2022-02-28 18:40:32
رمضان جايي علي الابواب فإن شاء الله المرة دي نقدر نحضره لاميين وتامييين من غيير اي نقصان ، وان شاء الله رمضان السنة دي يكون بداية تغيير حقيقي لينا للسنين والايام الجاية ، وبالجد المرة دي ماعاوزين نطلع من رمضان
بخفي حنين "مثل" ..
فعلشان كده نحاول في رمضان ده ننمي حاجتين " الجانب الروحي ، والجانب المادي"
الجانب الروحي في :_ اننا نقرب من ربنا اكتر
_ اننا نلتزم بالصلوات لو لسة مش ملتزمين بيها
_ اننا نعود نفسنا علي الالتزام بقراءة ورد يومي
_ اننا نعود نفسنا علي قيام الليل ولو بركعتين بس
_ اننا نعود نفسنا علي قراءة سورة الكهف كل جمعة
_ اننا نعود نفسنا علي الالتزام بالاذكار الصباحية والمسائية واذكار النوم وقراءة سورة الملك قبل النوم
الجانب المادي في :_ اننا نتخلص من العادات السلبية مثل " السجائر _ العادة السرية _ الاختلاط بالجنس التاني كتير والكلام معاهم .. الخ"
_ في اننا نكون عادات ايجابية محل العادات السلبية، زي القراءة مثلا " كتاب في كل اسبوع من اسابيع رمضان ، او مشاهدة كورس معين ، او حتي بداية تعلم لغة او حرفة معينة .. الخ"
واخيرا انا شايف ان كل الحاجات لازم تبدوا تخططوا ليها من هسي عشان ؟¤ اولا عشان لمن يبدا رمضان تكونوا جاهزين وعارفين تعملوا شنو " وماتخسروا وقت في التخطيط اكتر "
¤ ثانيا عشان الحاجات دي ماتنتهي مع نهاية رمضان بس ، لا نحن عاوزنها تستمر معانا لقدام وعاوزين " القيمة الروحية بتاعت شهر رمضان تكون حافز لينا يطلعنا من مرحلة المقاومة اللي بتكون موجودة في بداية تعلم اي عادة "
وده ما بيعني ان ننتظر رمضان لحدي ما يجي علشان نبدا لا. لان ماف زول فينا ضامن روحه يكون موجود لغاية مارمضان يجي ، فحاولوا ابدوا من هسي في الجانب الروحي حتي لو بحاجات بسيطة لكن ابدوا ، ولغاية ما يجي رمضان ممكن تتموا باقي الحاجات باذن الله لو قدرتوا تحضروه
160 views15:40