مهدي التقي

2022-02-16 14:37:33 نعشچ إنشال .. إبلايه كفّال
مَوَّتـِچ طـف كربلـه
وانتي چنتي إمدللـه
ــــــــــــــــــــــ
سـبب موتـچ چـان من ذيچ المصيبه
إبلد غُـربه انشـال نعشـچ يالغـريبه
انتي حصتچ بتلصبر كلش عجـيبه
النهر مآخذ گمـر . منچ من يجيبه ؟

چان موتچ ذبح أخو .. وانتي وحدچ وي عدو
وبيدچ احبال
الخيل إجتلچ راكضه .. هناك نص عمرچ گضه
والحچي أشكال

ابذبح الحسين .. متّي مرتين
شيبقى بالـ يفگد هَلَه
وانتي چنتي إمدللـه
ــــــــــــــــــــــ
خلص عمـرچ بس معانات و أذيّـه
ابعدد اصحاب الكِسَا شفتي المنيه
من السقيفه الحد خيول الأعوجيه
صبح ماكو ويبدي يـومچ مغربيـه

من الزغر هذا الوضع .. يبدي يومچ بالدمع
وينتهي ادموع
اتعوديتي اعله الخنگ .. من الزغر باب وحرگ
وطگّت إضلوع

جروحچ إكبار .. والوكت جــار
سهام دهرچ حرمله
وانتي چنتي إمدللـه
ــــــــــــــــــــــ
ويّه هاجر لو نقيسه جرحچ أعظم
إنتي يم جرح الچبـير الماله مرهم
كلشي ينظم إلا دمعچ صعبه ينظم
خمـس مــرّات بحياتـچ مَرْ محرّم

انتي ليلچ من يجن .. يبتدي ويگضي بحزن
وكله لچمـات
حسين راح وما رجع .. حيلچ ودمعچ وگع
والگلب مــات

حزنچ إيزود .. وطاحن إزنود
وصرتي إنتي الكافله
وانتي چنتي إمدللـه
ــــــــــــــــــــــ
ميته عدله ولا نشف يالحره دمعچ
ماكو إبنچ لابو فاضل مِن يشـيّـعچ ؟
الشام نفس الشام بعده ونفسه وضعچ
بالكــلام المالــه داعـي رَد يّسَــمعِچ

شتموا إگبالچ علي .. وهسه كتبوا إرحلي
الـ مالهُم دِين
وانتو اهل هاي الأرض .. وعالخلگ حبكم فرض
وانتي تدرين

حقد الأجناب .. القالع الباب
و والـدچ عقـد الولـه
وانتي چنتي إمدللـه
ــــــــــــــــــــــ
يا أميره والأميــره اتضــل أمــيره
انتي يا بضعة علي وذيچ الچبيره
الاسيره الشام موش انتي الاسيره
انتي حته الحيره منچ عدها حيره

الصبر ماضل بي صبر .. شاف كعبه ابنص جمُر
تسـحگ إبـنار
شاف چم طفله وطفل .. وشاف خيمه وكلها ضِل
ابفيها لـزْغار

شفتي لوعات .. اشبعتي موتات
هـاذي كُــل المسـأله
وانتي چنتي إمدللـه
ــــــــــــــــــــــ

