مهدي التقي

2022-06-12 17:51:40 تنطينــه الحوائج واحنه بالبيت
تتفگـــد وتنطـــي ولا نطــيناك

من كثــر المحــنّه البيك يحسين
فـراغ الأبــو اتســدّه لــو چهبناك

ما يحتـاج نشـــرح تقــره الگلـوب
مثل نيْــة الصلا إعله البال نلگاك

ويّـــاك الحــوائـج تخـتلف حـيل
الوحيد انته الخدمتك ناس تنخاك

وبس وياك كلمــن رزقــه مقسـوم
الما مقســوم يخــدم ذاك مـن ذاك

إمدللني .. طفل عـد عاگر إيصـير
أحــسّ بقيمتي مـن أتعـامل ويـاك

#يا_أبا_عبد_الله باز کردن / نظر دهید

2022-06-08 12:16:09 [ حلاة الخدمة ]
أداء : #الملا_علي_الساعدي
كلمات : الشاعر مهدي تقي





عزاء هيئة الامام الحسن المجتبى امامي
بغداد - مدينة الصدر

مكساج : كرار الموالي
مونتاج : ذو الفقار السيد

النشر الشبكي : باسم محمد - قاسم امير باز کردن / نظر دهید

2022-05-08 15:08:46 باچــر ينبــنن ما يبقَــن تـــراب
الله يريـــد مو كيـــف الحكومـات

بس ينطــي الأمر يبنــيها جبريل
وملائك كــربله إتجيب الرُخــامات

مرســوم الخريطه المهدي ينطيْه
وينحــال البنــاء إعلـــه السماوات

بالغرقـــد يحطــهن بالتفــاصيل
چبير ويحســب احســاب العزاءات

لَحَد مكــه المواكـب تنبـني هناك
وفقط مشـايه مامـــش أي مطـارات

على صحــن الرسول إيصمم البوب
وعالبيــبان بيـــده إيخــط الآيات

إهنا بــاب الخــروج إهـناك كِشوان
إهنـــا تآخــذ مفاتـــيـح الأمانات

الصحون الـ بالرضا يضربها بثنين
وقليــله ويه الحسـن كلش قليلات

ويِحِط بكل صحــن منبر للحـسين
حتـــه الزهـره تشبع بـس بُذيات

هنانــه تصــير مكتَـبْةْ القـرآئين
هناك إگبـــالهن كُتْــب الـــزيارات

إهنا مبنى الإذاعة ومركــز إعـلام
وقسم توجيه أكو وقسم المُنـادات

هنانه يصيــــر متحف زين العباد
هناك يصـــير ديــــوان النـذورات

اهنانه الخادم إيصيْــح امشــو زوار
يوگـــف بالرُواق وبيـــده ريشــات

يمّ أم البنـــين إتـــذب النــــذور
بعد هيّه إختصاص العنده حاجات

إهنــا خـــدام تِكنِس مـــا يملّـون
و ذيچ الرافِعَــه إتنظــف الثُـريّات

إهــنا ترتــاح منّـااا تشــرب المـاي
إهنا سـرداب بيـــه الزايـــر إيبات

وإذا ضــاگ البقيــــع و راد توســيع
ما يحتـــــاج تخطــيط و دراسـات

تنشـــال الثلاثــه وتــرجع الگـاع
لأهــل البيــت مو لأهـل الخلافات

وذيچ المــا رضــت عالحسن تنشال
الگِضَتها إعله الجمل تطلق. شعارات

وآل إسـعود تصبــح فــي خبر كان
الله يــريد مـو كيــف الحكومــات

#بناء_البقيع_مطلبنا
#موعدنا_الثلاثاء_2022/5/10 باز کردن / نظر دهید

2022-04-21 03:34:08 ميعرفه بس إثنـين
الله و فقــط ياسين
هل ياتَرى فَمَن * يعرف أبو الحسن
ــــــــــــــــــــــ
الدين أصله المعرفه
ونص حديث المصطفى * سلام
و الله أنــزل مايلي
يكمل الدين إبعلي *:إمـــام
يعني نحچي المُختصر
تساوي حيدر وي عمر * حرام

وبكيفك إختار وانطاك العقل من شاء يكفُر
حط رجلك بگاع مسحوگه عدل عيش العمر حُر
وأنْصَحَك هاك

و بمختصـر مُفيـد
بس حيدر إلـ يفيد
والما تِبَع وَثَن * يعرف أبو الحسن
ـــــــــــــــــــــ
وشما حچت عنه السور
معرفتي بي نقطة إبحر * چبير
سوالف علي بيهن شغل
قائد يّسوّي من الرمل * حصير
گدّامه بـس طـه فقط
مو بسمله وشلغت نقط * وزيـر

حيدر شغل خاص مو شغلت ولي شغلت عقيده
ما عرفه لليوم من سوء الأدب وصْفَه بقصيده
بس متت بي

موسوعه بي تضيع
وآنه الـ عليّ أطيع
كل عقلي هذا جَنْ ؟ ! * يعرف أبو الحسن
ــــــــــــــــــــــ
أنبيــاء الله إشكثُر
اليوگع إبشدّه وعسُر * نِخَـاه
طه الأول منخلِق
ثُمّ حيدر والخَلِق * وراه
ويه بن ملجم لاتُصُف
إتبع الما تنوصف * سِماه

هنياله اليصير ميثم بالعكشگ ينگص لسانه
چم واحد اليوم يخسف له الصدر حاضر عزانه
هذا مولاك

آه ياعلي الجريح
وصلهـا للضـريح
و مو كل بشر حِزَن * يعرف أبو الحسن
ــــــــــــــــــــــ
باچر إيگــض الدرب
إنته نار .. وانته طُب * جِنان
واليتامه ابصايِتـَه
وينزف من إعمامته * حــنان
اتخيل يصيحك تجي
إنته يالشابع بچـــي * أمــان

