هيه هيه بعيني بس هيه ما اتوقع بعدني الاخ بعينها ويا خوووفي منها و من تقلباتها المفاجئة
......

اسيا _ ثاني يوم الصبح اجتي زوجة عمي امير و انوار دخلت بتها دفع و گلت الامي مره لخ اذا غلطت بحقكم طردوها بالشارع لأن بنتي رافسه النعمة وين تلگه رجال مثل رائد وعائلة مثلكم
جاوبتها امي والله احنه المحظوظين بيها وين نلگه هيج جنه حلوه و تحب ابنه و تغار عليه حتى من امه
_بوقتها امي رزلتها بس بأدب وحب لأن دتگلها بهاي غيرتج دتهجمين بيتج وهم تخسرين محبتج بگلب ابني
انوار جاوبتها هو يحب الكل اكثر مني

حنان _ گولي يحبكم كليتكم نفس بعض اگلج ايي والدليل عمره ٣٠ سنه ومن مراهقته وهو يصيح انوار الي ومو الغيري

والا غيره على العقبات الصارت مستحيل ينتظر ويروح يزوج بس هو ظل الاخر لحضه يصيح انوار الي و اليوم انتِ زوجته وملكة غرفتكم وان شاء الله بمرور الوقت تصيرين ملكة بيتكم بس مال تغارين من خواته وامه كلشي ما راح تصيرين يا انوار
فرحي يا امي فرحي من تشوفي يحب خواته وامه افتخري لأن معناها يقدر النسوان وراح يقدرج ويهتم الادق التفاصيل الي تهمج
انوار جاوبتها بس ما داتحمل والله اني ما اكرهم بس اغار

حنان _عودي روحج على هاي المناظر شوفي شلون يحب خواته وفرحي الهذا الحب و دعمي ولو بكلمة باجر كله يرجعلج هذا

اسيا _وكلمة حلوه من امي واصرار من امها ما ترجع وياها ودموع من انوار بقت انوار
اجه رائد بس دخل صاح وين حنان بت ام حنان

حنان هياني

اسيا _ دخللها وشاف انوار يمها ما حجة باس راس امي وگلها اني جوع استعجلي بالغدا حنونه

حنان _گومي ماما انوار اخذي سهمج وسهم زوجج وصعدي الغرفتكم ابوكم يتأخر

اسيا _هههههه شلون حلوين
گلتلي امي : وانتِ وهيثم حلوين

:هواي حلوين

گالت: احجيلي هيثم رومانسي لو لا
:اي زين

گالت:انتِ مو انوار و ما احزر علاقتكم اسيا
انتِ بنتي انتِ نسخة مصغره من حنان من تراوغين بأجابتج لا عبالج اني ما اعرف

:يوم هو زين بس يعني هو مو مثل ما تتوقعين يعني بيناتنه فجوه الماضي هو اخوي واني اخته يعني تفكيرنه وحياتنه هيج عشناها

گالت:خلي نحاول نلم هاي الفجوه

:ان شاء الله يوم لا يظل بالج عفتها وصعدت للغرفه لان ادري اذا اظل بعد شوي يمها احجي كلشي ......

الناس بده الخبر يوصللهم خاصه بعد ما رجع ابوي من تركيا و اجوي الاصدقاء المقربين يشوفوا و من يشوفوني والبعض يخطبني او يگلوله هاي بنتك الصغيره يگلهم القصة كلها ومن واحد الواحد الناس ظلت تجي بس حتى تعرف القصة واقاربنه و الاقارب الدرجة الاولى هذولي بعد اكثر حشريه
بس ابوي مجان يهتم وواحد منهم گله شلون هيج تصرف منو گلك حلال
جاوبهم ابوي بكل اريحية سألت المراجع وگالو منو المسؤل عنها يحقله يزوجها اذا ما يعرف عن والدها خبر وابوي فعلاََ ما عنده خير عن سيف اصلاََ
من اقاربنه من بعيد اجه وگله يگولون سيف مقيم بالاردن جاوبه ابوي انت دتگول يگولون اني ما اوقف مستقبل البنيه على اليگولون اني الاعرفه اني المسؤول منها و اني الي الحق اوافق مدام هيه عايشه بكنفي وكل سؤال والدي يجاوبهم اجابه شرعية من مراجعنه العليا الناس تسكت
......... باز کردن / نظر دهید

2023-04-27 17:28:42 يعني اقصددد احنه هيجج متفقين اسياااا ماكو شي تغيرررر لا تعبيني
ترك ايدي واثره قبضة واضح كلامه خجلني من نفسي ما صعدت للغرفه وولا سويتلي اكل گعدت انتضر الحد ما طلع ياله اني بدلت وصلني مسج اني بره انتطرج يلااا وراي شغل
دزيتله مسج ما اجي وياك
نفتح باب البيت واجالي يلاااا اسيا ابوي منا ما اريده يحس بأي شي

اسيا _ طلعت ويا طول الطريق ساكت الحد ما وصلنه للجامعه اجيت انزل صاحلي

هيثم _ ما اصلحلج زوج بالله العلي العظيم

اسيا _اني ما اريدك زوج بس لا تحجي وي. بنات انقهر يعني لو احد يسمع شنو يگول

هيثم_اني ما حاجي بس وي بنات لا هو گروب و احنه مجموعه بي وبينه اصدقاء الجامعه هم

_دخلوني وياك

_اسياااا

_لويش ضايج

هبثم _ المطلوب

_ما تحجي وياهن

_ليش هيج مصره

_لأن انت زوجيييييي طلعت مني بعجله احس گلبي ظل يدگ بقون موو قصدي هيج اقصد يعني انت الورق الي بينه مثل اي زوجين والناي هماتين هيج تعرف انقهر واحد يعرف انت تحجي وي بنات ويگولون بعدها عروس ويحجي وي غيرها