مهدي التقي باز کردن / نظر دهید

2022-02-16 14:37:33 ليلتيـن الوحشــه راواچ الزمــان
ليله ميته وليله چانت بس دُخَان
ــــــــــــــــــــــــ
إنتي أول وحده عنـدچ وحشِـتِين
لچن ذيـچ الليلـه ويـن هايـه وين !
هناك صوتچ راح من چلمة حُسَيْن
الليله مو وحشـه بعـد ليلة أمــان !!
ــــــــــــــــــــــــ
ذاك ليل الوحشه ركضه اعله الزغار
هاجر إعله المـاي تركـض وانتي نار
لچـن هالليـله الأهــل بـ الإنتظـار
ماهي وحشه ومُلتقـاچ الليله حـان
ــــــــــــــــــــــــ
ماكو تَلّ الليله لِحدِچ بس فِـيَاي
تأخّر العباس بس هالليـله جـاي
الليله وحشت ذاكَ اليّسمونه ماي
والفُـرات مــن القهـر جرِّ الـ إذان
ـــــــــــــــــــــــ
منيلّچ وحشه بعد ما مِش طفوف
الليله خوّانچ على خيالچ تِطِوف
والصلاة الليله ترجع مـن وقـوف
صـلّي هالليله اعله طولـچ للأذان
ــــــــــــــــــــــــ
ملتقــاچ الليلـه زينـب بالجـميع
وليلة الدُخّـــان تتحــوّل ربيــع
ماي شابع ناطـرچ هســه الرضيع
موش وحشه وتنگـلب ليلة حنان
ــــــــــــــــــــــــ
عالحـروف الليــله تِنْحَط النُقـاط
ركضه ماكو وصحره فرشولج بساط
إرقيه تمشي بحيلها وماكو السياط
والتراچي وكلشي رد نفـس المـكان
ــــــــــــــــــــــــ

مهدي التقي باز کردن / نظر دهید

2022-02-16 12:32:24 بسم الله الرحمن الرحيم
(ذلك ومن يعظم شعائر الله فانها من تقوى القلوب)

شعراء ورواديد تجمع الزهراء ع العاشورائي يعلن عن محادثة مرئية (صوت )
لمناسبة ذكرى استشهاد سيدتي ومولاتي زينب عليها السلام

يقام مجلس عزاء ضمن التجمع المختلط لهذه الفجيعة العظيمة والكبرى مواساة لبطلة كربلاء الحوراء جبل الصبر
وذلك الساعة 10 مساء هذه الليلة الأربعاء

نرجو من جميع خدام الحسين ع التواجد والمشاركة الواسعة

ملاحظه المجلس سوف يقام عن طريق المحادثة الصوتية

فقط الرجال يشاركون اما الاخوات يدخلن كمستمعات للبث

حياكم الله جميعا وتقبل الله أعمالكم
انضموا عبر الرابط

https://t.me/+DKKsuQY1wt04YWVk

باز کردن / نظر دهید

2022-02-15 14:58:31 آنه من ســابع ظهر شـيعي ودِعيت
لا يّعــذْب أللـــه أمــــي التاسِـــعَه

علي الديــن وقنبــر مسويلي صيت
آنـه خــادم خادمــه وهَــلْ تابِعَــه

يهنــاله الـ من نَسِــل واحـــد يتيم
وعلي الماســح راس جــده وشـابِعَه

إبجـــدّي أتشرّف إذا خـــادم كمـيل
بعد مــو حيــدر الرحمــه الواسِعَه

إنه نطفــه . الصــادق إمحللـها هيچ
گال مـــن فاضــل الطينـه الرائِعَــه

آنه ســودنني علـي وكل حَچيي بيْه
رغـم لا شـايف علـــي ولا ســـامِعَه

عمّـي اللــه يسـاعدك ميثـــم عليْه
إبگلبــك سـوالف عشـگ مــا طالِعَـه

علي صح من البشر بس شغـله خاص
الخير والحـب والعطـف بـي جـامِعَه

تره من انسمي خليفه انحجمه حيل
الأولى أقصـد منتهـــي من الرابِعَــه

خطوه وحده ويه النبوه تحكمه چان
شـغلــة الخـاتِـم ... مُحَمّـد مانِعَـــه

الوحي بكُبـره ايروحله بهيئة فقير
إشــما نِـزَلْ له إيشــوف ربّك رافِعَـه

الحچــي ايخلّــص والعلم والراسخون
وإســم حيــدر عـود بعده إبمطـلعَه

الكعبــه والحـايط تــره رُبْع القلـيل
علــي إنشـقت لــه السـماء السـابِعَه

#علي_وما_أدارك_ما_علي!! باز کردن / نظر دهید

2022-02-07 21:43:48 #فقرة_أوزان_شعرية

مع الاستاذ الشاعر أبو ياسر الكعبي
نرجوا المشاركة الواسعة من قبل الشعراء والشاعرات والمبتدئين
(لديكم من الوقت حتى السبت القادم )


هذا مستهل و ياريت تكتبون عنه ابيات بنفس الفكرة مع الالتزام بالقافية مو الا اليوم ممكن عالاسبوع القادم ..

