قصص💜✨

2023-05-03 20:19:55 نمارق _ هاج
_هاي شنو؟
_اجه ضياء خطيه المسكين يسلم علينا وسأل عنج يگول والدتي تريد تطمن عليكم
گتله زينه
_ووين هسا هو
_وين راح محد بالبيت باباياتج على گولتج بالحضانه وامج وياهم
_خطيه الله يجزيهم خير
بالليل اجه هادي هو واهله جابولي الهداية وامه دلعت اولادي وتناغيهم بكلمات حلوة
گال هادي _حلوين الله يحفظهم
_تسلم رحم الله والديك
اباوعله هادي متوسط الطول شوي تارس
وجهه حلوه وعيونه شعره جماله حلوه والاحلى دائماََ مرتب ونظيف ريحة توصل السابع جار
يحجي وي بابا علمود بيت بالكرادة شايفة يجذب النظر بكلامه وگعدته
واني صافنه بي انتبهت يباوعلي ومبتسم ع سريع دنگت هسا شيگول عني والله عيب
من راد يطلع تقربلهم وخله فلوس بكماطهم وبوسهم وگال خسران الما يسأل عن هاي الطيور
و اليمامة
من گال يمامة باوعلي
اجيت اكله شاهيني علگ وطار بس استحيت باوعت النمارق وضحكت
من صعدت واني انوم الاطفال گلتلي اذا طلكج هيثم تزوجين
_يمكن بس اشرط اولادي وياي اذا قبل العريس الي يتقدملي اي ازوج
_احنه ليش حظ ما عدنه اني زوجي مات وانتِ ما اعرف اختفه
_مو مثل انوار شعجب ما گلتي هههههههه
_نسيتها خرب حظي صدگ مو مثلها
_سؤال اذا يخطبج علي توافقين لو لا
حسيت السؤال يعنيها باوعتلي وتحسرت
حتى لو جنت اريد هسا مو الا علي اي شخص
هم ما اگدر بعد
_لويش؟
_اصيل وكلشي بي صعب ينسي
و كلام الناس هم صعب ينسي شلي بوجع الراس خليني بيت ابويه احسلي
_خليج واني وياج والحياة حلوة.....
اشترى بابا بيت بالكرادة وهدية عيد ميلادي البيت ما قبل يسجلة بأسمة بالرغم اني رفضت بس هو گال ضمان الج والاولادج خاف يرجع زرجج وتصير اشكالات عندج بيت الج معززه مكرمة
وهذا الشي ثار غيرة بابا عزيز
وگلي تذكرين من گلت الي يجيبلي احفاد اشتريله سياره
_ايي
_هسا لازم تتعلمين سياقة َاشتريلج سيارة
_بس انت گلت للاول مو للكل
_لا لا للكل من باجر اسجلج بدورة تعليم واشتريلج سيارة
هنا اني شفت روحي هذا بيت وهذا سيارة واني بنص العزا ونمارق تلطم وتگول عيوني بعد ما تفيد بس بابا گال ثنينجن تعلمن واشتريلجن ثنينجن
كمت اترك اولادي بالحضانه يمهم و اروح لدرس السياقة ونمارق كل شوي ادزلي رسالة ولج اخاف ادعم السيارة بالحايط و يضحكون عليه
تچبنی و اني اچبن بيها
نزلت للشارع الرهبة متملكة گلبي اخاف بس الي دربتني جانت بنت حلال وبأسلوبها سحبت الخوف من گلبي
وتعلمت القيادة وبابا اشترالي سيارة وحتى لا نمارق تنقهر لأن بوقتها ما عنده فلوس گلها تردين سيارتي لو تنتظريني شهرين واشتريلج
گلتله انتظرك
بس زعلت لان اشترالي قبلها
وحقها تزعل بس هو گلها اني وعدتها الاول عيب ارد بكلمتي بس وعد اشتريلج سياره احسن من سيارتها كامت تطلع بسيارتي لو نطلع سوه الحد ما اشترالها سياره احسن من سيارتي واني هنا غرت
عزيز _وعدتها وعيب ارد بكلمتي
_هههههههه عزيز ابدد ما يرد بكلمة....
مر سنة على ولادتي تعودت غيابة
اذا اجه طاري هيثم استغرب اگول ميخالف خلي ينساني مو مهم بس معقول نسه امه وابو اباوع الاولادي ينكسر خاطري عليهم وارجع َاگول عايشين وافضل عيشة وهذا المقسوم
احنه نهاية ٢٠١٥ هنا الناس ضجت بالسفر عبر البحر
وبابا راد يبيع كلشي ويطلعنة بس ماما خاف على احفادها وگلتله نسافر بس مو بهاي الطريقة
عزيز _ماكو طريقة غيرها
_بيع العمارة و سويلنه فيز تطلعنا الاوربا وهناك نخلي محامي عود
_رفض بابا لان اذا بصمنه للفيزا بعد محد ينطينا لجوء حاول يقنعها رفضت گلتله احنه خلي نموت بس احفادنا شنو ذنبهم سكت عن الامر
وگلها خلي نشوف بالاخير شنو يصير
جان يتابع الاخبار و الكروبات مالت السفر
لأن سمع الدول اتفقوا يعبرون الناس بسيارات
ما صدگ بس گال عسا ولعل نطلع
بابا اذا قررتوا تسافرون اني ما اگدر اجي وياكم
عزيز _ليش
اسيا _وبابا سيف؟
سيف _كلنة نطلع يابه محد يبقه شنو الذكرة الحلوة الهنا شنوو خلصتها اشرب سقم نطلع يابه بس خلي ابوج عزيز يلگه طريقة واني ويا
اسيا _تحسرت براحة عبالي يرحون ويتركوني بس الظاهر متفقين الاصدقاء بس ما صارت ماما رفضت واكيد كلامها يمشي عزيز ما يكسر كلمتها
عزمونة بيت عمو امير ورحنة من ولدت الهسا ما رايحتلهم بابا سيف راح للبيت گال اريد ارتب بي كم شغله الحد ما ترجعين
بدلنة وطلعنه اولادي من يشوفون بابا عزيز يزحفولة وهو يشيلهم من ملابسهم ويگلهم اخخ يا ولد هيثم ربيتولي علة بگلبي
اسيا_مثل امهم.
عزيز_همه عين وامهم عين
_سالمه عيونك
عزيز_حنان زيد نسخة طبق الاصل من هيثم
_ايي كلش بس زين يشبه ابو اسيا
اسيا _ زيد جان بمثابة عقاب يشبه كلشش
ساعات ارضعه واني اباوع بكلشي الا بوجهه كل تفاصيله تشبهه حتى شعره الخفيف وهدوئة عكس زين باز کردن / نظر دهید

