قصص💜✨

2023-05-06 19:23:45 رائد : ما تباوعلي ولا تريدني وولا اني الرايدها بس ولا مره جمالها ما دمر كبريائي وخلاني انظرلها الحدد ما اگول سبحان من صور سبحان من ابدع بهاي القصيدة الحية

بيرين : خلصت روح لغرفتك بس اجلي الجليات
واجي بشوف شو حصصك لبكرة

ليث : اوكي

رائد : غسلت المواعين ورتبت المطبخ ودخلت يم ليث اني هم دخلت غرفتي
غرفتهم بصف غرفتي اسمعها من تلاعبه ومن تسمعه كلام حلو و من جابتله صحن الفواكة و علمته
شتريد مني بالضبط لويش هيج سون لوو هيه ما عدها شي ليشش ما گالت اني مطلقه قابل المطلقه
عار بالعكس انا ما عندي شكال وياها ولا انا رافضها السبب اني ما اريد مرأه بحباتي كافي عليه
انوار و الصار اكتفيت
واذا هبه مظلومه لوي شما تگول داغش اخذني غصب عنيي قابل اني جلادد وراح اظلمها اذا حنت اكدر اجاوز هاي المشاكل اجاوزها واذا ما كدرت اني ارفضها وانتهت
بس هيه دخلت حياتي بحيله ولازم تطلع من حياتي
...........

اسيا : رتبت غرفه رائد للاولاد كلش تعبت شلت الغراض و حدي و فرشهم ثگيل حسيت ظهري نكسر و الم بمثانتي

هيثم :الله يساعدهم يابه شنو ما رايده روحج ومسويه كل هذا؟

:والله تعبت كلش بس ما يصير الاولاد يمنه هم يتعلمون ينامون وحدهم افضل

:ايي مو غلط بس جان انتظرتيني نساعد ليش طايره

:بعد ما اعرف اگعد هههههه

هيثم :يلا تعاي ارتاحي

اسيا :هيثم وين سوارك

:يا سوار؟

:سوارك يا عليي مدد ما شفته من اجيت من اليونان الحد هسا
گلي : ضامه

:وطلع من الغرفه
هو حط صينيته و صب الاكل اله گعدت گباله وين ضامه هيثم

هيثم :لويش دسألين ع السوار

:اني الاعرفة السوار ما يفارگ هيثم والسوار هذا بالذات اله معزه بگلبك شعجب ضامه ووين ضامه

:من نسجنت ضميته عد رائد

:ليش؟

:لأن احنه لازم ما نكون رافضية بس باللسان والولاء،،، لازم نكون گد هاي الكلمة رافضية ونرفض كلشي غلط نرفض الظلم واني اكثر واحد ظلمتج
ليش اللبس سوار الاكثر شخصية بالتاريخ ما ظلمت احد من بعد النبي محمد لا والله بحجم النبي محمد لأن الامام علي جان جليس الرسول من صغر سنه الحد مماته اذا نظلم الامام علي ونبخس حقة نظلم نبينا الاكرم

اسيا : السلام على مدينة العلم وبابها
هسا رحعت حياتنه ليش ما رجعته الك اني سامحتك ع صار

هيثم :بس اني ما سامحت نفسي

اسيا :الاسوار عندي

هيقم :خلي عندج اني ما استحقه من اني احس نفسي استحق اللبس هيج شي بالنسبه الي والعقيدتي اني اجي واگلج انطينيا

اسيا : احبك

هيثم : واني اعشق التراب التمشين علية

اسيا : يووو نسيت العصير اليوم اني سويته انطيني رأيك بي گمت ع سريع خجلت من كلامه وطريقة حجيه وعيونه العبرت اكثر
واني داطلع الصراحية من الثلاجة انتبهت اكو ع الارض دم
هو رأساََ صاح بصوت مبحوح اسيااااااا

اسيا : من الخوف وگعت الصراحية
هو لمني من الگاع

هيثم :يووووم اسيا دتنزف

اسيا :بابا عزيز انزل قبل هيثم
واني اريده بس ينزلني من ايدي ميقبل ع سريع ركض بيه للسيارة خلاني بسيارته وفوگ راسي قميصة اصبرر هيثم ما متوجعه بسيي اريد شي استر نفسي بي ماما حنان اشوفها من بعيد اتأشرلي وتركض

حنان :حرررك يوم حرررك يمه بنيتي اسم الله عليج يحفظج الرحمن گتلج ياا امي لا تشتغلين ما تعرفين تگعدين انتِ ما تعرفين تهديلج شوي اطلعين الشغل من جوه الگاع غاويه تعب لووويش

اسيا :يوووم جهالي

حنان :وديتهم يم قمر لا يظل بالج

هيثم :ليشش هذا النزف يعني مجروحة لو شنوو
مدافهم عقلي ما ظل براسي دخيل محمد فهموووني

حنان : بس لا سقطت الطفل

اسيا :التفت علينه وترك الستيرن

حنان :انتبه گددددامك انتبه

اسيا :اهدوا الله يخليكم ماكو شي لا تخافون اصلاََ ما متوجعة

من الخوف ما ظليت احس بالوجع وهيثم ما عرف يتصرف بالموقف بالعكس خوفني بالرغم من خوفه خبصني ووترني وعباله راح اموت
دخلوني ع سريع الغرفه وهو وياي انطوني ابر ومغذي وهو يروح ويجي فدوه اهدأ ماكوو شي

هيثم : شنو تحسين يعني متوجعه شنو ديصير احجيلي

:ماكو شي لا يظل بالك هذا اخير شي حجيته

هيثم :احركها ما تتحرك ع سريع طلعت للسترر
گتلها ماتت موتولي زوجتي ركضت وياي باوعتلي وضحكت تگلي خوفتني هيه مو ميته نايمه لأن انطنياها مهدأ

هيثم : باوعتلها وضحكت الف الحمد لله
استغفر الله ربي واتوب اليك لحضه وحده فكرت هيه ماتت عجزت حتى عن التصرف

طمنيني هيه زينه؟
جاوبتني هيه زينه والطفل وضعة هسا تمام
الطفل يعني اسيا حامل
يعني اسيا حامل واني اشوف بطنها تكبر وحامل مني هواي تسعدني بس استغرب الماضي يسحبني اله بقوه
اختي جانت جنت اخاف عليها من الهوا وهسا صارت هيه الهوا بالنسبة الي باز کردن / نظر دهید

2023-05-06 19:23:45 بيرين : متل ما بدك شلحت اوعيي
َوسكرت عيوني مافي شي بيدور ببالي غير الظلم الي صارلي والي انا فيي
اذا ما بدوياني لشو سكت ولشو عم يعمل هيك...

خلص من عندي وكبني متل شي زبالة ع الارض

رائد :باجر الصبح تلمين كل الغراض وننگلع

بيرين : دخلت ع الحمام فتحت المي وأعدت تحتو بحس براحة نفسية لما ابكي ومحدا بيعرف...

