مهدي التقي

2021-11-13 12:14:42 ( وزن الميـمر ) للزهــراء (ع)


إلـ چلمة وإن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ

مهدي التقي باز کردن / نظر دهید

2021-11-13 12:11:13 من عندي كسروا چم جِنِح .. فاطم
فـوگ الجـرِح حطـوا جـرِح .. فاطم
كلشي إندِفَن .. چنتي الوَطَن .. فاطم
ــــــــــــــــــــ
مو زينه هسّه اخباري
عايش غـريب إبداري ..كل لحظه اشم حرگ
شمسوّي يومچ بيّه
دفعوا الدنيا إعليّه .. وكلسـا . ضلع يطـگ
خلافچ علي مو طيّب
حاسب سـويّه انشيّب .. ما گِلنـا نفتـرگ
بعيوني أضمچ حالف
ضلت ابروحي إسوالف .. ولا جفني ينطبگ

ضل يركض إركاض العمُر .. فاطم
بابي انطفه وضل الجمُر .. فاطم
سنيني إنتهن .. چنتي الوطن .. فاطم
ــــــــــــــــــــ
صبري بغيابچ وشّل
مـو ذاك حيلي الأول .. گوه انگل الجِدَم
قرآنچ من أنظــرله
فاگدلي مُصحف مثله .. وآياته كلها دَم
ليهسه صوتچ بِذْنِي
امسح دمعتي إبـرِدنِي ..وترس الگلـب ألم
اقره السِوَر واتحسّــر
بصوتچ جميله الكوثر .. والكرسي والقلم

قُرآنچ الضـل ينتحــب .. فاطم
وآياته تصرخ آنـه أحب .. فاطم
وسمعته وَنْ .. چنتي الوطن .. فاطم
ــــــــــــــــــــ
گاضيها بس اتحسّر
والرحّى چي ماتفتر .. كتلتني رحِّتِچ
كلساع أصيحن بسمچ
باقي بغرفتچ رسمچ ..يالعـازه عـازِتِچ
يـا رودة الله التـرفه
يالزهره كلشي إبكفّه .. وبكفّه سطرِتِچ
محّد يسـد إمچانــچ
بس الله يعرف شانچ .. ما أنسه وگفِتِچ

من بعدچ إثگيل الحمِل .. فاطم
حيـدر ولا يشْبَـه قَبِل .. فاطم
ميّت لأن .. چنتي الوطن .. فاطم
ــــــــــــــــــــ
ما رحتي چن موجوده
وسـجادِتِـچ ممـدوده .. والتربه ما غُفَتْ
تسأل السِبحَه تريدچ
يالما تطيح من إيـدچ .. مو سبحتچ بِچَتْ
چبير الجرح ما ينْضَم
محرابچ الصـار أظلَـم .. والشمعه شو طفَتْ
كلشـي بغايبـچ خَنگه
يالرحتي عينچ زرگه .. من السطره ورّمَتْ

كون الله لا ينطي الوكِت .. فاطم
وحـدچ خَـذاچ و ما متِت .. فاطم
عيونچ غُفَن .. چنتي الوطن .. فاطم
ــــــــــــــــــــ
يم الحسين وهسّـه
حته الهوه مو نفسه .. چا شنهي عِيْشِتِي
كلشي اختِلَف من بعدچ
محّـد يزهزه يعوّضِـچ .. ويردلِي وحْشتي
خَصم الكلام العنـدي
عايش الدنيا الوحدي .. ومتاني دَفنِتِـي
بس الگبر يجمعنه
والمُلتَقَـى بالجنّـه .. وترجعلـي وَردِتِي

وين الله هيـچ ونلتقي .. فاطم
والفرگه باچـر تنتهي .. فاطم
بجنّة عَدَن .. چنتي الوطن .. فاطم
ــــــــــــــــــــ

مهدي التقي باز کردن / نظر دهید

2021-11-13 12:10:33 كـون السِـمَه إطـّيح ولا هـذاك الباب
دنــيا ابلايــه فاطــم يا نَفِـع بيـها ؟