2023-05-03 20:19:30 طلع من الغرفة بس بقت امي كل شوي تدخل تشوف حرارتي ما خلوني انام واني منايمة. الساعة بالثنتين كمت احس بوجع ما ينطاق شل حركتي وما اگد. ابقه بفراشي گعدت على طرف الجرباية وكمت اون من الوجع
نمارق _هاا اجتج الطلوكة
_الظاهر هيج فدوه صيح ماما بين ما طلعت نمارق اني فيضت مي راس اكو شي من بين افخاذي ديريد يوگع واني وحدي واول مره خفت حيل من الخوف گمت اريد انزل اني الماما بس گمت حسيت شي نزل مني فعل لا اردياََ خليت ايدي واحد من اطفالي نزل بأيدي گعدت بالارض من الخوف وصرخت يووووووووم
لحضات والكل صار فوگ راسي ماما ما خلتهم يشيلوني دفعت بطني و نزل الطفل الثاني هذا اخير شي اذكره.....
نمارق _من نزل طفلها الثاني هيه صارت زرگه بابا عزيز كام يلطم عل راسه ابوها سيف شالها وامي شايله الاولاد انطيتهم الجنطة الهيه محضرتها خلوها بالسياره ورجع سيف جر بابا وطلعوا اني وحدي بالبيت اتصلت برائد ما جاوبني
انوار ما عندي رقمها اتصلت بعمتي ام اصيل خطيه جاوبت مفزوعه
واني ابجي وخايفه فدوه عمه تعالي ع سريع اني خايفه وحدي
ولا تكطعين الخط اسمعها طلعت ع سريع تصيح العلي تگله نمارق وحدها بالبيت واسيا دتولد واخذوها اسمع يگلها گليلها لا تخاف هسا بس البس انعالي ونطلع ع سرريع
طول الطريق اسمع عمتي تگله ما لبست شي جاي بالشورت بالشورت وهو يگلها كليلها لا تخاف خلي تخلي قرآن بالبيت هسا دقايق ونوصل
اقل الربع ساعة وصلوا وعمتي تصيح عليه
من دخلت للبيت اني ارتاحيت
ام اصيل _انطيني اي شي من ابوج اجه بالشورت والفالينه الكيمون
انطيتها ملابس وطلعتله
نمارق _اتصلت برائد ماكو لازم يروحلهم
عمتي حاجت علي وخلته يروح البيت رائد
الساعة ١٠ الصبح رجعت اسيا وهيه على الكرسي واولادها واحد بأيد ماما وواحد بأيد ابوها
ولاده يعجب الها اهل الارض القابلة تگلهم مولده نسوان طبيعي بعدد شعر راسي وبجر بس مو مثل ولادتها وسهولتها من واصلين للعيادة المرأة دتفتح الاضوية لأن متصلين عليها وجايتها حالة ولاده ودخلت اسيا الها
الاولاد گالبيت الدنيا بالسيارة الحد ما گاطعين السر ماما ماسحتهم وملبستهم وراضعين ونايمين
واسيا ما طولت نومتها غير نص ساعة
بابا عزيز زعلان عليها شلون تنامين وتسوين هيج بيه گلتله والله ما اعرف شلون نمت بس حسيت براحة مو طبيعيه بحيث عيوني من وحدهن انسدن
نمارق _عدت ولادتها سلامات بس بابا عزيز من يومها صار بي سكر اثر الهبطة من شافها
بيان الولاده طبكته وانطته الامي كلتلها ما اريد اشوفه يوم ما اريد اشوف ولدي مسجلين بغير اسم ضميها الحد ما الله يفرجها
اسيا _اباوعلهم مستغربه امس ببطني اليوم يمي
صار عندي زيد وزين صغيرونين كلشش
الجرابي اجتهم هديه من عمي امير
والملابس كلها من عمي لؤي و عمتي كوثر دلعتهم كل واحد ميتين وخمسين الف
ما ينزلون بالگاع خاصه بابا عزيز من يجي ويشوفني يرفع ايدي الرب العالمين ويكوم يتحمد ويتشكر هنوب يجي يبوس و يكرص
عزيز _الفرحة فرحتين
اسيا _شنو هيه الفرحتين؟
گلي _گمتيلي بالسلامة وشفت اولادج
ابتسمتله ادري الكلام مو صح الفرحتين لأن همه اولاد هيثم واولادي
بابا وماما شگد يكابرون كدامي وينكرونه ويحجون عليه بس ماما من يندگ الباب تطلع تباوع وبابا فد مره سمعته يحجي وي رائد يگله من راح نكسرت وفراگه خلاني الليل ما انامة ما اعرف هو زين لو لا
عايش لو ميت
نسانه معقول نسانه......
نمارق _وين صفنتي؟
_لا ما صفنت شنو وين زيد؟
_ابوج ديلعبة
نزلت الهم انتبهتله عيونه مليانه دموع عبالي احد مضوجه شكو شصاير لويش عيونك مدمعة؟
_صارت عندي عائلة بنيه واحفاد بس فتونه ناقصهم ياريتها ويانه
_الله يرحمها
_جنت أجل الروحة القبرها بس بعد ما اگدر اريد اروح انتظرج تخلصين الاربعين و نروح شتگولين؟
_اني من عرفت الهسا ما رحت ما اگدر اروح جنت كل ما اروح الومها واحجي عليها لأن بسببها بابا عزيز متأذي واخجل هسا اروح
_يجوز ترتاح من نروحلها خلي نروح نقوي نفسنا ونروح
_أن شاء الله ان شاء الله اخذت زيد منه وصعدت ما اگدر اروح انقهر بالزايد امي هاي واني جنت احجي واتحسب عليها و جنت أذيها بكلامي شلون اروح اوگف يم گبرها و اني غلطانه بحقها اخجللل
رضعتهم وخليتهم بالجرابي مالتهم ثنينهم حاليا بوحده لأن صغيرونين بس ماما جانت هواي مركز برضاعتهم كل ساعتين تصعد يلاا يابه رضعيهم
وتغسل وتبدل و الضوا ميطفه تخاف عليهم من ابو صفار و من سبحتهم اول سبحة انطت صدقة
وبابا من كبر بأذنهم گلهم انت زيد ابن هيثم و اسيا وانت زين ابن هيثم واسيا فرحت اسمي انذكر ايي همه ولدي اني مالي دخل بالورقه
بس هاي الورقه دمرت نفسيتي كل ما افكر بيها ابجي كلبي يوجعني ولدي ومو بأسمي حيل توجع باز کردن / نظر دهید