طلعت من الحمام ع فراشي دغري نمت الصبح فقت على صوت ليث وحنيته وهم عم بيقلي انا نسيت شنو يردون مني بالكلاس

:لا تخاف هلأ انا وانت نراجع الدرس
أطلعنا ع الصالون انا احضر الفطور و هو يقرأ وانا اشيد بذكائة فطر و طلع مع عمو هيثم

رائد :يلاا لمي الي تردي راح يجون العمال

:اي يلا ع سريع ضبيت البرادي و الفرش

في درج بالتخت ما عم يفتح رائد هي الدرجة الي بالتخت مقفوله

رائد :المفاتيح بالجرار الاولى صغير اخذي وفتحي

بيرين: دورت ع المفاتيح لحتى القيتون فتحت الدرج في اللبومات صور و ساعة وسوار و وفي سوار مهتري مكتوب عليه يا علي مدد
فتحت البومات الصور
صورو هو زوجتو الاولى خدتون لألو هي الغراض مهمه كتير عندك وين بدك حطون
اطلع فيني و أل : بالجنطة اذا بيها مجال واذا ما بيها خليها بجنطتي

اسيا : لحضه شوي هاي السوار مالت هيثم شسوي عندك

رائد : هو خالها عندي ضميهن يلا بيرين

اسيا :انطيني السوار و روحي ضميهن

رائد :انطيها السوار وضمي باقي الغراض ع سررريع

بيرين :اي تكرم عيونك خدي
ضبيت الغراض وسلمتو الشنتاية تفضل هي فيها شو ما بدك

اسيا : استغربت السوار اني عبالي ضايع لأن ما اشوفه عنده من اجينه من اثينا بعد ما شفته
ضميته اريد اعرف ليش بعد السوار عنه...

بيرين لمت كل غراضهم اجوي العمال شالوهن
وراحو ما جانت تريد تروح بس مجبوره تطلع ويا

بيرين : الشقة اوضتين و مطبخ مفتوح ع الصالون و حمامين و بلكونه الصالون شكله مدهون جديد

رائد :عندج ساعتين اريد الشقة كلها مرتبة و تسويلنه غدا

بيرين : ما بقدر

رائد :اييي اني جنت انتظر منج هاي الكلمة دتعاي

بيرين : شدني من شعري

رائد :كلشييي تكدرين تسوين ما اريد اسمع غيرر كلمة اييي حاضر وتدلل و تأمر سمعتييي

: لشو عم تضرب احكي معي ما بدكياني انا روح مالي دخل بالي عملتو امي انا ما رضيت هيه الي جبرتني

:وليشش دجبرج بالله غير علمود فلوسنه

بيرين :انا ما فكرت بمصاريك ولا بعرف شو عندكون ولا كان بدي وافق عليك بس امي هيه الي قررت تذكر لما شفت العلامة على وشي هيه الي ضربتني مشان أقبل و تذكر هاد الاثر لما هربت من داعش ومسكوني حرقوني
وشوف هي الي برجلي هي اثر السلاسل
وهي بظهري وهي بكتفي انااا مو متل ما مفكر انا جارت عليه الدنيا لحتى متت انا بس جسد واقف قدامك مو اكتررر بدك تضرب اضرب مانو شي جديد ولا اول حدن يضربني...

ما بدو يستمع لكلامي وضربني لحتى نزل الدم من تمي وما فيني دافع عن حالي وههو حجمو اكبر من حجمي يجي شي بتلاث مرات
غسلت وشي ودخلت ع اوضتي وقفلت الباب
حتى تليفون ما عندي مشان اتصل بأمي ترحمني من هل عذاب الي انا فيي بدي كون حد امي ما بدي كون حدو و يضربني و يعاملني بقسوة اقسى من قسوة داغش
ارتعبت وهو عم يضرب ع الباب وبصوتو الجهور يقول

:اني طالع اجيب ليث من المدرسة اجي الگه كلشي جاهزز سمعتي والثلاجة بيها كلشي ما اريد عذرررر فهمتيييي لو اكسر الباب

:خلاص خلاص راح اعمل الي بدكيا
خرجت من الاوضه ع سريع نقعت الرز
وطالعت الخضروات ساويت رز بالبازيلا من غير لحمة و حضرت اللبن و الخضرا
البيت كلياتو مأثث بس اغراضنا الفرش و تيابه بدو ترتيب
ع سريع ساويت غرفة ليث قعدت استراح خمس دقايق بس جسمي من بعد الضرب ما فيو يعيني
يارب يا كريم ساعدني....

دخلو وانا عم ضب اوضتنا ع سريع رحت لعندون
اهلا وسهلا باليث البطل طمني شو كيفك اليوم بالمدرسة

:الحمد لله زين وجاوبت و صفكولي

:ما انا اقول بطلل شلتو ع خزانة المطبخ حضرت السفرة ونزلتو أعد جنبي ياكل

ليث :لويش مدتاكلين طيب الاكل هواي اكلي

:هلا باكل

ليث :گولي هسا اكل

:ههههههه هسا اكل لعلمك انا بعرف احكي عراقي

:بالله احجي

:احبش

رائد : صافن ببيها وهيه تميل راسها الليث وتمسح حلگه من بواقي الاكل وتضحك ويا وشعرها الي يريدله حجة حتى يتحرر من قراصتها

جاوبتها عفتي قاموس اللهجة العراقية كلههه ما گلتي غير احبج وبعدين هيه بالجيم مو بالشين جاوبتني باللهجتنا المبتكرة من قبل حضرتها

:اي مو مهم ازاي اللفظها المهم صح

رائد : هوب هوب ازاي مصرية باللهجتنة نگول مو مهم شلون اللفظها
وبعدين انتِ ما لفظتيها صح واعتماد اللهجة ع اللفظ شلون

:بتحداك بتحكي سوري لنشوف

رائد : تقبر قلبي ابن عمي ها شلوني

بيرين :هههههههههه لونك حنطي
هي انا الي بقولها مو انت
تقرب لعندي وأل گوليها بالله خلي نسمعها منج

بيرين : يقبر قلبي هالگربوج شو حلو اخدت ليث لحضني و ألتها لألو باز کردن / نظر دهید

2023-05-06 19:23:18 بيرين :كبيت المكدوس ورحت لعندها امييي رائد بدو ينتقم مني بدو يخلص علي بدك ترجعيلي عذاب داع ش بدك ارجع اتوجع ما فيني يا امي بدي احكي كلشي لأرتاح

:ما تحكي روحي لبيتك الجديد وشوفي شو راح يعمل وبعده بنقرر والف مره ألتلك ما بتجيبي
سيرة د اعش ابداََ سمعتييي

:خلاص خلاص حاضرر متل ما بدك ما تعصبي
خرجت من البيت ما بعرف وين بدي روح ع الهفا بدي موووت ما بدي ارجع للبيت بلاقي امو وابو قلقانين عليه بخجل ما بتحمل
اروح لعند امي ما بتساعدني تتركني للمجهول راح انجن تركت المصعد ورحت للدرج بدي هونيك أعد ما بدي شوف بشر ما بدي شوف حدا

وانا عم بنزل لايتو اعد هونيك وعم بيدخن
ما أدرت احكي معو وما بدي ارجع للبيت وانا ما حكيت معو أعدت مكاني ابكي وهو عم بينفخ الدخان تبع السيگارة وبينتر ما عم بيدخن عم بيخانق السيگارة
التفت لصوت البكي لما شافني رجع لمحلو خلص ونزل لحضه بس خليني احكي معكك

رائد :تره مالي خلگج بالنبي

:الله يخليك ما بدي شي منك بس خلي نروح لعند اهلك قلقو عليك و ما عم بقدر شوفون هيك بس طمنهون عنك

رائد : خليج بمكانج لا تجين واذا اظلين يم امج اشرررف
صعدت بايتين ورجعتلها،،، والا اگلج تعااااي وراي ع سررريع