هيثم _ صار واضح بلا نزلي

_نزلت من السياره ما باوعتله وردت الارض تنشگ وتبلعني شنو ديصير شبيججج متستحين انتِ
خلصت دوامي واني وحدي حتى ما دخلت للكافتيريا ولا حركت ساكن الحد نهاية الدوام اتصلت ببابا يجي ياخذني گلي اني قريب جاي خابرت هيثم

هيثم _الوو

_ابويه جاي عليه تمام

هيثم_ واضح بعدج ضايجة افضل خلي ابوج يوصلج

_سديت الخط بسرعة هو هم واضح ميريد يحجي وياي اجه والسيارة محملة اشكال وريحة الكباب سطرتني سطر دخلت للبيت بس امي گاعده
سألها ابوي وين انوار

حنان _رائد وداها الاهلها

_ليش.؟؟

_اني سمعته يگلها الي تدخل بشي ما يعنيها ما تظل يمي
و هم وگف وي اسيا و عصب عليها و يعني وضحلها خواته خط احمر

اسيا _وهسا هو وين

حنان _طلع بعده مراجع

اسيا _اتصلت بي مجاوبني
وابويه جوه يصيح كلش نقهرت رجعت اتصلت رد وصوته مبين تعبان هاا رائد

رائد _ها يا عيون اخوج

اسيا _لويش هيج سويت والله عادي

رائد _ اظل تتعلم اتأذيج وانتِ ونمارق خط احمر ما اقبل شخص يلمسجن

اسيا _والله مزعلانه وهم كلامها صح اني جنت نايمه بغرفتي

رائد _ابوي يمج

_لاا

_سمعيني زين اني ادري بعلاقتج انتِ وهيثم شنو واني معتبرها صديقتي وكلشي احجيلها وتعرف هذا الموضوع يغث ابوي وهيه متعمده تحجي والا هيه تدري انتوا بعدكم محد متقبل الخ وسوت هيج عمداََ

اسيا _امانه رجعها

رائد _ايام وارجعها كرصه اذن يعني

_حباااب رائد لا تصير مشكله بسببي

رائد _ ولي اسيا ولي مو مال واحد يقدرج

بشرفج مسوين اكل ميت من الجوع

_ايي بابا جايب كباب وهواي شغلات

رائد طياره جاي
...........

نمارق _ اجوي بيت عمي طارق وجدي وياهم خبلني كل شوي يصيحلي بت الكيولي عزيز
بت المگرن عزيز اصيل بالشغل و عمامي ميحجون ويا بس علي كل شوي يگله كافي وهو يرزل بعلي ويرجع يحجي عليه
تخبل وكل شوي اروح وارجع دخلت للمطبخ وگفت ظهري موتني و اعصابي انهارات بسبب جدي وكلامة ولازممم اسكت دخل علي يمسح بسبابه اعلى جبهته بدون ما يباوع گلي بدلي ملابسج
اني جنت معصبه نارر گتله طيح الله حظك تباوع الزوجة اخوك شگد لعد انت قذر
هذني كلهن سطرتهن بدون توقف بدون ما اسكت

علي _ صعدي الغرفتج وباوعي الروحج من وره وبعدين حكمي اني باوعتلج لووو شنو قصدي

نمارق _عافني وطلع اني صعدت على السريع ووي صعدتي حسيت بحروره بين افخاذي دخلت للغرفه نازله على الشهريه ذبيت ملابسي انتبهت متلفه وهواي وجنت لابسه تراك لونه فاتح متت بدمي من الخجل بعد ما وصلت للباب صاحتلي عمتي حاولت ابد ولا نزلت الحد ما رجع اصيل نجبرت ونزلت بس لبست ثوب طويل وعريض ولونه بني غامق شربتلي مسكن وحضرتله الاكل جان اصيل جايب ويا انواع المسواگ وعمي يرزل بي لويش تخلص فلوسك اتونس بيهن انت وزوجتك
حياة متكاملة من كل النواحي سهرت اني و اصيل قريب مدينام انطاني السويج وذكر عايف بالجكمجة فلوس خاف كلشي يصير لبست روب فوگ ملابسي ونزلت طلعت للحديقة جان علي يدخن فتحت السياره وطلعت الفلوس قفلتها وباوعت الناحيته
اتجرأت و گتله اني اسفه
اعتذر عن البدر مني بس جنت معصبه من جدو وخربطت بالحجي والله مو قصدي
بدون ما يباوع گلي: حصل خير
هو اصلاََ ما يحجي وياي الا ما ندر ويكون طلب
هنوب حجيت عليه بعد خلاص صام عن الكلام اني ما اريده يحجي وياي بس اني داصرف بدون وعي جاي اجي على الولد بدل ما اهون عليه ازيدها اتمنى الله يرزقه ببنت حلال تنسي الي بگلبه
صعدت الغرفتي حطيت الفلوس حس بيه فتحلي الغطا ونمت بحضنه ظليت اتراسل وي اسيا شوي و نمت
الصبح اطلع للمدرسة ارجع عمتي محضره كلشي اني اساعدها وهيه متقبل تگلي ارتاحي اني ما عندي شي وتعودت تشتغل حتى من تتعب واذا احتاجتني اشتغل بدالها كل شوي تصيحلي مو تأذين نفسج اما عمي امير شوي يحجي على الملابس و يگلي لبسي حجاب هو شوي بي طباع من جدو بس هم حنين علينه
.......... باز کردن / نظر دهید

2023-04-27 17:28:42 _لا تنقهرين گتلج اسيا الغرفه هاي راح تخلينه نتعرف اكثر بس كووون ما نجاوز حدود بعض عندج تليفون سوي الي تردي بي اما تجاوزين على خصوصياتي ما اقبل

اسيا _تركته وبعدت مسحت جبهتي بتوتر فتحت باب الكنتور بقوه طلعتلي ملابس رايحة اسبح اني