الله إيعايــن الهـا و راد بــس تدعيه
جَـهَنّم عــالارض گـال إلها .. أچفيها ؟

بعلي وسلمان بخت الأرض ذاك اليوم
چــان مــنّ الكواكــب الله يمحــيها

گلبهـا وگـلب أبـوها إتشابهن فد. لون
لو مـا رحمـه تگطــر چـا. تِسَـوّيها

چا كـتبت وُصـيْه الگـاع ذيـچ الساع
بـس رحـمة الزهــره المــا تخليها

چـا. لِسْنين يوسـف ضَـلّوا إيحنّـون
صلاحِـيْتْ الزچــيّه الدنيـا تنهـيها

جبـرائيل چـان إيْـدِگ عـليها البـاب
ياهـو إنتـه وحرگت البــاب و إيديها

من تعثـر إبوهـا إبكُبَره چـان إيگـوم
وإنتــه إبصطـرتك طاحَـن تراچيها

هيـچ إنتـه سَبِع وتمـوّوت الزهــراء !!
عبّـالك مِشَــتْ .. ؟ ربّـك يّعــدّيهــا ؟!

عُمَر چا ضِعِت أسرع من عرش بلقيس
وحــتّه ( الواو ) مـا لحّـگِتْ تحــچيها

بـس هيّه المشـيئه وسِكَت ذو الفـقّار
علي سيفه الطلابه بسرعه يگضـيها

بأول فتحــه چـان أگبوركـم بالبـاب
ومحسن طاب ..طـالع ..يسحگ إعليها

#ياهـــزاء باز کردن / نظر دهید

2021-11-11 15:06:09 إثگيل صيـر إبزمــن وادم كلها ريش
الريح صفــره وتحتـرم بـس الرَزِن

صيــر أبيــض بـس إخذ دور الغيوم
إلـ عِصّت النـدّاف لا تصــبح گــطِن

جرّت الزنجيــل سِـد حــلگ الزمـان
كافــي مــا ملّـيت مــن جَــرّ الـ. إذِن

عيـش هيل إبماي . مُرّه الگهـوه حيل
طولَك و طعـمك يِضَـل مـا تِنطحِــن

الشُبهه مثل الجِمَل حِطْ (سَمّ الخِيَاط)
الله گايـل مــا يِطِـب ( كُنْ مُطْمَئِنْ )

قَـدّس المـيمون حــاتـم لا تصــير
مو صحيحه إحچاية إلـ كِلهِن حِصِن

الطين هـم أنواع طـين الحُـر عـزيز
إبطينـة أهـل البيـت خَلّك منعِجِـن

إبنِيتَك البيضـه إحتفظ وادمنه ليل
ناسـك أصحـاب الحَسَن .. خَلّك فَطِن

هــذا وكتك چـن علـي ومات الرسول
شــغلة المنصــب بعــد ما تِنْعِسِـن

علي إبْكُبرَه إحتار چا إنته اشـتصير
رغــم ما يگـدر علــي إيگـص اللّسِن

فرّق أمّ حـرب الجَمَل.. و أمّ الكِسـاء
فاطمــة إتعودت علـى بيوت الحِزِن

النار و الجنـه يِجَنْ بِـ تْلَثْ حُـروف
( علي ) الجنة . النار بحچاية (وإن )

#لِنَفْسِيْ_وَمَنْ_يَشْبَهَنِيْ
مهدي التقي باز کردن / نظر دهید

2021-11-10 12:34:55 إباب بيتـك ياعلـي إحتار الخِضِر
حَـدَّه للبسـمار ما ضــل بي صَبُر

ـــــــــــــــــــــــ

سئل شنهي إشــصاير إبـاب الأمير
ليش أصحاب النبي تبيع الضميـر
بالجدار إحتار موسى وصرت أحير
سالفة بابك علي إشگد بيها ســر ؟!!

