مهدي التقي

2021-09-20 10:55:56 بأربعينيته .. أو نِتَاني الأربعين الجاي
ـــــــــــــــــــــــــ
ألَم .. بس بي دَفو .. وشگد حلو .. للمنذِبِح
ألَم .. بس بي عشگ .. للمنسحِگ .. والـ منطرِح
ألَم .. نشتاگ اله .. ونتحمله .. ونهوه الجرح
ألَم .. لإبن النبي .. يجمعنه بي .. زاد وملح

گال الرسول ..
حسين مني وهيج جسمه ينفرش !!
حسين مصباح الهدى إنقْشَت نَقِش
حسين اليحبّـه يِحِـب رب العـرش

باچيله .. من قبل لا ينولد
امشيله .. تضمن الجنه وترد
احچيله .. ينطي بيدك مستعد
ــــــــــــــــــــــــ
تَعَب .. بس التعب .. لجل الذهب .. يصبح سهِل
تَعَب .. بس بي ثمر .. ياحُب صَفَر .. لمن يهل
تَعَب .. يا لذّته .. ويا فرگِتَه .. الما تنحمِل
تَعَب .. بس بي دوه .. وشگد هوه .. إيلِمّ الشَمِل

صادِقَنه گال ..
ربي ارحم ذيچ الـ وجوه الصدگ
الـ بالشمس لجل الزياره تحترگ
والخــدود الـ عالگبر مـا تفترگ

مرحومه .. هالعيون اللي بِچَت
محفوظه .. ال علضريح إتگلُّبَت
معروفه .. هالجدام اللي مِشَت
ــــــــــــــــــــــــ
مشي ..منّ البحر .. حَدّ النحر .. بالقافله
مشي .. كل الأرض .. تمشي فرض .. إلكربله
مشي .. نگلت جِدَم .. ورفت علم .. نوصل إله
مشي .. إعلينه جب .. كل العتب .. نتحمله

والرِّضا . گـال ..
إلـ يِرِيد ايلاگي الله ابلا ذنِب
خل يزور المنحرم من العذِب
تعبه بس إسمه بسجلنه ينكتِب

والرايه .. خـل ترف بچتافه
هنياله .. الفطر إلنه اشفافه
مشّايه .. وهالـدرب مــا عافه
ــــــــــــــــــــــــ
خَطَر .. والمنتظر .. يرعاه حِضَر .. وي شيعِتَه
خَطَر .. بس المَنَه .. موت الهنه .. بزْيارِتَه
خَطَر .. بس يندفع .. كل الجمع .. بحمايته
خَطَر .. بس بي أمن .. كن مطمئن .. وبصايته

والمهدي گال ..
أندِبَك ياجدّي كل صبح ومسه
يحضر بيوم اربعينه وما نِسَه
ومستمِر حدّ القيامه بمجلِسَه

والقائم .. يفتر وبيده السجل
كل خادم .. بالرعايه ينشمِل
يالوادم .. إنتو شيّـالة حِمِـل
ــــــــــــــــــــــــ
سَهَر .. بي تنذِكِر .. أم الخدر .. لمن تِرِد
سَهَر .. لَمّ الحچي .. بيه البچي .. اعليه تنحسد
سَهَر .. بيه الهَنَه .. يعود بسَنَه .. وليه نستعد
سَهَر .. بي نستلذ .. بيك خير إخذ .. تنال المجد

زينب تگول ..
ايضَل ذِكرنه وللأبـد ماينمحـي
إحنه آيه وما يموت إلنه الوَحي
شما نقدملـچ يزينـب نسـتحي

و أرواحنه .. كون تطلع للضعـن
بجراحنه .. كون ندخل للصحن
بحساسنه .. كون نبني لچ وطن
ــــــــــــــــــــــــ


