2021-09-04 16:23:06
يالله .. وَزّع الأدوار أبـــو اليمّـــه
يالله .. هذا يمشي وإنته لـ تْخِدْمَه
ـــــــــــــــــــ
حسين يدري وانته كيفك شنهي تختار
عالنوايـه انطانــه كلنا إزغــار وكْبـار
قبـــل لا يخلَــص مُحـــرّم وَزّع أدوار
إنتـه تمشـي وذاك يوگف يفتَـح الدار
يالله .. بيك حيل إشعندك إتقدمه
يالله .. هذا يمشي وإنته لـ تْخِدْمَه
ـــــــــــــــــــ
حسين يقره بداخلك ما حاجه تنخاه
من آخر الدنيـا .. اليريد ايزوره جاباه
حسين كلمن شغله وسْمَه كاتب إحذاه
هذا يمشــي وهـذا يخــدم ذاك ينعاه
يالله .. إبرَبعَه ما واحد نِسَه إسـمه
يالله .. هذا يمشي وإنته لـ تْخِدْمَه
ـــــــــــــــــــ
حسين فاتح باب گلبـه لليجي إيزور
الطيور اللي إعله گبره إتعزِّب اطيور
حسين فاتح چفه ذاك الصبعه مبتور
إشيطلع امن إيده انعم الله وگلّه مشكور
يالله .. لـ الله إسجد وإشكر النعمه
يالله .. هذا يمشي وإنته لـ تْخِدْمَه
ـــــــــــــــــــ
ماكو شي يوم اربعينــه اسمه لِـ حْدود
لـو شـعوب الارض تدخـل كربله إتـزود
حسين خيمه وكلشي صَدّگ بيها موجود
إنته هــم سـامع إبخيمه وبـاب مسدود
يالله .. النيْته بيضه فاطمه اتحزمه
يالله .. هذا يمشي وإنتــه لـ تْخِدْمَه
ـــــــــــــــــــ
لو تجينــه الدول كلهـا نحطها عالهام
حسين كل مشّـاي حَـطّ إگبـاله خَـدّام
وتنــزل وتصعـد ملائــك شَـدّت إحـزام
بالسمه السبعه اعتقد هم نصبَت اخيام
يالله .. حسين كلشي وكلشي بي رحمه
يالله .. هذا يمشــي وإنتــه لـ تْخِدْمَه
ـــــــــــــــــــ
مهدي التقي
617 viewsمهدي التقي, 13:23
م
