إستشارة طبية

2023-04-24 15:24:27 باز کردن / نظر دهید

2023-04-24 15:24:15 حماله الأطفال أو
Baby carrier
اليوم راح نحجي عنها
شنو
منو
ليش
من شوكت نكدر نستخدمها
و هل هي خطره؟
و كلشي عنها
حماله الأطفال من الأشياء اللي تساعد الأمهات برعايه اطفالهن بس شنو شروطها و كيف تستخدم؟
اولا و اهم نقطه تأكدي من انه انت تشوفين طفلك و تراقبيه من تخلي بحماله الطفل و الاهم منها انه وجهه و الأنف مالته يكونون ما مغطين بيها
اكرر
غير مغطيه لوجهه
غير مغطيه لوجهه
غير مغطيه لوجهه
احملي طفلك بصوره قائمه او بالحماله الخاصه بالاطفال تحت ٥ اشهر و اللي اسمها baby sling carrier
او اسمها ال baby ring sling
او baby wrap

لا تلبسين طفلك هوايه خصوصا انه راح يكون يتدفى بجسمك

تاكدي من إغلاق ألمشدات و كل اجزاء الحماله في حال كانت الحمالة نوع الحقيبة الي تحتوي احزمه حتى ما يوكع الطفل لا سمح الله

من تريدين تنحنين على شي انحني باستخدام الركبه و لا تنحنين باستخدام الخصر

أبدا لا تركضين و لا تهرولين و انت شايله طفلك

أبدا لا تستلقين و الطفل بعده بحماله الطفل
.
.
شوكت اكدر استخدم حماله الطفل؟
تكدرين تستخدمين حماله الطفل اول يوم بعد الولاده و اكيد بعد ما تجيكين كلشي مكتوب بالمنتج و اللي بيه تفاصيل الأمان و الوزن و التصميم اللي يرهم لاستخدام الحماله

.
.
زين اخلي وجهه للأمام حتى يشوف الطريق لو اخلي وجهه يقابل وجهي؟
حسب العمر
نفصل :
من عمر حديث الولادة الى 5 شهور تخلين وجهه مقابيلك او بوضع السرير لاتخلي وجهه للامام لان مايكدر يسند راسه

من 5 اشهر وفوك تكدرين تخلين وجهه للامام واذا جان نعسان خلي وجهه باتجاهك لان بسرعه حينام حتى يسند راسه عليك

.
.
زين تدري دكتور الشيل على الظهر اسهل شوكت اكدر استخدمها حتى اشيله على ظهري ؟
انتظري لما بعد السنه يلا تكدرين تسنخدميها بوضع الظهر
.
.
آخر شي
هل هي خطره؟
ممكن تكون خطره بالأخص الأعمار الصغيره تحت ٥ اشهر اذا ما انتبهتي وخليتي وجهه يتغطي ممكن يختنق بيها أو اذا ما تاكدتي من الاحزمه ولاسمح الله سقط منها

.
.
هل هي صحيه لوضع الفخذ؟
حسب الوضع والنوع نوضحها بالصور
هذا اللي الها و اللي عليها

و اتمنى يكون فادكم المنشور
شكرا الكم
د.سيف سمير البياتي باز کردن / نظر دهید

2023-04-23 17:34:11 حصى اللوزتين هو نوع من الاضطرابات التي تصيب اللوزتين حيث تشكل بعض الحصيات الكلسية في شقوق اللوزتين، تتكون هذه الحصيات عادة من الكالسيوم كما يمكن أن يدخل في تكوينها الفوسفور والمغنيسيوم والأمونيا والكربونات.

قد تسبب الشعور بالازعاج للمريض كما أنه قد تصعب إزالته وقد يتطلب إجراء عملية جراحية لإزالة اللوزتين وذلك تبعاً لوضع المريض وقرار الطبيب المختص إلا أنها غالباً لا تكون ضارة وليست خطيرة.

تبعاً للدراسات الحديثة وجد أن تلك الحصاوي تتشكل هذه عادة لدى الكبار أكثر من الأطفال.

