2022-05-28 16:29:13
ගෙයක දොරකඩේ තියෙනා පුටු දෙකක
බලන් ඉන්නවා වයසක වූ දෙපළ
මා දුටුවිට හනික ඇස්දෙක පොඩිකරම
බැලුවා මහලු ඒ දෙදෙනා එකවරම
සිතුණා යන්න ඒ දෙදෙනා ළඟට මට
විමසන්නට කිමදැයි මඟ බලන රුව
හෙමිහිට ගියා මම ඒ ගේ දොරකඩට
පෙනුනේ අනේ එකම දෙයයි මට එවිට
සුදුවන් නොවූවත් ලස්සන දත් දෙපල
පෙන්වා සිනාවූවා සිත උණු කරම
"ඈදි ගන්න නෝනේ ආ මේ මෙතන "
දුන්නා පුටු කබලක් මට හනි හනික
විමසූ විටදි මා ආ ගිය කරුණු පෙමින්
තරගෙට මෙන් පිළිතුරු දෙනවානෙ ඉතින්
හුඟ කාලෙකින් නොවැ කවුරුත් ආවෙ ඉතින්
හරි සතුටක් ඇති බව කිව්වානෙ සැනින්
විගහට තියන්නං උණු වෙන්නට වතුර
කහට කෝප්පයක් බොන්න ඉක්මනට
නැගී සිටිය වයසක අම්මා හනික
ඇවිද ගියා ගෙන එන්නට උණු කහට
ඒ වත දිහා බලන් හිටිය මම ඩිංගක්
දුටුවා සැහැල්ලුව ඒ හිත තුළ යන්තම්
තේ එක ගෙනත් තිබ්බා වෙව්ලන දෑතින්
හකුරු කෑල්ලක් දුන්නා අතට හෙමින්
ඉදගත්තා මගෙ ළඟින්ම හිනා වෙමින්
දෙන්නම බලා ඉන්නව මගෙ දෙස සතුටින්
"අපේ දුවත් එනව කිව්වා හෙට හවසින්"
බලන් ඉන්නෙ ඉවසිල්ලක් නැතුව හිතින්
සිතුණා මට දහසක් දේ ඒ මොහොතේ
අන්තිම තැන මෙතන නොවෙද දිවි ගමනේ
කොච්චර අපි නැහුණත් මිල මුදල් ගොඩේ
හිමිවෙන්නේ අවසන මෙය නොවෙද අනේ
Dew
248 viewsKavi wijesundara , edited 13:29
T
