مهدي التقي

2022-04-14 16:23:26 وحــگ الصــاح أخيّـه ـ من هُوَى الجود
هـوى رمضــان أشـمّـه ـ من هَوَى الجود
إذا يســــألك ســــائل ـ من هُــوَ الجود ؟
گلّه الحسن يعني إبن الزچيه ..

رفَــع دين الله صُلْـحَه ـ من هُوَى الدّين
الهــوى الهَبّ إبطلعـته ـ من هَوَى الدّين
إذا جاهــــل يســـألك ـ من هُــوَ الدّين
گلّه الدّين ابو محــمد وأبيّه ..

واذا عالنـــور تســــأل ـ مَـنْ هُـوَ النّور
الحســن شــالاه بيــده ـ من هوى النّور
فضــل عالنــــور سـوّه ـ منهــا و النّور
إليومك للحسن ياخـذ تحيّه ..

إعله الأحسن ليش تسأل ـ ياهو الأحَسَن
گـول الـ علـى الــوادم ـ ياهو له إحسان
سـؤالك ســهل تِعـــرِف ـ ياهُو الإحسان
الإحسان إرتبط ببن الزچيه. ..

وأخيراً هـاك نســـمه ـ من هوى الطيْب
وراح انطيـك وصفــه ـ منهــا و اطــيْب
وختــامــاً راح أگلّــك ـ مَــنْ هُوَ الطيْب
تره نفسه الحسن قابل قضيه ؟!


مهدي التقي باز کردن / نظر دهید

2022-03-28 09:43:31 [ #قَدَر_زينب ]
أربعين الغريبة
#أداء الرادود كرار الانباري
#كلمات_وألحان مهدي التقي



باز کردن / نظر دهید

2022-03-28 07:16:26

باز کردن / نظر دهید

2022-02-28 11:57:01 خِلصَت والگلـوب إطيـح منها إدمـوع
مثـل طِيْحَــت چــوادر الأربعينيـه

مثل الفاتحة وخلصت وجِيْت البيت
هيچ إعله الصحن چن روحي مسبيّه

رَد بــاب المُـراد شــويه بي حـاجات
لأن ردّت النــاس ابحــاجه مگضيّـه

إمضيّع شــي أدوْره ومــا يعود إبعـام
و ردّت كاظمــيتك ناســـها إشــويه

بعد مـا تنسـمع هذا الغـريب منيـن
نَشِــيْد الكاظمـيه الـ موش لطمـيّه

ولانســمع بعـد وا ويلـي عالمظلوم
چنهـا ابـاب سجـنك جُمـله ثوريـه

مثل شَـغلَت سجودك بالحَبِس مولاي
هــاي الـ اللّمّه كـون إتصيـر يومـيّه

أنه إمضيّع جسر و النعش والتشييع
و كون اصبر و أعدّ إشــهور هجـريّه

چن خلص صَفَر والفرق خمس ايام
شكراً يا ( رجـب ) والعوده عالجيّه

خلصـت والمواكب رجعوا إمضيعين
رَجْعَت ضَعَن زينـب ما مــش أرقيّه

#العوده باز کردن / نظر دهید

2022-02-27 08:14:51 يا موسى .. عالجسر كلّ العراق إيتاني
ـــــــــــــــــــ
بعد بيدك ماكو گيْد .. و ألف مثل إبْنَ سُوَيْد
والجسور إهوايه
مملكه اتعزّب ضيوف.. دوله من خمسَةْ حُروف
دولة الـ ( مشايه )
عرش ممكلة السجين .. و إدخلوها آمنين
أيُّهَا الوفـايـه

بغدادك .. والمواكـب هسّه عـالم ثـاني
يا موسى .. عالجسر كل العراق إيتاني
ـــــــــــــــــــ
مو حماميل الجسر .. شعب كامل ينتظر
يا أسد بغدادنه
ومو لهـارون المكـان .. انته سـلطان الزمان
وانته باب امرادنه
هسّه يا جَدّ الجواد .. انته صاحب هالبلاد
وانته أصل أمجادنه