تتشكل هذه الحصيات عند تجمع المواد داخل شقوق اللوزتين كالبكتيريا والفطريات والمخاط والخلايا الميتة، وتحبس هذه التجمعات داخل الشقوق ثم تتصلب وتتكلس لتشكل الحصيات.

$$$$من الأسباب التي قد تكون السبب في تشكيل حصيات اللوزتين:

$الالتهابات المزمنة.
$نوبات الالتهابات البكتيرية المتكررة في اللوزتين.
$مشاكل الأسنان.
$مشاكل والتهاب الجيوب الأنفية المزمنة.

$$$$قد لا تصاحب حصى اللوزتين أي أعراض، ولكن يمكن أن يشعر بعض المصابين بالأعراض التالية:

$رائحة نفس كريهة.
$ألم عند البلع.
$الشعور بضيق الحلق والاختناق.
$المذاق المعدني.
$السعال.

عندما تكون الحصيات المتكونة كبيرة الحجم قد تسبب الشعور بما يلي:

$صعوبة البلع.
$آلام في الأذن.
$تورم اللوزتين.

$$$$علاج حصوات اللوزتين

غالبا لا تحتاج الحصاة اللوزية لعلاج، وخاصة عندما لا تترافق مع أعراض مزعجة.

تم إيجاد طرق سهلة وفعالة لإزالة الحصاة وتنظيف شقوق اللوزتين:

$جهاز نفث الماء الفموي، والذي يستخدم عادة لتنظيف الأسنان وللتخلص من بقايا الطعام في الفم.
$الغرغرة بماء دافئ وملح قد يساعد على تخفيف الشعور بالازعاج المرافق للحصاة اللوزية.
$كشط سطح اللوزتين لإزالة الحصاة باستخدام قطعة من القطن.
$الليزر.

قد نضطر للجوء لإزالة اللوزتين عن طريق عملية جراحية، وخاصة في حالة استمرار وجود رائحة النفس الكريهة بعد استخدام الأساليب السابقة.

$$$$كيف يمكن الوقاية من حصوات اللوزتين ؟

يمكن الوقاية من حصوات اللوزتين من خلال الالتزام بنظافة الفم، بتنظيف الأسنان بالفرشاة مرتين يومياً، والحرص على تنظيف ما بين الأسنان لمنع تراكم الطعام، بالإضافة إلى ضرورة استخدام فرشاة اللسان لإزالة أية جراثيم قد تسبب حصوات اللوزتين. باز کردن / نظر دهید