2023-04-30 12:30:19 خلفيات حسب نوع جهازك باز کردن / نظر دهید

2023-04-29 15:57:58 گمت من فراشي بعد ما اخوتي ناموا ونزلت
فتحت الباب بهدوء وطلعت بيتنه صاير بنص مزرعة ومن كل جهه بيت واحد من عمام ابوي
و سالم هو عم ابوي بس الرئيس هنا يامر وينهي
خاصه بعد ما جدي غانم ما گدر على المخبل بشبابه هو باع البيوت ببغداد َجابه القضاء بلد
گعدت بالطرمة طرمتنا مكشوفه بس هيكل و عواميد وعيني على البيت العلى اليمنى بيت اهل المخبل نسد من مات امه وابو وما يخلوا ينام بي
امي تگول هو من رجعلهم خلوا بالبارگه وربطوا
صوت صريخة يدگ بالگلب الشعور مثل من تخاف و تحس دگات گلبك براسك احس صوت صريخة براسييي بنص راسي من وجع جسمي وقهرتي تقربت للحضيره و هذا الما صاير دگيت بخفه على بابها وگتله جدو اني هنا لا تصيح
_ما جاوبني بس يصرخ
رجعت دگيت بخفه وگتله صوتك راح يروح گد ما تصرخ
جاوبني بصوت ضعيف طلعنييي منا تنتظرني طلعووووووووني
ما عدهاااا احد غيري طلعووووووني
_ما اعرف بوقتها شنو اگله صغيرون جنت
مو مال احاجي انسان مخبل واهن مجنون بسبب الوحشيه الي عاملوا بيها
اني يمك لا تخاف جدو
سيف_ انييييي ما خايف هيه خايفه هيه هسا وحدها بالمزرعة خااااااااااااايفة

:

:
:
:

:

: باز کردن / نظر دهید

2023-04-29 15:57:58 _گال اعوذ بالله من الشيطان الرجيم شلون جنت احب هاي الافه
ظلينه نضحك اني وياها صارلها هواي ما ضاحكة
نمارق_ هسا داكتب واذكرت موضوع حبه الي صدگ شلون حباني ولج اني ما انجرع بس اصيل يتحملني
_هههههههه وتعترفين بس الظاهر علي سالك لطريق اخاه
_هههههههههههههه
اسيا _اشتاقيتله
نمارق _روحي نزلي يمه ومن يگلج ليش اجيتي گليله نمارق اجتها الحاله وطردتني من الغرفه
_هههههههههههه والله خوش خطه جريت مخدتي ونزلت فتحت باب الصاله جان گاعد يباوع بالتلفزيون ما حاجاني اني هم گعدت اگلب بتليفوني الحد كا نمت.......
...........
:تعالوا تعالوا جدو سالم انطه المخبل اكل
تعالوا ناكله ونخلي
سؤدد_ ابعدوااا عنه ادبسزيه ولج جنه تعالي للجهال ما يخلوا ياكل
_اوي خيولي شسويله اني بروحي تعبانه من جهال
سؤود _والله اليدنه يمه ما يلوم الا روحه تاخذون اكله وتخلوا جوعان ما تستحون
واني دا احجي هو گام وانطاهم الاكل وصاح العمي سالم گلة _خلصت تگدر تربطني
_گامله وبيده سلاسل و مفتاح البارگة (الحضيره)
فتحها ودخله وي الحلال وربطه راح ينزل الغروب ما ينطوا غير وجبتين و الماي يگطعوا عليه من العصر لأن يربطوا وتلعب روحهم اذا سواها على نفسه
جنه _هم صفنتي بالبارگه تردين نحبسج ويا
سؤدد_لا هسا ادخل اخذت الخبز اليابس خليته بحوض اكل الحيوان سمعت صوت ابني يتأفأف شكو يوم بسم الله هستوك دخلت
_رحت العادل يشرحلي الكيميا ما يفهمني المخبل يفهمني اكثر وشرحة احلى ربطوا لو بعدهم
_اي هسا ربطوا لعد لويش رحت العادل جان خليته يدرسك
_شفته ضايج و ما حجيت ويا لا تجي الحاله َيضربني
_يوم هو ما تجي الحاله بس من يضربوا بس اذا تحجي ويا بهدوء وتگله ما يسويلك شي
_هسا شلون باجر عندي امتحان
_شسويلك يا يوم ادخل ادرس جوه انت ادرس وي نفسك
هادي_ رايح الجدي سالم هلبت الله يفتحلي الباب وادخله ركضت صوب بيتهم دگيت الباب طلعتلي وحده من جناينهم جدو سالم جوه؟
_ايي فوت
_دخلت للصاله لگيته گاعد وبيده السبحة و يستغفر الله الله يساعدك جدي
_هلا بويه شني شو اليوم يمنه
_جدي عندي امتحان كيميا واريد ادرس وبس المخبل يعرف يدرسني ما تنطيني المفتاح ارَحله
_شنو هاي جديده هنوب طاح المغرب لو زگطك مثل الهوايش المربوط يمهن يسوي بيك
_ميخالف جدي اني راضي بس انطيني المفتاح
ما قبل اذن المؤذن هو گام يريد يتوضى انتبهت المفاتيح كلهن يم مخده القنفه جريتهن وركضت للبارگه ظليت اجرب واحد وره الخ الحد ما انفتح الباب حطيت ايدي على خشمي الريحة لا تطاق
فضلات الحيوان و اصواتهن المزعجة صدعت راسي بأول دقيقة باوعتله حاط راسه ع الحايط وماد رجلينه الطوال و ايدي ساندهن على رجليه شلونك جدو احجي وياك لو تعبان جاوبني بصوته الواهن
_لا تعال
_عندي درس كيميا وكم سؤال ما اعرفهن
تگدر اساعدني
_اي بس خليك بعيد واقرالي السؤال
_اي حاضر وگفت يم باب الحضيره وهو مقابيلي
والبقره كل شوي تسوي مووو عبالك دتگول شسون يمنه ما عدكم بيت
اي عندي هذا التعليل
استعمال حامض الكبريتيك في عملية تجفيف المواد الغازية
جاب الادوات اليمه الي بمتناول ايده وظل يشرحلي طريقة شرحة ماكو انسان ما يفتهمها
حلالي التعليل بلحضه وخلاني افهم
_بعد عندي سؤال
_اي اسأل
ذرة عنصر عدده الذري....
ظليت اسأله وهو يجاوبني بطريقته الحلوه الحد
ما صار الليل ظل يصرخ اني توترت جريت المفتاح وطللعت من الحضيره ايدي ظلت ترجف ما اعرف اسد الباب والصوت كلش عالي انفتحت البيبان ومن ضمنهم امي من شافتني ركضتلي انزول عليك هادي
سالم _يااا منعول الوالدين بگت المفتاح جيبوا الي
سؤدد_لا عمي والله ما يعيدها والحسين ما يعيدها
خطيه عنده امتحان وبس المخبل يساعده
ويلي عليك يا هادي
سالم :جيبوووا
هادي_ابوي جرني اله سالم وما ادراكم ما سالم الكافر ربطني و ظل بعصا يضربني على ظهري وابوي يباوع وامي تبجي وابوي لازمها شلون خالفته َاخذت المفتاح
وخله الجهال يضحكون عليه بعدني صغيرون صف ثالث متوسط و يحز بخاطري فعل جدو سالم
بس يهوني من اذكر هو يسوي هيج بينه كلنه مو بس وياي او وي المخبل هو اي واحد ما يعجبه او تصرف ما يعجبه يضربه
فتح ايديا وصفگني راجدي ودفرني الامي لمتني تبجي وتبوس بظهري وافخاذي واصابيع ايدي
سؤدد لويش رحت لويش خذيت المفتاح
_فهمني المخبل كلشي علمني وكتبت خلي يضرب باجر اكبر و اصير مثل المخبل دكتور جامعي و اطلعج منا ما اخليهم يخبلوني مثل ما خبلوا
سالم _هذا التنقلوا الجهالكم مو هيج
ما كتولهم المخبل عشكله ساقطه و حبلها وجا الابو يريد يبيع الحلال حتى ينهزم بيها لو هذا ما تحجوااا
هادي _ محد جاوبه من الخوف اخذوني وطلعت ما گدرت انام وجع جسمي وصياح المخبل باز کردن / نظر دهید