هيثم _ سدي بيبان الكنتور وراج

اسيا _بارررد بكل الامور بارد ليشش هيج يعني لو اني اصاحب ولد يقبل

هيثم _اني مو بارد اني گتلج راح نعيش وي بعض على طبيعتنه انتِ الي رافضه اما فكرة تصاحبين ولد فكررري بيها مجررررد فكره مررره لخ وشوفييي شراح اسوووي بيج اسيااا

اسيا _استغربت شلون سمعني حجيت بداخلي
شلون سمعتني

هيثم _لأن انتِ حجيتي بصوت عالي غيبتي العقل الي بالگوووه يفكر و حجيتي الگلب

اسيا _يعني انت حلال واني حرام

هيثم _ اييي

_هااا هيج صار المنطق

هيثم _لا تخبليني اسيا روحي سبحي ما اريد اتعامل وياج غير عن السنين العشناها خليني اتصرف وياج اخوو والا هيثم الزوج ما ينجرع

_يعني شنو تسوي
جنت اريد اشوف الزوج اكو شي بداخلي حاب هيثم يعاملني كزوجة

هيثم _روحي سبحي اسيا روحي

اسيا _ الا اگول الابويه

هيثم _ تندلين غرفتهم غير

_لا تظل هيج بارد فدوه اتنرفز

_ تنرفزي

_خررررب عفته وطلعت سبحت باوعت لتراكي جان طويل وهواي مستور للحضه شغف مني خليت البجامه جوه دوش وغرگتها ماي فتحت الباب وصحتله هيثممم صحتله كم مره ياله سمعني

هيثم _ شكووو

_تراكسودب طاح بالمي فدوه بس شوف اكو واحد موجود داريد اعبر

_لفي روحج زين وعبري محد موجود

اسيا _لفيت روحي بالخاوليه وطلعت ركض للغرفه جريت تراك قديفه يصير تحت السويتر مالته كيمون لبست و طبعاََ هو داير وجهه وابددد ما يباوع ابددد خلصت تگدر تدور

هيثم _اني هيج مرتاح

اسيا _نشفت شعري و حطيت مكياج وگعدت اگلب بتليفوني وارسل بنات عماتي و نمارق الي دتبجي مصارت حبلى هذا الشهر
ضحكت عليها غير صار شهر ونص بس على شنو تبجين
بس هيه مقتنعت بكلامي ولا گدرت اصبرها
اتصلت عليه وتبجي يمعوده على كيفج

نمارق _اريد اصير ام

_تصيرين جلبه لا تخافين

نمازق _يا حقيره

اسيا_ خابرتها داحجي وياها جان يسبح سي اصيل وبس اجه يمها گلتلي باي باي اجه الحب وسدته بوجهي باوعت للتليفون وتفلت يا جلبه باعتني

هيثن _شبيها نمارق اكو واحد مأذيها

_لا تريد تصير ام

_ههههههه الله يحفظها تصير بأذن الله

اسيا _ وانت؟؟

_اني شنو؟؟

_جان يحجي و يباوع بتليفونه

_وانت ما تريد تنام اني نعست وباجر وراي دوام

_يلا تعاي انام

_لا اصبر امي اشترتلي ملابس داشوفهن طلعتهن جانن كلهن بناطير و قماصل و فساتين طلعت واحد من الفساتين الكصار حطيته على جسمي داشوفه عليه هواي حلو درتله حلوو مو؟؟

_كلشي عليج حلو يلا خلي نام

_شبيك؟؟

_اسيا و الله بزعانه روحي تعاي دنام

_لويش ضايج اني شنو سويتلك

_مو انتِ گلتي خلي نام يلاا خلي نااام

_خليت الملابس و دخلت بفراشي غمضت عيوني غيرت طريقة تنفسي بالربع ساعه واني گاعد حسيت بحركة يمي غمضت اكثر لحضات وفتحت عيوني شوي اگدر اشوف فضاء الغرفة لگيت گاعد ع الكرسي يراسل ويتبسم ظليت اباوع الابتسامة. صارت ضحكة عدلت روحي بحيث اشوفه اكثر ويراسل ويحك بالحيته هواي مندمج وي المراسله سويت روحي گمت ذبيت السويتر ظليت بالكيمونيه ما شفته شنو سوه لأن جنت مغمضه بحجة نعسانه رجعت نمت نظراته متغيرت ما بيهن لهفه للگدامة بالعكس رجع يراسل ويبتسم
غمضت عيوني وستسلمت للنوم فزيت الفجر لگيته يصلي ع سريع جريت السويتر ولبسته سلم و گلي صباح الخير ما جاوبته مقهوره وضايجة من تصرفه يعني شنو يحجي وي بنات دخلت غسلت و نزلت للمطبخ هو نزل وراي

هيثن _صاير شي

_لا

_گتلج صباح الخير سمعتيني

_لا

_صباح الخير

_صباح الخير جاوبته وضحتله اني ضايجة

هيثم _ تره ما اعلم الغيب اسيا

اسيا _شنو تقصد

_اقصد المضوجج احجي لا تصرفين هيج لا اني مشعوذ ولا اعلم الغيب احجي الي عندج ونحله

_تحله موو

_ايي

_حجيك امس بالليل وي الساقطات شلووون تحله رگعت الطاوه بكل قوتي على طباخ بحيث اني جفلت

هيثم _ رجعنه للخربطه اني طالع احسلي

اسيا _لويش هيثم خربطه تره اني هم انقهر ايي مو زوجتك صح بس طلگني وروح احجي وي بنات انب مو ناقصة حتى تروح تحجي وي هذنييي اذا ما عاجبك وضعنه الانت اصريت عليه وما حركت ساكن طلكنييي