2023-04-23 00:47:14 30 شغله ممكن تفيدك اذا طفلك عنده مغص!!!
1. ضبطي وضعيه الرضاعه الطبيعيه و الصناعيه بحيث يكون الالتقام كامل للحلمه
2. لا ترضعين طفلك هوايه و تذكري القاعده #حليب_اكثر_مغص_اكثر
3. اذا حليبك ينزل بسرعه فقللي سرعه التدفق بالضغط على الحلمه ٣ مرات قبل الرضاعه
او ممكن سحب بعض قطرات قبل ما ترضعين طفلك
4. دائما رضعي طفلك و هو يكون واقف او أقرب للواقف
دائما خليك مرتاحه بكرسي مريح
5. خلط الحليب بالمميه ما يكون بالرج و إنما بالدوران حتى تقل كميه الهواء اللي بالحليب
اذا ما قلت اتركيها قليلا حتى تصعد فقاعات الهواء للأعلى
6. دائما خلي الحلمه مال ببرونه مليانه لا تنطيها فارغه
7. غيري نوعيه زجاجات الارضاع إلى النوعيه اللي تقلل الغازات ممكن تفرق
8. اختاري حلمات رضاعه مناسبه يعني لا سريعه و لا بطيئه
9. خلي طفلك يتجشا بين الرضعات و بنهايه الرضعه و قبل وضعه بالفراش
10. عيدي نقطه 9
كلنا اكثرتي من التجشا
كلما الغازات و المغص يقل
و لا تنسين بنص الرضعه و بنهايتها
11. لا تحولين على الجهه الاخرى اذا ما تتأكدين من أن الجهه الاخرى فرغت
12. تجنبي الحليب و مشتقاته و البقوليات من طعامك
13. تذكري دائما ابعاد الرضعات عن بعض قدر المستطاع
لان طفلك يبكي و يسكت بالرضاعه لان جوعان
او عطشان
او ضايج
او مشتاقلك
طفلك يرضع لمئه سبب عدا الجوع
فمو كلما يبجي هاك مميه او رضاعه
و بالتالي يزيد المغص
افهمي طفلك
14. خلي طفلك مرتفع بزاويه عاليه بعد الرضاعه و مسنود كاملا
15. اذا المغص شديد و وياه ارتجاع خلي الطفل ينام بزاويه 30 و بالتالي يقل الارتجاع
16. جربي كيس النوم او الكماط الخفيف او الكماط الامريكي فهو يضمن نومه اكثر هدوئا
17. قسمي الرضعات
كلما زاد حجم الرضاعه
كلما زاد المغص
18. احملي طفلك بطريقه الكنغر او باستخدام حماله الاطفال
19. ضعي طفلك على بطنه شرط أن تكونين صاحيه
و جربي المسكه السحريه و هو أن تضعي بطن طفلك على ذراعك
20. حركه البايسكل مو رفاهيه و مفيده جدا
21. المساج للطفل مهم و يقلل الغازات
22. قللي الاضاءه
قللي الضوضاء
و قللي كلشي مزعج
23. اي حركه لطيفه و رقيقه ويه الطفل راح تقلل مغصه
مثل الرقص او الهز الخفيف او حمله و صعود الدرج او نزوله
24. الضوضاء البيضاء رائعه و تقلل المغص
25. خليه ياخذ اغفائات قصيره صباحا
خليه ينام
بس لا ينام طويلا صباحا
26. لا لنظريه اتعبه الصبح و احرمه من النوم
اعرف ان المعادله صعبه
بس اريد اوصلك فكره انه النوم يتحسن اذا الطفل ما متعب
اخر 3 نقاط هي للعلاجات
27. جربي قطرات السيمثكون و هي كثيره و افضلها اللي تعطى قبل كل رضعه مثل الانتي كاز و الدسفلاتيل
لا تخافين من استخدامها لان هي امينه
و اقري العلبه و طريقه الاستخدام
و هي قطرات خاليه من الاعراض الجانبيه و تستخدم من اليوم الأول
28. قطرات اللاكتيز غيرت مسار المغص عند الكثير من الاطفال مثل قطرات الكوليف
و اقري طريقه الاستخدام من العلبه
و هي قطرات خاليه من الاعراض الجانبيه و تستخدم من اليوم الأول
29. قطرات البروبايوتك امينه و مو بس مفيده للمغص مفيده للجهاز الهضمي و للمناعه و حتى الوقايه من الالتهابات التنفسيه
و هذا يفسر استمرار الكثير من الأمهات على قطرات البروبايوتك بعد فتره المغص للحصول على مناعه افضل
30. اقري هذا البوست و راجعي و شوفي وين الخلل
د. سيف سمير البياتي اخصائي طب الاطفال باز کردن / نظر دهید

