2023-05-06 19:24:38
#أنساب_طاهرة ٤٠ والاخيررر
#بقلم_ام_مختار
#دنيا_غانم
اسيا : احجييي لويش ساكت
هيثم : معلمة اخذ يمها دورات
:شنو دورات شنو خرابيط مداصدگ هساا اطلگني
هيثم :انطيني مجال اراويج روبي وبعدين اطلگج
اسيا :وتريد تعرفني عليها شگد بجحححح
واني داحجي ويا جر راسي وباسني من شفايفي
هيثم :اسكتييي مو زين عليج عمي معلمة باجر عندي جلسة واخذج وياي وشوفيهاااا
: يجي باجر لو لا ادري بيك هيثم تضحك عليه ادري اني شنو خذيت منك غير المضحكة وتعب و الدمار ويگلي ليش اتعبين روحج واني كل تعبي بسببك
هيثم : رد فعلها كلش طبيعي ع شافته مني
وراح اخلص العمر وياها وهيه ما تثق بيه من ايدي
احبها حبها بالنسبة الي طال حجرات گلبي
واريد اثبتلها بطريقه تحبها النسوان تظل ذاكرتها طول العمر انيي لا داخونها ولا عندي وحده غيرها
رجعنه للبيت اول شي سوته عزلت روحها عني
ايي ليشش
اسيا :منووو روبي هيثمم راح اموووت اذا ما گتلي
هيثم :والله معلمة ادرس يمها شبيج
اسيا:شنو بعد ما شاب ودو للكتاب؟؟
:باجر ترحين وياي وتعرفين جلسات شنو والله راح تفرحين باجر شبيجج
اسيا :ما مرتاحتلك
هيثم : ارتاحي گلبي نحكم مؤبد بحبج
يا نومة العين
:ولويش بالله تسميني نومة العين مماخذه منه بس الاذيه ويسميني نومة العين
گعد بصفي ورفع تشيرتي يتلمس بطني
من ابويه گلي انتِ مو اختي بنت عمتي
ما گدرت انام
ومن صرتي زوجتي چفن عيني ولا صاحبة النوم
ومن جنت اشوفج وانتِ يمي نايمه بصفي واني اريد قربج بس العيب و الحرام سيطرن على عقلي
النوم ودعني
و من تذكرت اول ليلة اني اتقربتلج بيهاا واني جنت اصررر عليج
يابه النوم طلگ عيوني
و من سافرت ظليت ما انام الحد ما اخوه من التعب
انتِ نومة العين تعرفين يعني شنو نومة العين
يعني انتِ راحة الجسد وقيلولة العقل
وحلم وردي ما زارني الحد ماا صرتي زوجة الي بحق وحقيق
اسيا :منو روبي
هيثم : هههههههه المكسيكية تذكريها اني مصاحبها حبيبها جان ايمه الفريدو لو الخاندرو
اسيا : وخر عني ما احبك باجر الا اخلي ابويه يطلكني منك ويطردك وروح شوفلك مره غيري
شوف الحظ كل ماأحبل تقهرررني هيثمم
هيثم :احترگت روحة الي يقهرج والج انتِ روح هيثم
سكتت عنها الحد الصبح طلعت للشغل وگتلها بدلي ارجع ارتاحلي ساعتين واخذج الروبي
اسيا : لبست بنطرون عريض وقميص و حجابي وطلعت ويا الروبي دخلنه مجمع بأحد العمارات
وگفنه يم باب شقة مفتوح دخلنه للشقة كراسي و شاشة تلفزيون كبيره
نساء ورجال گاعدين شديصير هنا
هيثم : هذيج روبي
اسيا باوعتلها وعگدت حواجبي تقريباََ بعمر بابا عزيز طويله ولابسه تنوره قصيره و قميص ورابطه ع عنقها وشاح
و شعرها ابيض كله ومسويه تسريحة بسيطة
سلمت عليها بعد ما عرفها هيثم بيه
وگلها هيه شافت الكروت الي انتِ دازتها الي وغارت وحبيت اليوم أعرفها بيج و بالدورة مالتج
اسيا : ابتسمت ولزمت ايدي وظلت تحجي وياي وطول ما هيه تحجي مبتسمة
عرفت هاي الشقة ملكها و هيه تسوي دورات للنساء والرجال تخص كيف تتعامل مع شريك حياتك ومع اطفالك
باوعتله مبتسمة هو هم ابتسملي
اشادت بي وگالت هو من افضل طلابي
وهو من الاوائل بالدوره الي سجلوا
وحجتلي الموقف اول ما اجالها
وهو يگلها اني احب زوجتي بس اني ما اعرف اتعامل وياها
و ما اظهر حبي بطريقة صحيحة اخجل واحس مسوي عيب من اعترفلها بحبي او احسسها بي
وهادئ وكأنما اعبر عن جميع مشاعري بالهدوء
ودائماََ بينه خلاف لأن اني ما عارف افهمها شخصي
تقلدلي هيثم من اجاها وهو يتأفأف ويگلها
اني رجل شرقي حبي الها مثل دمعتي
صعب اظهره
ما اظهر دمعتي حتى لو الانكسارات تكابلت عليه
وما اظهر حبي حتى لو الشوق نهش گلبي
اسيا :باوعتله هاي من يمتى هيج تعبر هيثم
هيثم :من حسيت اسيا ما عادت بگلبي اخت وصرت اريدهاا زوجة و عشيقة طول العمرر
اسيا : گعدنه اني ويا واسمعلها وتختبرهم بالجلسات السابقه وتنطيهم سيدي يشوفوها بطرق التعامل مع الاطفال و الزوجة وشلون يفصلون حياتهم بالعمل عن حياتهم بالبيت
وتعلمهم المرأه عاطفية ودرامية وتحب الي يحسسها بهذا الشي حتى لو باليوم مره وحده
تگلها اكلج طيب
او طالعه حلوه
او شعرج جميل
او ضعفانه هيه ممكن تعيش ع هاي الكلمة طول اليوم وما تنساها طول العمر
والعكس صحيح في حال جانت الكلمة مؤذية
طلعنه من الجلسة وهو لازم بأيدي الحد ما وصلنه للسيارة وهو يبوس بأيدي
اسيا : جنت اگول تحبني بس مو الهاي الدرجة
هيثم : اني من الاصل احبج اسيا
بس الوضع الي نحطيت بي موو مال اني احب
وجعلنا بينهم مودة ورحمة
بس اني اختلف اختلف تعرفين يعني شنو اخت
الله محرم البيني وبينها وبلحضه تنگلب الطاوله ولازم اني اعيش وياها كل الي اريده
ما جنت اعرف اتصرف و اخجل اخطي خطوه وحده و احس الناس راح تنظرلي بالعين الصغيرة ويگولون هذا شاذ
تزوج اخته و حبها وتقربلها
ما اگدر اتخيل اصواتهم تگول تزوج وبسس
813 views16:24