العصر بصري څانګه

2022-02-11 14:40:06 احـــوال یې واخـلئ د نږدې څه یې لیدنه وکړئ
پر کـورنۍ د هر شــــهـــید جانان پوښتنه وکړئ

دخپل شهید پــلار جان له مــیني دی بې بـرخي
یتیم
پـــه مـحــــبت یې د زخــــمـي زړه درملنه وکړئ

چې شي څـــښتن د کــــمالاتو او اتل د تـــاریــخ
د هر اتــــــل د هـر بـــــچي داســـي روزنه وکړئ

دچا دوینو په قیمت چې پر هیواد واکمن یاسـت
د دوی نــــیمـګړو ارمـــــانــــو تـــه پاملرنه وکړئ

دوی خو اوبه کړ د حُریت ګلــشن په خــپلو وینو
پرتاسو فرْض ده دا: چې اوس یې نو پالنه وکړئ

چې په اخلاص او صداقت به مو ترڅنګ ولاړ وه
د کلـــــــیوالو له خـــــوږې مــــــــیني مننه وکړئ

اول طالب کریم الله بــیا عــام او خـاص ملت ته
له ذوالجــــلالـه د عـــمل توفـــیق غوښتنه وکړئ

طالب کریم الله باز کردن / نظر دهید

2022-02-11 14:39:43 يو خوا عمري لښکر بل خوا فاتح ځواک لرو
سيال به دې د سيالو کړو خپل اختیار او واک لرو

هر ياغي باغي دوښمن سر پکې خوړلى دى
پل په پل سنګر مورچل، غرونه هيبتناک لرو

ستا له هرې لوېشت خاورې تل کوو دفاع په سر
پړ د تاريخ پاڼو کې موږ هر يو ښکېلاک لرو


ماشاﺀالله بدري قطعه، ځار له منصوري لښکر
ستا وه آبادۍ ته ژمن ژڼي مينه ناک لرو

ستا وه حُريت لره ځار مو شول عمر منصور
ستر جلال د ستر ايثار روڼ مثال په خاک لرو

شنډ به په نطفه کې کړو ستا د هر دوښمن شُوم پلان
وايمه اديب جواد ژڼي ښه چالاک لرو

جواد ادیب باز کردن / نظر دهید

2022-02-11 14:39:07 مجاهد افغانستان!

ده ننګیالیو آتلانو کوره
ده باتورانو افغانانو کوره
افغانستانه مجاهد هېواده
دتاریخ سازو شازلمیانو کوره

له دنګو ښکلو ښکلو غرو نه دي زار
له دې بې مثله منزرو نه دي زار
د سرشیندکو فدایانو کوره

خدای دې لري دا د غزاوو لړۍ
ستا فتوحات ستا د بریاوو لړۍ
ډیر محترمه د زمریانو کوره

ته مو ژوندون ته مو عزت یې ګرانه
کور د افغان غیور ملت یې ګرانه
د غیرت مند قهرمانانو کوره

د سرو لعلونو خزانه یې زړه مي
د تاریخونو کتابچه یې زړه مي
د هر ښکیلاک د قاتلانو کوره

ته مو زړګی ته مو جنت وطنه
موږ ته دخدای له لور نعمت وطنه
د میني بڼ د سرو ګلانو کوره

محسن احسان ګرانه پر تا مین یم
په پاکه خاوره دي ریشتیا مین یم
د شملورو طالبانو کوره

محسن احسان باز کردن / نظر دهید

2022-02-11 14:38:41 ده مینې پیغامبر دی ملا

مُلا وزیر مُلا والي مُلا رهبر دی مُلا
مُلامنصور مُلاجلال مُلاعمر دی مُلا

مُلا اتل مُلا ده هسکې پګړۍ هسکه شمله
مُلا شمشاد مُلا پامیر مُلا سپین غر دی مُلا

مُلا جهاد ملا سنګر او تیره توره مُلا
ملا قلم مُلا ده مینې پیغامبر دی مُلا

مُلا خوښي مُلا اختر مُلا بل نوم ده امن
مُلا مسجد مُلا محراب مُلا ممبر دی مُلا

مُلا امام مُلا خادم مُلا قلا ده وطن
لوی مجاهد کفري نړۍ ته لوﺉ خطر دی ملا

ملا حسّانه له سپیرو خاورو نه زر جوړوي
ملا ګوهر ملا کار پوه ملا زرګر دی ملا

حسان کوچی باز کردن / نظر دهید

2022-02-11 14:38:11 احاطه ورباندي عقل کوای نسي
مُحَمَّدْ د وجود داسي يو کتاب دی ،
هره پاڼه يي توحيد حکمت او مينه
په عمل که يو چا ولوستی کامياب دی ،

د ازل قلم لیکلی مينه مينه
د دې دواړو جهانونو هرڅه وايي ،
دی نور کمال جمال يي وِقايي دي
او څښتن په صفتونو درته ستايي ،
د خالق وروستی پیغام دی و مخلوق ته
عالَمونه د خالق پر لوري بيايي ،
هره پاڼه کې يي عشق ذوق او ثواب دی

چه مطالعه يي چا په غور کړي
ورته جار لکه صديق لکه بلال دی ،
د فنا بقا د ميني فلسفه ده
په اخلاقِ الٰهي باندي سمبال دی ،
د وجود او د امکان په دائره کي
د رڼا ښکلا ښایست ميني مشال دی ،
هر عالِم د دې کتاب پسي بدخاب دی

چه څښتن د وجود مخې ته راخلاص کړی
هغه خپل برخه هرچا ورځني ويوړه ،
ښکلا ګلو او پسرلي وږم د زلفو
لمر سپوږمۍ ستورو رڼا ورځني ويوړه ،
چا کمال خو چا ازار ورځني واخيست
چا د سپيني خولي دعا ورځني ويوړه ،
دی رحمت خو و يو چا لره عذاب دی