2023-04-29 15:57:20 خلصنه من الناس و دخل ابوي مطعون الوجه و جدي سعدون ورا
آسيا_احنه جوه انوار وربعها يغثون بينه
وبره ابوي سعدون مستلمة والله احنه عائله فگر
نمارق _متعاركة وي هيثم ديباوعلج ومبين معصب
آسيا_غير اختي الجبيره تشعلها واني احترگ بيها
عفتها ودخلت جدو يگل البابا كله منك لعبت بعقلهم وزوجتهم بتنه ما اتحملت ابنك ونهزمت وابنه ما تحمل قرف بنتك و مات
هنا جانت الطامه الكبرى نمارق ومنو بعد يلزمها گلتله ايي احنه مثل جدنا نكره الحوالينه بالعيشة
واحنه مرتاحين مثل ما جدنا جان ما يطرب راسه َيريحه غير دگ الكحف و الخشبة
الله يحفظ والدي جان يلمك من مزارع البصرة
رائد _خلاص يلا يابه خلي نطلع
لؤي كافي يا خوي اخذ عائلتك وروح ارتاح
نمارق_لا ليشش ياخذني ويروح خلوني احجي
موو هو الجان ابوي يروح يدور مزارع البصرة
و يسال خشابة البصره عنه بلكت واحد منهم يعرفله اثر مو ابوي التيه اثره بالعماره ولو ما لطف الله وبيت ام ضياء جان بيومها ابوي ما نعرفله اثر
بعدد احجي لو لا جدو سعدون اني نسخة منك انت بالزمن الماضي الجميل و احنه ورث روحك السوده لا تحجي علينه وانت العيب بيك ولا تجيب طاريي مره لخ حتى ما اطلع الباقي
ظلمت عمه فاتن وما زوجتها سيف بس لأن ابو يشرب
و انت جنت تدخلنله اطك اصبع وتترنح يمين ويسار يا متدين
آسيا_ما سكتت غير بكف من عمي امير
هيه هم عدلت حجابها وگلتله هسا بردت گلبي بيك واخذت حقي وحق ابوي وطلعت
ابوي باس راس جدي وگله انت قللت من احترامك گدامهم وخليتهم ما يحترموك تريد تهيني مو شكال ابنك و نعالك احطه على راسي بس بيني وبينك يابه
عافا وطلع بجه بابا على ابو وزعل من نمارق بالرغم وهيه تحجي ما قاطعها ابد
صعدنه السياره وطلعنه للبيت متعودين نرجع ضايجين
اجيت اصعد وي نمارق گلي تعايي للصاله
:بس ابدل واجي
:لااا ع سررريع
_حسبي الله ونعمه الوكيل بيج يا انوار
دخلت للصاله هو بعده على الكرسي المتحرك
گال_احجيلي كلشي واذا تكذببن واعررف انتِ مكذبه ما تلومين الا روحج
_وليش داكذب اذا انت تصدگ بأنوار وتكذبني وين حبك الي لعد
_انوار من حجت سكتتج باوعتلج الوجه اصفررر
وما رديتي شنووو صاير گبل بيناتنا احجييي
اني گتلج حتى لو جان بينه خاصم اني احله اني بعد الصار واهتمامج بيه ما يهمني القديم بس لا تكذبين
_ما مكذبه وگتلك اني وين الحب التحجي بي وانوار بكلمة وحده منها گلبتك گلاب
هيثم _لا تخليني هسا اسب انوار وابوها انييي الي دخل بيج احجيلي ليش اني ما جنت اريدج شنو السبب
_اني يعني اني ما جنت احجيلها عن علاقتنه الخاصه اخاف من عينها وجنت دائماََ اگلها بينه مشاكل و هو ما يريدني وهيه لأن نمارق اذتها بالحجي رجعت حاربتني اني مثل من جانت ويانه
ما صدگني و ما جاوبني سند روحه بالقنفه دايريد ينزل روحه من الكرسي صاح من ظهره
لزمتله الكرسي و گتله اسند نفسك بيه اني اساعدك
_ما احتتتاج ابعدي
_بسبب انوار تعاركني وتخاصمني
_انواررر حجت شي صح اني متأكد البنيه من حجتها من معرفه ما تجين تضحكين عليه انيي صدگ فاقد الذاكره بس ما فاقد البصيره
اني ناسيكم اييي بس گلبي ما ناسي احسس
بهواي امور و هواي شغلات من احجيهن يتخيلي اني حاجيهن قبل حتى الملابس وسيارتي وكلشي
_براحتك لا تصدگ بيه ساعدته ينزل من الكرسي
حاول ينزع ملابسه ما گدر
اني انزعك لحضه
_ما اريدددد ابعدييي من تحجيلي الصح ساعتها تعاي وساعديني
_مو حجيتلك
التف عليه وجرني كل قوته الي
بحيث هوو صاح الربه الخلقه من الوجع
وتجامل على وجعه وگلي عيونج شواهد عليج
آسيا عيونج يحجن دتكذبين
_جريت مخدتي وطلعت من الصاله باوعت الساعد ايدي احمر صعدت يم نمارق ما احب ادخل غرفتنا جانت گاعده تكتب بدفتر من شافتني سدته
نمت بفراشي سألتني شصاير؟
_تعاركنا
گلتلي ليش؟
_انوار گلتله بعدك ما تريدها لو من فقدت الذاكرة تغير الوضع
_يا حقيره مو گتلج هاااي حقيره ما تصدگيني
اسيا _ نمارق انتِ تعيلين بيها وهيه تخاف منج تجي عليه
گالت_ولويش تخافين منها وتسكتين گليلها مثل حالج جنتي مجرد تقضين الليالي وي رائد وتالي صرتي زوجته وام ابنه
_ومن يمتى احنه هيج يمتى احنه اتعاركنه وياهم ومن يمتى بابا عزيز علمنه نتعامل وي الناس هيج والله بداخلي هواي حجي واريد اردها بس رائد يوگف بين عيوني يكسر خاطرري هذا اخوووي
الماكو احلى منه بس طوله يسوى الدنيا و عيونه الشهل و وجناته المايلوگلهن بس الضحك و جف ايده الكله حنيه ما يهون عليه ادخله بصراع هو ما يگدر عليه
_لعد خليج هيج الحد ما انوار تذب عليج مصيبه
_خلي تسوي الي تريده ما يهمني
تحسرت وگلتلي اليوم علي بس شافني طلع من البيت وبعد ما دخل باز کردن / نظر دهید