_ بس ابوي يتعالج ورقه طلاكج توصلج قبل لا يوصل ابوي للعراق والله

اسيا _اصلاََ هذا مناك
حس كلامي تغير عن اول زواجنه حس اني تخربط وضعي لزمني من ساعد ايدي و قربني اله الدرجة. حسيت بأنفاسه الحاره وگلي
_اني اخوووج استحي على نفسج باز کردن / نظر دهید

2023-04-27 17:28:41 7






اسيا _ عيوني عليه ما راح يعرف شي ليش خله امي تحجي باوع الابوي وابتسم وگال :اكو شامه كبيره فوگ بطنها
و اكو وحمة اسفل ظهرها
جاوبت امي : اي صحيح يلااا هيثم خلي نروح انام تعبانين

اسيا اني عيني عليه شلون عرف معقول جان يباوعلي بدون ما ادري كشت روحي منه
قاطع تفكيري ابوي وهو يتصل برائد يگله جيب زوجتك وتعال
نفتح الباب دخلت انوار و رائد

عزيز _ انوار رجعي احجيلي وين تنام يوميا

انوار _بغرفتها

عزيز _ليش

_تگول اني و هيثم اخوان ومستحيل يصير بيناتنه شي بس الخاطرك تزوجوا

عزيز _شنو ردكم

هيثم _شنو ردج اسيا

اسيا _جنت اضحك وياها وهيه الظاهر ماخذته وجد وهيه هم شدخلها اني وهيثم ما عايشين حياتنه مثل اي ثنين مزوجين لأن احنه عشنه كل حياتنه خوان وهسا من تزوجنه مثل الاصدقاء ما ملتزمين بقواعد الزواج الي الكل ملتزم بيها عادي ما انام يمه شنو خلصت الدنيا بس طول اليوم هو يمي واني يمه وعلاقتنه الزوجيه اصلاََ عيب نحجي بيها بابا رجاء مره لخ لا تفتح هذا الموضوع لأن اني استحي منكم وهذا شي خاص بينه وحرام نحجي بي مو انت وماما صارلكم سنين مزوجين حتى ما نعرف شي عنكم
و هم ياريت تقدر ظرفنه انطينه مجال نتعود على بعض تريدني من اول يوم ابينلك اني مغرمه بي هذا الي يعقله اي عقل اني احبه وهواي بس شوي شوي نظهر هذا الحب لأن بعدنه نخجل

عزيز _ بابا اني الخاطرج احجي

_ادري والله واصلاََ اني اشكرك لأن انت دائماََ تفكر بيه بس على كيفك وياي

عزيز _ روح بابا رائد انت وزوجتك ارتاحوا

اسيا _من طلعوا گلي اني خايف عليج ما اريدج تعيشين مهمشة اريد انسان يحبج وينطيج حقوقج كامله واليزعلج بكلمة اطلع عينه من مكانها
بست راسه وتشكرت منه وگتله لا تفكر اني مرتاحة بحياتي وي هيثم واحنه عايشين مثل الاصدقاء

عزيز _الله يدومها عليكم يلا حنو نروح نرتاح

اسيا _طلعوا واني باوعت الهيثم الگاعد و ميل راسه على الكرسي شلوون عرفت

هيثم _والله گلت
گلت هسا تترك كلشي و تگلي شلون عرفت
گلت بدل ما تفكر هاي الطركاعة ليش هيج سوت راح تگلي شلون عرفت بالشامه والوحمة مو گتلج من تنامين يمي فالينتج توصل المنحرج

_هاا نسيت

هيثم _والوحمة من جنتي صغيرونه نعرف عندج وحمة من امي تبدلج تراوينياها واني هم شفتها

اسيا _ليش ضايج

_ضايج من هاي انوار ليش هيج سوت وشنو غايتها وانتِ صدگ هيج حاجيه وياها

اسيا _اي بس وين ادري هيه راح تحجي
وشنو غايتها هيه من اجت ما طايقتني عبالك
واحد وازها عليه

هيثم _هاي تغار هواي حاجيلي رائد عن انوار تغار
ابسط شي تذكرين من گللكم اريدكم تشترولها قميص نوم بوقتها گلها امي جابته الج لأن ام اصيل اشترت النمارق

_اي تغار من شنو مدافهم مثلاََ انت تعاملني افضل مما رائد يعاملها بالعكس اشوفه كلش زين وياها و من يجي ما يتركها لحضه
غير السالفة وما جاوبني بس گلي تحذري منها وبعد لا تحجين شي واذا اهلي بعد طلعوا لا تغيرين مكانج منا الحد ما نشوف طريقه ونخلص من هذا الوضع وهااا گليلها اني و هيثم وضعنه مثلج انتِ ورائد وانتبهييي مالي خلگ مشاكل اسيااا

_مأذيتك بحياتك مو

هيثم _ من اي ناحية مأذيتني بالعكس اني وياج ما جاي احس بأي اذية عايش حياتي مثل قبل

اسيا _اذا طول وضعنه راح تضجور مني مو

_خلي يطول العمر كله المكتوب ع الجبين لازم تشوفه العين واني راضي بكلشي

_يعني اني قضاء وقدر موو هيج قصدك

هيثم _ انتِ عذاب وهلاك وگومي دانام باجر وراج جامعة

_مالي خلگ اروح

_راح تخلصين جامعه شنو مالج خلك الناس تتمنى عدهم شهادة

_اي وشسوت الشهادة مو حضرتك متخرج كاعد وساكت لو ما المحل تتبهذل وهذيج نمارق محاضره من يمته حتى محد عبرها