2023-04-22 08:15:35 عيدك مبارك دكتور
شونك دكتور بنتي توا فاتت بال ٤ أشهر اوكلها؟
بالمركز الصحي كالولي الا بال 6 أشهر !
ليش مو اهل قبل من ال 40 يوكلون ؟
ليش مستعجله خو بال 8 أشهر اوكلها؟
و شنو اوكل و كم وجبه و أكدر أضيف الحليب و شنو الممنوع ؟ و شنو تفضيلاتك؟ و شون ويه البيض ؟
الموز صدك يصير ؟
هذا البوست يجيب :
متى ادخل الطعام ؟
هي فتره ممتده من ٤ أشهر إلى ٦ أشهر
و حسب مواصفات خاصه
اولها مضاعفه وزن الولاده
ثانيها سيطره الطفل على رقبته
و ثالثها تقبل الطفل و عدم رفضه بلسانه
و رابعها قدره الطفل على رفع صدره و أعلى بطنه في حال نومه على بطنه
في حال توفر كل هذه الشروط فممكن باي فتره من ٤ إلى ٦ أشهر
قبل ال ٤ أشهر ممنوع
و نجي نحسب العمر و اختصرتها سابقا و كلت بعمر ١٢٠ يوم
يعني من يتم الشهر الرابع لان من يدخل الشهر الرابع عمره ٩٠ يوم
و ممنوع و غير مقبول إعطاء اي شيء عدا الحليب للطفل قبل ١٢٠ يوم !
ليش خطر عليه ؟
طبعا خطر عليه
اولا ما مستعد جهازه الهضمي
و ثانيا راح يؤثر عليه بالمستقبل و يرفض الاكل
و ثالثا بعده ما مستعد و ممكن يتشردق بالطعام و هي حاله خطره جدا بعمر صغير جدا
زين دكتور بالمركز الصحي او الطبيب الفلاني كال بعد ٦ أشهر و انت تكول ممكن من عمر ٤ أشهر
طبيبك صح و منظمه الصحه العالميه تكول هذا الشي حتى يكون أكثر مستعد و لتعزيز دور الرضاعه الطبيعيه بس اكو اكاديميات لطب الاطفال مختلفه تكول انه ممكن بعمر ٤ إلى ٦ أشهر
اكو شغله أخرى احبها بإدخال الطعام بعمر ٤ إلى ٦ أشهر هي هذه الفترة يسموها فتره الشباك
Window period
تكول انه من تدخل الطعام بهذه الفتره احتماليه التحسس تقل لأسباب غير معروفه
و هذا بصراحه حافز كبير لإدخال الاكل بهذه الفترة
على كل ممكن تنتظرين او تستعجلين و هذا يفرق بين طفل و آخر و يعودلك القرار بس لا تستعجلين قبل ٤ أشهر و لا تاخريه بعد ٧ أشهر
شنو اول وجبه ؟
براحتك بس صنف واحد و أفضل الحبوب
و بعدها كل ٣ ايام صنف جديد
و عادي ممكن استخدام حليبك او حليب الأطفال لتحضير الطعام
مثال شوربه رز ٣ ايام
بعدها ممكن اضافه جزر للرز
او بطاطا للرز و تخفف بالحليب
بعدها اضافه جزء من فخذ الدجاج للرز و خلطه بالخلاط
و بعدها ممكن لحم مع الرز و يهرس بالخلاط
لحم مبكرا شعجب؟
الطفل بعز احتياجه للحديد بهذا العمر لذلك مهم جدا إعطاء اللحم و لتذهب خرافه اللحم يسوي دود إلى الجحيم
السيريلاك؟
ممكن بس ما افضل
ماكو افضل من أكل انت تعرفين مكوناته لطفلك
اي ممكن السيريلاك بس بعد انتظري شكو مستعجله عليه بعد ٦ او ٨ أشهر و ابدي بسيريلاك رز ثم شوفان و آخر شي الحنطه
شرايك بالبسكت؟
بعد ٦ أشهر يلا تدخل الحنطه
و يكون خالي من السكر
و ممكن الصمون و الخبز و البسكت بعد ٦ أشهر و اذا تعرفين تسوين بسكت منزلي يا ريت
بس بسكت و سكريات او مالح لا ما افضل
الفواكه ؟
اي ليش لا بس فواكه الصيف بعد ٦ أشهر مثل الخوخ و المشمش و العنجاص و قبل ٦ أشهر ممكن التفاح و الموز و الرقي
اكو علب جاهزه لأكل الاطفال تنصح بيها ؟
هن فواكه و بسكت اخلطهن طازجه افضل و ارخص و اكثر أمانا
مو بالله؟
الحليب ممكن خلطه بالوصفات؟
اي ليش لا
اللبن؟
6 أشهر و ممكن خلطه بالموز او التفاح
البيض ؟
بعد ٦ أشهر مثل الحنطه و اول ٣ ايام صفار و بعدها بياض البيض ب ٣ ايام
يعني ما انطي سيريلاك؟
اني مو ضد السريلاك بس ضد انه نبدي خطأ و ننطيه كوم سكريات
نروح للقسم الاخر
كم وجبه باليوم؟
اول ايام وجبه وحده بوقت الغداء و كميه صغيره نزيدها حسب تقبل الطفل و بعدها نزيدها تدريجيا و نقلل الحليب على اساس طلب طفلك
الماء ؟
من يدخل الاكل يزيد احتياجه للماء فيدخل الماء و حسب رغبه طفلك
اسمع من هوايه أمهات انه طفلهم ما يحب الماء و بالأخص اللي رضاعتهم طبيعيه و نكول عادي لان حليبك مصنوع من الماء
هدفنا بنهايه السنه الأولى كوبين حليب و ٣ وجبات طعام و يشرب بكوب ماء و يا ريت لو ياكل هو بايده حتى ننتقل إلى طفل قادر يطعم نفسه بعمر سنه إلى سنة و نصف
شنو ممنوع قبل سنه؟
السكر
الملح
العصير
العسل
الدهون المشبعه
و اي ماده ممكن تسبب خطر الاختناق مثل الفستق و اللوز
ليش هلكد تنشر عن هذا الموضوع؟
لان سوء التغذيه بالعراق مستفحل مع نظريه ان الحليب زين و نجاح شركات الحليب الصناعي بالترويج للحليب الصناعي على انه البديل
يرافقها تكاسل كبير من بعض الامهات و الآباء لان تحضير المميه اسهل من إطعام الطفل
المهم ما علينا
عيدكم سعيد يالفانزات
د. سيف سمير البياتي اخصائي طب الاطفال باز کردن / نظر دهید