2023-04-29 15:57:20 17




_زين ما سمعت شنو اسمه عرفت منو هو
_لا جنت افتر بالطرمة واسمعهم يحجون گلت واحد من اهلنه واني ما اذكره ليش احس الامر يهمج
_لا بس بابا هواي مشغول و حتى احنه ما مهتملنه ردت اعرف شنو السبب ومنو هذا الشاغل بابا
هيثم_ شاكة بأحد؟
_ايي
_منو؟
_سيف
_منو هذا سيف
_ابويه باوعلي وبعدم فهم گال_ ليش ابوج وين رايح وليش غايب وليش ابوي يدور عليه
_يعني شغله طويله ليش اتعب روحك بيها هيج شكيت بس سندته اريد انزله للفراش گال يا علي مدد باوعتله هو جانت رد فعله طبيعي تمدد بفراشه يا علي مدد كلمته المفضله وسواره الي ما يفارگه شلون نطق بيها تحسرت واني يوميا تضيگ الدنيا بعيوني اذا عرف شنو يسوي
خلي يسوي الي يريده هو غير يريدني وگلب الدنيا عليه
انطيته الادويه وغمض عيونه ورجع باوعلي
گليلي شلون جنت احسسج بحبي؟
_تخابر بنات
گال_شنو؟
_لا هيج ماكو شي يعني مثل هسا مهتم بيه وبأدق تفاصيلي بالرغم اني الي لازم اهتم
هيثم_تحبيني آسيا؟
_تحسرت وگتله هوايي فوگ متصور هيثم
_شوكت بلش هذا الحب بگلبج؟
_من زمان
_اسوو اذا اطلب منج طلب تنفذي؟
_اييي شنو هذا الطلب؟
_لبسي حجاب اني ما احب احد يشوف شعرج
هذا شي يخصني اني وبسس اريد بس اني اشوفه
_اني هم اريد اتحجب نمارق هواي صارت حلوه بالحجاب وهم هو واجب قابل ارضاء النفس اهم من ارضاء رب العالمين
تعاي شو خليني اشوف شنو يم عينج هذا
دنگت اله لزمني من خدودي وباسني من راسي يباوعلي بنظره يأسر گلبي شگد اقاومه بس ما اگدر احبه اني مثلي مثل الناس حبيت
دخل گلبي و اني رحبت
ولبست الحجاب و ملابسي صارت كلها طويله ومستوره وهو فرحان بهذا التغير وبابا فرحان الفرح هيثم ودائماََ يبوس راسي ويگول اني جنت متأكد هيثم هو الانسب الج
هاي الكلمة تجرح گلبي لأن هو ما يعرف شنو دنعيش
بيت عمي امير مسوين ثواب الاصيل وقراية للرجال ونساء و خابرونا حتى نروحلهم نمارق لبست الحجاب الاسود الظاف عتمه العتمتها وصلنه البيت عمي جامت سيارة بيت عمي لؤي مركونه
گالت نمارق_يعني انوار جايه شوفي هسا شسوي من تشوفنه تتخبل
_مستحيل تجي لأن لازمه عده
دخلنه البيت عمي للمطبخ لگينه انوار گاعده و ليث بحضن امها سلمنه هيه جاوبت وگامت باست امي بس اني و نمارق ما ادنتلنه اني ما هتميت
ورجعت تسولف وي بنات عمي امير
ونمارق گاعده ع الكرسي تهز برجلها جانت متوقعتها منهاره على فراگ رائد
مع انو رائد ما جان الزوج الصالح بأمور بس جان الابن البار من جميع الجهات
نمارق ما تحملت تسكت
وگالت_ايي شلونج انوار شخبارج خو الطلاگ ما اثر بنفسيتج
جاوبتها انوار_ بس مو بدرجة الصار بيج
الله يعينج مصابج اكبر
اختي نجنت امي جرتها من الكرسي گدام البنات وگلتلها بلهجة صارمه جايين بعزاء بحزن على زوجج احترامي المكان و الحزن الانتِ واهله بييي
انوار_ايي عيني آسيا انتِ ما تحبين تحجيلج شي لوو شماتج تضميها بسرج
آسيا_والله يا حبيبتي اني اذا اشمت اخجل من نفسي انتِ ما تعنيلي بس رائد اخوي مستحيل اشمت بهدم عائلته وبفراگه بأبنه يجوز الاثر العندج هم مو قليل نحجزلجن ثنينج يم اقرب دكتور نفسي ان شاء الله
واهسا سدي حلگج واحترمي المكان الانتِ بي لا اطلع العمي لؤي وتعرفين شنو يسوي
زوجة عمي اصيل ظلت تهدء بالوضع بس الگلوب هيه ما صافيه خاصه ام انوار هواي زعلانه وحقها بس همه جاي يجمعون واني مالي دخل
اجت الملاية نمارق وعمتي راحن للصاله واني و البنات ننگل بالدارسين و الفواكة و الحلويات واللبن من شباك ننطي للزلم علي و رائد وهيثم همه الي ينقلون بالغراض