_يجي يوم وينصفونه احنه والمحاظرين واذا ما اجه هذا اليوم عوضنه على رب العالمين

_ونعم بالله انطيني شوي تليفونك

مو عندج تليفون وبي نت

_اريد شوي تليفونك يطلع شغلات احلى بالصور

_شدورين انتِ

_اباوع ملابس وتنسيق ملابس

_امي لو خالتج تدخلين كلية فنون جميله افضل وينج وين الاداره والاقتصاد

_لا تغير الموضوع وانطيني التليفون
گلي :اخذي ع الميز على شنو اغير الموضوع
اخذته منه وگعدت اگلب وسمحت الروحي ادخل للويجات وجانت اكو گروبات ووياهم بنات والحجي فضيع ظليت اباوع واقرا الرسائل و كلامهن البشع و الولد
شنو هاي المحادثه هيثم

هيثم _اني و اصدقائي وليش تدخلين الشي ما يخصج

اسيا _گمت وتقربت منه وقربت التليفون هاي المحادثه مو انت وصديقك هاي المحادثة بيها بنات و الكلام بشع لويش داخل هيج گروبات

_وانتِ شدخلج

_هاي يعتبروها خيانه

_المن خيانه؟؟

_الي

_ليش انتِ زوجتي قولاََ وفعلا؟

_لا مو هيج بس نقهرت لويش خال هذني الساقطات بتليفونك باز کردن / نظر دهید

2023-04-27 17:28:13 هيثم _مو اگلكم مضطهد ما تصدگوني
اباوعلها ردودها اشبه بردود الطفل

عزيز _ زين بابا هيثم اسيا صارت زوجتك لو بعدها

اسيا _نخرسنه اني ويا
جاوبه هيثم بعد لحضات گله اي صارت زوجتي

عزيز _ ادري هذا تدخل وتصرف مو حلو مني بس وين بياض بنتي

هيثم _ما عبالنه تريده ما انتبهت الهذا الشي

عزيز _هم اجي وياك يا هيثم حناننن انطيني شاره بجسم اسيا

اسيا :عصب ابوي وهيثم بكل هدوء يجاوب بس رجله اليمنه تهتز

حنان _خلاص عزيز خليهم براحتهم يسوون الي يردو

هيثم _لا عوفي يسال شعدنه گولي يوم شنو تردين تعرفين مني

حنان _خلاص حبيبي خلي نروح نرتاح

عزيز _ حنانننننن

اسيا _كافي يابه والله مخجل هذا الموضوع

عزيز _من تضحكون على عقلي ما تخجلوون مني ماا تگولون هذا التعب علينه عيب هيج نسوي بييي انتووا ثنينكم ما تستحووون تستغفلوووني

هيثم _حشاك يوم گولي

حنان _ اكو شامه بجسم اسيا كبيره ووين مكانها

يتبع....... باز کردن / نظر دهید

2023-04-27 17:28:13 _يااا نجنيتي

_لويش ونبي هسا لو شافج هيج ينجن

:لا عيني ما اريده ينجن

نمارق _تعاي احطلج مكياج وخلي نشوف بالاخير شلون يطلع حلو

اسيا _ جبت مكياجي وخليتها تحطلي من كملت گلتلي راح انزل اجيبلي ماي تردين
گتلها لا وگعدت افتر بفستاني
دقيقتين يمكن و فتحت الباب عيني عليها و على الي ووراها هيثم اني ع سريع جريت اللحاف نمارررررق

نمارق _ههههههههههههههه لقد وقعتي بالفخ

هيثم _ ههههه لا تخافين ما شفت شي

اسيا _ حباب هيثم اطلع

نمارق _اذا تطلع انت زوج دشوف الي حللك الله غير تموت

اسيا _ خلاص نمارق انا ما احب هذا الشقه هسا اني بينج وبين اصيل تدخلت والله ما يصير هيج تسوي رفعت الغطا اكثر وحجيت وياها

هيثم _ مكياجج حلو

نمارق _اني سويته الها

هيثم _ لا تضوجين اسو مشفت شي غير كفشتج ومكياجج

اسبا _هم وطلع ذبيت اللحاف على نمارق و ع سريع ذبيت الملابس و لبست تراكي مو صوجج صوجي اني الي خذيت بكلامج

نمارق _ ما شفتي نظراته شلون حلوه الج ظلي هيج الحد ما يطير من ايدج

_خلاص نمارق شبيكم دتصدموني مو هذا طبعج اعرف بيج

نمارق _لا هذا طبعي اريد الاختي احسن رجال و الاحسن هو هيثم شگد اصيل زين بس ما يجي ربع هيثم وانتِ الاعرف اني اريدلج رجال يدللج مثل ما هسا اني مدلله اتأذه اذا حياتي احلى من حياتج

اسيا _حضنتها حقيره قهرتيني اسف بعد ما احجي عليج

نمارق _ سمعي كلامي اسوو

اسيا _الله كريم
ردت تبات يمي مقبلت اصيل يروح وهيه تبات لا يابه رجلي على رجلك ودعناها وبعد ما لمينه هوسه الخطار المعروفه صعدت رأساََ نمت طول التلث اسابيع احنه على تواصل وي صديق بابا واكدنه عليه ما اريد ابوي يعرف احنه نعرف بمرضه دخل والدي للعمليه وبوقتها اني و هيثم گعدنه بالغرفه ما طلعنه مصيبتنه اكبرلأن مو يمه وما نگدر نحجي بحيث من دگ التليفون هيثم فز ع سريع فتحة بشرني عمييي

_الحمد لله استئصلوا الورم والعمليه نجحت

اسيا _ دموعه تنزل وهو منطيني ظهرا درتله اني وحضنته وهو يخابر الرجال يمسح بدموعه ما يريدني اشوفهن بسته من خده و مسحتهن اله
سد الخط شالني من الفرح وافتر بيه الحمد لله نجحت الف الحمد لله
يعني خلاص ابوي اذا يرجع تمام

_لا لازم هسا يسوي جلسات علاج اتوقع السرطان مو بسهوله ينشلع من جسم حسب ما سمعت تظل خلايه لازم يقتلوها بالكيمياوي خلي ننتظر ونشوف الدكتور هو الي يشخص