مهدي التقي باز کردن / نظر دهید

2021-09-20 10:47:04 بيها نزلت آيه .. ثورة المشايه
ــــــــــــــــــــــ
نحچيها ابمختصر .. هالنعمه بكل فخر
مِتنزْله اعله النحر .. تقراها الضماير
من يمشي لك جدم .. من ايرف لك علم
كــل آيــات القِيَم .. في هاي الشعاير

احنه نزلت بينه .. آيات العجايب
( إنَّمَـا نُطْعِمُكُـمْ ) .. نزلت بالمواكب

صارت إمصلايه.. ثورة المشايه
ــــــــــــــــــــــ
بهالآيه شگد عشگ .. يتجلّه كل صدگ
معشوگنه منسحِگ .. ونگطِّع له إدينه
ياعطره من يهب .. نمشيله وننتحب
نوصل لِلْـ منسلب .. ويا لَذّت مشينه

آيـه رتّلنــاها .. المشايه إبگلبنه
مو فقط ايدينه .. تستاهل رُگبنه

ما تريد أوصايه .. ثورة المشايه
ــــــــــــــــــــــ
آيات الـ مائده .. تلگاها ابسفرته
ما بردت دلّته .. من جمرت خيامه
خطاره ايدللـه .. وخِدّامه امعدِّله
من بيوتنه لكربله .. موجوده الخِدامه

شگد سفرته إچبيره .. ويْلِمّ الـ عوالِم
واللي ينوي يزوره .. إيسخّر لجله خادم

بكلشي حكمه وغايه .. ثورة المشايه
ــــــــــــــــــــــ
اعشگناها من الزغر .. ننطرها عالجمر
كل آيات الصبر .. صارت بـ أربعينه
ما نترك خدمِتَه .. نعشگها ازيارته
من نوصل گبّته .. يروينه ابحنينه

يا حلاة ايامهـا .. ونضل عد عهدنه
ثـوره وبأهدافها .. تتربّى ولِدنَه

كل أملنه بهايه .. ثورة المشايه
ــــــــــــــــــــــ

مهدي التقي باز کردن / نظر دهید

2021-09-20 10:46:02 كربله .. كربله .. وَصّي گلبك خل يِدِگ
للبَچِـي .. للمَشي .. وصْلَت ايّام العِشِگ
للغيم .. علّيها الرايه
للروح .. رايـح مشايه .. إلكربله
ــــــــــــــــــــــ
واهدعش شهْر الجدم .. ينتظر طعم الألم
حضّرت نفس العلم .. البي ريحة كربله

الـ قبلة الأحرار وَجْه البوصله
راح تسمـع بـس هلا ومية هلا

درُب .. صعُب .. بس لحسين إشگد سهل
سهر .. خطر .. وتتوسَّـل بـس تِنْقِبِل

والتعب .. للذهب .. بي طعم مثل الشهد
الينطره ..يحس تره .. محّد إيحس بي أبد
أحباب .. چن ولد أولايه
للـروح .. رايـح مشــايه .. إلكربله
ــــــــــــــــــــــ
إنته بس تنوي المشي .. كلشي يم جدمك يجي
يم أبو اليمّه الحچي .. وفـارِشْ لك سُفرتـه

إبعـدد زوّار أربعينـه إيْحِط خِـيَم
تُصفَن النَحلَه اعله مَمْلَكْةْ الخدم

إنذِهَل .. نَحَل .. مـا أعظــم هالمَمْلَكه
اصفَنِت .. شِفِت .. ترتيب الـ ما نِمْلِكَه

چَم سِرِبْ .. ينتحِـبْ .. رايح إيِشْـمّ الورِد
المشكله .. كربله .. بعيده ويْحِب هالبُعِد
معشوگ .. نزلت بـي آيه
للـروح .. رايـح مشــايه .. إلكربله
ــــــــــــــــــــــ
إلكربله إتدگ سُفْرِتَه .. والله يرعى إزيارِتَه
كُنْ يَكون إلشيعته .. وكل ناسه إمدلِلَـه