2023-04-21 16:07:32 ماهو الغضب المفيد؟

قد تستغرب صديقي العزيز من العنوان.. ولكني اقول لك باني استغرب لو رأيت عنوانا يقول: الغضب غير المفيد .

-لأنني اعتقد بانه لا توجد عصبية غير مفيدة بصورة كاملة (بالنسبة لنفس الشخص العصبي)، لأنه لو لم تكن مفيدة بالنسبة له، اذن لماذا يفعلها؟

-الكثير يراجعني يريد التخلص من هذه الصفة لأنه يعتقد انها مضرة لصحته وعلاقاته الاجتماعية، وعندما اساله عن تفاصيل حياته يتبين انه يسيطر على اطفاله عن طريق الغضب، ويقلل من مطالب زوجته غير المعقولة بهذه المهارة، ورئيسه بالعمل لا يطلب منه دواما اضافيا لأنه لا يتحمل صياحه...

- اذن لماذا يريد جلسات للتخلص من العصبية؟
بالتأكيد هو يدرك انها مضرة بالنسبة لصحته ولحياته الاجتماعية لكنه لا يعرف طريقة اخرى لتحقيق ما يريد.
-اي ان بداخله جزئيين: احدهما يتمنى ترك الغضب لأضراره والاخر يريد استمراره للفوائد التي يجنيها منه.

اذن كيف يمكن مساعدة مثل هذا الشخص؟
الكثير يقترح تعليمه الاسترخاء والتنفس العميق والتكلم بهدوء وتغيير المكان والانشغال بأشياء اخرى... والواقع ان هذه الاشياء مهمة في علاج العصبية لكنها مهارات مكملة وليست اساسية.
- المهارة الاساسية هي تعليمه مهارات تساعده على تحقيق ما يريد بدون اللجوء للغضب.

ولتوضيح المسالة لنفترض انه تعلم الهدوء والكلام الايجابي، واخذ يتكلم مع اولاده بصوت واطئ وحنون ومهما عملوا في البيت يبقى هادئا ولا يعمل شيئا..
تخيلوا مقدار الهرج والمرج الذي سيحصل في مثل هذا البيت لانهم سابقا تعودوا على الصياح وتكسير الاشياء ليعرفوا ان ابوهم غير راضي عن تصرفاتهم.