بيرين :رحت معو دغري لما شافو اهلو فرحوا كتير كانو مفكرين صارلو شي حادث

رائد :ما صار شي رتبت البيت و صبغت الصالة وباجر راح انقل غراضي هناك واخذ عائلتي

هيثم :لويش مستعجل اني ما بقالي شي وراح اطلع بشقة وحدي خليك وياهم

رائد :ميخالف ما تشوف الشقة هلگدوتها وين اكو واحد ينام والاولاد يمه هسا لو بالعراق هم ما نسويها مو هنا اذا عرفو اولادنا ينامون يمنه ياخذوهم بدون ما يگولون

هيثم :اي و الله شفت هذا الولد صائب ماخذين اولاده لان متعارك وي زوجته

بيرين اطلع فيني وأل :ايي سمعت قصته الله يرجعهم اله بسلامة بيرين دخلي لمي الملابس بسس والغراض الي تردوها

بيرين :ليه البيت هونيك مأثث؟
ما جاوبني سكتت عنو

عزيز :مو دسألك صير ادمي وجاوب

رائد :ايي

بيرين :جاوب بأي وراح ع الاوضه طلع الشناتي وظل بيأمر هوني حطي غراض ليث وهون غراضي وبعدي غراضك عن غراضي ما بدي تخربطيلي اوعيي ضبيت الشناتي وطلعتون ع الصالون

رائد :ما تولين يم امج وتخليني انام هنا براحتي

بيرين : هلأ بس لينام عمي بروح

رائد : ايي تردين ترحين هناك تلعبين بكيفج

بيرين :انت بدك روح وساعة تألي ما تروح شو اعمل انت أول شو بدك وانا بساوي
واناعم بحكي معو مسكني من راسي من ورا و تمي وخبطني بالحيط وأل

:شوفي لججج لا تلعبيهن عليه تره اني بزعت منهن انوار طلعتهن من نفسي كلهن لا عبالج من تصيرين حبابه وطيبه احبج لا اطلع عيونج من مكانهن بيرين تره انعل والديج فهمتييييي

بيرين :اضربني ولا تحكي على امي وابي ما عملولك شييي

:امج الساقطة الي جابتج تريد تمشي سوگج براسي والله دنعل امج على ابوج

بيرين : دفشني برجلو أل طلعي لبره
اذا شفت خلقتج بالغرفة احرگها

بيرين :انا ماني متل ما مفكر انا ماني مع داعش انا كنت مخطوبة لابن عمي وهو أل بنروح على ادلب وهونيك بيشتغل مشان نقدر نعيش منيح
وطلع بيكذب علينه انا وامي واخواتي وسلمنا لداعش وهنن الي سلبو مني كل ما بدون ما فيني اسكت اكتررر من هيكك هي الحقيقة

رائد : اني هسا ما راح ارد ابوي هنا وهوسه تصير انتظري الباجر داشوف هذا كلامج منين يطلع اذا ما اطلع حنجرتج من بلعومج

بيرين : سكتت عنو خفت هلأ نحكي ويرتفع صوتنا وعيب أدام امو واهلوا

نام ع التخت وانا ع الارض ما بقدر نام وهو ما بدوياني انا كارهتو وعم بدمر ما بدي نام وهو ينقض على فريستو تعبت وانا بكون فريسة بدي كون حبيبه وزوجة

رائد :هيييي گاعدة؟

:اي رائد شو في

: تعاي يمي

:شو بدك مني؟

:بيررررين

:امت ع سريع رحت لعندو
لايتو عم يشلح تيابو
اذا ما بدكياني لشو عم تعمل هيك خلاص طلقني

رائد : لا الظاهر انتِ وامج تحبون الزلم والدليل جابتج وذبتج علينه گالت شكو منها هم رجال وحال ومال و هم بنتي تتونس ويضربه طووب واذا ضحكنه عليه

بيرين :ما ضحكت عليك امي خايفة بترجاك اسمعني انا ما تزوجت مشان اضحك عليك انا كنت مخطوبة لأبن عمي والله

رائد : انتِ من جنتي مريضة گلتيلي زوجي كتلتوا انتوا تقصدينه احنه العراقيين

بيرين : شو كنت عم بهذي؟

:ايي وگلتي اخوانج يحطوني ع كرسي الكهرباء اذا عرفوا اني يمج
و شكلج جنتِ حابة زوجج هواي بس هسا بالنار ديدك وي ابو لهب بعد لويش هسا دتنكرين

:اخواتي ماتو هونيك اصلاََ
ومانو زوجي صالح مانو زوجي تركني لألون
هنن الي خدوا مني اغلى ما املك
و لما مات صالح انا زغرتت اصلاََ ع جهنم ان شاء الله

رائد : كافيييي جذب يمعوده تره بزعتيني

بيرين : ما عم كذب عليك والله واذا ع الكلام الي سمعتو انا كنت عم احكي شروي غروي ماني بوعيي

رائد : خلااص حافظهن هذني اني باز کردن / نظر دهید

2023-05-03 20:22:08 ويخلوني يمك عايشة؟
_ايي
_لا ما اريد اريد وي اهلي بابا وياكم اني مالي دخل بي
عزيز _مثل ما تردين
هيثم _راح اتأخرين علينة كلنة حتى جنسيتي
ليش دسوين هيج
حنان _يوم قدمي وي هيثم
َو ابوج يريد يشتري هنا بيت ومن نشتري انتِ تعاي
ويانة
اسيا _ما اقدم وي احد اني ارجع وي بابا سيف للعراق و
انتوا قدموا
هيثم _ابقي بالبيت الحد ما يطلعون من الكمب الحد ما
ابوية يشتري بيت
اسيا_ما اريددد دتفهمني ما اريد ولويش داقدم وياكم
گلهم طلكتها وهيه بالعراق  كلهم ماتت شو لا عندك
عقد زواج وولا يعرفون اني زوجتك
_مو اريد اسجل الاولاد بأسمي بس خلي نقدملكم لجوء
واروح للسفارة العراقية ونشوف شنو يسون الزين
وزيد
اسيا _اذا ما سجلت الاولاد بأسمك وصحكت علية
وخليتني بالبيت اروح للشرطة اشتكي عليك واگلب
حياتك جحيم
هيثم _ تره ما يحتاج تحجين هيج هذولي ولدي اني ما
رافضهم وانتِ دتهددين
رائد _خلاص يابة شنو شسالفة حرب وولدكم
يباوعولكم عيب يابه عيب اسيا فكيها يا بعد اخوج
وانت يا خوية احجيلك شي يريد الگلب شبيك ند بند
وما تفهمها
اسيا _ عفتهم يحجون وطلعت من العمارة
ثاني يوم رحنة الاقرب مركز شرطة قدمنا اللجوء
اتصلوا بالمطار وشلون ماكشفو جوازاتنا صارت هوسة
بابا عزيز خاف خطية وبابا سيف يگول شنو هاي المذلة
الحد ما اخذونة الكمب جان عبارة عن سجن سابقاََ
جان بس كلش حلو الغرفة مو مشتركة بس هو غرفة
مقابيل غرفة رائد وعائلته غرفة وبابا واني غرفة و بابا
عزيز و امي غرفة
اني ارتاحيت نفسياََ من ما خلوني اروح ويا
غرفنة اطل على حديقة الكمب وويانة سورين
وفلسطينين فتحت شباك الغرفة واسمعهم يحجون
احس بحنية للهجة العربية بالعموم
سديت الشباك ما اگدر بارده اشه التفتت داحجي َوي
بابا وانتبهت جنطتي ماكو ما ظل بالي التهيت وي بابا
سيف _لا تتمرضين باوعيلي يابه
_ها حجي هاا يا رجدي اباضه ها يا عسلي
_ههههههه شرايج نبيع بيت العراق ونشتري هنا بيت
خاف من يشترون بيت هو يجي يعيش وي اهلة وانتِ
تضوجين
_لا خلي بيت العراق يفيدنا اكثر الانسان مهما طال بي
الفراگ يرجع لبلادة
واني ما اخلي بابا عزيزي يخلي ويانه ههههههه
_اذا تحبي سويلة كرصة اذن ورجعيله
اسيا _اذا اگلك امووت علية تنصدم
بس الاهم اني متت من زمان بسبب السوا بيه كرصت
اذن ما تكفي ولا حتى قطعها
ميزان والمرجح الكفة هذا الاحساس
_عيشي يابة لا تخلين حياتج مهمشة مثل حياتي
_اني نصفين نصف فاتن وعشت حياتها
ومستعدة اعيش حياتك حتى اكمل الحياة الثانية
بابا هيثم رغم السوا يلومني اريده يركع ويگول
انيييييي الغلطان ما ترتاح روحي ولا ترجع كرامتي الا
بهاي الطريقة اني ما غلطت بحقة انييي نظلمت و ما
اسمح الروحي تظلم نفسها اكثر من هيج
سيف _ الله يهديكم يابة
اسيا _لا تفكر بينه اني منتظرة هاي اللحضات من كم
سنة
سيف _ليش
_حتى اجره للنار الحرگت روحي بيها
يتبع...... باز کردن / نظر دهید