_تتوقع بابا يضم علينه الكيمياوي هماتين

_ما اتوقع لان يگدر بعد بس ياخذ الكيمياوي يبدي يطيح شعره واكيد راح نسأل ونعرف فـ ننتظر نرجع ونشوف شنو يگول

اسيا _ قبل رجعتهم بيوم شلت غراضي ورجعت يم هيثم

هيثم _هااا خلصت الاجازه

_ايي
گلي نورت الغرفه اني فتحت الكنتور و رتبت غراضي و عفت ملابس الطلعه هناك لان ميكفي الكنتور
ثاني يوم نتظرنه بابا الحد ما وصل للبيت اليشوفة مستحيل يخمن عنده عمليه بالعكس بكامل صحته وامي رجعت فتحت مثل الورده استقبلناها من الباب بالحضن ونمارق تطش جكليت الزاد من الضيافه

عزيز :قابل جاي من الحج

نمارق _ شتاقينالك يابه

عزيز _واني اكثر وين اسوو

اسو هياتني هياتني بابي ركضتله حضنته بوسته وگتله الحمد لله على سلامتك من كل گلبي

حنان _تعالن وشوفن شنو جبتلجن انتن التلاثه
نمارق:جاوبه اصيل :ليش احنه ولد البطه السوده

حنان _جبتلكم والله بس مو بگد البنات

اسو فتحت الجنط بحيث من گد ما الجنط هواي خالين رجال عراقي ياخذ منهم جنط حتى لا الوزن يعبر الرقم المحدد و ياخذون عليهن فلوس ومع هذا ماخذين فلوس امي ما ارتاحت ولا لحضه فتحت الجنط كلهن بالصاله وظلت توزع واني الي حصة الاسد الملابس الي تموت صيفي وشتوي
و المكياج و الاحذيه كلشي جايبتلي حتى قمصان النوم بس حاطتهن بعلاگه وحدهن
رغم تعبهم بس ظلينه لليل سوالف وضحك

حنان _لموا الجنط ماما صارت هوسه

اسيا _دنلمهن و انوار صاحت الابوي على صفحة احنه لمينه غراضهن وحطيتهن بالغرفه و خذيت غراضي و صعدت والجنط الكل وحده صارت جنطه نزلت و نمارق و اصيل ترخصوا وطلعوا وابوي صاحني يمه
شلونج باباتي

_الحمد لله زينه

_هيثم شلونه وياج

_كليش زين توجهت انظار ابوي الهيثم وهو الثاني استقبلهن بأبتسامة

عزيز _شلون اسو وياك

هيثم _الحمد لله

عزيز _ الحمد لله

اسو _ صار نص الليل وهمه يمنه بغرفتنه رحت فرجت سنوني دخلت الغرفتي لگيتهم بعدهم بالغرفة ووياهم هيثم يباوعلي وشابك ايدي
صاير شي اكو شي شبيكم هيج تياوعولي

عزيز _ اسالج سؤال وجاوببني على گد السؤال

_حاضر گلي...
_صار ١٥ يوم تقريباََ غايبين من البيت وين تنامين
باوعت الهيثم وباوعتله بغرفتي نايمه

عزيز _ ليش تنامين بغرفتج

اسيا _لأن اني زعلانه من هيثم يعني مو زعل جبير بس لان من ينام يدفرني وايده تجي عليه وما يحترم شخص ينام يمه عبالك داخلين معركة مو نوم

هيثم _هههههههههههه كلامها صحيح

عزيز _ يعني مو عركة او خلاف

اسيا _لااا اني ما اعاركة لأن هو يشتريلي حلويات باز کردن / نظر دهید

2023-04-27 17:28:13 _ما بيه شي بس شلع گلبي

رائد _ويهون عليج هذا الشعر الطويل تگطعي

_ مو تعبني

_ ضجتي من كلام انوار

_انت اخووي رائد لويش هيج حجت

رائد _انوار طبعها تغار لا تهتمين الها حتى من امي تغار من حضنتها وطلعت للمطار گلتلي ليش بس هيه تحضنها اني هم لا تخلين ببالج

_انت هم حبيبي لا تضوج

رائد _ ما ضايج اني بس ادري بيج انتِ تظلين تفكيرن

_لا ما افكر هذا هو انتهى

َدزلي بوسه بالهوا و طلع مشطت بهدوء رتبت ملابسي باجر ما بقه شي واتخرج وارتاح انا مال جامعه انا لو ما امي حتى ما اوصل للمتوسطة

خابرونه اهلي عن طريق صديقهم واطمنه عليهم

الصبح ندگ الباب ادخل

هيثم _يلا ع الدوام سرررر

_يلا خلصت طلعت ويا طول الطريق ساكت
جنه على اعتاب التخرج حتى بلشن البنات يخلون رئيس للقسم علمود حفلة التخرج وشنو نلبس ووين نسوي الحفلة خذو رأيي بما انو اني عشقي الملابس و الترتيب
اذا تحبون ننقسم نلبس احنه وردي فاتح رسمي
والولد نيلي واذا لا نلبس مثل بعض بس شرط نجمع ونروح خياط واحد علمود الترتيب و التنسيق
الولد عترضوا احنه نشتري جاهز خليتهم يسولفون بيناتهم ما بيه حيل نقاشهم ومو وكته ابد وكل شوي واحد يتعارك وي الخ يريد رأيه يمشي مالي خلگهم
رجعت للبيت وصلتني رسائل الويجات نمارق
كاتبتلي اني زينة انتِ شلونج
مشتاقتلكم بلكي هاي اليومين اجيلكم
لا يظل بالج عليه اني كلش فرحانه و الحب غامر حياتي
ابتسمت الرسالتها بالرغم اني بالي مو يمها ولا خايفه عليها بس احسها هيه تريد تحجي للكل عن حبها وعن حياتها دزيتلها سمايل من السمايلات الجانت بالويجات يعبر عن فرحته تركت التليفون وطلعتلي ملابس ندگ الباب منو

