2021-10-17 20:35:44
#Must_Read
آج انٹر کا رزلٹ آیا ہے تو کزن نے 940 نمبر حاصل کئے۔ خالہ کی مجھے کال آئی کہ تمہاری بہن رو رہی ہے اسے سمجھا دو ۔۔۔
السلام وعلیکم!
وعلیکم السلام بھیا۔۔
کیا حال ہیں بھئی؟
خاموشی۔۔
میں نے تو آپ کو مبارک باد دینے کیلئے بات کی ہے اور آپ رو رہی ہیں؟
بھیا میں نے بہت زیادہ محنت کی تھی۔۔
تو بیٹا آپ کے نمبر کم تو نہیں ہیں۔۔
پر بھیا یہ میری امید کے برعکس ہے۔۔
بیٹا آج امید اور توقعات کا وقت ختم ہو چکا ہے۔ یہ اب رزلٹ کا دن ہے اور نتیجہ آپ کے ہاتھ میں ہے اب امید کو ایک طرف رکھ دینے میں ہی بہتری ہے۔ اب جو ہے یہی ہے اور اسے قبول کرنے میں ہی بہتری ہے۔
مجھے بہت زیادہ رونا آ رہا ہے بھیا۔۔
اچھا یہ بتاؤ رونے سے کیا حاصل ہوگا؟ کوئی فائدہ؟ رونے سے آپ کے نمبر بڑھ جائیں گے؟
نہیں۔۔
تو پھر؟ اگر تو رونے سے نمبر بڑھتے ہیں تو میں بھی آ جاتا ہوں۔ دونوں بہن بھائی مل کر روتے ہیں؟ کیا خیال ہے؟
نہیں بھیا نمبر تو نہیں بڑھیں گے۔
تو بس پھر فائدہ کیا ہے؟ جب فائدہ نہیں ہے تو رونا کیوں ہے؟ صرف وقت ضائع کرنا اور آنے والے دن کو مشکل بنانے والی بات ہے۔۔۔
بھیا میری وہ فرینڈز جو مجھ سے کم پڑھا کرتی تھیں ان کے نمبر بھی مجھ سے زیادہ ہیں۔۔
سب سے بڑی غلطی خود کا دوسروں سے موازنہ کرنا ہے۔ دوسروں کی فکر مت کرو خود کو دیکھو۔ ایسے بھی بہت سے طلباء ہوں گے جنہوں نے آپ سے بھی زیادہ محنت کی ہوگی لیکن نمبر آپ سے کم ہوں گے۔ کیا آپ نے اپنی فرینڈز کا رزلٹ اپنی آنکھوں سے دیکھا ہے؟
نہیں۔ انہوں نے خود بتایا ہے۔
تو یہ بھی تو ممکن ہے کہ بڑھا چڑھا کر بتائے ہوں۔ بعض کی یہ عادت بھی ہوتی ہے تو بس دوسروں کو چھوڑو اور اپنے رزلٹ کو قبول کرو۔۔۔
آپ کو پتا ہے میرے کتنے نمبر تھے ایف ایس سی میں؟
کتنے بھیا؟
700 ۔ آپ سے بہت کم تھے۔ لیکن انجوائے کیا تھا۔ سوچا اسے جاتا ہے جسے ہم بدل سکتے ہوں۔ جسے ہم بدل نہیں سکتے اسے سوچنا بھی نہیں چاہیے۔۔
آگے کیا کرنے کا ارادہ ہے؟
بی ایس فزکس۔۔
تو کیا پریشانی ہے؟ جو آپ نے کرنا ہے اس کیلئے بہترین مارکس ہیں آپ کے آرام سے اچھی یونیورسٹی میں داخلہ ہو جائے گا۔ سوچنا چھوڑیں اور انجوائے کریں۔ خوش رہیں۔۔
بچہ پہلے ہی مایوس ہوتا ہے اس وقت پر بچے کو سپورٹ اور حوصلہ افزائی کی ضرورت ہوتی ہے۔ بہت سے طلباء ان دنوں میں ہی شدید ڈپریشن اور مایوسی کا شکار ہو کر اپنا کیریئر اور اپنی ذات کو تباہ کر لیتے ہیں۔
لہذا ایسے وقت پر بچوں کو یہ مت کہیں کہ پیسے ضائع کر دیئے۔ خاندان میں ناک کٹوا دی۔ فلاں کے نمبر تم سے زیادہ ہیں وغیرہ وغیرہ۔۔
یاد رکھیں کہ آپ کا بچہ کم نمبروں کے ساتھ تو کامیابی حاصل کر سکتا ہے لیکن ڈپریشن کے ساتھ نہیں۔۔
آج آپ کے بچوں اور چھوٹے بہن بھائیوں کو آپ کی سپورٹ اور حوصلہ افزائی کی ضرورت ہے۔ آج کا دن بہت اہم ہے۔ آپ کا کوئی ایک جملہ انہیں شدید ڈپریشن اور مایوسی میں مبتلا کر سکتا ہے جبکہ کوئی ایک جملہ کم نمبروں کے باوجود ان کی آنے والی زندگی اور مستقبل کو کامیاب اور دلچسپ بنا سکتا ہے۔ برائے مہربانی سوچ سمجھ کر جملوں کا استعمال کیجیے گا۔
(نقل وچسپاں)
ـــــــــــــــــــــــــــــــــــــــ
47 views17:35