2023-05-03 20:22:07 تقرب مني وگعد گدامي
گال _اني ما ردت احجي ولا ردت احجي عن اي شي
صار بالتسع اشهرر صدگي ولو ردت احجي جان من
عرفت اني حجيت بس نرفزتيني اسيا وما سيطرت
على روحي تذكرين كم مره گتلج اختييي شي و
زوجتي شيي ثاني
وگتلج هممم
لا تشوفين هيثم الزوج
لأن ما اعررف اتصرف بحنية جاااف اسيا اني جااااف
_واني ما اريد اشوفة رجاءََ طلكني وخلينة نرجع اخوان
وخلصني كافي والله خمس سنين وهاي السادسة ما
بقالها شي هماتين
_ اني قاسي وي نفسييي اسياااا اني بادلتج مشاعر
وكتمتها اني قاومت بكل لحضه
اني الي ضميت وهو ما گادرر
اني الجنت اگول صعب واقنعها الروحي الصعبت علية
وما كسرررتج لان جنت متأكد مني ما اعجبج
شايفة رائد شنو سوه بأنوار وهيه حب حياتة علمود
نمارق بهذلها اني جان سويت الاتعس احنه خوششش
اخوان بس مو خوش سند من الاخير
_من هذا كلامك شنو الي تريد توصلة
_متوجع  لان اشوف غيرج مرتاح و اله حياته واني
وقفت حياتج وربطتج بطفلين
_اذا صدگ يهمك هذا الشي طلگني وخليني اعيش
الباقي بسلام واني مسامحتك عن الصار جل من لا
يخطئ
_ما تردين تعرفين منو الي مشاركتني كنتوري؟
_گمت خفت اسمعهيه حبيبه او خطيبة او زوجة
گمت ما اتحمل ما اريد اسمع لا ما يهمني
هيثم _اني من نهزمت منج سافرت تركيا
ووراها بشهر اني رجعت بس بر من تركيا للشمال
واجيت البغداد بس ما گدرت اواجه
ورجعت سافرت بر نهاية ٢٠١٥ صارت الهجرة و طلعت
عن طريق البحر وصدگي وثقي بالله تليفوني السادة ما
اجتلي الجرئة افتحة
وانطيت خبر الضياء وگتله اذا متت انطيهم خبر حتى
هيه تتحرر مني
وجان ويانه وي العراقيين الي يساعدون المسافرين
وعبرت وصلت فلندا وشهر بعد شهر لازم نتعتمد على
روحنه دراسة و شغل حتى نثبت روحنة بين هاي
الجموع ونحصل الاقامة واشتغلت بس جان بدون عقد
الشغل والراتب قليل الايجار نص عليه ونص على
الدولة
والبنيه الي مشاركتني كنتوري هيه نفسها الشفتيها
بالباب اجت تگلي يمتى اگدر اخذ ملابسي
هيه وياي من البداية لأن جنت محتاج شخص
يساعدني بالاجار وهيه ما تريد ايجار عالي اضطرينه
نتشارك بالسكن رغم الدولة ما تعرف لأن هو البيت بي
غرفة وحده اضطرينة نشاركها فقط  بالكنتور اني انام
على القنفة هاي الي تنفتح وتصير على شكل سرير
الحمد لله تحسن وضعي وصار شغلي بعقد بس ما
ضارني وجودها خاصه هيه عدها حبيب ومو دائماََ
بالبيت بس اكيد ملابسها راح تكون بالبيت
اسيا _ نزلت دموعي بعد الراحة الي عترت  خافقي
مسحتهن ع سريع هو گاملي وگال _ليشش دتبجين
والله ما استاهل دمعة من هاي الدموع
_اعرف ما تستاهل
_اسوو ام السوس خلاص بشرفج زعلي من الزوج و
خلي الاخ يجبر هذا الخاطر
_ما تگدر تواجه كزوج
_لأن مو حنين قاسي  الافكار السلبية تحيط باطن هذا
الراس بس الاخ لاااا مشتاق الهاي الوجنات الذبلانة و
الهاي العيون الوكحة
مشتاق الضحكتنا وسوالفنة مشتاق للجانت تنتظرني
ادخلها بحلوياتها واذا واحد زعلها تجي تبجي الهيثم
حتى ياخذ حقها
اسيا _واذا اجيت وبجيتلك منك منين تاخذلي حقي
_ربي اخذه الج مقدم شنو حياة الانسان بدون اولادة
ربي حرمني اشوف طفولتهم و خطوتهم الاولى و
لعباتهم وكلمة البابا
_اني هسا جاي اشكي للاخ من زوج ظالم واگله ما
راضي ينطيني حقي الوحيد وهو الطلاگ
طلكني هيثممم وخليني اتوجع ايام واخلص خليني
اكطع املي بكلشي
لا تخليني اعيش عمري كله متوجعة بعدت عنده بعد ما
اندگ الجرس دخلت للحمام دموعي هنه من غير شي
يردلهن حجة والحجة هيثم بعد شيوكفهن ذبيت
ملابسي وسبحت لأن عيوني صارت حمر اخاف اطلع
ويشوفوني وعبالهم بيه شي تحججت بالماي من
سبحت بسببهن عيوني صارت حمر
عزيز _نسلم باجر الصبح شرايكم
اسيا _ اييي افضل يابه
هيثم _اني اخذكم الاقرب مركز وسلموا بلكت يخلوكم
بالكمب الي يمنى وما يبعدوكم بس اسيا ما تقدم وياكم
سيف _ليش بالله
_عمي اسيا زوجتي لازم تقدم على ملفي
عزيز _مو مشكلة ماكو شي يثبت زواجكم هيه ويانة
تقدم
هيثم _مو اني من قدمت لجوء قدمت مزوج وزوجتي
بالعراق باوعتلها اريد ابين الها اني ما ناكرج من حياتي
اني بس نكرت الفكرة الي امي وابوي خلوني و بيها
اني اريدج وانهزم منج
شنوو اسوي مو بأيدي
اسيا _ولويش داقدم وياك ما اريد يابه اريد وياكم
هيثم _ اذا وياي بسرعة تاخذين الاقامه علية
ووياهم من تقدمين راح تضرين ملفج وملفهم و ملفي
اني هماتين
اسيا _حتاريت وما افهم هو شنو يحجي ملفات و اقامة
و قبول ورفض و قصة كلشي ما مفتهمة انا
عزيز _سوي الي تردي حتى لو ننتظرر
اسيا _ اذا قدمت وياك شنو يسوولي؟
گلي _تسجلين بملفي وامورج تكون اسرع باز کردن / نظر دهید