انوار _اني

_فوتي حبي
فتحت الباب واني دالبس البلوز گلتلي اني تعبت بعد هسا دورج بتنظيف البيت اني وراح يجي رائد وداريد انشغل بترتيب روحي

_اي حبيبتي حقج الله يساعدج هسا انزل
سدت الباب ورجعت دخلت

انوار _ انتِ لويش تنامين هنا مو يم زوجج

اسيا _لويش ما تدرين بالوضع انتِ مو تدرين اني جنت رافضه والخاطر بابا قبلنه بهذا الوضع
جاوبتني وبكل احتقار ليش عندج واحد غير هيثم

اسيا _لا حبيبتي ما عندي بس هيثم ورائد ونمارق اخوتي هسا بالجديد طلع هذا كله وهذا كله احنه مو متقبلي

انوار _هااااا

اسيا _ استغربت تصرفاتها لأن اني اعرف انوار مستحيل هذا طبعها كل ولد عمي وعماتي محترمين و اسلوبهم حلو و الكلمة اليحجوها يوزنونها بس هاي غريبه صايره تركتها ونزلت غسلت المواعين الي مكومات على سنگ ملات طبخ الغدا مسحت الميز و الطباخ كلشي رتبت
نزل هيثم گلي صبيلي غدا
صبيتله وصعدت نسيت الصينيه ونمت من التعب گعدت على ضرب الباب بقوه فزعت عبالي ابوي صارله شي فتحت الباب لگيت انوار متخوصره حبيبتي تره اني هنا مو خدامه
جاوبتها بعصبيه حرام عليج خوفتيني عبالي صاير شي شكووو

_لويش مغاسله المراعين

_ع المواعين هيج سويتي وبعدين اني غسلت كلشي

_اكو صينيه ممغسولة

_عاب حالج هاي صينيه هيثم عبالي عنده سالفه طلعتها ونزلت غسلتها هيج زين ارتاحيتي شبيج تغيرتي ما جنتي هيج

انوار _واني شنو سويتلج

هيثم _شصاير يابه شكووو

_علمود صينيه مواعين فزعتني

هيثم _ما صار شي خلاص خوات وببناتكم حلوها لا تصيرن نفسيه

انوار _ مره لخ غسليهن

اسيا _مره لخ اركعهن براسج اذا حجيتي هيج وياي عفتها تحجي وصعدت خابرت نمارق ظليت اسولف وياها تحجيلي عن عمتها الي ما تخليها تگيس حتى عود شخاط و الصبح هيه تگعدها الدوامها واصيل بدوره هو يوديها ويجيبها
مرتاحة كلش والراحة مو بس بالكلمات الحجتهن لالا حتى صوتها يعبر عن السعاده الهيه بيها
وبعد ايام من سفر اهلي اجتي النه سمنانه و صايره احلى
صعدنه للغرفه عرفت اني انام بغرفتنه ما حجت بس حسيتها ضاجت

نمارق _شلون انوار؟؟

_يابه انوار عمه مو جنه مراويتني الويل اذا تشوفني ادرس يبووو تصير مناحة بالبيت واذا سولفت وي رائد يا يابه اطلع من المله و اذا اتأخرت بالخط لا هذا الله كتبه عليه

_وساكتتلها

_لا خالتها تحجي براحتها وشتريد تسوي خلي تسوي اسمع منا واطلع منا اخلص شغلي واصعد غرفتي

نمارق _والله صدمتيني ولا عبالي هيج انوار

_اني بنفسي مصدومه مو هيج هيه

نمارق _ ختولي هسا انوار وشوفي هذا الفستان عريض عليه امس اشترته الي عمتي بس مو حلو على جسمي جبته الج

اسيا _ صخام بوجهج هذا قميص نوم

اي هيه كله هيج تشتريلي هذا يمكن خامس واحد تجيبليا

_اووي صدقه شگد حبيت عمتج ما تخطبوني العلي
من جبت طاري علي تغيرت معالم نمارق هاا شكوو

_ خطيه علاوي ونبي ميته قهر عليه لأن ما يجي للبيت بس من يريد ينام وعمتي شايله همه واني وياها مقهوره عليه وعليها

_ فتره ويتعود خلي البس الفستان و شوفي عليه
نزعت گدامها ولبسته جان قديفه لونه ماروني وبي فتحة على الفخذ الايسر و الصدر كله طالع و قصير هماتين فتحت شعري وباوعت للمرايه فد شي يجنن

نمارق _اني گلت عليج يطلع يجنن تعاي خلي يشوفه هيثم باز کردن / نظر دهید

2023-04-27 17:28:13 اسيا _نزلت اغسل الملابس واني احط الملابس فالينته الزيتونيه لزمتها وشميتها اني اختار عطوره قبل بس هسا احس اكو شي مختلف صار سبوعين اني يمه بس احس الوضع مو مثل قبل و صرت انتظر ساعات رجعته وهسه حتى ملابسه صارت تعنيلي ع سريع حطيتهن وغسلت شدتخربطين لعد والبجي و الدموع والرفض وهذاا اخوي تاليها هيج اول سبوعين الريحة صارت تعنيلج وكلشي خالته ببالج وتفكرين
اسولف وي روحي و اجلد ذاتي على تصرفاتي نشفت وشريت ودخلت لگيته نايم جريتلي ملابس وصحت هيثم ما جاوبني
هيثم داريد ابدل لا تنزل ايدك من على عيونك

هيثم _ما يحتاج انزلهن بالليل من تنامين ملابسج تصعد الحد منحرج

اسيا _شهگت شنووو

هيثم _ واني استر بيج

_لا فدوه هيثم لا تگول هيج وخرت ايده من عينه

هيثم _ خاص اذا لبستي هاي الدشداشه القصيره هنا اني اخلاص الليل اغطي بيج و اعدلج و استر بيج لأن شتا اكووو واحد يلبس هيج