المستهل :
وزن الحدي
عندي گلب توّه إنجرح
حسبالي يفرح مافرح
عمري انخطف وابني انذبح
يا زمن عندي اشخلّيت




شاركوا عبر الرابط أدناه

https://t.me/+DKKsuQY1wt04YWVk باز کردن / نظر دهید

2022-02-04 17:50:36 كما عودناكم دائما
يعلن شعراء ورواديد تجمع الزهراء ع العاشورائي عن فقرة أوزان شعرية شعبية مع الاستاذ والمبدع المخلص الشاعر أبو ياسر الكعبي
والذي لديه دواوين شعرية مباركة ضمن الخدمة الحسينية
وذلك مع مشاركة لكوكبة من الرواديد ضمن التجمع المبارك
اليوم :: كل نهار سبت مساء الساعة 9 بتوقيت لبنان بما بوافق توقيت العراق الساعة 10

تابعونا عبر الرابط التالي

https://t.me/+DKKsuQY1wt04YWVk

باز کردن / نظر دهید

2022-01-25 11:18:54 قبل جيْتِچ ويْ خديجه إتسولِفِين
نَبْرِتِــچ عـــنّ الخَــــلَگ ممنوعه

وچان صوتچ يّصعَد ولابِس حِجَاب
إحچايتـچ يـم خالِقِــچ مسـموعه

وحته عن جــبريل ضمّاچ الكساء
وصار يســأل ربّه عــن موضـوعه

إتعَلّــم الأســــماء آدم يالله تــاب
وچـــان إسمــــچ أول المجموعـه

إبســرِّچ المستودع إشمحله الدعاء
الـ تبدي بسمچ دعوه ما مـرجوعه

الباء و حــروفچ مُجـابه إبلا نقاش
ومو شــرط بالدعوه چف مرفوعه

يمكن اســمچ بالشِعِر ينْحَط حرام
إلـ كُــل لَقَب يـرّاد ألــف موسـوعه

#إسمُها_سِرُّ_الوُجود باز کردن / نظر دهید

2022-01-17 10:46:46 من كلام لآية الله الكربلائي السيّد أحمد النجفي دامت بركاته:

وقد أعلنَت أمُّ العاشقين عشقَها من اليوم الأوّل. وليس عشقها هو العجيب، بل العجيب أنها أصبحت المعلمة الأولى في مدرسة العشق. وقد تخرَّج من مدرسة عشقها مولانا العباس وإخوته عليهم السلام، وكلّ عاشقٍ مَدينٌ لها بالفضل. بل ليس من المُبالغ فيه أن نعتقد بأنّ كل عاشق يأخذ الإذن في عشقه من أمّ البنين عليها السلام، فهي مَن تعطي تأشيرة الدخول إلى مدينة العشق. تنظرُ إلى القلب، وإنْ رأت فيه العباس، تعطيه الإذْن، وإلا فلا خير في ذلك القلب. وعلامة العاشق أن يصنع قبورًا يزورها ويحاكيها ويلوذ بها ويستمدّ عشقه منها، فهذا هو جنون العاشقين، وعند ذلك يعلنها قائلًا: "حبّ الحسين أجنّني".

حسين سيد الشهداء حقيقة بلا انتهاء ص٤٦٢ باز کردن / نظر دهید

2022-01-15 19:18:27

باز کردن / نظر دهید

2022-01-11 19:29:46

باز کردن / نظر دهید