2023-05-03 20:22:07 ما نعرف هو الحد هسا كلشي ما شرح عن حياته
فتحت الباب الخ هم جان مقسوم كمت ادور على
الورقه الحد ما لگيت جنطة لاب توب
فتحتها لگيت بيها كل الاوراق الي تخصه دورت بيناتهن
لگيتهها طبكتها وخليتها بجنطتي
گعدت ارسل نمارق سألتها وين انتِ گالت جاي اللعب
لعبة
استغربت شدسوين؟
_مسوية روحي زعلانه عليه
_ليش؟؟
_ولج يخبلن سوالفة ويحير شلون يراضيني من زمان
اريد هيج زلمة ادلع علية ويدللني بأسلوب مثل سلوبة
_اي سولفيلنة السلوب اريد اشوف شلون طاح بعلتج
هالعلي
_فدوه الاسمه من يجي طاريه گلبي يدگ
_دكوج بمدكة اني عندي جفاق عاطفي وهيه تفدي
وتقربن
_هههههه شوفي شنو صار اليوم
.........
نمارق _گعدت الصبح ضايجة وتعبانه نساوتي كلش
متعبتني اسوو
اكل الاكل اتقيأه امشي شوي ادوخ اگعد بعد ما بيه
اگوم الزم المخده انام اسبوع كامل كرهت الحمل و
الساعه الجنت انق بيها على انوار
نزلت لگيته گاعد ياكل عصبت تاركني اني متوجعه وهو
ياكل من شافني گال صباح الخير ما جاوبته ودخلت
للمطبخ
لزمت الصحن رگعت بقوه لزمت كتلي الجاي ضربته
جلاق هيج بس اريده يتحارش بيه
علي _شبي در النجف
_باوعتله گتله شكو
_انتِ شكوو
_جاوبته بصوت عالي تعبانة و انت تاركني ودتاكل
_البيني وبينج مسافة مترين وگلبين متصلين
المسافة ما تخولج تصيحين والگلب يعلم بحالج شنو
تركتج نايمة ونزلت سويتلي اكل وراي شغل على شنو
هسا ضايجة؟
_تعبانه مو ضايجة وانت مدتحس بيه
_شلون ما احس بيج واني تربيت على حبج
_علييي لا تحجي هيج وتسكتني
_اولاََ الصوت العالي ما اريده بالبيت مو زين على حبالج
الصوتية وما اريد واحد يسمع حس محبوبي
ثانياََ اني ما مسكتج غردي وطربيني
_ابنك متعبني
_تعرفين شنو معنى اسمج نمارق؟
_اهووو هسا اني وين وانت وين
_اسمج معنا الوسادة الي يتكئ عليها اهل الجنة
حتى اسمج يريح الاعصاب دخيل الله در النجف
_تقرب مني و حضني وايده على بطني يا بعد نطرات
ابوك
وحرگات گلبة وحسراتة
لا توجعها غالية عندي بغلات الروح لا والله اغلى
_رفع ايده من بطني باسها وشكر الله
شدسووي
_مو نعمة اشكر الله عليها
_شنو هية النعمة
جاوبني _انتِ ووليدج باس راسي وگال ما بيدي شي
اصبرج امرخ جسمج اييي بس هاي مشيئة الله انتِ
تشيلي والله يگومج الي بالسلامة
وليش بالله اني اشيلة لويش مو انت
_لأن انتوا الاقوى
احنه قوتنة بدنياََ بس النساء قوتها تحمل اني هسا لو
بيه الوجع البيج افكسه واطلعه من امعائي الله وكيلج
بس انتوا الله رزقكم القوة تحبلن وتجيبن و تربن
وتتحملن
الجنة تحت اقدام الامهات موو عبث المكان الي يريد
ينولة العالم الاجمع تحت اقدام الامهات يا عظمة هذا
الكلام هنيالج حبيبي
_شبعت
اسيا _هههههههههه ضحك عليج بكلمتين حلوه حتمتيها بشبعت
_لا ولج مو بس هيج وسويتله جاي مهيل واني الممنونة
ومن طلع شگلي لا تصيحين مره لخ
گتله بصوت خافت حاضر اني نصدمت مني
_ههههههههه فتحت السبيكر وگعدت ارتب بالمطبخ
سمعت الباب نفتح عرفت هو لأن بس هو عنده المفتاح
زين اذا هيج لويش هسا زعلانة
_عمي وعمتي اليوم رايحين البيت عمي لؤي
گتله خلي نطلع گلي تعبان اني لگيتها حجة وزعلت
انتظره يراضيني كل شوي يجي يباوعلي من درج
ويگلي شبي در النجف
_صدگ يعني شنو عقيق يماني؟
_تعرفين شنو در النجف؟
_لا والله
گلتلي _حجر كريم الي يشيلة يحمل صفات عاليه من
الخلق و ما شابة بس هو مو الهاي الصفة يسميني در النجف
_لعد لويش؟
_يگلي اليشيل در النجف يحرم علية الحرام
واني شلتج بگلبي طول العمر لج اسووو اني اول حب
واول علاقاته
اسيا _ع سريع سديت السماعة الله ياخذ بليسج
يمكن هيثم سمعنة
نمارق _يبووو يا فشلتي امشي ولي فشلتينة
اسيا _سديت الخط وباوعت بالصاله نايم على القنفة 
وايده على عيونة خلصت المطبخ وگعدت بالمطبخ
اشوف البرامج گلي لويش تسألين عن كلشي
ما فهمت سؤاله وما جاوبته
_تردين واحد مثل علي تكونين انتِ الاولى بحياتها
ويحبج ويدللج مثل ما هو مسوي
_منووگال؟
_هيج حسيت
_تعرف اني شنو اريد
گلي شنو
_ما اريد اي رجال بحياتي
كافي باباياتي واخوي رائد مكتفية بيهم
_واني؟؟لا جديات اسيا اني هيثم ااجان اغلب يومج
تخلصي يمه هسا اني شنو الج
_انت ابو اولادي وبس
_يعني مو اول حب بحياتج؟
_لا ليش اول حب بحياتي بس انتهى هذا الحب
_خلينة نخلص هذا النزاع المطلوب اسيا شنو؟
_المطلوب انت تگول انت الحجيت وياي مو اني
_انتِ تردين واحد مثل علي گولي اني اطلكج و افلج
واحد حب وحنان ورمانسية لأن اني مو هيج
كلشش مو هيج اني اقوى شي اعرف اگول احبج انتهت
_المن للبنية الي مشاركها كنتورك؟
اني ما مقهورة لأن حبيت وما بادلتني الاحساس لااااا
اني مقهورة لأن هنتني وذليتني حتى گدام اهلي عن
علاقة عشناها اني من اباوعلك ما اشوف
بس وجع روحي و مرورة الايام تسري بجوف حلگي باز کردن / نظر دهید