_ هيثممممم

_يا نومة عين هيثم

اسيا _ونبي انت تريد تخبلني

هيثم _ليش اخبلج

_ يعني اتكشف من انام

هيثم _يعني انتِ مقهوره لأن تتكشفين وما مقهوره ع هل المسكين النايم يمج شبع دفرات والله ظلم

اسيا _حباب هيثم لا تشاقه هيج
هيثم _ والله ما جاي اشاقه اذا لبستي تراك فـ الحمد لله ما نشوف غير ظهرج
واذا لبستي هاي الدشداشه القصيره لا نشوف كلشي

_عزااااا و ما گتلي

_وليش اكلج قابل حرام؟؟

_اي حرام

هيثم _لا مو حرام انتِ بالشرع مرتي وهسا بشرفج طفي الضوا اريد انام باجر وراي طلعه الفجر للمطار

_ گمت من يمه خجلانه
حط ايده على عيونه و گال

هيثم _لا تتحذرين مني ولا تحاولين تنطين اكثر من طاقتج احنه ثنين بغرفه طبيعي تصير بينه هاي المواقف الانسان من ينام مرفوع عنه القلم و طبيعي من تشارك بغرفه وحده واحد يشوف جسم الخ لأن قابل وين نبدل بالشارع والحمام خاف يلكفك عزيز تكره روحك ع الدرس الراح ينطيكيا
فـ دائماََ اكلج تصرفي على طبيعتج مدام ما بيها حرمة

اسيا _ذبيت تراكي وطلعتلي تراك طويله فالينته ولبست جواته فالينه هم و دخلت بفراشي و نمت
بالليل ظليت افز هو نايم على نفس نومته بس اني مخربطه جريت المخده وبطانيتي قررت انام بالگاع

هيثم _وووين

_يم اسم الله گمزتني هيثم
. _وين رايحة

_انام بالارض والله ماَداگدر انام يظل بالي يمك خاف ادفرك

هيثم _واني شكيتلح الحال صعدي.

_مو انت تگول تدفريني ما اريد بعد انام يمك

هيثم _يلا اسيا رجعي

_مداكدر انااااامم انقهر عليك

هيثم _ لا تنقهرين و نامي ولا تفكرين
باوعتلها محتاره شلون تنام وما تزعجني تقربت منها نامي اسيا

اسيا _لا هيثم حباب روح لفراشك

_ههههههههه صارت عندج حساسيه من هيثم دنامي دخيل ربج لا باجر احجزلج واوديج وي اهلج

اسيا _ويهون عليك؟؟

هيثم _ لا

اسيا _استمرينه هيج الحد الفحر وهو ابد ما ضاج بالعكس گام بكل هدوء بدل و طلع بعد ما ودعناهم
نزلت جوه لگيت انوار مركبه الغدا و تنظف خذتني النومه والله

انوار _عادي ما عدنه شي التشريب و طبختها سوي انتِ التمن تعرفين تطبخين

_اي اي

انوار _ عندج علم شگد يظلون بتركيا

_گالو سبوعين الى ٣ اسابيع

_هاا اي خطيه خليهم يتونسون

_اي يتونسون گمت خلصت شغل البيت و صعدت خذيت ملابسي وانتقلت الغرفتي براحتي اسوي الاريده رجع هيثم صعد وصاحلي
هنا اني

_هاا سويتي نقل ملفات

_اي

_يابه اليوم انام براحة

اشيا _وانا هم رفعت ايدي بفرح
سكتت لحضات هيثم فدوه شلون راح نتواصل وي ماما وبابا

_صديقهم الي راح يستقبلهم بالمطار عندي تواصل ويا لا يظل بالج

_بابا ممكن يسوي عمليه وحده
سد الباب و گلي احجي بصوت ناصي
اني انتظر الرجال يعرف وبعدين اني اصدمة و اخلي هو يتواصل ويانه ويكون وياهم

اسيا _ويهون عليك تعوف بابا وحده

_مضطر راح اكون ويا ع التليفون بس ما اگدر اخلي ابوي يعرف اني اعرف راح يتعب من تفكير

_فدوه اي شي يصير وياك گلي

_سهله خليني اروح انام تعبان

_تصبح على خير
باوعلي و گلي باجر جامعه ترحين وتحترمين حالج لأن راح تنفصلين

:اييي اييي رايحة باجر
نمت بيومها بالغرفة وحدي باوعت السرير نمارق فارغ جان بوقتها بس الويجات عدنه مشترك راسلتها ما جاوبتني هسا مشغوله بحبيبها
تغدينه ورتبت البيت اني كله انوار صعدت تعدل روحها انا خلصت و صعدت الغرفتي اخذت ملابسي و دخلت اسبح خلصت وطلعت حاطه الخاولي فوگ راسي

رائد _الله بالخير شيخنة

_انواررر تعاي زوجج يتغزل بيه
هيه طلعت من الغرفة باوعتلي بنظره ابد محلوه
وگلتلي لبسي عدل وهو ما يتغزل بيج وسدت الباب ظليت واگفه بمكاني خجلانه هنوب رائد گدامي واگف صفرلي

و گلي: هاي مخبله لا تاخذين بحجيها شيخنة ابتسمتله ودخلت شگد حجايتها وجعتني ودموعي يصبن وگفت گبال المرايه و مسحت دموعي واحاجي روحي
شنوو عيب عليج تبجين صايره ام دميعه شوو
نشفت شعري ومن مشطته طلعت حرگتي بي كطعته تكطع فتح الباب رائد فزيت

رائد _عرفتج راح تسوين هيج ليششش؟؟ باز کردن / نظر دهید