انوار صارت بسد الشباك حتى لا يشوفها احد
بس هيثم وهو ع الكرسي يساعدهم اجه هيه جرت علبت الحلاوه وانطتها اله وگلتله شلون آسيا وياك بعدك ما تريدها لو تصافيتوا من فقدت الذاكره
هو اخذها منها بدون ما يجاوب ما حاجيتها اني بس كلش انقهرت وتوترت
بت عمي امير گلتلها شلون هيج تسوين وانتِ لازمه عده وشلج دخل بآسيا وحياتها
_عوفيها خلي تسوي الي تريده اذا ترتاحين هيج عادي هسا اجيبه الج واحجي كلشي
بس صدگي يا انوار الله سلط عليج نمارق مثل ما اسلطتي عليه و الديصير بحياتج حوبتي
طلعت من المطبخ بعد ما دخلت خلصت القراية وانطوا سفري للناس جانوا طابخين قيمه وزعوا للناس كلهم انطتني بت عمي امير الصينيه داريد اعبر بيها للولد سلمتها الرائد وهو گدامي صار باوعلي ونظراته رعبتني ما اعرف شلون افسرها
انطيت الصينيه ودخلت بت عمي امير صاحت بنمارق گولي خلي اساعدهم خلي اسوي شي گاعده وتمثلين الحزن عليمن
نمارق_ گتيلي وما اجيت ساعدتج اخذت منها السفريات وطلعت بيهن هو هسا شغل الزلم شنو خالاته يمجن بس تحبن تفيكن ماكو واحد من الولد كلهم بره ينطون للناس دخل علي بس شافني دار وطلع يمعود دهاك ماكو بس سمعت صوته يحاجي رائد يگله حرمة اصيل بيدها السفريات جيبهن اخذهن مني رائد ودخلت باز کردن / نظر دهید

2023-04-29 15:57:20 :اني فقدت كل حياتي هيثم هو الوحيد الي جان يحب نمارق وهو الوحيد الي متحمل نمارق
هو الوحيد الجان محتويني

: اني يمكن ما اعوض مكانه بس گولي شنو تردين اني اسوي الج شنو الي مضايقج
شنو تتمنين والله اسوي الج يمكن هسا ما اگدر لأن دشوفين وضع رجليه بس هاي اخير فتره اعديها واگوم على حيلي والج مني التردي

: اني ما اريد شي اصيل وراح بعد شنو اريد قابل

: وحتى الوظيفة راحت وكلشي راح مني
ظليت وحيده

اشيا :ظلت تشكيله عن الكل والكل يكرهه حتى امي وابوي
كلامها مو منطقي ابدد بيومها ما بجت بس حجت كلام بجتني بي ظلمتنه وطلعتنا كلنه ما نحبها و قاسين وياها بالرغم امي وابوي ما يتركون غرفتهاواحد يصعد وواحد ينزل

وبابا جان دائماََ يلومني ليش مبتعده عنها
ولازم احنه نهتم بيها ظل يجبرني اصعدلها الاكل
و من تشوفني ما تقبل تاكل شسويلها انزل بالصينيه اگله هيه ما تريدني لا تودوني
داريد اووح للصاله لگيت هيثم يفتر بالطرمة هاا متونس ع الجو

:ايي بس شوي بارده

:يلا تعال افوتك واني دافوته گلي اكو واحد ضايع من عدنه او غايب؟

:لا ليش؟

:ابوي يگول الامي صار اشهر اسأل عنه ما لگيتله اثر حتى الدكاتره الجانوا وياي رحتلهم يگولون هو بالاردن
ويگول بس من رحت الهم مثل وضعهم ما تغير
بعدهم كلهم بمكان واحد والطفل الطالع الابوي
من سائلة ابوي عن الشخص المعني
الطفل گايل الاهله اكو واحد يسأل عن المخبل

اسيا : عگدت حواجبي بأستغراب منو هذا؟؟؟؟

يتبع.....

:

:

:

: باز کردن / نظر دهید

2023-04-29 15:54:17 اسيا : بهاي اللمة رائد حدد موعد طلاگة من انوار وگلهم ما اريدها بعد و حواراتكم وتدخلاتكم بس
دتأخرنا اني عگب باجر جايب السيد و نخلص
عماتي ما قبلن ع الحجي وبابا هم بس عمي لؤي گال افضل هيه ترتاح وانتوا هم ترتاحون
ابوي گله هذا معصب وضاية وهيج يحجي هو يريدها بس العصبيه عمت عيونه ولكككَ رائد اذا مو الخاطرها الخاطر ابنك
گلهم :اذا ما تريد. ابني جيبوا الي اني اربي
حاولوا وماما من طلعوا هم حاولت بس ابدد گلهم ما اريدها يعني ما اريدها.....