يابو العزاءات عشگك ميّثمي وصاحب شعائر
روح أوگف هناك مُبيّض الوجه يابو المنابر
يابو لدموع

يابو العزه العجيب
والباچي عالغريب
الله ورسوله إذَن * يعرف أبو الحسن
ــــــــــــــــــــــ
انته يالترسك عشگ
وتلطم لحيدر صدگ * جنون
إطمئن بالآخره
ويه الوجوه المُسفِره * تِكون
إنته ماعنــدك ولي
بس علي وباچر علي * حنون

ويه ارجال الاعراف حيدر يعْرِفَك من لطمت ايدك
ما تعرفه وصار حيدر بالدمه يمشي بوريدك
موقفك غير

والباچي في عزاه
حيدر فلا نســاه
ويدري بعزاءه وَنْ * يعرف أبو الحسن
ــــــــــــــــــــــ

مهدي التقي باز کردن / نظر دهید

2022-04-20 02:27:20

باز کردن / نظر دهید

2022-04-16 13:09:36 خَذَاهن من علي وإيديْه ميتلاوَن
عَطَاياه ويْه حيدر أضن يتساوَن
قنبر طاحت إيده إبدَگّت الهاوَن

ما يفرغ بيته ولا ساعه ..
ـــــــــــــــــــــــــ
الكرم عنده عباده و روح عنّه إقره
بحيث إعله الطّواف إيفضّل الفقره
الياخذ حاجـته ما يلحگ إيشُـكره

ينطيْه ويْصيح إعله الثاني ..
ـــــــــــــــــــــــــ
ارسمها بخــيالك هســه يالله إلحگ
إسمَعِت مرّه روايه وصدگ بيها إلـ حَگ
أبو فاضــل يُــوزْع المــاي مـا يّلحَگ

من عِدها وصار إسمه الساقي ..
ـــــــــــــــــــــــــ
إبچلمة (هَلا) إيگضّي الليل ما يغفه
لَحَـد ســابع أولايه الـوادم اتعُرفـه
حار إبْـ حار ينطي وناره وما تطفى

هنياله الضــاگ من إدّلاله ..
ـــــــــــــــــــــــــ

مهدي التقي باز کردن / نظر دهید

2022-04-15 10:00:59 ماء الوجه لايباع !!

كان هُنالك شاعراً إعرابيّاً يسكن بجوار الامام الحسن (ع) ..
وقد أصابه الفقر والعوز الشديد ..
فقالت له زوجته :-
اذهب إلى الحسنِ فهو كريم آل البيت ولا يرُدُ سائلاً ..
فقال لها :-
أخجل من ذلك ، فقالت إن لم تذهب أنت ذهبت أنا ..

فأجابها بأنه سيكتب إليه شعراً يشرح فيه حاله ، فكتب للحسن بيتين من الشعرِ قال فيهما :-

-لم يبقَ عندي ما يباع ويُشترى
يكفيكَ رؤيةُ مظهري عن مخبري .
-إلا بقيّةُ ماءَ وجهٍ صنته ُ
عن أن يباع وقد وجدتكَ مُشتري .

وأرسلها إلى الامام الحسن (ع) ،
فقرأها الحسن وبكى ، وجمع ما عنده من مال وأرسله إليه ..
وكتب له :-

* عاجَلتَنا فأتاكَ عاجلُ بِرُّنا
طَلاً ولو أمهلتنا لم نُقْصِرِ .
*فَخُذ القليل وكُنْ كأنكَ لم تَبِع
ما صُنتَهُ و كأنّنا لَمْ نَشْتَرِ .

#يا_أبا_مُحَمّد باز کردن / نظر دهید

2022-04-14 16:24:04 الليله حاجاتك گِضَن .. غير ميلاد الحسن !
ـــــــــــــــــــــ
لا أبد مو صدفه وهالليله ايهـل نوره
حته شهره الباري مختاره من اشهوره
إجه ابشهر احسانه وقرآنه ودستوره
والحسن لارَيب ورمضان نفس الصوره

والجِنَان إتفَتِّحَن .. غير ميلاد الحسن !
ـــــــــــــــــــــ
ما يخيب اليوگف هالليله اعله اعتابه
انتـه بـس انويهــا و ســوّيها ودگ بابه
واليعــزب أعــدائه ما يبخل لأحبابه
الله جاعــل بيهـم كل رزقه وأسبابه

الله يگضيهن لأن .. غير ميلاد الحسن !
ـــــــــــــــــــــ
الليله فرحه چبيره وما تشبه ليليّه
عالليالي الليـله مبــروكه و علـويّه
بيها صَفِّگ وافرح وانطيها القدسيّه
وحاجتك مَقريّه ومگضيّـه وها هيّه

إبشِر إيگلّك مِشَن .. غير ميلاد الحسن !
ـــــــــــــــــــــ
للحسن مد إيدك ما تزغر ثـق تكبر
ماي وجهك يمه من اتبيعه ما تخسر
ابگلبـك ويقـراهن ينطيك ما يتعـذر
الجاي بيهن ترجع فوگاهن ينطي أكثر

يقره لعيون اشحِچَن .. غير ميلاد الحسن !
ـــــــــــــــــــــ
وعِلِّتَـك لو رايــد يا صـاح اتـداويها
راح اعلمك شغله بهالليلـه إتسـوّيها
للنجــف دمعــاتك چــلماتك ودّيها
وأم حسن من گلبك ياشيعي إتهنيها

إدواك هالليله إبهَذَن.. غير ميلاد الحسن !
ـــــــــــــــــــــ


مهدي التقي باز کردن / نظر دهید