الله حط كل حِكْمِتَه ابهذا الـدرُب
إيوَصْلَك إلـ گبره وتِرِد غيرك يِّطُب

سِرَه .. تَرَه .. هيچ الشغله إمرتّبه
عَمَلْ .. أهَلْ .. لاچن كلمَن منْصِبَه

ابلا ملَلْ .. چان أهَل .. شيعه تنحط عالجرح
چن رَبِع .. تِجتمِع .. جَـوّه راية مِنذِبِح
مو ناس .. واحدها إمرايه
للـروح .. رايـح مشــايه .. إلكربله
ــــــــــــــــــــــ
من البحر حته النحر .. كربلائه المُسْتَقَر
ما تِحِس بأي سَفَر .. كلها إبيوتَك تِحِس

المهدي كل مغرب يجي إيِلِمّ الحَچِي
إهنـا تِبَـات و باچـر إتكمّـل مشِـي

إستِرِح .. الصبِح .. خل يطلع مَنْأَخِرَك
لِأَن .. غَـدَاً .. إمعَزِّب ثـاني إيْناطِـرَك

ينتظُر .. عالجمُر .. وحافِظَك ثِق بالإسم
بالـ هَلا .. تُوْصَلَه .. وانته تگعِـد تِنخِدم
مخدوم .. يالبيك إكفايه
للـروح .. رايـح مشــايه .. إلكربله
ــــــــــــــــــــــ
وترجع من إزيارتك .. وإنته تِطَبُگ رايتك
تلگه بيدك حاجتك .. لا تتعجّب وِ اخِذْ

حسين يقره إبگلبك ومايعتذر
العوده گِلَه و ربـك إيْمِد بالعمر

صَبُر .. عُمُر .. ويّــه الرايه الـ تِنْطُبِگ
الرِدِت .. خَذِت .. والله إيعودك عالعشگ

إندِبَه .. و إچَهَبَه .. والكــرم مـا ينوِصِف
حاجِتَك .. رايِتَك .. كل سنه ابچتفك تِرِف
كل عام .. تخاذها إحچايه
للـروح .. رايـح مشــايه .. إلكربله
ــــــــــــــــــــــ


مهدي التقي باز کردن / نظر دهید

2021-09-17 21:22:16

باز کردن / نظر دهید

2021-09-16 22:20:55 يخلُق من الشَبَه بسّ للزائـرين
وأربعينك يشْبَهَه إشْچَم أربعين
قِصِّتَــك مـا تنحِـچِـي
خِدمَه.. وزياره.. وبَچِي
بكُلشي مِستَثنيك رب العالمين
وأربعينك يشْبَهَه إشچم أربعين

#يا_أبا_عدالله باز کردن / نظر دهید

2021-09-13 22:41:34 إنهم صنعوا في الاربعين المعجزات
جديد (((إنهم))) للمشاهدة اصغط الرابط ادناه




كلمات الشاعر || مهدي التقي
مكساج || ليث حازم
مونتاج || صادق احمد
مدير التصوير || سالم الزركاني

هيئة اميري حسين ع
بغداد - الكمالية - جامع الزهراء الكبير باز کردن / نظر دهید

2021-09-12 23:30:31 ثَلْثْ إسنين .. ؟

أي قبل الخرابه وقبل لَـ تْدخلين ..
بس طبّيتها عمرچ صار بالخمسين !! باز کردن / نظر دهید

2021-09-08 16:49:12

باز کردن / نظر دهید

2021-09-08 16:27:13 رَبْعَه خارج قوس مـوش ويه الظُرُوف
زارع إلهم چم (هلا) ابصف كل عَمـود

أمس بالركضــه فتــح بابــه الزغير
وهســه لا نــاوي يِفِـك باب الحشــود

عنده باب يفتحــه بــس بالأربعـين
وعود ذيچ الساعة سِدّ . بـاب إلحـدود

بابه إمعبّر وادم .. گدّ . الحَجْ إبْسِتْ مرّاتْ

#الحسين_لكل_العالم باز کردن / نظر دهید

2021-09-08 13:53:31

باز کردن / نظر دهید