انطيت ادوية هيثم وطلعت داريد اغسل الملابس
سمعته يحجي وياها والظاهر هيه متصله
يگلها جدي سعدون ما جان رافض الا لحكمة الاهيه لأن رب الكون جان يعرف هاي الزيجات
عذاب للطرفين اصيل وراح وظلت نمارق مثل المخبلة
واني وانتِ ما مكتوبلنا الراحة
لا تحجين هيجج بعد ما يفيد لا تبوسين ايدين ولا رجلين گتلج الف مرررره نمارق لا تندگين بيها
اختي واعرفها ما تسكت...
انوار شگد اذيتي اسيا جانت بس من تنقهر تحجي ما تأذيج ولا تكيدلج بس نمارق الف مره گتلج تختللف تاخذ حقها وحق اختها بس انتِ ما رديتي على كلامي حضري روحج عگب باجر جاي اني والسيد....
لاا تحجين بعد ولا تتوسلين انتهى كلشي

:وفعلاََ رائد نهى كلشي طلگ انوار واتفق وي عمي يدزلها مصرف كل شهر الها وللطفل
بس عمي گله اني بنتي ما محتاجة مصرفك هيه وابنها الهم كل حلالي
سمعت من امي بعد ما ابوي حجالها
و رائد من رجع العيون حمرر واضح باجي
يريدها بس هو ما عرف يتصرف وحبه النه دمر عائلته

نمارق :وليش دمر عائلته اصلاََ خلص من انوار باجر نزوجة الاحسن من انوار

:ليش تزوجي الاحسن من انوار انتِ بعين خوات اصيل مو زينه ومو الاحسن وجنتي تكرهين تصرفاتهن تجاهج ليش تعيشين انوار العشتي
لوو تسمعين وحده منهن هيج تگول شراح تسوين
گالت :ما يگدرن يسونها يعرف اگلب عاليها واطيها بس بعد راح الله يرحمه

:اخوج هم راح الله يرحمة لأن جانت انوار فرحته
وحياته بس ما فضلها عليج يا بت امه وابو
انتِ اكثر بشر اناني شفته بحياتي يكره عائلته ما جنتي هيج بس بذرة الحقد نولدت بولادة ليث و سگيتيها دم الكراهية بموت اصيل اصحيييي على روحج نمارررق
گلتلي وهيه تستهزأ بيه شوف منو تحجي الي وتنصح الي حبت اخوها هههههه مو بس هيج ونامت وياا ههههههههههه لا لا مو بس هيج
وهيه تأدي مهمة العلاقة الحميمية وبالليل تجي تبجيلي اني اشبه فاتن اني اشبه بيبي
انتِ ما تشبهين الا نفسج مشتهيه ومستحيه وهسا دتبيعيهن براسي

:كلام نمارق جان صفعة بالنسبة الي
وما سكتت الها وطلبت من بابا ياخذها دكتور نفسي لان هاي مو نمارق
نمارق الجانت تشتريلي قبل لا تشتري الروحها الجانت تگلي اريدلج زوج حنين مثل اصيل الج
مستحيل تكون هاي اختي....
بابا رفض الدكتور لأن خاف عليها تتأزم حالتها وطلب من ماما تظل وياها دائماََ و تحجيلها اشياء هيه تحبها و ما تعاندها

: استغرب تصرفات نمارق!!! اني ظليت استغرب تصرفات الكل بابا مشغول بس بشنو ما نعرف بعد سفرته الصلاح الدين راح للعمارة ومن رجع الحد هسا هو يوميا بمكان وما نشوفه ابد ولو رجع للبيت صافن....

اسيا : رجع هيثم من بيت عمي امير كلش تعبان
وضايج دخلته للصاله وطلعت الرائد شصاير؟

:اتخربط بيت عمي امير لان علي حجة بالحادث و عرف اصيل ميت بالحادث الجنه بي كلنه

:موو. محذريكم ما تحجون لويش هيج

:علي ما يدري بأي شي تره حتى عمي ما گايدة او بالاحرى هو فاصل عن العالم كله

:شنو سوه

:ظل راسه يوجعه وما بي يحجي

:فوت انت ارتاح هسا احجي ويا ويصير زين
دخلت للصاله ما باوعلي
ضايج مني؟

هيثم : المفروض تگليلي المسكينه يوميا اسمعها تبجي تمووت روحها من البجي بره واني ما جنت اعرف اني جنت وي زوجها

:واذا تعرف هو الي جان يسوق هو الله يغفرله جان كلش سريع وهاي تبعات السياقه مالته تركلنه وحده مجنونه والباقي تعرفه

هيثم : الغلط من عدنه احنه لأن جنه راضين بهاي السرعه الجنونيه جان يسوق تقريباََ ١٨٠ بطريق كله سيارات راوني الصور احنه شلون طلعنه شلون بس هيج صار بينه السيارة ما باقي منها الا اجزاء مو واضحة وبسبب طيشنه راح زوجها للمسكينه
وعلي ظل ابحده يعاتبنه يگللنه ما اتصلتوا عليه ولا سألتوا ما يدري اني خجلان منه لأن ما اعررررفه راح يوووكف عقلي
خلاص كافي الله يخليك
واني احجي ويا سمع صوت طكطكة بره عرفها هيه اجت حر الكرسي مالته يريد يطلعلها اتألم وما گدر اني ساعدته وطلعته
روحي اسيا ارتاحي

اسيا : ما گدرت ما اسمعلهم اخاف من نمارق تحجيله شي تصرفاتها مو موزونه

هيثم : تعاي هنااا يمي

نمارق : تعرفني اني منو؟

:اكيد تعاي لا تخلين بينه مسافه اني يوميا اسمعج هنا تبجين وما انام الحد ما ابويه يصيحلج ويدخلج للبيت گلبي يوجعني عليج بس اخجل منكم لأن احس روحي غريب
اني اليوم ياله عرفت فقدتي زوجج بالحادث نفسه الاني جنت بي باز کردن / نظر دهید

2023-04-29 15:53:49 :كلامج مو منطقي بس يلا خليني اجاوب
يعني اذا اذكرت اني مثل ما گلتي يمكن اعالج رفضي الج ويمكن ما اتحمل واختفي من حياتج ولو استبعد هذا الشي