يا هيبه .. راح سجنك . والله قصرك باني
يا موسى .. عالجسر كل العراق إيتاني
ـــــــــــــــــــ
الأرض هسه كلها لِيْك .. ذِلْ ابن شاهِك بديك
ديرِتَك معموره
عرش ننصبلك چبير .. يا أمير وتبقى امير
ونِهدِم الطاموره
توگف بهيئة ملوك .. عالجسـر يسـتقبلوك
شيعتك مسروره

محفوظه .. كاظميتك واللعين إلـ فانـي
يا موسى .. عالجسر كل العراق إيتاني
ـــــــــــــــــــ
هاا يبو الگلب الوسيع .. ماكو فضل ابن الربيع
هسّه هاي أيامك
ماكو هارون النفاق .. انته عاصمْةْ العراق
وشيعتك خدامك
كاظميتك بس ورود .. ابراحه طوّول بالسجود
وانسى ذيچ آلامك

وبلادنه .. چنـها جنّه إبنـورك الربّـاني
يا موسى .. عالجسر كل العراق إيتاني
ـــــــــــــــــــ
عالَمَك يرجع جديد .. لا سلاسل لا حديد
موسويّه الديره
بالملايين الـ يّجُون .. ماكو شرطه ولا سجون
بس مواكب غيره
إنسى كل ذاك الظلام .. انته تحكم والسلام
يابو سفره إچبيره

إتنادينه .. هلا بكل زاير گصدني وجاني
يا موسى .. عالجسر كل العراق إيتاني
ـــــــــــــــــــ
بعد ما ننخى ونِجِيب .. هسه بس انته الطبيب
يابو گلب الصابر
هسه صار العنده داء .. ابابك ايحصّل شفاء
يالتطيْب الخاطر
انته نور وتبقى نور .. راحت اصحاب القصور
وانته تنهي وتامر

مولانـه .. وخادمـك چم رافضي ونصراني
يا موسى .. عالجسر كل العراق إيتاني
ـــــــــــــــــــ

مهدي التقي باز کردن / نظر دهید

2022-02-25 08:58:25 لازم إيسَــمّوك هــارون الغشــيم
يا غشــيم النــور أبد مـا ينحبس

إنته مثــل الشمر هم عقلك زغير
رايــد ابغربيلك إتغطّــي الشـمس

الله نـور النور حــط بالعصمه نور
چا خــذت من كربـلا عِبْره ودرس

حسين من سوّو وِصَل ضَيعته خيل ؟
حته هسَه الكاظم ايضيعه الحَبِس !

ســرعة الضـوء العِلِـم حَلَّلها هيچ
أســرع من الخـيل و إسجونك أمِس

وشـغلة الســجاد والگـيْد الـ بِدِيه
بالصحـيفه آثــارها وما تنطمِس

ورَكضـة الباقر ابعمر اتْلَثْ سِنِين
لا چِوَت عِلمَه ولا ضَيعَتْ له حِس

و جامعـة جعفر نموذجــها هشام
طُهُر والمنصـور ذاك إيضَـل رجِس

الرشــيد الچــان عايش بالسجون
وبالقصــور المـات هارون النجِـس

هسـه ياهو العايش إبعيشة ملوك ؟
و ياهو من سمّ الرُطَب أكثر يِحِس ؟

هسه ياهو العالجسر ياهو الغريب ؟
ومنهو صاير مَهبط الـ روح القـدِس

( أينمـا تُمْطِر ) .. بعد للكاظِمَيْن
وموش ماي الصحـن وادم ينتـرِس

من عتِبْتَه الذهب صــاعد للقِبَاب
وصار ذاك القصــر ما يسوه الفلِس

#بسم_الله_الذي_خلق_النور_من_النور باز کردن / نظر دهید

2022-02-18 10:13:36 صوتچ هَوَى الخـوّه ـ جابه لحسين
وتَلّـچ باقـي لِسَـه ـ جابل حسين
گبرچ چــان يمّه ـ جابه الحسين
لَچَن خلّاچ خيمه إتلِم رقيه ..