ـــــــــــــــــــــــ

راح إسألك يا علي وصــبري طـويل
شـلون فاطـم حمـلت الباب الثگيل
هيــه هيـچ الــوادم إتـردّ الجميل ؟
ابضلع طه اشــچم كسر ما ينجبُر ؟

ـــــــــــــــــــــــ

عالغُـلام اللي إنقتَـل عندي الجـواب
زغير محسن چا . عليش إيكتله باب
آنــه شـــفت أوليـــدك ودلالي ذاب
لا تؤاخــذني إبســـؤالي و أعتــذر

ـــــــــــــــــــــــ

علي هــواي الأســئله وخلّك صبور
أرد أســإلك عــلى النار إبـلا شـعور
آنه أدري النبي إيصاحب بس غيور
ذوله صحبة مصلحه وحيله وغدر

ـــــــــــــــــــــــ

آنه أدري انتو السفينه الـ كلها أمان
أسأل إعلـه الغاصـب العـاده الزمـان
آنه ما شـايف بشــر يحـرگ جـنان
إبّابكم يـرّاد بـس ســجدة شُــكُر

ـــــــــــــــــــــــ

وهسُه گلي إشكثُر شـايل إشـتياق
وعلي يجاوب بُعُد فاطم لا يُطـاق
ما حملها الخِضِر وإخـتار الفِـرَاق
هسّه قُطب الكون مدفون إبقبر ؟!!

ـــــــــــــــــــــــ

مهدي التقي باز کردن / نظر دهید

2021-11-08 11:40:46 جَرحِـچ گلُــب واحــد مــا يكفّيْه
كـون إگلـوب إلــي إبگـدّ الــروايات

وگـد عمـرچ أريد إثمنطعَش عين
وكـلّ إثنيـن أحطَّن بيهـا سـَطرات

بيتــي إچبير أريدن بيت الأحزان
أحصّـل ويــن گــد بيــت المعاناة

كـون إبّــاب بيتــي طَـنْ بســامير
وكل ما ينفتــح يشــبعني لچمات

أدوّر بــاب مجــلس كِلّــه نيـــران
بحـيث أعبر العِتْبَه وكلّي چـويات

شَهَـر أيــامه بيـض بعمري ماريد
أريد ســنيني سُــوْد وكلهــا رايات

مثلـچ كــون هيـچ استنشق الموت
بحـيث النَفَـس ينْجـر كلّه آهـات

اللطم ماجاي يكسر ضلعي چا ليش ؟
بعزائـچ كـون تِنْطَش خـادمچ مات ..

#فَاطِمَة_عِلّة_الوُجُود باز کردن / نظر دهید

2021-10-25 10:41:51 خدمتكم شرف لنا

كما عودناكم دائما__ قريبا __سوف نقوم بدورة مقامات وتهذيب الصوت مع افضل الأساتذة المخضرمين والمخلصين

الوقت ::الساعة 11 بتوقيت لبنان والعراق مساء
الايام :: كل نهار إثنين واربعاء مساء

تابعونا وانضموا بكل سرور على الرابط التالي



https://t.me/joinchat/DKKsuQY1wt04YWVk



انشر تؤجر باز کردن / نظر دهید

2021-10-23 13:50:08 خدمتكم شرف لنا

كما عودناكم دائما__ قريبا __سوف نقوم بدورة مقامات وتهذيب الصوت مع افضل الأساتذة المخضرمين والمخلصين

تابعونا وانضموا بكل سرور على الرابط التالي



https://t.me/joinchat/DKKsuQY1wt04YWVk

باز کردن / نظر دهید

2021-10-23 13:01:13 بِصْيــارك نِــزَل جـــبريل
گلّــك (إقــره) حـــار إبحار

هــوه الينخــلق لــه الكون !
هـــم يحتـاج يــدخل غار ؟

آيه إتوصّــي آيــه إعليـــك
خَلْ نِنْــزل محمـــد صــار

الحمـــام أســراب يتواصون
وشــچم عنكــبوت إحـــتار

ضـــلّن لازمـــات البيـــــر
وأخْــــذَن درس بالـ أســرار

إبسـابع سمه إنطش الصيت
زحــمه ويــاك (سابع جار )