دغه واړه کائنات ورته تفصيل دي
که يو څوک يي له اجماله نه پوهېږي ،
له سپين مخه يي پيدا دي دغه ټوله
کمالات او جمالات چه در ښکاريږي ،
خدايه ما يي د سپين مخ د ګل شبنم کړه
له اسمانه د شهادت چه وريږي ،
د ندامحمدلبيب حبيب جناب دی

لبیب باز کردن / نظر دهید

2022-02-11 13:42:48 نعت شريف

د مدينې د کوڅو څومره دي سپېڅلې خاورې
ما دي په پېڅکو د خپل زړۀ باندې تړلې خاورې

په دغۀ خاوره مې جانان خپل قدمونه ايښي
ځکه ما ځان ته په رنجړومه کې ساتلې خاورې

هغوی نه خدای د ټول امت د سر تاجونه جوړ کړل
چا چې يې تل خپلو سرو باندې شيندلې خاورې

په مؤمنانو قيامت نه راځي ، تېر شوی دی پرې
چې د جانان په ګلاب مخ يې اړولې خاورې

کاش چې د ستا د در ادنی غوندې غلام وم نبي
چې په بڼو مې د روضې جارو کولې خاورې

که خپل ديدن چېرته په ژوند کې راته نه راکوې
بيا به کړم خاورې درپسې د وجود خپلې خاورې

اې خدايه ما منقاد کړه مړ د مدينې کوڅو کې
چې مې مدفن شي د جانان د کلي ښکلې خاورې

عبدالقدوس منقاد (فاتح) باز کردن / نظر دهید

2022-02-06 20:34:29 العصر خپلواکه اداره
تاسوته وخت په وخت نوي حمدونه نعتونه اوحماسي تراني وړاندي کوي
https://t.me/alasarchannel باز کردن / نظر دهید

2022-02-03 19:22:25 نعت شریف

زړۀ مې بې برخې ستا له مینې نه دلبره مه شه
نصیب مې کم دا ستا له دره، د زړۀ سره مه شه

"بې له تاهیڅ یم "دافِقره هیڅ بې ارزښته مشه
"په تا نازیږم " دا جمله مې بې باوره مه شه

تا ته لیـږلې سلامونـه مې منظور پر تا شه
پر تا ویلې مې درُودونــه بې اثـــره مه شه

ستا په سپیڅلې وفا شکر باوري زړۀ لرم
نظر مې لري ستا د مینې له نظره مه شه

ژوندون مې پاته ستا دعشق له خوږ ثمره مه شه
بې خواږه درده ستا د هجر له ګوهره مه شه

اې! د سپیڅلي او مؤمن عشق د ایمان یقینه
خوار شهامت شعیب محروم دې له کوثره مه شه

شعیب شهامت باز کردن / نظر دهید

2022-02-03 14:37:13 پیغمبره ( صلی الله علیه وسلم )

څه بې ساری دې جمال دی پیغمبره
دا ستا حسن بې مثال دی پیغمبره

ته د ټولو مرسلانو مقتدا ېې
ته سردار ېې د کونينو مصطفی ېې
پس له تا بل نبي نه راځي نړۍ ته
په رښتيا چې ته خاتم الانبيا ېې
مونږ منلی ستا هر قال دی پیغمبره

لکه لمر په تورو شپو کې ځلېدلې
ته د حق لپاره سر نه تېرېدلې
تا نه ځار شم ای زمونږ لويه سالاره
د امت غم کې الله ته ژړېدلې
لوی ارمان مو ستا وصال دی پیغمبره

چا چې پرېښې ده ستا لاره نو ژړېږي
چې په نورو پسې درومي تباه کېږي
چې کوي څوک بندګي د بندګانو
چې له تا او ستا له ربه منکرېږي
هغه قوم مخ په زوال دی پیغمبره

چې تور زړونه مو روښانه په ايمان کړي
چې مونږ ستا په هر قدم باندې روان کړي
چې عمل مو په قران او په سنت شي
چې مونږ ستا د ښکلې لارې لارويان کړي
پاک الله ته مو دا سوال دی پیغمبره

هره خوا چې پسرلی شولو بهار شو
چې د ظلم تيارې تېرې شوې سهار شو
چې نړۍ کې دتوحيدوړانګې خورې شوې
چې نړۍ کې په رښتيادژوندون وارشو
دا خو واړه ستا کمال دی پیغمبره

د ايمان له قافلو سره به درومو
د توحيد له کاروانو سره به درومو
چې ځانونه ځاروي ستا محبت کې
نصرت وايي له هغو سره به درومو
راسره د حق مشال دی پیغمبره

نصرت لونګ باز کردن / نظر دهید

2022-02-03 14:30:06 پر تا دي درودونه وي باربار پیغمبره
په شپه کې د جمعې او په سهار پیغمبره

دا زیړ مازیګری څومره مزه کوي حبیبه ص
چي تا باندي سلام وایم کرار پیغمبره

د زړه ګلونه وغوړیږي روح شې په ارامه
بهار زما د ژوندون زما مالیار پیغمبره

شفق په هغه شپه کې د رنګونو مجموعه وي
تیریږي پرې د وړانګو چي قطار پیغمبره

تر عرشه پوري رسې او له عرسه تاته رسې
شغلې د سلامو ستا تر مزار پیغمبره

چي څومره ته په خوښ یې نازولیه د سبحانه
هغومره په رحمت شې ته سرشار پیغمبره

ستا ستړی امتی یم بختوره یمه حنیف
خیر څه که د ژوند نه لرم سینګار پیغمبره

حنیف مظهري باز کردن / نظر دهید