#يا_أم_المصائب باز کردن / نظر دهید

2022-02-17 23:53:44 مَــاتَتْ بِــذَاكَ الحَـالِ عِنْدَ دُخُوْلِهَا
بَلَـدُ الشَـــمَاتَةِ والحِجَـارَةِ والسِبَاْ

إحْيَـــاءُ أمْــرِ الْـ آلِ مُرتَبِــطٌ بِـهَا
للــه صَــرخَتُـنَا لَهُـــمْ وا زَيْنَـبَاْ

فَـ رَحَى المَصَائِبُ والنَوَائِبُ حَوْلَهَا
طَحَــنَ الزَمَــانُ أمَامَــهَا أهَلُ العَبَا

فَمِــنَ السَـقِيْفَةِ وَ اَنْتَهَتْ فِيْ تَلِّهَا
مِنْ حَــرْقِ بَابِهُمُ إلـىَ حَرْقِ الخِبَا

صَدَقَــوْا فَقَـدْ وَرِثَتْ مَصَائِبَ أُمِهَا
مِنْ جُرْحِ وَالِدِهَا لِطَشْتِ المُجْتَبَىْ

فَقَدَتْ بِيَوْمِ الطَــفِّ آخِرُ أهْلَــهَا
فَمُقَطَّــعٌ هَــــذَاْ وَ ذَاْ قَــدْ سُـلِّبَا

قَـــوْمٌ بِيَــوْمِ الطَفِّ بَادُوْا شَمْلَهَا
بَاعُــواْ ضَمَـائِرَهَمْ كَمَا بَيْعُ الرِّبَا

وَكَأنّـهُم خُـلِقُــوا لِغَايَـــةِ ظُلْمِهَا
بِسِــيَاطِهِمْ جَـاءُوا كَمَا طَيْرُ الدِّبَا

دَخَلَــتْ بِــلَادُ الشَّـامِ تَخَفِيْ ضِلَّهَا
فَهُنَــاكَ لا ديَنَــاً يُــرَى لا مَـذَهَبَا

كَبُــرَتْ وَكَــان الكِبَرُ لا فِيْ شَكْلِهَا
كَـانَتْ لـِــذَاكَ الضَعْـــنِ أُمَّــاً وَ أبَا

فَهْـيَ الأمِيْــرَةُ فِيْ السِبَا وَبِقَبْرِهَا
مَاتَــتْ وَذَاكَ الشَــاْمْ ضَـلّ مُــؤَدَّبَا

#أميرة_الشام
مهدي التقي باز کردن / نظر دهید

2022-02-17 13:12:55 نعي للسيدة زينب (ع)
ـــــــــــــــــــــــ
شـعَدِّد يــا مصيبـــه ويا مصيبــه
چنــت امدللـــه وهســــه الغريبه
عُـمُر خلصتـــه يوميّــه ابنهــيبه
صُبَح تسبيحي اخوي منين أجيبه
ـــــــــــــــــــــــ
طحت وبطيحتك لـ اللــه الشـكايه
هِنّـــه هـــواي بـس هــاك البدايه
أنه الما شافولي ضل بالركضه هايه
انترســت شيـب زينـــب والعـبايه
ـــــــــــــــــــــــ
أو وصــلنه الشـام آه يالشام غَبْرَه
وانــته برمح تمشــي ويـاي وأدره
ابســوگ الشـام خويه اشبعنه فرّه
نشــگف بالحجاره إتْجـينْه عشرَه
ـــــــــــــــــــــــ
ما يخلــص حچيــنه هـواي بعده
بعد جــرح الخرابه ابيش اضمده
ما طــوّول عليـك ابـ جُمله وحده
خَذَت منــه الخرابـه شـلون ورده !!
ـــــــــــــــــــــــ
يتيمات إلــــك لتخــيّب ـ أمَلهن
وبناتك لا تضن لحظـــه ـ أمِلهن
أمّن خويه صــرت آنــه ـ أُم إلهن
أم سكنه صرت وام لرقيه ..
ـــــــــــــــــــــــ
يملچ المــوت عجـّـل ـ ماتمتني
المآتــم مووّتَنّــي و ـ مأتم أتني
مو بس مــات گلبـي ـ مات متني
مِتت كِلّي بعد شيموت بيه ..
ـــــــــــــــــــــــ