الحَچِي للـ جنّه مالِك صـاح
إحتراماً سِـــدُّوا بُــوب النار

ضحكتك بالگمــاط أخـلاق
والطائــف دخـــل إنــــذار

إلـ هِجِرتك الله خـالق ناس
وبگدهــم خِلَـق الـ أنصــار

وفزعـــت أهـل يثرب هيچ
تِرسَــولَه المــدينه أزهــار

عكــس الطائــف من اليوم
رِكضَوا حَضِّــروله إحــجار

و رَد جبــريل يَـ هْلِ الكـون
اللــه إناطكـــــم المخــتار

إبگد أخلاقــه صيرو سماط
ياللـــه أو وزّعــــوا إلـ أدوار

عاليمنــه ابــو طالب صير
و يالحمــزه ابيسـاره إنـدار

ولحّــد بالـ ظَهَــر يحْمِـيْه
باچــر ضـــام لـه الكــرار

والكــــرار عـنده اثنـــين
ولــده وســـيفه ذو الفقـار

وبظهــره إهدعش معصـوم
تَرفِـيــن و أيمّــه أطهــــار

بيــوم إســبعطش جبريل
ســولَف مــنّ الـذَرّ أخبــار

مُحَمّــد وأهــله أهل البيت
وبعض أصحابه موش أخيار

رَبٍع ســلمان داخــل قـوس
والباقيــن .. لا .. بالنــــار

#مهدي_التقي باز کردن / نظر دهید

2021-10-19 19:37:21 وجهك ربيع * شهرك ربيع
خصالك .. كمالك .. جمالك .. نَبَوي
ـــــــــــــــــــــــــ
يا شهيقي و ربيـع اشتمــه .. يـ طه
يا شفيعي وشـــفيع الإمــه .. يـ طه
يا نعمتي اشكبر هالنعمــه .. يـ طه
اسمك احمد صفاتك رحمه .. يـ طه

كلك رحيم .. شهرك عظيم
سخاءك .. عطاءك .. رداءك .. نبوي
خصالك .. كمالك .. جمالك .. نبوي
ـــــــــــــــــــــــــ
منين أبدي وشسولف عنك .. يرحمه
بيش اوصفك ولا وصفنّـك .. يرحمه
العندي كلهن خذتهـن منك .. يرحمه
هـاي وعيــوني ما شــافنك .. يرحمه

شفتك ضمير .. كلش چبير
وگفتك .. گعدتك .. مشيتك .. نبوي
خصالك .. كمالك .. جمالك .. نبوي
ـــــــــــــــــــــــــ
يالربيعك جميله اوراده .. يمرسل
الله رادك تقــود القـاده .. يمرسل
الله منك خلــق أوتــاده .. يمرسل
اترست أرضه أيمه وساده .. يمرسل

شفتك سلام .. مسك الـ ختام
وسامك .. مقامك .. ختــامك .. نبوي
خصالك .. كمالك .. جمالك .. نبوي
ـــــــــــــــــــــــــ
عن اقرانك اشوف الفــارق .. محمد
إجبال كلهم واشوفك شاهق .. محمد
احفاد عندك كتاب ونـاطق .. محمد
انته صادق حفيدك صـادق .. محمد

يومك عبير .. جعفر يصير
بربيعك .. شبيهك .. حفيدك .. نبوي
خصالك .. كمالك .. جمــالك .. نبوي
ـــــــــــــــــــــــــ
يا جمالك يمحله ارسومك .. يعالِم
يا سماوي وچبيره اعلومك .. يعالِم
يا گمرنه وإيـمه انجـومك .. يعالِم
ويوم جعفر يصادف يومك .. يعالِم

كلكم نجاة .. نفس الـ صفات
أو منّك .. إجه ابنك .. لـ أنك .. نبوي
خصالك .. كمالك .. جمالك .. نبوي
ـــــــــــــــــــــــــ

مهدي التقي باز کردن / نظر دهید