2022-05-13 11:32:16
දුවේ,
නුඹේ ජීවිතේ ලස්සනම දවස අද
ලස්සනට ඔසරිය ඇඳල උඹ හරි හැඩයි දුවේ
මාල හත මල් කළඹ හරිම හැඩයි උඹට
කොයිතරම් හැඩ බැලුවත් දන්නවා මේවා මායාවන් බව
ඒත් මගෙ දුවේ කොහොම හිත හදා ගන්නද මම
මෙයයි යථාර්ථය කියා
" අම්මේ මම මහණ වෙනවා"
ඇත්තමයි එදා,
දැවුණා මගෙ මුළු හදවතම
තව මොහොතකින් නුඹ කසාවතක් දරයි
මම නුඹේ දෙපා අල්ලලා වඳීවි
මට බැරිවෙයි ආය උඹව තුරුලු කර ගන්න ඉපදුණු දවසේ වගේ
ගොඩක් නෑ පුතේ අපිට ඉන්නේ උඹ විතරයි
දුන්නු සැලකිලි සේරම උඹටයි
කළකිරුණද එහෙව් ජීවිතය
දුවේ,
සංසාර ගමනේ පුරුද්දක් වෙන්න ඇති නේද?
හතර වරිගයම සංසාරෙන් එතෙර කරන්න මගෙ දුවෙ
අද ඉදන් පාලු වෙයි මුළු ගෙදරම
නුඹේ කටකාරකම් නැතුව
ඉවසන් ඉන්නම් මම
කපද්දි මම ආදරෙන් තෙල් ගාපු උඹේ කොණ්ඩෙ
මාල වළලු එකින් එක ගලවද්දි
උඹේ පිං පාට තව තව වැඩි වෙද්දි
ඉවසන්න පුලුවන් වෙයි මට
මම අඬයි වැළපෙයි
ආයෙත් හැරෙන්න එපා මගෙ දුවේ
උඹෙයි මගෙයි අතර වෙනස ඒකයි
උඹෙ හිත හරි හයියයි දුවේ....
පුලුවන්නම් තව දහසකුත් දෙනාට සසරින් එතෙර වෙන්න මඟ කියල දෙන්න
මතු භවයේ මගේම දුව නොවුණත් දුකක් නෑ මට
සදහටම දුක නසන්න මගේ දුවේ
නිවනින්ම නිවෙන්න.........
Dew
@kathalokaya
39 viewsKavi wijesundara , edited 08:32