اذن ما هو الحل؟
الحل هو اقناع جزؤه الذي يريد استمراره بممارسة الغضب بانه من الممكن الحصول على نفس الفوائد بدون العصبية... من خلال تعليمه مهارات تجعله يستغني عن الغضب، اي:
-كيف يسيطر على شيطنة اولاده.
-كيف يطلب من رئيسه ان لا يكلفه بعمل فوق طاقته.
-كيف يقنع زوجته بان طلباتها غير واقعية.
-بعد تعلمه هذه المهارات يأتي دور الاشياء التكميلية مثل التأمل والتنفس العميق والاسترخاء...

د.محمد السرحان باز کردن / نظر دهید

2023-04-20 02:25:19 المواقعة الجنسية الأولى من الناحية النفسية
الليلة الأولى للعريسين هي أصعب ليلة لكليهما، فالتحضيرات و متطلبات الزفاف و الانشغال بأدق التفاصيل قبيل هذه الليلة كثيرة منها تحضير مكان السكن، اختيار الأثاث و غرفة النوم، شراء الملابس و مستلزمات المطبخ و طباعة بطاقات الدعوة و دعوة الناس و تحضيرات ليلة الحنة و تحضيرات ليلة الزفاة و بالنهاية و بعد كل هذه الجهود يختلي العروسين في غرفة واحدة و هنا يبدأ الامتحان الصعب لكليهما فقد تعمد بعض العوائل إلى الوقوف خارجا عند باب الخلوة بانتظار النتيجة كما لو كانت اختباراََ مما يسبب ارباكاََ للعريسين فالرجل يصبح تحت ضغط (هل هو قادر او غير قادر.. بالعامية العريس رجال لو لا) و الزوجة تكون تحت ضغط( العروس عذراء او لا) و الكل يريد أن يعرف النتيجة مما يؤدي إلى الفشل في ذلك اليوم، ممكن ان لا يحدث انتصاب عند الزوج او ان الزوجة تتشنج مما يصعب الايلاج و بين هذا و تلك تبدأ الاقاويل (ها ابنكم ما يكدر و مو رجال.. ها بنتكم تخاف لأن عدها شي قبل الزواج)
يبدأ العريسين بمراجعة إلاطباء اذا استمر الفشل لأكثر من اسبوع فيهرع الرجل بمراجعة أطباء اختصاص الباطنية و البولية و التناسلية و في أسوأ الحالات يراجع المعالجيين الروحانيين ظناََ منه انه مس او سحر... أما الزوجة فيتم عرضها على طبيبة النسائية لتكشف عن عذريتها و بالطبع الفتاة عذراء و قد يتم عرضها على المعالجيين الروحانيين... المشكلة ان اغلب هذا الفشل هو إما تعب الرجل الفيزيائي بسبب تحضيراته للزفاف و اما ان يكون خوفه من الفشل فيكون عامل نفسي مسبب للحالة او بسبب ان الزوجة صغيرة في العمر و قد سمعت مسبقا قبيل ليلة الزفاف ان هناك غشاء بكارة لم تسمع به قبل ذلك و انه اذا حدث نزيف فهي عذراء و اذا لم يحدث النزيف فهي مذنبة و غير عذراء فتخاف من العلاقة و قد ترفضها، أو أنها تعتقد أن الجنس مؤلم و هذا يحدث لكل الأعمار فتتقلص عضلات الجهاز التناسلي للفتاة مما يصعب او يستحيل حدوث الاختراق...
و بعد حدوث الفشل تبدأ العجائز من العائلتين بإبداء النصائح و الإرشادات و التي لن تنفع بل على العكس تزيد من الطين بلة، فكل واحدة منهن تجلس متربعة و تعين نفسها طبيبة او مختصة و تتشدق بالحديث و النصح،
اما الأجدر والافضل من العريسين ان يجدوا حلاََ لنفسيهما بمراجعة اهل الاختصاص فبعد ان يتم التأكد من سلامة الرجل عضوياََ يبدأ العلاج النفسي عن طريق مراجعة طبيب مختص بالطب النفسي لوضع الحلول لهذه المشكلة و تكون عن طريق العلاج الدوائي و النفسي .
بارك الله لكم في ازواجكن و زوجاتكم و جعل الخير حليفكم
تحياتي
د. بتول عيسى
اختصاصية الطب النفسي
#د_بتول_عيسى باز کردن / نظر دهید