2023-05-03 20:21:45 27







اسيا _ ندگ جرس البيت انا فتحت الباب بنيه شگره
تخبل هنوب عدها نمش على خشمها وقرسب جفون
عيونها گلتلي hi
اني التفت الهيثم
كام يحجي وياها واني صافنه
شتريد هاي هيثم
هيثم_ زميلة بالشغل
اسيا _ اهاااا وشنو جاي للبيت عباله مسويلها نقل
ملفات البيتك
يباوعلي ويضحك
وهيه هماتين تباوعلنه ومبتسمه حسسوني اني الهبله
بيناتهم
حجة وياها وراحت سد الباب وباوعلي اشم ريحة
عطاب
_ايي احترگ ضميرك
هيثم _ههههههههههه ام زين ديري بالج على گلبج يهمني
هواي
_اييي الدرجة اربع سنين دون عودة
تقرب الي وگال مو بأيدي اسيا لا كارهج ولا اريد انتقم
منج بس لا يكلف الله نفس الا وسعها واني ما گدرت
_هذا هو اذن لا تگول گلبج يهمني اني گلبي يهم اهلي
وبسس ما داريد تتعاطف وياي لااا الحمد لله اني من
بعدك ما نكسرت بدل الاب صاروا ثنين وبدل الدلال
صارت فيض من الحنان
وكل واحد يزاود على حنان الخ و امي ههههه حنان
اسم على مسمى
واطفالي ما ينزلون بالگاع بس من يأذيك شخص ومن
تشوفه يظهر عكس فعلة
هنا انت تريد تصرخ موو بس تحجي
هيثم _انتِ كارهتني وحقج
بس فهميني وگولي حقك
_شنو افهم؟؟
عزيز _ايي فهمنه شنو الي تفهمه احنه هم اريد نفهم
اريد نعرف انت شنو تريد
_يابه فهموني سمعوني و گولي انا حقي لو لا
اني من زوجتها گتلها اني ما اكدر بعد ٣٣ سنه اعامل
اختي كزوجة
الاخت بيني وبينها حجاب من الله هيج احس
الزوجة تصير صديقة الروح
ومع هذا هيه وياي بالغرفة ورفعت الكلفة من نبدل و
من نسولف واسرار بعض
حاولت اسألها اني خلصت الحلول من بين ايديا حاولت
وطفيت الضوا وردتها تصير زوجة الي لأن گلبي يريدها
كامت من تنام بغرفتها اني ما انام بس ما اروح الها ولا
ابين استحي
و من تجي يمي الزم التليفون وشكو بنيه اعرفها زينه
ومو زينه احجي وياهن اني ما انكر كمت احجي وي
بنات بگد شعر راسي
حتى هم هيه تكطع الامل مني وحتى اني ما اركز بيها

تحملوني وسمعوني وادري كلامي شي خاص بينه بس
اريدكم تفهموووني
بيوم من الايام نامت يمي ومن تنام يمي تلبس لو ثوب
قصير لو تراك جانت لابسه ثوب قصير ويطلع جسمها
ما تعرف اغطيها واتعوذ من شيطان حلالي بس
استحييي حبيتها بس استحيييي
وعيت على روحي ونهزمت منها الاول بالرغم بينه
علاقة طيب طول الاشهر الاني فقدت بيهن الذاكرة
واسبوع كامل اني اقاتل نفسييي
واگول لا تنهزم يا هيثم انت ردتها وهيه رادتك
والناس مالهم دخل بيكم لگيت روحي ابعد ورحت
للدكتور وحجالي كلشي بعدت بعد اكثر ما الومهاا
بس انييي استحييي ما اكدررر فاهميني
سيف _فاهمك اني گلي ليش اخذت حتى عقد الزواج
جان حررتها منك وراحت الغيرك
اسيا _جاوب بابا بعد حسرة
_عمي اني نهزمت بس گلبي ما طاوعني وبقه يمها
اني ما حبيت قربها مني اني احبها هيه احب كلشي بيها
انييي واسيا مو علاقة خمس سنين زواج اني واسيا
طفولة و مراهقة و شباب و بلوغ الحد ما هسا  الشيب
ترس راسي
اني جنت الاقرب الها
ما جنت بيوم ولو لحضه اتوقع اني وياها نصير هيج
مثل ما جنت اتوقع بيوم هيه تصير زوجة اليي
اسيا _اني مفتهمتك و خلاص مسامحتك بس طلكني
هيثم _ليش اطلك شنو السبب
_اني ما اريدك اصلاََ احنه هسا بحكم المطلكين.
_ خلينة الخاطر اطفالنة
_ما اريد هيثم ما اكدر اتقبلك بعد خلاص كلبي طاب
منك
سيف _سمعت كلام بنتي لو لا؟
هيثم _يعني باجر اذا اولادنا كبروا نخليهم منقسمين
شي يمج وشي يمي
اسيا _لا عبالك تضغط عليه من ناحية الاولاد
انا قابله يوم يمي وعشره يمك
وانا قابله تاخذهم وقابله كلشي اسوي الا ارجع وياك
هيثم _شنو عناد؟
_لا بس ما جاي اگدر داقرف من هاي العلاقة
ابتسملي عرف جاي ارجعلة كلامة
هيثم _طالبة مجتهدة
_لأن خلصت وياك الطفولة و المراهقة و الشباب و
المشيب بس طالعتلي شعرايتين بيض قريباََ اصبغهن
ان شاء الله
طلع من البيت ضايج ومتنرفز
باوعت لگيت بابا عزيز مبتسم و ماما
اني اعرفها هسا تقاتل نفسها
نصين هيه نص الي ونص الهيثم
وبابا سيف محير ساعات يگلي اطلكي واني وياج
وساعات يگلي لا يابه خليج هيج الحد ما تصفه حياتج
بابا عزيز اخذهم وطلعوا  بقيت بس اني بالبيت حتى
اطفالي اخذوهم
دخلت الغرفته فكرت اول شي اسوي اخذ ورقة الزواج
حتى لو مالت سيد المهم اخذها والله كريم بعدين
فتحت كنتوره جان معلگ على يساره ملابسة وعلى
اليمين ملابس بنيه فساتين و بناطيل وكلشي يخص
البنات سديت بابا الكنتور وتعتريني الصدمة ما اعرف
اني شنو احس
ضايجة لأن احبه لو كارهة نفسي لأن بعد الشفته
متأذية صارله اربع سنين وحده اكيد عنده حبيبه زوجة باز کردن / نظر دهید

2023-05-03 20:21:45 صد عليه وعيونه تلمع دنگت راسي ودموعي تصب
رفع حنجي بأدينه تغيرت تعابير وجه عبالك اول مره يشوفني مسح دموعي وهو مركز بيه

صياد :ما تريدين اسافر ليش

ليال : دنگت راسي واعصر بأديني واشاهگ
..ما اريدك تروح امانه ظل هين لا تعوفني

لازم وجهي بأدينه ثنينهم احس دگات گلبه سريعه مثل دگات گلبي مرر اصبعه على شفتي ويحجي بنبرة عبالك غافي

