2022-02-23 20:17:53
Firiin qormaata seensa yuunvarsiitii bara 2013 ifoome.
Sababoota garagaraatin dheeratee kan ture bu’aan qormaata seensa yuunvarsiitii bara 2013 ifoomuu Ejansii Madaallii Barnootaa fi Qormaataa Biyyaalessaa beeksiseera.
Qormaaticha fudhachuuf barattoota galma’aan kuma dhibba 6 fi kuma 17 fi 991 keessaa %96 kan ta’aan qormaaticha marsaa lamaan fudhataniiru.
Waliigalan kumni dhibbi 2 fi kumni 77 kan ta’an dubartoota jedhameera.
Soororsi qormaaticha amansiisaa ta’uu fi meeshaalee sakattoo xuxuqqiirra bilisaatiin kaameraawwan poolisii federaa fi seekterichaatin tumsamee of eeggannoon gaggeeffamu ibsameera.
Barattoota dambii qormaatichaa cabsaan 141 irra bu’aa qormaata haquu dabalatee tarkaanfiwwan adda adda fudhatamaniiru.
Bu’aan qormaata Siiviiksi madaallii seensa yuunvarsiitiif akka hin tajaajille murtaa’e
Bu’aan qormaata Siiviiksii madaallii seensa yuunvarsiitiif akka hin tajaajille murtaa’uu Ejansii Madaallii Barnootaa fi Qormaataa Biyyaalessaa beeksiseera.
Dabalatanis xiinxalli bu’aa qormaatilee akaakuu barnootaatin, manneen barnootaa fi sadarkaan barataa gaggeessuu fi bu’aawwan akaakuu barnoota tokko tokkorratti gamaaggamaa gaggeessuu ibseera.
Bu’uuruma kanaan bu’aan qormaata siiviiksi manneen barnoota hunda keessaatti sadarkaa walfakkatadha jedhuun daballii agarsiisuu ibsameera.
Sababa kanaanis bu’aan qormaata Siiviiksi madaalli seensa yuunvarsiitiif akka hin tajaajille murtaa’uu ejansichi ibseera.
Karaawwan Firii qorumsa biyyaalesaa kutaa 12ffaa bara 2014 ittiin ilaalan.
Bu’uruma kanaan barattoonni bu’aa qormaata isaanii:-
1.Maarsariitii Ejansii Madaallii Barnootaa fi Qormaataa Biyyaalessaa:- result.neaea.gov.et
2.Maarsariitii Ministeera Barnoota result.ethernet.edu.et
3.Bootii Teelegraamii (Telegram Bot):- @moestudentbot linkiwwan kanneen xuquun firii qormaataa isaanii ilaalachuu ni danda’uu.
4.Erga gabaaba SMS 9444 irratti lakkoofsa isaanii galchuu ergun bu’aa isaanii baruu ni danda’uu jedhameera.
Haaluma wal fakkatuun barattoonni komii qaba liinkii result.neaea.gov.et seenuu fi Compliant kan jedhu xuquun komii isaanii unkarratti guutuu akka danda’aan ibsameera.
1.2K viewsAbdii Qaba, 17:17