2023-04-17 15:34:23 فحص الثدي الذاتي
$$



معلومات طبية عن مختلف الامراض وعلاجها

https://t.me/doctoristishara باز کردن / نظر دهید

2023-04-17 15:14:26 سرطان الثَّدي يُعتبرالمرض الفتَّاك الأوَّل في العالم عند الإناث ..
و من هنا أتت أهمِّية الفحص الذاتي للثَّدي، و دور الفحص الدوري للثَّدي في الكشف المبكِّر لسرطان الثَّدي ..
و قد زادت حملات التَوعية بضرورة الفحص الدوري للثَّدي، وتمَّ تخصيص شهر تشرين الأوَّل سنوياً للتوعية من سرطان الثدي، حيث تزداد فيه حملات التَوعية بأهمِّية الفحص الدوري للكشف المبكِّر عن سرطان الثَّدي، و عمل ندوات و مؤتمرات و برامج تثقيفية و عروض مجانية لتشجيع السيِّدات على القيام بالفحص الدوري للثَّدي ..

يوجد ثلاث طرق لفحص الثَّدي للتشخيص المُبكِّر لسرطان الثَّدي هي :

١- الفحص الذاتي للثَّدي : تقوم السيِّدة بإجراء الفحص الذاتي للثَّدي مرَّة كلّ شهر بعد الإنتهاء من الدورة الشهرية ..
و يتم الفحص بمعاينة الثَّديين أمام المرآة بالنظر، و ملاحظة حجم الثَّديين و شكل الحلمة و الجلد، و ملاحظة أيّة تغيُّرات فيها .. ثمَّ يُجرى الجسّ براحة الأصابع بشكل دائري و تحت الإبط .. و يُفضّّل أن تقوم به أثناء الإستحمام حيث أنَّ رغوة الصابون تساعد في سهولة إجراء الفحص الذاتي .. و على كلّ سيِّدة أن تعرف قوام ثدييها، و عند ملاحظة أيّة تغيُّرات أو جسّ أيّ كتلة يجب التوجُّه إلى الطبيب فوراً دون إبطاء أو تأخير ..
إنَّ الفحص الذاتي للثَّدي هو إحدى أهم إمكانيات الكشف المُبكِّر، و يجب إجراؤه بشكل دائم و منتظم بدءاً من عمر 20 سنة .. و إنَّ إكتساب الخبرة بإجراء الفحص الذاتي للثَّدي شهرياً، يسمح لكلّ أُنثى أن تتعرَّف على أنسجة و بنية ثدييها بشكل دائم و منتظم، ممَّا يجعلها قادرة على كشف العلامات المُبكِّرة لسرطان الثَّدي .. و ذلك بالإنتباه لأيِّ تغيير في الإحساس أو في نسيج الثَّدي أو وجود نزّ من الحلمة أو تغيُّر في شكلها .. و عندها يجب مراجعة الطبيب الإختصاصي فوراً ..

٢- الفحص الطبِّي عند الطبيب الإختصاصي : يُجرى عند وجود إصابة بسرطان الثَّدي في العائلة، أو وجود سوابق لإستئصال كتلة سليمة من الثَّدي، أو وجود عوامل خطر .. عندها يُنصح بإجراء فحص الثَّدي في العيادة عند الطبيب مرَّة واحدة كلّ سنتين حتَّى عمر الـ 40 سنة، ثم مرَّة واحدة كلّ سنة ..