صياد : ما اعوفج ولا اخطي من هين

ليال : دنگ باسني بلهفه رجف جسمي كله ضعت ما عرفت شسوي عبالك فقدت الذاكره ما ادري شلون لگيت اديني محاوطه رگبته وابادله

دفن راسه برگبتي وشالني من خصري
ضعت بين ادينه وما حسيت على روحي الا واني بين احضانه ومسلمته نفسي

شلون مر الوكت واذن الفجر ما ندري حت هو انصدم
دفن راسه برگبتي ويهمس

صياد : جنت اغالب المؤذن وهسع هو غلبني
هالحگ اريده منج يا بنت

ليال : نزلت عيوني ما گدرت اجابس نظراته
شتاخذ بعد ..اخذت حگك وزياده ولا گلت الي بين اديك انسانه
باسني يم اذني ويهمس

صياد : والله ضبطت اعصابي وما تعبتج

ليال : هاي وما تعبتني وضابط اعصابك عجل شلون لوما تعبني

صياد : اطلع ضيم وشوگ السنين الي راحت واني اتحسر عليج

يتبع………… .. باز کردن / نظر دهید

2023-05-03 20:21:45 ــ اديج يلمعن امت مشيره

ليال : البارحه

ــ والله زين انتي لو طامسه بالطلايب للهامه
ما تنسين نظافة نفسج

ليال : متعوده من زمان ما اخلي نفسي وصخه
من جنت زغيره ومن تزوجت گمت انظف جسمي كله صار عاده عندي المسلم لازم يظل نظيف بس وجهي ما حفيته زحمه من دله

ــ وانتي منيلج الشعر بوجهج تره بس حواجبج وشاربج
تعاي احفلج بس ما اسوي حواجبج محد راح يلاحظ انج حافه

ليال : كيفت وجان اشد راسي وتحفلي
دحگت على نفسي بالمراة اي هسع خوش كملت رجعنه اني وياهه عالبيت الجبير وبتلشنه بالعشه زهور وديالا وحدهن

ديالا :لمينه السفره وتربعت اصب الجاي لربعنه
صياد جان حاط المخده بحضنه ويسبح بالسبحه وشارد وشاكر يحوص بي سالفه گام يتحمحم

انتبهله صياد ومقلص عيونه
شاكر :الشيخ شعلان عنده طلبه صايرله شهر وما حال منها شي عبن الطرف ذاك يريدونك تحضر بس عمنه الشيخ ما دزلك طارش الضاهر ما قرا الأيه الي اهديتها له

ديالا : ابتسم صياد وهز راسه لف السبحه على ايده ويحجي

صياد : تا تعرف ابو صگر الشيخ مو الا يحط عباة فوگ جتافه عوف هاذ الحجي هسع
ركز عالبيت والشغل باجر اروح تا اسافر عينك من هين تره حملك غدا ثجيل لا النشمي يمك ولا باهي

شاكر : اخوي عش تسافر عك الله دز احد غيرك وظل هين

صياد : منهو الي ادزه محد يندل بيت عمتي والسفر متعب ويرادله صبر وانتو ولا واحد بيكم صبور وهذول عيال عمتي بيهم الي يجفص بالحجي الله انطاني صبر وتحملتهم

لازم اروح هسع گضت عدتها اتانيها تعقد واجي ان شاء الله بس حاير شلون ابلغها بموت ابوي

ديالا : مجرد صياد جاب طاري السفر ليال انشفط لونها اختل توازنها استكان الجاي معد تگدر تشيله
عيونها مغورگه مدري شلون خلصت شغلها ويانه وصعدت

ليال :خليت عذباء يم عثمان وصعدت اعصابي نار
لحگتني مرت ساجي تنادي

ــ مرت عمي اواش

ليال : صديت عليها بدون ما احجي انطتني نفنوف

ــ هاج هاي قطعه انطونياهه اهلي ما تكفي اخطيها دشداشه خطيتها الج نفنوف گصير اعرفج تحبين هيج لبس من زمان ردت انطيجياهه بس انسه

ليال :گالتها وراحت ما لحگت اشكرها عاد والله حلو لون ماروني طوخ وناعم
طبيت جوه اعصابي تفور لگحت النفنوف عالجربايه… وادردم

يريد يسافر انوب ويعوفني وحدي شبي هاذ الزلمه شبي… نار شبت بيه ما اعرف نفسي شسوي افتر بالحجره مثل الثوله دموعي تصب لحالها

نزعت دشداشتي وكورتها لگحتها بالگاع لبست النفنوف وطبيت بفراشي تا انام گبل لا يجي صياد ويشوفني گاعده

غطيت راسي وگمت اشاهگ بالبجي انفتح الباب كتمت حسي فات صياد خله سبحته عالكومدي وراح يم الكنتور نزع دسداشته ويطلع بملابسه ويحط على ايده

گمت من فراشي مذعوره ورحت يمه جتفت اديني صد عليه نص التفاته ونزل عيونه على نفنوفي رجع ياخذ بالملابس

صياد : خير يابه

ليال :احجي واغص بالكلام
عش تسافر عندك جوگة ولد واخوان دز احد منهم ليش الا انته… ..صد عليه ومقلص عيونه

صياد : ما راح اعيد الحجي الي گلته جوه

ليال : گالها وراح حط الملابس عالجربايه
ورجع يدور جنطه بالكنتور

صياد : جانت اكو جنطه هينه وينها

ليال : جاوبته بنتر… اخذتها جوانه
قلص عيونه عليه وهز راسه وراح تا يلبس دشداشته ويطلع مشيت يمه متعصبه واحجي

… هو انته دوم هيج تعوفني وراك وتروح

هد الدشداشه من ايده ويدحگ عليه رافع حواجبه واني ارجف اريد ابرد گلبي بالحجي

ــ اي عش مستغرب كل مره تعوفني وراك وتصير ويايه صگعه جبيره
مسح لحيته وتخصر ويحجي بهدوء

صياد : باجر اوديج لهلج واوصي عماد بيج
اذا هجبتي ابيت اخوج ماراح تصير وياج صگعات

ليال : گالها ورجع تا يلبس الدشداشه تعصبت وجريتها منه… وين توديني هاااا وين
بس على هاي گادر
عبالك اني هين گاعده على گلبك يوميه تعيد الحجي اوديج لهلج متعاجز مني بس تريد تگلعني مو

جر الدشداشه مني ولزمني من ايدي بهدوء ويجر نفس يحاول يهجد اعصابه

صياد :شنهي متعاجز مني نهبلتي يا بنت
مو هاذ الي تريدينه اعوفج بحال سبيلج وتروحين يم اهلج شبدلج هسع

ليال : نفضت ايدي منه وجتفت اديني ما اعرف شحجي گلبي يرجف گام شيجي ابالي حجي احجي
… گول هاذ لنفسك انته مو جنت تريديني اظل هين شبدلك ها

مسح وجه وصد بصفحه يتنهد
صياد :صحيت على روحي وعرفت لا اني اوالمج ولا انتي توالميني

ليال : فورت دمي هاي الكلمه
خمطت الملابس من گدامه كلهن وگعتهن بالگاع واحجي بعصبيه

… هسع يالله عرفت اني ما اولمك كلشي تريد بكيفك انته ومثل متريد حرام اذا يوم صدگت بشي من يوم يومك اناني