:ليش تستبعده؟

:لأن اني گتلج من شفتج ومن اول مره حجيتي وياي ما حسيت بيج غريبه بالعكس قريبه الگلبي و كل يوم تصيرين اقرب واقرب الحد ما حسيتج
انمزجتي بروحي

:تحسرت وسكتت لزم ايدي وگلي اني ما يهمني شنو صاير بهذيج حياتي المهم هسا شنو صار و اني مرتاح وياج وانتِ اسو؟

:اني هماتين.....
بوقتها ما جنت مرتاحة ويا احبه واريده بس ما ردت بهيج ظروف صرت اتخيل نفسي نسخة
من بيبي اريده بس حتى يتقربلي
وصرت اگول اني نسخة من ماما فاتن
حبيته وذليت روحي بهذا الحب
بس يوم بعد يوم هو بتصرفاته يجذبني
يگعد للصلاه يظل يبوس بأيدي ويگلي يلا خلي نصلي سوه
اگله اني ما اصلي تره

:مو شكال انصلي هسا سوه و نطلب المغفره من رب العالمين ووقت ما نگدر نصلي اني وياج قضاء ما في الذمه
بالرغم اني شگد مبتعده من رب العالمين هو يقربني اله
وظل يتقربلنه اكثر يطلع بالكرسي المتحرك يتجول بالبيت بعد ما نشالت الچبيره من ايده

گاعد بالطرمة هو ورائد يحجي ويا اليوم صار شهر ورائد ما يقبل يرجع عائلته شگد حاولنا ويا بس هو رافض رفض قاطع

هيثم : ما اشتاقيت الابنك؟
رائد : فوگ ما تصور بس تعبت يا خويه واني يوميا مشاكل اوگف وي انوار ادري بيها راح تتماده و اختي ما اكدر اكسر بيها خاصه وهسا الدنيا كسرتها فالافضل هذا البعد وابني مجبور اخلي يم امه

هيثم : روح الزوجتك وگلها مالج دخل بنمارق ورجعها

اسيا : نمارق هيه الي تعيل بأنوار خو هسا انوار مدمرتني بس كلمة الحق تقال نمارق هيه الي تعيل بيها وحتى لو تجي وما تحجي وياها نمارق هيه راح تسبب المشكله
مالك غير تطلع بيت وحدك

:واترك اهلي

:لو اهلك لو عائلتك اختار
گلي اكيد اهلي ما اترك امي وابوي واحنه بهذا الوضع

:اي وضع الحمد لله شو انت حتى البلاتين شالوا ودتمشي بعد شنوو

رائد : بس ما اطلع بيت وحدي

:وانوار؟
اتحسر وما جاوبني احسه اكثر واحد انظلم بيناتنه وظلم زوجته هو رائد

وحتى ينسه هذا الوجع رجع يشتغل بسيارته
والمصروف الي يطلعه ينطي منه مصرف للبيت زايد يگلهم هاي عني وعن هيثم

و بابا الي مخلصها صفنات لا يحل مشاكل البيت وولا يحجي وفجاة قرر يطلع الصلاح الدين
سألوا الولد شكو گلهم صديق قديم هناك مسوي حادث ورايح اتحمدله بالسلامة
وطلع بس امي تگول عكس هذا بيومها ظلت تنتظر اتصال منه وما اكلت ولا لگمة

هيثم : اذا اكو شي احجيلنه حتى نتحرك

حنان :لا لا ماكو شي بس ما متعوده يسافر ويخليني

هيثم : الظاهر حنونه هواي تحب عزيز

اسيا :اوووو تموت عليه المفضل عدها كله يصيحلها مسكني وام بيتي
رائد يلاشيها ويگلها شتردين احنه ما نعرف هيج هيج نغازل
جاوبت اني بسرعة غير متوقعه مني گتلهم لااا هيثم طالع على بابا عزيز جان كله يگلي يا نومة العين هو ظل يباوعلي مبتسم واني گلبي وجعني المااااضي اسيا الماضي ننسا وما نذكر منه ايي شي....

من رجعت بالليل للغرفة گلي يا نومة العين ليش ما گتيلي هيج جنت اصيحلج

:يعني مو دائماََ مرات

:ههههههه بس والله خوش طلعت رومانسي بس ليش هيج جنت اگلج؟

:ما اعرف بس هيج جنت تگول يعني للمزاح هسا عوف هذا الموضوع وگلي شرايك نشوف فلم
گال :يلا طلعيلي فلم يتقرب مني بصعوبه يبوسني من منحري ماكو تصرف بيني وبينه عشته بسلام لازم جيوش ضميري تهجم وي كل رد فعل منه

:لا تتحرك مو زين ع الحوض

:والله تعبت هاي اربع اشهر واقل حركة اتعبني

:مو شكال ان شاء الله شوي شوي يرجع كلشي طبيعي

:ايي واستلم المهمة واريد طفل يابه اني تره اغار رائد عنده واني لا

:ان شاء الله الله كريم
اتلاشه هذا الحديث خوفاََ من ذاكرته
اريد ترجعله واتمنى بس ترجعله ويذكر هو شگد هسا يحبني مو ترجعله وما يذكر غير اني الاخت الي ما تغيرت مكانتها بگلبه.....
طلعت فلم رومانسي امريكي من البطل يبوس البطله يضرب على فخذه ويصرخ من الوجع ويگول ريتنا بمكانه

:يعني شنوو قصدك تريد تبوس البطله

:لاااا نبوس البطله اليمي

ه:ههههههههه حطيت راسي على كتفه ونزل شعري رفعة بأيده وگال : انتِ هواي قريبه من هيثم هوااااي

: ايام تعدي و هيثم ديعيد صحته
ورجعت عائلتنه تجمع بس علي ما يحضر بالرغم رجع يمشي على رجليه ويجيب امه تشوف نمارق
بس ما يدخل

هيثم : ليش ما خليته يدخل نسولف نعيد ايام الماضي على گولتكم

:ما قبل حتى هددته بأبوي ما يقبل يدخل واني احجي ويا حرك السياره وطلع

:خلي نروحله احنه رائد يجوز شايل بخاطره علينه

:ايي نروحله باجر اني وياك ونعرف ليش ما يريد يدخل بيتنا شنو زعلان علينه الهاي الدرجة..... باز کردن / نظر دهید