مهدي التقي باز کردن / نظر دهید

2022-02-16 14:37:33 أهل البقيع وكربله .. وسـامـره والنجـف
والكاظميين إعتنَوا .. مشْهَد إجه و نِزَف
كلهم أجوا *** إلزينب بچوا
هالليله بالشام
ـــــــــــــــــــــــ
سَـ يُقام المآتم الليله اعله زينب كتبَوا
آل طالب هالسنه بصحنچ عزائچ نصبَوا
من مشاهدهم تعنّوا ولحضرتچ وصلوا
وأبو الأكبر يعتلي المنبر وأيمّه الحضروا

صاعد حُسَيْن ابمنبره والمجلس إنعِقَد
چي راسه چان امرفقگـچ يا آيـة المَدَد
و إتْجَمِّعَوا *** إلزينب بچوا
هالليله بالشام
ـــــــــــــــــــــــ
إنذَبَت اعليچ العمايـم وإنقرالـچ مقتل
تعزيه وكلهم إيمّه وعلي ابسَطْر الأوّل
مجلس ويقراه إخييچ مثله ابد ما يحصل
بعده عطشان وقرالچ گال كلشي أتحـمّل

بصوته الحلو وكلش عذب وبنبرة العطش
بسم الله گلهم و أبتدي من ليلة إهدعش
إهنا دمِّعَوا *** إلزينب بچوا
هالليله بالشام
ـــــــــــــــــــــــ
گالهُـم مــن كربله للكــوفه چِنْـت ارفِگها
وين ما راســي ايتحوّل عينــي بس تلحگها
بالإســم اعرفها كلهـا الـ بسـياط إطگـهـا
بس هضيمه إيدين ماكو من الرمح وأشبگها

سمعوا ملائكْةْ السمه بالعتره تِنتحِب
يا ربنه تإذن نِنـزِل و بالخدمه ننكتب
و إستأذِنَوا *** إلزينب بچوا
هالليله بالشام
ـــــــــــــــــــــــ
هاذي موش إمن الخيال و أستِدُرّ العَبَـره
الحضروا بليل اهدعش مو صعبه جَيْت الحضره
ميته شافوها وغريبه أو جُوها كِلّ إلعتره
المجلس ابصحن العقيله وبابه حِصْتْ الزهره

ماشَتْ ضعنهم بالسبي وشافت شنو الجَـرَه
بس صوت الحسين إيفَرِق عن اخته لو قره
إنوب أوگِفَوا *** إلزينب بچوا
هالليله بالشام
ـــــــــــــــــــــــ
وصِعَـد عباس ويگلهـم يرحـم الله الواگِـف
هذا مجلسنه اعله زينب والتعـب ميخـالف
آنه هم ماشي ويه أخييتي إتكفّلتها وحالف
الـ هالبَلَد لمّن وصلنه إحجار عنها إنشاگِف

بس مشكلتنه اعله الرمح صح بالنظر نِهِد
آنـه وأخيّـي بهـالوكـت لو عدنـه بس زَنِد
چا ما حِچوا *** إلزينب بچوا
هالليله بالشام
ـــــــــــــــــــــــ

مهدي التقي باز کردن / نظر دهید