مهدي التقي

2021-10-09 22:46:35 *[ قد آمنوا ]*

أداء: الملا #حميد_التميمي
كلمات: الشاعر #مهدي_التقي





مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
ديوان الحاج جاسم الهنون - العراق - كربلاء المقدسة

مونتاج: لؤي رحيم
مكساج: كرار الموالي
النشر الشبكي: علاء بركات العاملي باز کردن / نظر دهید

2021-10-01 19:22:53

باز کردن / نظر دهید

2021-10-01 19:21:00 [ عشرة الثانية ]
#شيخ_كرار_أبوغنيم
#كلمات_خادمكم
#حسينية_المرحوم_داود_العاشور



باز کردن / نظر دهید

2021-09-29 10:27:04 إتعدّتْ ما گِضَـتْ والخِدمَـه يوميّـه ..
سَنَه إلاّ أيام رَمْشَـت عيـن مگضيّـه !
شنو قابل ضَعَنهُم مايجي من إلشام ؟
إعله زينب كون كل يـوم أربعينيّه !

#يا_أمّ_المصائب باز کردن / نظر دهید

2021-09-23 13:26:08

باز کردن / نظر دهید

2021-09-23 13:25:57

باز کردن / نظر دهید

2021-09-23 10:13:24

باز کردن / نظر دهید

2021-09-20 11:19:07 إجَه المشّاي .. وصلَـت النِعمَـه
جايب أويـاه .. كل هَوَه الخِدمَه
ــــــــــــــــــــ
وُصلَت الخدمه بأمان ..
فِتْحَوا أبــواب الجِنان .. يالله يالخـادم
نعمه و إعليكم تِعِود
فِتْحَوا أبواب الحـدود .. عَبزِّبـوا الـوادم
شِـدّوا أحـبال المُضيف
حسين عنده الليله ضَيف .. بالدرب قادم

عندك إيبات .. ضيف أبو اليمّه
جايب أويـاه .. كل هَوَه الخِدمَه
ــــــــــــــــــــ
إجه البي حُبّ الحُسَين
گوم وإفرش حدره عين .. وعينك إغطاهم
أركض إعليه من بعيد
وإستعِد لَه بهالنشـيد .. هاااا علــي وياهم
هلا بـزوّار الحـبيب
من بعيد ومن قريب .. و ألـف حيّـاهم

إبـ هَلا إتْلَگْاه .. والدرُب لِزْمَــه
جايب أويـاه .. كل هَوَه الخِـدمَه
ــــــــــــــــــــ
إخــدم بكــل اللُغَـات
گِلّه فدوه ابعيني بات .. الليله شرّفنه
تريد زاير ما يفوت
گِلّه مُلكك هالبِيُـوت .. والخَدَم إحـنه
إطبگ إنهار إعلــه ليل
گله ربي انطيني حيل .. تضمن الجنّه

إتطيح الذنوب .. وي تَعَب جِدمَه
جايب أويـاه .. كل هَـوَه الخِـدمَه
ــــــــــــــــــــ
گِلّه بيتي وگلبي باب
اشركني ويّاك إبثواب .. عظم الله اجرك
منين جاي إسمك تزور
آنــه تانِيتَـك شُــهُور .. گاعـد أنتظرَك
إستقبله بهـذا الشِعَـار
إنته تأمـر وآنــه صار .. اتدلل و أمـرك

زاير حسـين .. لـو تِعَــب زَحمـه
جــايب أويـاه .. كـل هَوَه الخِـدمَه
ــــــــــــــــــــ
گِلّه بـس أشِّـر بِديـك
كلشي يم رجلك يجيك .. سهمـك الراحـه
حسين إلمسخّرني ليك
إنتـه سـوّيت الـ عليـك .. هسّه الي الساحه
آنه أغسل لَك جِـدَام
آنه أسـهر وانتــه نام .. روحــي مرتاحه

هاا يبو إجدام .. صعــدَت القمّه
جايب أويــاه .. كل هَوَه الخِـدمَه
ــــــــــــــــــــ

مهدي التقي باز کردن / نظر دهید

2021-09-20 11:09:27 يا جرح الزمـان .. يا مصـدر أمــان
يا أجمل سليب .. يا معنـى الحنان

ــــــــــــــــــــــ
لحظة الـذبـِح .. منها والصبح
سَلّمَك زِمـَـامَه
الدم نزل نده .. منها و إبتده
مِشعَل الكرامه

حَتّه كتّالَك تِعَجَّب .. ساعه صافن بيك
ورَمْلَت الطف قَبِّلَتَك .. واستحت تچويك

من ضاگت دِماك .. ضاعت وي سِمَاك
لليوم الرمــال .. تقــره بمُحتـواك
ــــــــــــــــــــــ
وانته تنسِحِگ .. ينولد عشگ
يدخل الضماير
وانته تحتِضِر .. ينزف العطِر
يإسر المشاعر

عطرك الـ شَمّتّه زينب .. والگلب محروگ
والسَنَه العاشَتها بعدك .. بيها ماتت شوگ

وميمونك عجيب .. والأمر الغريب
من شافك ذبيح .. مات من النحيب
ــــــــــــــــــــــ
جسمك الوِصَلْ .. والصبح ذِبَل
يعلن المناحه
رمحك ارتفَع .. والزمن سِمَع
مُستَهَل جِراحه

والدهر ضل مستعِدلَك .. والشعور يهيج
إنته رِكضتلَك ملائك ..ركضَة اطويريج

والكون ابعزاء .. يبچي الـ كربلاء
دُوْرَت حاجِبيْك .. محنيّه السماء
ــــــــــــــــــــــ
امجنِنْ البَشَر .. تمشي من بَحَر
والنَحَر تِجِيله
عدها مُعتقَـد .. ما غيرك ابد
يا أحَبْ وسيله

مانِلُوم الوادم إنطَتْ .. عالضريـح إيدين
من سفينة نوح أكبر .. خنصرك يحسين

يا أجمل صريع .. والنحر الگطيع
يابحر الدموع .. والمَركب وسـيع
ــــــــــــــــــــــ
وانته تِنْظِلُم .. ينولد لَطُم
عمره للقيامه
وانته تنسلِب .. ينولد مُحِب
يعشَگ الخدامه

احنه ماشاهَدنه طُولَك .. كل دقيقه انموت
ومن يِحِل يوم أربعينك .. تِنهِجِـر لبْيُوت

يبو گلب الحنين .. خيمة زائرين
وسِر هاي الحياة .. إمحرّم وأربعين
ــــــــــــــــــــــ

مهدي التقي باز کردن / نظر دهید