٣- التصوير الشعاعي للثَّدي (الماموغرافي الرقمي Digital Mammography) : يعتقد البعض بأنَّ إجراء الماموغرافي ضروري عند أيِّ شكوى في الثَّدي .. و هذا خطأ ..
إنَّ إجراء الماموغرافي للمسح و التقصِّي عن سرطان الثَّدي يبدأ بعمر الـ 50 سنة ..
أمَّا النساء اللواتي لديهن أُمّ أو أُخْت أو خالة أو جدّة أُصيبت بسرطان الثَّدي .. فيجب إجراء أوَّل ماموغرافي بعمر 40 سنة ..
منقول باز کردن / نظر دهید

2023-04-17 01:36:26 بعد كل ولاده طفل نروح و نبارك للعائله المولود الجديد
خليني احجيلكم شويه عن متطلبات الروحه كخطار لصحه افضل للام و الطفل :
١. قبل ما تروحون خطار اخذوا موعد من الناس اللي رايحلهم
٢. اخذوا اكل وياكم بالاخص اذا الام و الاب ساكنين وحدهم بيتزا مثلا او لفات شاورما حتى لو لفات فلافل ما عدها وكت الام و راح تعجبها الهديه
٣. اغسل ايديك قبل ما تدخل و قبل ما تشيل الطفل
٤. اذا انت مريض لا تروح و اذا عندك طفل مريض لا تاخذه
٥. احتفظ بنصائحك لنفسك
ما يحتاج لنصيحتك
عدا اذا نصحتي الام تتابع الصفحه
هاي اوكي
عداها سوالف التكحيل و الثوم و الكبسوله ع الصرة و من هاي الخرافات عوفيها لا تكوليها
٦. اذا تكدرين تقدمين المساعده قدميها مو عيب
تحتاج الام الى الراحه
و اذا كلش صديقتك اساليها محتاجه شي اجيبه ويايه؟
٧. دائما طمني الام
الام اللي والده توا تكون هرموناتها متخربطه
تشوف نفسها سمينه او ما حلوه او او
كوليلها شطالعه
شكد لطيفه
شكد حلوه
راجعه احلى من قبل
٨. مو ترحين و تاخذين جهالك الاثنين اللي انت بالكوه جارعتهم و جارعه وكاحتهم و تبلش المره تنظف وراكم
و تزيدين الهوسه هوسه
شكرا لا تجين احسن
٩. طلبتي موعد و ما قبلوا او اعترضوا
عادي و شنو يعني
مو تسويها سالفه
من حقهم لان تعبانين
١٠. بلا صور بلا صور بلا صور
منو يكول يقبلون
و منو يكول عاجبهم
و لا تنسين لا تنشرين الصور لان منو يكول يقبلون
الصور تدخل من باب الحريه الشخصية غير مسموح نشرها
١١. لا تسالين هوايه
هن كم سؤال و بس
لا تحققين
١٢. مو تهملين الاخ او الاخت الاكبر للطفل علمود لا يحس بالغيره و عدم القيمه
شكد حلو لو تاخذين للطفل الكبير هديه
١٣. ممنوع تقبيل الطفل المولود ممكن تؤذيه و تمرضيه و اكثر من حاله منشورة عن وفيات صارت عند حديثي الولادة بسبب قبلة
١٤. اذا حسيتي الطفل جوعان انطيه لامه
١٥. مو الا و مو شرط تشيلين الطفل عادي يجوز امه ما تقبل
١٦. حتى لو تكولك جيبي الجهال و تعاي
تره دا تكذب عليك
ما تريد
و اصلا مو مناسب
لا ترحين انت و اولادك ابدا للي والده جديد
١٧. لا تخلين عطر قوي من ترحين
و اكيد ممنوع التدخين
١٨. ابدا لا تكعد الطفل
غير مسموح
١٩. لا يكون صوتك عالي
٢٠. اذا الام ترضع طبيعي لا تكوليلها هاي شنوو بعدك ترضعين طبيعي و هذا التخلف
بالعكس اللي ترضع طبيعي هي الصح
٢١. ابدا لا تضوجين اذا شفت الام غير شكل او متوتره او عصبيه
مو معناها غير مرحبه بيك
٢٢. لا تطولين هوايه بالزيارة حاولي تكون حوالي نص ساعه و اذا اقل بعد احسن
.
.
و بس
د. سيف سمير البياتي
اخصائي طب الاطفال
اخر ملاحظه قبل ما اروح مو تاخذين سيت كلاصات لو بطانية احبك عندها مال عرسها ما يحتاج باز کردن / نظر دهید