تعصب واجه يمي گحزت وره لگزت نفسي بالكنتور
وغطيت وجهي وارجف ...امانه لا تضربني

ظليت فتره واني اشاهگ دحگت علي من بين اصابعي جان محاوطني بأدينه گاز على سنونه وخازرني ضرب الكنتور ورجع يم الملابس وگف ويتنفس سريع ويمسح بلحيته ويستغفر

علت شهگاتي بالبجي ورحت يمه شفايفي ترجف گوه نطقت الكلام… .امانه لا تسافر ظل هين باز کردن / نظر دهید

2023-05-03 20:21:17 ديالا : شلون ما ينقهر مرته من سنين وبينهم عشره حلوه ورفيجة دربه تجي بكل بساطه تگله اعتقني واعتبرني اختك وخليني اروح والله نمرد گلبي
خاصه هو معتمد عليها بكلشي

جوانه : لو عمي صار الشيخ ما جان عافته

ديالا : خن نفكر من وجة نظرها تره المره حقها تريد مكان وحدها ويه ولدها وتزوجهم وتفرح بيهم

جوانه : اي همه حيل وازوها يريدون نسوان

ديالا : الله يسعدها ان شاء الله بس انتي صيري سبعه وعينج من عمتج ورجلج

جوانه : انتي هم ديري بالج من هين وعينج من نفسج ومن ليال… صدگ على طاريها اشو لزگت هين وانوب معد تحدر يمنه مثل گبل

ديالا : اسكتي اخيتج يمكنها عشگانه

جوانه : يهالعثره عشگ شنهي منهو هاذ

ديالا : شبيج هبطتي تعشگ منهو يعني
غير عمج صياد… فكت اثمها جوانه

جوانه : ليال عاشگه عمي صياد شبيج گمتي تخربطين

ديالا : اني صحيح ما متأكده زين
بس تصرفاتها هيه توحي للعشگ
گامت تهتم بي وتريد تغسل هدومه وتريد تكويهن وانوب تزعل ليش ما يگللها ولميلي الحمام وبعد تسأل علي وين راح وليش تأخر

جوانه : لا يمعوده هاي ذبتها ليال يمكن عبن شافته واگفلها صحت على روحها لو تلگينها صار عدها ارتجاج بالمخ من جتلة هذاك اليوم

ديالا : اجه اليوم الي تودعنه بي كواكب وولدها وجوانه صارت مناحه بالبيت
ليال حاضنه جوانه وتشاهگ
الوحيد الي مسوي نفسه صامد هو صياد واگف بثبات
وجاتف ادينه اجت يمه كواكب تودعه

كواكب : ابن عمي الغالي سامحني امانة الله خاف گصرت بيوم

ديالا :جرت ايده تا تبوسها سحبها منها وباس راسها
ويحجي بغصة

صياد :انتي الي سامحيني بنت العم ما گصرتي بواجبج يوم صرتيلي جبل استند علي بوكت الضيج شلتي حمل البيت على جتافج
سديتي غيبتي وما يوم رجعت ولگيت خمال

روحي واني راضي عليج من گلبي وعسا الله يرضى عنج وعساج لا شفتي الهم ام النشمي الغاليه
هاذ بيتج وامت ما ردتي تجين هين مجانج يظل بگلبي وابيتي كل ما يصحلي مجال اجيكم لا تشلين بال

ديالا : راحو ولده وباسو ايده حضنهم
ويوصيهم بكواكب

صياد : راضي عليكم ما گصرتو بشي ظلو مثل ما انتو اريد علومكم تجيني طيبه عينكم من امكم الگو بنات الحلال ودزولي طارش

ديالا : راحت جوانه اخر شي باسها براسها وحضن كتوفها ويبتسم

صياد : بنتي النسره عينج من نفسج يابه
ومن عمتج وزلمتج راضي عنج وعسا الله يرضى عنج

ديالا : ودعناهم بالسلامه وراحو تمشى وراهم صياد لحد الباب رغم مجفي بس اني احسه دموعه نزلت وراهم راد يروح وياهم بس موعودين بزلم يجونه اليوم وما گدر يروح

البيت صار ما ينطب عبن كواكب وأوامرها ماكو
ومناگرة نشمي وجوانه ماكو
كلها مفتقدتهم ما نگعد على وجبه اذا ما ننسه انهم راحو ونگوم انادي

على هاذ حالنه واجانه خبر موت ابو دله
وتخبلت المره بثواني ملخت نفسها
شالها صياد وفوتها جوه حاضنها ويهجد بيها فقدت نگزت نگز خطيه اخذوها وراحو عالفاتحه وصياد يوميه يروحلهم من الصبح وما يجي لليل

كلنه رحنه حت ليال واجهنه كواكب وجوانه بالفاتحه
گابلنه دله ونبجي ما تفعل تهجد تبجي جره وحده مشوهه نفسها باللطم وهالسه راسها كله هاي عود ابو نشمي يجيب ويوصي لا تخلونها تشگ ثوب وتخمش وجها وتهلس راسها عبن حرام هالشي

جوانه : واحنه شنگدر نلزمها فحطت المره راح تموت
ما تفعل تنطي نفسها فكه بالبجي

ديالا : التهينه ويه دله للسبعه يوميه تروح وحده عليها بس ليال راحت اول يوم وتمرضت من شافت حالة دله

ليال : من يوم الي راحت كواكب شبعت قهر عليها
وصياد من يجي بحجرتي يظل يدخن وما يحجي اذا عذباء موجوده يمنه يلاعبها وينام

استمر هاذ حاله وانوب مات ابو دله
سبوع كامل ما شفته يروح من الصبح عليهم وما يجي لنص الليل اكون نايمه واگعد ما الگا

نحمست على دله حمس محد بگدي يعرف شعور
الي يفقد الأب حاسه بوجع گلبها من شفت حالتها شلون متخبله ايست منها تصحه وترجع مثل گبل وما استغرب اذا گالو دله ماتت وره ابوها

ديالا : كملنه السبعه مال ابو دله
وصياد خله باهي ومرته
والشيخه خزامي يمها وصاهم ما يجون هين الا دله تصير زينه

رجعنه عالبيت واليوم اول مره من بعد هاي الطلايب راح نتعشى جميع رجعو الولد كلمن على شغله
وهاي اليوم دله صارلها 15 يوم يم اهلها ما تفعل تجي وصياد مخليها براحتها

زهور : ديالا ما تعجنين بدالي بلا امر عليج
اريد اكوي ملابس ابو نشمي صارن شكثرهن ومعد الحگ اليوم لبس الغتره وهيه معكشه

ليال : اكويهن عنج اني اعرف

زهور : تسوين فضل عليه اديني توجعني من التعب
ابو نشمي ينرادله عشر نسوان تهتم بي الله يسامحج يا ام نشمي من عفتي

ليال : رحت ركض واخذت الملابس بحجرتي واكوي بيهن مكيفه احس مدري شلافيني كملتهم وعلگتهم كلهن بكنتوري وعطرتهن

حدرت جوه واجت مرت ساجي تريد اسويلها شيره
..مو علمتج شلون تسوينها

ــ والله سويتها مثل ما علمتيني بس خربت
عج الله سويها انتي

ليال : رحت سويت اليه وللها
وديتهن على بيتها شيرت اديها ورجليها وهيه صافنه عليه باز کردن / نظر دهید